【懸疑】《連登連環殺人事件》
上一頁
第 35 頁
下一頁
奶茶哥基
2019-3-10 16:16:42
得知裡頭有人,康仔再次猛壓門鈴,重覆的發出響聲。
「佢似係唔想開門比我地。」
「咁點算啊?」
「點可以比佢地匿喺入面一直唔出嚟!」禿子說。
他然後粗獷的對門後喊:「你再唔開門,唔好怪我地唔客氣啊!」
說完之後,他一腳踢向門扉,打算嚇嚇屋內的人。
怎料禿子過份用力,整道門筆直的向後掉下來,發出砰啪的巨響,門邊爆裂出碎片。
所有人一臉愕然,包括禿子。
「呃...sorry...」
「Nice。」康仔拍拍他。
眾人望進屋裡,四處不見人。仔細去觀察,只見兩個男人瑟縮在廚房旁邊的小角落。
一個是羅明亮,另一個是個年約五十的男人,他們惶恐地望著康仔他們。
「你地係咩人?」羅明亮顫抖問。
「我地係...」
「連登偵探。」連埋住搶了康仔的話,帶頭走進去。
Ads
奶茶哥基
2019-3-10 16:16:53
羅明亮與那男人互望一眼,站立起來,臉色比起剛才放鬆了一點。
康仔留意他們兩人初時異常驚慌,看來不單純只是因為禿子踢破了門而受驚。
「咁急搵我地有咩事呢,仲要踢爆道門。」羅明亮說。
「點解當初要呃我地?」康仔反問。
「下?」
「當初我地重案組上嚟調查,你果時呃我地「傷心小棧」呢個名既源由,仲話自己一無所知。」
「咩啊,我邊有喎......」
「我地咩都知道哂,唔好再扮喇,係咪Hearts既人指示你咁做?」
羅明亮的臉猝然變得僵硬,怔怔地望向身旁的男人,男人嘆了一聲氣。
「我勸你地唔好知咁多。」那男人說。
「點解?」
「如果你一路有緊貼單case,你應該知我曾經比人喺日本綁架啦?」
康仔啊了一聲:「你就係羅明亮老豆?」
奶茶哥基
2019-3-10 16:17:06
說起來,羅明亮和他的輪廓上確有多分相似。只不過他並不是身在日本嗎?怎麼會回來香港了?
男人點頭:「叫我羅老亮。」
羅老亮續說:「Hearts比你地想像中恐怖,如果你地真係唔識死咁查落去,我怕死左都未知咩事咋。」
日本最大、最惡劣的黑幫之一,他只是回想過去一隅記憶,已經感到十分害怕。
「但係我地而家係生不如死啊!」康仔堅定不移的說:「我身邊每一個人,幾乎都比呢個組織搞到失去最愛既人。如果要我地當咩事都無繼續生存落去,咁仲有咩意思?」
「原來係咁......」老亮聲線變得柔和。
羅明亮向老亮投以懷疑的目光,但老亮噤嘴頷首,仿佛在說這群「連登偵探」是值得信賴的。
老亮向前走,穿過幾人然後回眸說:「我地坐低傾?」
他們來到客廳的沙發坐下,有幾人則拉了幾張摺椅坐在側壁。窗外猛烈陽光浴照整個客廳,令寒冷的氣溫中也有絲絲溫暖。
老亮倒抽一口氣,開始敍說來龍去脈。
「首先非常抱歉,我個仔同你地之前講過大話。我唔係普通既工程師,佢亦唔係普通既廢青——我地都係為Hearts工作既員工。」
「我地當初接到命令,要喺連登開個殺人post,所阿亮就出左「想死既入一入嚟」既帖文。之不過殺戮行動開始後,我地覺得太殘忍太無理,有違我地想做既事,所以之後唔願意配合......點知Hearts既人就捉左我,強迫阿亮當時要去警察總部鬧事。」
「到我被釋放後,我馬上要求離職,但係佢地就因為我知太多關於組織既事而唔比我走,仲要脅話會殺死我。不過我再唔可以忍受同黑幫共事,所以我急忙逃返香港搵阿亮,同佢商量移民既事。」
羅明亮聳肩:「點知傾到一半,道門就比你地踢爆左,我仲以為Hearts既人過嚟追殺添。」
奶茶哥基
2019-3-10 16:17:16
「咁主使你既人係邊個?佢點解要咁做?重案組既內鬼又係邊個?」康仔焦急的問。
「主使人係Angel。」羅明亮答道:「佢係Hearts最高權力者既老婆,聽聞係同連登仔有好大私怨。而你問內鬼既話,老實講我真係唔知,總部命案果件事我只係負責聽命於佢地。」
康仔苦惱的搔搔頭,到底日本黑幫和連登連環殺人事件有何關係?
