趕故書生 2019-1-21 21:25:29 「喂！中午食咩好啊？」蔥仔問佢前面嗰位女仔。

個女仔嬲爆爆咁答佢：「唔知啊！」

「喂啊，唔好嬲啦，頭先講下笑咋。」蔥仔成日都唔識死，係鐘意激嬲穎藍。

「好心你就唔好成日激嬲佢啦，激嬲完人又要道歉，你真係自己攞嚟。」坐佢隔離個女仔都忍唔住出聲。

「好啦……我知錯啦，最多一陣凍飲我嘅！」

「唔好理佢姐，淨係得凍飲喎！真係小家到佢啊。」我係旁邊同小男講。

小男係穎藍嘅暱稱，其實佢係女仔嚟，但係就比較男仔頭，其他人就叫佢小男，不過其他人就會話係男人個「男」囉。

「夏晨！你唔好亂咁係度加鹽加醋啦。」蔥仔不滿道。

其實明眼人都睇得出蔥仔係鐘意小藍嘅，只不過佢自己都唔認，好幾次我單獨同蔥仔傾嘅時候，佢都避啊避咁樣。

小藍就更加唔知添，佢哋不嬲都係咁反復無常。

我呢，就坐係小藍隔離，而蔥仔呢，就同我女神坐。

所以我女神紫蘭，就坐係我後面。

中學嘅緣份真係好奇妙，我哋本來唔熟，我哋中四分班嗰陣，大部分都係由其他班五湖四海咁聚埋一齊。

我哋喱班係econ班，全班主修econ，剩底嗰科就睇自己想讀啲咩。

個個一入嚟都係痴返之前自己班，識或者熟嘅朋友一班，所以一開始個個圈子係分得好明顯。

趕故書生 2019-1-21 21:25:55 就連班主任分好座位，唔熟嘅都係唔會點講嘢。

但好彩嘅係，分好座位之後，班主任都懶得再分，佢就任由我哋就咁樣坐，我哋都咁樣坐咗一年啦。

我哋四個慢慢打破隔膜，我都唔記得咗由幾時開始熟，我諗係慢慢一件一件事堆疊吧？

「唔好彩佢姐！佢咁惡。」我笑住咁同小藍講。

「好！」小藍都同意。

「邊個叫佢咁可惡，話你男人婆，俾我就嬲死佢啦。」我斜斜地望住蔥仔，對住佢賊眉賊眼咁笑。

蔥仔伸手過嚟戳我一下腰位個笑穴，假生氣地說：「你條友仔啊！」

「好啦好啦，蔥仔佢加多個雪糕，你就大人有大量，原諒佢啦。」通常我幫下口，小藍就會算數。

其實佢唔係成日嬲㗎，佢同我哋班啲男仔好玩得，但佢唔鐘意人哋話佢男人婆。小藍樣子係幾討好，不過就性格男仔頭啲，豪邁無架子，有足夠嘅親和力。

情緒亦都係來得快去得快。

「哼！」小藍無轉過頭去同蔥仔fd返，睇怕依家都仲係唔想理蔥仔住。

蔥仔都好識做，繼續抄呀紫嘅功課。

而我，由一年前坐係喱個位置無幾耐，就睇上咗呀紫。佢嗰種文靜而又正經嘅氣質，好吸引我注意。

係我哋幾個未熟嘅時候，我會成日借啲意問後面嘅蔥仔借嘢，目的就係可以偷偷地望下呀紫。

事關一開始問隔離個女仔借嘢唔係咁好，問男仔好啲，所以就會問蔥仔，問問下我同蔥仔都熟稔起嚟，跟住就會影響埋周邊嘅人。

趕故書生 2019-1-21 21:26:15 我哋幾個可以坐埋一齊，好難得；亦都好難得咁開心。

「今日一齊放學啦。」蔥仔叫道。

「唔啦，今日我想打多陣波。」今日禮拜五，聽日又唔洗返學，好多人都會揀喱個時候放學留係度打波。

學校個操場，都唔知留低咗我幾多腳毛。

