Ads
Ads
卡比先生
B route
「……得啦！」MK妹從後一拍你的肩膀，示意你可以轉過身去。然而回首看見那緊皺著的眉頭之時，本來正打算好好向她解釋一番的你還是選擇乖乖閉嘴，免得自己又再說錯甚麼－－更何況面前的兩隻喪屍才是當務之急，你們必須盡快與榮叔他們會合。
考慮到天色、周遭環境以及己方現存的武裝力量，正面與喪屍硬拼只會讓你們陷於更加險峻的處境。因此，你認為採取迂迴路徑避開它們才是上策。
「咁我哋行啦……」你下意識地向後伸出手去，沒想到卻換來MK妹一個警戒的眼神。「……唔理啦……總之你跟實我行就得啦。」
「等等先……你行錯咗方向啊！我哋啱啱都唔係行呢邊過嚟嘅……」她站在原地東張西望了片刻之後，又趕緊追上你的步伐。「喂，你係咪特登扮聽唔到我講嘢啊？」見你一副不聞不問的模樣，才剛從惱羞之中平靜下來的她再次加強語氣斥道。
「噓－－」你立時停下腳步，心想若她此時故態復萌便不妙了。「你咁樣會引啲喪屍跟埋嚟㗎……」你無奈又帶點抱怨地說道，但看到她此際臉上的表情，果然還是有需要向她解釋一番。
「你仲記唔記得我哋係山坡個陣見到嘅個啲喪屍？其中兩隻應該係受到你嘅尖叫聲吸引而過咗嚟附近……嗱，我估㗎咋，唔一定啱㗎。」還未等MK妹發難，你便已經搶先「補充」了一句免責聲明。
『如果你唔係喺我……個陣無啦啦行過嚟，我點會嗌出聲？』你能想像到這句說話剛到咽喉，然後又要硬生生吞回去的感覺，似乎不太好受呢－－看到MK妹的表情，你得出這個結論。
……雖說能看著她這副欲言又止的模樣也是一種奇怪的享受，但還是先辦正事要緊呢。
「點都好啦，我唔覺得我哋主動迎擊嘅話會有好結果……一嚟個天已經黑哂，我哋係無照明嘅情況下同佢哋對抗係完全劣勢；二嚟真係打嘅話，我哋都無足夠嘅彈藥，好快就會失去中距離對抗嘅唯一優勢－－更加唔好講槍聲會引嚟更加多嘅喪屍。」
「但如果佢哋真係得兩隻嘅話，我覺得我哋直接翻去集合地點先係減低風險嘅最好方法喎。」MK妹皺起眉頭說道：「好似你話齋……既然留係野外咁鬼危險，我哋唔係更加唔應該拖長時間咩？」
認同（a）
反駁（b）
「……得啦！」MK妹從後一拍你的肩膀，示意你可以轉過身去。然而回首看見那緊皺著的眉頭之時，本來正打算好好向她解釋一番的你還是選擇乖乖閉嘴，免得自己又再說錯甚麼－－更何況面前的兩隻喪屍才是當務之急，你們必須盡快與榮叔他們會合。
考慮到天色、周遭環境以及己方現存的武裝力量，正面與喪屍硬拼只會讓你們陷於更加險峻的處境。因此，你認為採取迂迴路徑避開它們才是上策。
「咁我哋行啦……」你下意識地向後伸出手去，沒想到卻換來MK妹一個警戒的眼神。「……唔理啦……總之你跟實我行就得啦。」
「等等先……你行錯咗方向啊！我哋啱啱都唔係行呢邊過嚟嘅……」她站在原地東張西望了片刻之後，又趕緊追上你的步伐。「喂，你係咪特登扮聽唔到我講嘢啊？」見你一副不聞不問的模樣，才剛從惱羞之中平靜下來的她再次加強語氣斥道。
「噓－－」你立時停下腳步，心想若她此時故態復萌便不妙了。「你咁樣會引啲喪屍跟埋嚟㗎……」你無奈又帶點抱怨地說道，但看到她此際臉上的表情，果然還是有需要向她解釋一番。
「你仲記唔記得我哋係山坡個陣見到嘅個啲喪屍？其中兩隻應該係受到你嘅尖叫聲吸引而過咗嚟附近……嗱，我估㗎咋，唔一定啱㗎。」還未等MK妹發難，你便已經搶先「補充」了一句免責聲明。
『如果你唔係喺我……個陣無啦啦行過嚟，我點會嗌出聲？』你能想像到這句說話剛到咽喉，然後又要硬生生吞回去的感覺，似乎不太好受呢－－看到MK妹的表情，你得出這個結論。
……雖說能看著她這副欲言又止的模樣也是一種奇怪的享受，但還是先辦正事要緊呢。
「點都好啦，我唔覺得我哋主動迎擊嘅話會有好結果……一嚟個天已經黑哂，我哋係無照明嘅情況下同佢哋對抗係完全劣勢；二嚟真係打嘅話，我哋都無足夠嘅彈藥，好快就會失去中距離對抗嘅唯一優勢－－更加唔好講槍聲會引嚟更加多嘅喪屍。」
「但如果佢哋真係得兩隻嘅話，我覺得我哋直接翻去集合地點先係減低風險嘅最好方法喎。」MK妹皺起眉頭說道：「好似你話齋……既然留係野外咁鬼危險，我哋唔係更加唔應該拖長時間咩？」
認同（a）
反駁（b）
Ads
拜咗一日年