「不過咁,我仲知道兩樣野。」羅明亮忽然記起甚麼的道:「第一,佢地好似會喺連登post入面傾殺人計劃,避免用whatsapp呢啲媒體,聽講係因為怕比人竊聽到。」
「用連登?我無聽錯下話。」
「只不過呢個只係傳言,我都未曾成功搵出呢個post。」
「嗯,咁第二樣呢?」
「就係Angel既中文名。」
「叫咩名?」
「叫......」
「砰!」
奶茶哥基
2019-3-10 16:17:33
猛然間,客廳的窗戶啪啦的碎落瓦解,一發子彈從刺眼烈陽直射向阿亮的腦袋,再擦落後牆。
阿亮仿佛噎著的呻吟半聲,頭部前後抖一抖動,額頭現見深陷的黑穴,腥血淋淋流出。
他瞬間失去意識,但身子依然靠著沙發上,眼瞳矌張。
「啊......啊!!!!!」
老亮盯著中槍的兒子,淒厲的尖叫。
康仔立即朝著陽光方向看,發現對面大廈天台有個黑色身影。
那人拿著黑色長型追擊槍,槍口對著他們。
「所有人伏低!有追擊手!」
眾人馬上躺在地上,下一秒,另一發子彈便緊接射過來,子彈是瞄準羅老亮的頭顱。老亮趕得及伏下身子,彈頭結果射進牆壁裡。
「啊!仔啊!!」老亮想爬向羅明亮,瘋了的喊道。
連埋住緊緊捉住他:「唔好起身,想死咩你!」
「羅明亮點啊佢...?」禿子呆滯的問,他還弄不清楚狀況。
奶茶哥基
2019-3-10 16:17:43
「打穿左個腦,應該無得救喇。」康仔說。
「點解無啦啦會咁......」
康仔把目光放在老亮身上:「有人要殺你地兩父子。」
「係Hearts,一定係Hearts!」老亮咆哮。
「當務之急,我地要保護老亮離開呢度先。」
說罷,再有一發子彈射過來,但目標沒有朝向任何人,應該是當威嚇作用。
幾人不再浪費時間,立即逃離。老亮想帶著死去的兒子一起走,隨即被眾人阻止。
「我地無時間慢慢搬佢走呀,其他殺手可能隨時殺到上嚟架。」連埋住拉走他。
「仔......對唔住......」
他面色鐵青的嘀咕,然後便被拉扯離開。
住宅對面的大廈天台上,黑色身影見所有人伏下消失不見,便換了另一顆緋紅色的子彈,子彈上印有Hearts的標記。
那人上彈後向羅明亮的屍首瞄準,然後射了過去,屍首馬上爆炸。
爆炸威力強大,位於走廊的眾人逃走時也強烈感受到,禿子更嚇得仆倒地上。
康仔回望,只見住宅已經燃起雄雄烈火。
賓周短過春袋
2019-3-10 16:42:09
推
:^(
:^(
:^(
奶茶哥基
2019-3-10 17:04:22
推
:^(
三條六
2019-3-10 17:41:33
angel仲唔係美玲
:^(
米水比
2019-3-10 17:54:20
留名
觀塘美欺
2019-3-10 17:59:56
為咗唔俾人知而喺連登傾會唔會太牽強
:^(
btw係狙擊手
Ads
奶茶哥基
2019-3-10 18:22:02
最危險既地方,先係最安全
:^(
警方一向以正常途徑去查,唔會估到佢地用連登作為犯案工具
:^(
奶茶哥基
2019-3-10 18:26:23
:^(
賓周短過春袋
2019-3-10 18:38:10
你唔講我已經唔記得咗有呢個人咁濟
:^(
Burrrr
2019-3-10 21:41:49
喺日本失蹤
日本黑幫
內鬼
覺得係美玲同子hei
:^(
(唔記得點寫
:^(
:^(
)
奶茶哥基
2019-3-10 22:45:04
:^(
:^(
:^(
轉圈轉圈哈姆共你
2019-3-11 08:53:38
:^(
宮崎喵
2019-3-11 15:29:43
文
:^(
奶茶哥基
2019-3-11 21:55:34
2.