「又打啊？」蔥仔身形小小肥，但又懶得做運動，最大興趣呢，就係同一般男性一樣——打機！

「我唔打波會死㗎。」我已經執好曬嘢，準備好一打鐘就衝落操場。

呀紫都因為要補習而早走，中四嗰陣我哋四個都會間唔中一齊放學，一齊去學校後面嘅M記食杯雪糕已經夠我哋坐上個幾兩個鐘。

對我哋嚟講，食個麥旋風已經係高消費，有多個閒錢剩先會嗌，平時都係新地多。

「小藍，你都無嘢做㗎啦，一陣一齊放學啦？」蔥仔問小藍。

小藍早就嬲完，不過佢聽到蔥仔話佢「無嘢做」，又心有不甘，道：「你個頭就無嘢，我不知幾忙啊，一陣放學要返屋企補習啊。」

到咗中五，距離DSE越嚟越近，好多同學都開始慢慢走去補習，咩類型嘅補習都有，為嘅就係提高自己成績。

「都可以一齊放嘅，我哋又順路啊係咪？」蔥仔興奮咁講，難得佢可以單獨同小藍一齊放學，又難怪佢會咁興奮。

「唉，好啦。」小藍勉為其難咁承認。

係我眼中，佢哋感情真係好好，相反我同呀紫就好似香港同九龍咁，隔咗個海。

放學嘅鐘聲敲響我哋嘅期盼，個個都急不及待咁咩起書包準備行出課室，呀紫執好嘢之後，然後輕輕叫咗聲，「喂……」

天久(L259) 2019-1-21 21:26:16 又重出？

趕故書生 2019-1-21 21:26:37 我轉頭望住佢，睇嚟佢唔係叫我，而係叫「我哋」，不過呀紫欲言又止。

「都係無事啦，下次再講啦！」然後呀紫就行出班房，我嘅視線無離開過呀紫半步。

可以咁樣望住自己鐘意嘅女仔，對我嚟講，已經好滿足。

「小藍！行啦。」蔥仔同小藍都走埋，周圍得返我一個。

可以痛痛快快打返場波，係做學生哥嘅幸福啊！

今日實在打得好痛快，唔經唔覺夜色已深沉，學校操場都著埋燈，得返幾個人唔捨得走，仲諗住「埋齋」先走。

禮拜五無老師會趕你走，不過淨係得禮拜五，佢哋都會俾學生瘋狂下嘅。

我自己入去更衣室吹下風扇，吹走陣臭汗味先返去，廢時一陣搭巴士臭親人。

等我出返嚟嘅時候，操場已經一個人都無，我去小食部個汽水機買返罐冰極檸檬茶飲下。

打完波，熱死辣辣咁，飲返罐冰極，個喉嚨爽到啊，簡直係人生一大快事之一啊！

我剛剛嘟完八達通，㩒完個冰極，等緊冰極bb出世，誰不知天空中出現一下強光。

我頭頂上忽然間有一陣好刺眼嘅光芒，刺到我睜唔大隻眼。

「哇！屌！」我第一句就係屌出嚟先，真係嚇親我。

因為個汽水機行前兩步就係操場，所以咁啱可以睇到出面咩環境。

當期時明明已經天黑架啦，點解仲會發光嘅？

繼而聽到一聲巨響，勁大聲咁「砰」一下。

琴秀畢儒 2019-1-21 21:28:48 唔理kiki啦？

:^(

趕故書生 2019-1-21 21:36:59 之前我斷咗好幾個故，寫到一半無再寫落去，好多時都係因為自己衰，先無繼續落去。
喱幾個月嚟我重新接手返我個斷尾故，亦都幫個故執頭執尾，重新構思過，想將以前舊故做好佢。
我知流失好多讀者，今次我預先寫咗好多儲貨，我會慢慢出。
我會將斷咗尾嘅故再寫返好佢，唔敢講要再支持我，但我會繼續出，想慢慢做返好佢。