「創傷後遺症?」
「無錯。」醫生對著攤在病床,呆若木雞的羅老亮說:「佢唔記得哂近幾年發生既事,而且仲變得傻下傻下咁,我諗要康服既話可能需要一段漫長時間。」
「漫長?」康仔焦躁萬分:「咁即係幾耐?」
「可能係一年、兩年、五件甚至更耐。」醫生瞧瞧手錶:「我仲要去睇其他病人,唔阻你地。」
他把話撇下後,沒理會康仔他們反應便走出裝潢殘舊的病房。
「公立醫院啲醫生真係特別唔負責任...」
「算啦。」連埋住說環顧病房:「每間病房都成五、六個病人,點理得咁多。」
一旁的禿子搔搔頭:「老實講,其實老亮會唔會係扮傻,唔想同我地講Hearts既野咋?」
連埋住盯著精神恍惚的老亮:「就算係,我地又可以點喎,唔通夾硬迫佢講咩。」
「羅明亮既死對佢已經好大壓力,而且Hearts既人又想對佢落毒手,如果佢真係扮傻而逃過一死,我覺得無可厚非既。」
「但係我地既線索而家就完全斷哂喇。」
康仔重拳敲向牆壁,垂頭喪著氣。
事情為何會弄成這個田地?
除了胡文軒,到底重案組之中誰最大機會與日本黑幫有關係?
Angel,到底又是誰?
他百思不得其解,頭痛得快炸裂。
奶茶哥基
2019-3-11 21:55:44
「等等先,我記得羅明亮講過,Angel同阿田係會用連登Post嚟溝通關於殺人既細節。」連埋住抱起胳臂說。
「咦,係喎。」康仔說:「咁我地三組人一齊逐一查翻以往既Post,咁咪實搵到囉。」
「不過呢個就係我想講既難處......」連埋住面有難色:「連登每日既新帖文成千上萬,要搵根本係大海撈針。」
「而且...」禿子有點尷尬的開口:「羅明亮被暗殺之後,我將件事講左喺查案個Whatsapp group…...有唔少人怕同Hearts作對會有生命危險,五十個人有一半人走左......」
康仔咬咬牙,對於一切不利因素感到莫大煩躁。
「不如,放棄算啦。」連埋住問。
「...你地唔查我自己去查!」
他不忿的奔出病房,直落到醫院大門外。
掏出煙盒,一連抽了三支煙,康仔依然屈悶,感覺有些吃不消。尤其想起MK晴,他顯得更痛苦。
病人家屬來來往往,他望著這片景象,孤寂之意又再湧現。
最後還是只能靠自己,他嘆息。
他不想浪費時間,立即拿出電話按入連登,嘗試尋找hearts之前作溝通的帖文。
搜尋了關鍵字:「Hearts」、「阿田」、「Angel」等等......
得出來的結果多不勝數,他逐一審視,看看會否得到有用資訊。
唔係呢個,唔係呢個post......
他喃喃地不斷否定。
時間飛逝,不經不覺便過了三個小時。
奶茶哥基
2019-3-11 21:55:55
康仔仍不放棄,手機電池也所剩無幾,他依然不放棄。
隨手伸進口袋,想再把煙盒裡的煙支掏出,怎料一分神,煙盒滑出口袋跌在地上。
他彎低身想要拾起它時,另一隻白哲的手搶先拾起了他的煙盒。
「你跌左野。」
康仔抬頭,只見一個穿白色高貴大衣的女人,隔著口罩莞爾地遞他煙盒。
「唔該...」
「唔好食咁多煙啦,對身體唔好架。」
她說罷轉身步入醫院。
凝望她的背影,純白的背後透出神秘的氣味。
*
Ads
奶茶哥基
2019-3-11 21:56:09
明天,踏入星稀的晚上。
咖啡室只有康仔一位客人。
員工們通通擠在電視機下,新聞正播放著突發新聞——公立醫院某病房忽然爆炸,造成三人受傷,一名男子死亡。他們紛紛討論著,列出各式各樣的陰謀論。
康仔點了的藍苺芝士蛋糕,一口也沒有吃過,放在桌上已有近小時。
花了一整天,康仔對案情毫無頭緒。
還是放棄吧,他想。
一路以來所做的事根本徒然無功,或者他應該聽子熹所說的話,放下過去展望將來。
就算明知道重案組裡有內鬼,只要不去揭開真相,日子也能似從前一樣。
只不過......