趕故書生 2019-1-21 21:37:53 完咗喱個斷尾故會再出返

:^(

趕故書生 2019-1-21 21:38:58 然後嗰種刺眼嘅光芒漸漸消失緊，我嘅視力都慢慢恢復。

「搞乜鬼啊？」

一切正常之後，我發覺好似無咩異樣咁，於是乎行前少少睇下發生咩事。

我個心係淆緊底㗎，但同時又壓抑唔住自己嘅好奇心，最後都係抱住一個「無事嘅」心態行咗出去。

行出去之後，係學校僅有嘅微弱燈光之下，我見到一名白衣少女慢慢向我行過嚟，頭髮四散。

成隻鬼咁撚樣，我當堂嚇傻咗，即刻向後跑，諗住跑返去更衣室。

但我一想郁嘅時候，個白衣少女一瞬間飄到我面前。

「哇！我屌！」我又再講多次粗口，真係情不自禁，下意識下意識，唔係有心，平時我唔係咁㗎。

白衣少女其實長得好標誌，好純真，我俾佢完美嘅容貌而放下戒備心，可能喱啲就係男人嘅天性啦。

「嗨！」白衣少女露出一個有如老人家嘅慈祥笑容，令人感覺好窩心。

「咩……咩…事啊？」我雖然係鎮定返啲，但一開口唔知點解都係震震地，感覺又柒柒地。

「我想問呢，喱度係邊度啊？」

白衣少女打個照面之後，就企返後啲，我先可以清楚見到佢個人。

佢身穿一條白色連身裙，淨係得一條連身裙，身上係乜嘢都無，連鞋都無對。

「咩……邊度啊！？你係……咩人啊？點解入到我哋學校架！？」

我可以想像到自己係幾咁狼狽同埋樣衰，成個幾乎仆係地下咁制。

「我？我係天使囉！我嚟喱度睇下你哋人類生活成點囉。」

「Kero？」

對比起天使，我更加相信喱個世界有外星人，情急之下，我諗緊佢會唔會係細細個睇過嘅卡通片，一隻外星青蛙侵略地球嘅故事。

「 Kero Kero？」我好認真咁確認緊，隻手都因為太驚而無曬力。

「咩Kero啊？你叫Kero？」白衣少女睇怕誤會咗我意思，不過佢九唔搭八咁嘅款，唔係外星人就姐係痴線㗎啦？

當務之急就梗係三十六計，走為上計啦。

白衣少女有文有路，仲笑得好天真爛漫咁，反而搞到好似我先係衰人咁。

琴秀畢儒 2019-1-21 21:39:23

:^(

你話架，呢個故都唔好又斷

:^(

趕故書生 2019-1-21 22:23:54 我會慢慢寫㗎。

趕故書生 2019-1-21 22:28:43 「痴線啦你！天乜鬼使啊？你似外星人就真！」我廢事同喱個痴線嘅人講嘢，我都係快啲換衫走人算，就好似啲sale咁，越傾落去就越大鑊。