他實在對MK晴不起。
康仔伏在桌上,用雙臂掩藏愁容。
鈴鈴鈴......
咖啡室玻璃門驟然開了。
先是輕柔的腳步聲,康仔然後聽到前方有拉椅子的聲音。
他未有理會,繼續攤伏桌上。
一把女聲亮起:「做咩咁浪費件蛋糕啊?」
奶茶哥基
2019-3-11 21:56:19
熟悉又親切的聲音,令他驀然抬頭。
眼前的人,正拿著膠叉子,一口又一口的吃著他的藍苺芝士蛋糕。微微她漲起的臉,洋溢著幸福和滿足之情。
「芊芊!?」康仔一瞬現出驚喜的表情。
「做咩咁愁喎,有我嘛。」芊芊笑一個。
「唔...」但他馬上便變成冷漠的樣子:「你都係走啦。」
「點解要走喎,我真係好想幫你架。」
「我上次已經講得好清楚,我地根本唔可能再做番朋友,更唔好講要你幫我查出內鬼。」
「但係我接受唔到啊!」她皺緊眉頭,掏出電話展出討論區裡康仔請求連登仔幫忙的帖文:「有咩理由你好需要人幫忙既時候,情願搵一啲唔識既人幫你,都唔肯搵我呢?」
「我要調查既人,當中包括左你,咁我又點可能要你幫我呢?」
「你一直因為覺得我有內鬼既可疑,所以唔肯我幫你。但你有冇諗過,有時最意想不到既人,先至最幫到你?」
康仔聽到這句話後大為驚訝。
這句說話,令他立即想到MK晴在信上的文字:
「而幫助你既同伴,有可能係你最意料不到既人,請唔好驚訝,因為內鬼既真身亦可能係你最意想不到既人。」
所謂最意想不到的人,其實並不是連埋住,而正正是他要調查的人之一的芊芊?
他的腦袋好像被鑽了個洞般,洞裡透出一條通往耀目光輝的新路。
芊芊見他神色大變,有點困惑。
他隔一會後問:「你真係幫到我?」
她伸出叉子給康仔:「如果調查途中,你覺得我有內鬼既可疑,你大可以馬上同我斷絕來往。」
康仔沉思片刻,結果爽快的接過叉子,嚐吃了蛋糕。
「好,一言為定。」
「好野!」芊芊開心的拍拍小手,可是她很快又無奈的說一句:「可惜子熹同我既諗法唔同。」
「子熹?佢點諗?」
「佢見到你上網搵連登仔幫手後,臉色沉左落嚟。我覺得佢可能都想幫你,只不過見你搵外人都唔搵佢,所以嬲左掛。」
「唉,其實我自己都好矛盾架。」康仔得知子熹的反應後,垂垂眼簾。
「算啦,我地唔好再諗咁多,快啲開工搵出重案組之中既內鬼啦!」
奶茶哥基
2019-3-11 22:23:15
:^(
最長情的告白
2019-3-11 23:59:13
醫院嗰個高貴女人
:^(
影姨
上一頁
第 35 頁
下一頁
「佢似係唔想開門比我地。」
「咁點算啊?」
「點可以比佢地匿喺入面一直唔出嚟!」禿子說。
他然後粗獷的對門後喊:「你再唔開門,唔好怪我地唔客氣啊!」
說完之後,他一腳踢向門扉,打算嚇嚇屋內的人。
怎料禿子過份用力,整道門筆直的向後掉下來,發出砰啪的巨響,門邊爆裂出碎片。
所有人一臉愕然,包括禿子。
「呃...sorry...」
「Nice。」康仔拍拍他。
眾人望進屋裡,四處不見人。仔細去觀察,只見兩個男人瑟縮在廚房旁邊的小角落。
一個是羅明亮,另一個是個年約五十的男人,他們惶恐地望著康仔他們。
「你地係咩人?」羅明亮顫抖問。
「我地係...」
「連登偵探。」連埋住搶了康仔的話,帶頭走進去。