我一路行返去，個白衣少女就一路跟住我。

「Kero！你去邊啊，等埋我啦！」

睇嚟佢真係當咗喱個名係我個名喎……

我行到男更衣室面前，一嘢推門入去，心諗佢應該唔會跟埋嚟啦……

「等埋啦。」白衣少女都跟住推門入嚟。

「喂！你做咩入嚟啊！」我大嗌，真係嚇親我。俾佢一路嚇到入嚟，我仲心諗佢會唔會係鬼嚟……聽講啲女鬼都好靚架……

我一諗到喱度，我打咗知冷震，心諗：佢會唔會真係女鬼嚟架？

我真係唔知佢咩料，識無啦啦閃過嚟，外星人？鬼？定真係天使？

即刻對佢嘅戒備心出返曬嚟……

趕故書生 2019-1-21 22:29:06 角色好似轉曬咁，好似我係女仔咁，準備俾人強姦嘅款。

依家真係驚多過諗歪嘢，頭先嗰陣閃光仲刻係我腦海入面添。

「做咩唔入得嚟啊？」佢嗰個傻頭傻腦個樣，真係會令人氣急敗壞。

「喱度男更衣室嚟架！女仔梗係唔入得嚟啦。」

「但係……我…喱度無人無物喎……」喱個女仔又蠢唔曬，識得扮可憐。

佢扮可愛嘅喱一下仲有啲似陳研希添，差啲就心動了。

「得啦得啦，你係出面等下我啦，我好快就出嚟啦。」我半推半就咁將佢送出去。

係我換緊衫嘅同時，我係度懊惱緊佢究竟係咩人……究竟係人係鬼都唔清楚。我個腦不停盤算緊點樣賣甩佢，係香港地做人嘅原則就係：路見不平，跋腿就跑。

我換好曬衫，執好曬嘢，出去嘅時候，佢果然仲係度。

不過佢係百無聊賴咁係度等，周圍咁觀察緊。

佢楚楚可憐嘅背影，加上佢頭先都無乜惡意嘅份上，我都係放棄咗頭先想走嘅念頭。

我頭先想趁佢背住我嘅時候，一下就跑咗去，頭也不回，最後都係算啦。

「喂！」我叫下佢，佢先識得反應過嚟。

「Kero！」佢好開心咁拎過嚟叫我花名。

我已經無所謂了。

我無佢咁好氣，「走啦！」

「走去邊啊？」

「返屋企啊！」我唔耐煩咁講，究竟佢咩人嚟架？咁奇怪嘅？

「做咩咁惡喎……」白衣少女佢扁嘴望住佢，唔講我仲以為佢BB仔嚟，咩都唔識。

鬼會唔會咩都唔識啊？唔係人死咗先會變鬼咩？點會連少少嘢都唔識啊？

「好啦，我怕咗你啦！咁去食嘢好無？」

「食……？」白衣少女好似仲想問咁，但佢經過前幾次嘅教訓之後，都識得乖乖地收口，無繼續問落去。

「好啊！」爽爽快快咁樣咪幾好囉。

我哋一路由更衣室行出校門，佢就不停咁四圍望，唔知係度望乜嘢，係佢眼中，我哋學校好似好新奇咁。

我哋出咗學校門口之後，往老麥嘅方向行，我忽然間想食老麥嘅脆香雞翼餐，於是乎就帶住個三唔識七嘅白衣少女去。

係咪好奇怪呢？

係啊！成件事我都覺得神撚奇，唔知做乜鬼咁。

「啊，係呢，你叫咩名啊？」有時間就chock下佢咩料子。

「Er……我叫小瑤啊。」

終於知道個白衣少女叫咩名啦，條友傻下傻下咁跟係我後面，唔知做乜鬼。

我直覺話俾我知呢……我硬係覺得佢好古怪，好似密謀緊啲咩咁，不安好心！

不過最估唔到嘅係，喱個神神化化嘅女仔竟然有個咁好聽嘅名。

「咁你做咩係我間學校到嘅？你仲要著到咁。」

我再望一望佢隻腳，纖幼而細長嘅小腿，不過就硬係差咁啲嘢咁。

唔係！佢仲未著鞋喎！

聰耳不聞 2019-1-21 22:29:29 已經第三次開

:^(

趕故書生 2019-1-21 22:34:12 所以唔可以再開了

:^(

今次要一氣呵成

:^(

聰耳不聞 2019-1-21 22:34:46 聽住先

:^(

琴秀畢儒 2019-1-21 22:36:27 加油

:^(

得啦我改名啦 2019-1-22 00:43:07 留名

:^(

求求你唔好爛

:^(

正減俊 2019-1-22 01:24:22 加速

:^(

點？？？？？ 2019-1-22 01:40:41 成日都覺得仲睇梗之前個故

:^(

趕故書生 2019-1-22 14:03:54 原來佢一直都仲係赤腳緊，我依家先發現……

「喂！你仲未著鞋喎，你唔痛咩？」

「唔會啊，都唔痛。」小瑤擺出一款無事嘅款，啊……又幾自然喎，好似真真地。

「我係天堂嘅時候都係咁樣赤腳架啦，都慣咗啦。」小瑤低頭望一望自己隻腳，係我眼內，如果佢唔係咁神化，其實都幾可愛啊。

「咪住先！你頭先話咩天堂話？」

條友係咪打咩Online game打到傻咗啊？你知架啦，喱排都好多人打LOL打到上曬腦，拎刀出嚟劈友，佢會唔會都係咁架？

「我係話，我來自天堂，我係上面嘅天使嚟架。」小瑤個樣好嗱認真，嗯……有個詞可以形容下嘅……

低能。

「咪玩啦！成日打機打到傻曬。」我無佢咁好氣，直接行入老麥度。

我見無乜人，就自己去咗嗌嘢食，嗌完先去求其搵位。

「啊小瑤……你食咩啊？」我轉身問佢，我見佢咁嘅打扮，應該都身無分文架啦。

「咩嚟架？」佢好似未見過M記咁。

「下？你唔係掛？你未食過M記？」小瑤佢搖搖頭。

「咁你肚唔肚餓啊？」我係度諗，佢會唔會好似啲電視劇咁，因為有錢得制而未食過喱啲平民嘢呢？

「嗯……其實我都唔係好清楚，少少咁啦。」

我開始習慣佢講嘢嘅邏輯，1999咁，由得佢啦。

趕故書生 2019-1-22 14:04:21 我會

:^(

趕故書生 2019-1-22 14:05:01 有啲情節都仲係一樣嘅

:^(

冬凊 2019-1-22 16:55:44 求下你唔好再走左去唔出文啦

:^(

:^(

趕故書生 2019-1-23 02:55:15 我買咗兩個胞香雞翼餐俾佢，因為我真係好鐘意食，所以我諗……佢都應該鐘意嘅。

不過呢，就算老麥係少人，但都會唔係無人架嘛，我好清楚咁見到其他人望住小瑤個樣，係幾咁奇異嘅眼光。

更甚有啲男人對住小瑤係投以咸咸濕濕嘅目光，的確小瑤係幾正嘅，正常嘅話。

不過點都唔會夠我女神正架啦，溫柔體貼，又善良，係我哋全級嘅女神嚟架。

有時候我哋班上面嘅男仔無嘢做，就會傾下級上邊個最靚，雖然後尾幾個各有分歧，但至少係最靚方面，我哋都一致認為係呀紫。

我見到咁嘅目光，立即拉住小瑤坐到最入。

「嗱，喱餐就當我請，食完好話俾我知發生咩事啦下。」

我估佢都係發細路仔脾氣，然後離家出走啊之類嘅姐，玩夠啦就會返屋企架啦。

佢好似無聽到我講嘢咁，傻頭傻腦咁望住個餐。

「咩嚟架？」

「唔係掛？你無食過脆香雞翼餐？你係咪香港人嚟架！？」我開始覺得成件事有點匪夷所思，好似好多嘢都好奇怪咁，但又唔知咩事……

越係唔知咩事先越想搞清成件事！

「咁…真係未食過啊嘛……」佢又嚟扁嘴，隻手又好慢好慢咁去拎盒雞翼食，好似驚我又會嬲咁樣。

「好啦好啦，你食啦。」見到真係唔忍心，好似我蝦緊佢咁，自己都過意唔去。

小瑤見到我咁，先至安心、快快手咁打開盒雞翼，諗真啲我好似唔識點樣同女仔相處……