【懸疑】《連登連環殺人事件》
上一頁
第 22 頁
下一頁
春郎不覺曉
2019-2-19 00:54:10
唔好吊隱
:^(
Ads
得到用失去來換
2019-2-19 01:21:27
支持！不過喺呢個位停好吊癮
:^(
食屎啦死肥仔
2019-2-19 05:19:40
一口氣追至live
:^(
突然係度諗會唔會兇手就係美玲 佢意外之後用左兩年時間整容同訓練做刺客 然後以阿田既身份番黎香港
因為佢之前係網絡欺凌既受害者 所以就以連登仔做目標殺人 (?)
然後內鬼同共犯就係子熹？可能佢本身冇做幫兇既意欲 但係知道左阿田就係美玲 (果次跟蹤佢然後傾計) 之後就參與同幫手殺人掛
:^(
可能蘋果陳就係查到然後同胡sir 講所以佢先至咁震驚 (?)
我都係鳩估
:^(
好睇啊樓主！唔會爛尾架可？
:^(
奶茶哥基
2019-2-19 08:15:49
勁喎
:^(
不過之後劇情會有少少變化，你睇埋又可能有唔同睇法
:^(
唔會爛尾啦
:^(
:^(
奶茶哥基
2019-2-19 08:16:13
今晚再出
:^(
奶茶哥基
2019-2-19 08:16:27
:^(
:^(
傻傻似碌鳩
2019-2-19 19:51:07
推
:^(
奶茶哥基
2019-2-19 20:35:13
2.
——距離兇手下一次犯案，還剩1天——
「咩話，喺坪洲！？」
收線後，康仔想也不想便馬上換衣服。
沒辦法吧，誰叫打電話來的人是她。
風和日麗的上午，他攜着背包去到中環六號碼頭搭乘渡輪。
前往坪洲的人數稀少，上船後他選了個靠窗位子靜坐。四周也是空座位，有幾個膚色黑黝的中年男人分散而坐，看來似是坪洲的居民。
康仔撥了通電話給子熹，說他今天有點要事沒空查案，叫他與芊芊好好努力（當然是有隱含意思）。子熹問他有甚麼要事，他避而不談。
鈴鈴鈴鈴......
船開了。
這兩個星期以來發生的事太多了，他從未能好好放鬆過，持續緊張的心境令他處於疲倦狀況。
望著波光粼粼，一望無邊的閃爍海面，康仔全身肌肉和神經感到滋潤，自然地鬆弛下來。
離開香港，暫時去坪洲脫離煩擾，也不算是壞事吧。
微微晃動的船身，像搖籃子一樣，康仔眼皮下垂，很快便入睡了。
然後過了快近一小時的時間。
感覺到船的速度放慢，引擎聲漸細，康仔迷糊的醒過來。
廣播響起來：「各位乘客，我地已經到達坪洲，謝謝乘搭本船。」
奶茶哥基
2019-2-19 20:35:27
聽見其他乘客往艙門走的步伐聲音，他拾起背包，徐徐的跟著他們。
下船走出碼頭外的單車停泊處後，他驚訝的睜開眸眼。
水碧山清的坪洲景色，美得仿如一幅畫作。
島上以白色為主調的房屋並列而立，樓身不高，只有兩至三層高，外牆塗上不同鮮彩。
海岸旁邊泊滿了的藍、綠、白色漁艇，享受著日光的照浴。
風光旖旎的步徑，背後綠油油山坡，加上淺藍透白的廣闊天空，仿佛是個不受時空干擾，困於一百年前時空的世外桃園。
「香港原來都有啲咁靚既地方......」康仔感嘆的說。
「唔係既我又點會叫你嚟喎！」
忽然背後的一道聲音，嚇得康仔彈了一跳。
他回頭，發現烏髮女子就在身後。
「MK晴！」
「康仔！」
MK晴模仿他大聲叫喊，然後露齒嘿嘿的笑。
「嘩...你...」康仔注視著她的秀髮：「你啲金髮呢？從良啊你？」
MK晴有點靦腆的梳弄頭髮：「咁我見你地成日話我金髮唔好睇嘛。」
「咁又係啊。」康仔哈哈大笑：「之前既你真公廁咁既樣架，哈哈。」
怎料MK晴臉色一變，逕自走向步道，頭也不回的撇下他。
他輕掩嘴巴，意識到自己好像說錯了話。
奶茶哥基
2019-2-19 20:35:38
「等埋我啦！」康仔連忙追上。
「哼。」她抱怨一聲。
「做咩啊？啱啱我講笑咋，唔係認真啊嘛。」
「邊有人咁樣同女仔講笑架。」MK晴怒視她一眼。
康仔笑著搔搔頭：「連登仔囉。」
「所以咪被人殺囉。」
「嘩，唔準你咁講野架。」
「我都係講笑咋，蠢。」
兩人收慢腳步，於恬靜如斯的路上踱著。MK晴伸伸腰，呼吸清新空氣，臉上又回復感嘆的笑臉。
「做咩呢排Whatsapp你唔應，打比你唔聽啊？」康仔問。
「因為我想自己一個靜下嘛。」
「你知唔知我地個個都好擔心你架。」
「所以我咪今朝打比你，叫你嚟搵我囉。」
「我唔明白，點解你要我收秘密唔講你喺呢度，係咪有啲咩事？」
「無啊。」她聳聳肩：「就係想見下你個傻佬。」
「你就傻，無聊既傻婆。」
「係喇，點解你會嚟左坪洲呢度既？」
「我家姐喺度買左間屋住，以前我地不時都會入嚟探佢。但佢離開左之後，間屋就一直空置，我唔想浪費左佢，咪索性當渡假咁諗住喺度住一排囉。」
「離開左？」康仔動動眉毛：「肯定係嫁左有錢人啦，賣左呢間屋去市區買樓算啦。」
「...佢幾年前車禍死左。」
康仔啊了一聲，心想又說錯話了。
「對唔住。」他嘀咕。
奶茶哥基
2019-2-19 20:35:51
MK晴瞧看他的反應，搖搖頭：「唔緊要。但係我佢留低既野唔多，呢間屋算係唯一既野，所以我唔打算賣。」
飛鳥吱吱的叫，海風涼快吹拂，還有青草的味道。康仔閉起雙眼，五官的觸感變得強烈，清楚感受到四周的環境。
「啱既，坪洲係個唔錯既地方。」
注視著呆乎乎的他，MK晴會心的笑了。忽然之間，她心生一計。
「嘿！」
黑暗中康仔感受到有人拖著他的手。
「你試下唔好打開眼，我帶你行去我屋企吖。」MK晴雀躍說。
「下...得唔得架。」他半信半疑：「你肯定會拖我去撞埋電燈柱，等我出醜。」
「信我啦，拿，千祈唔好打開眼啊。」
「好啦好啦。」
相信MK晴的康仔，感覺到她手臂的拉力後，慢慢舉腳行前。
可是甫走幾步，他便感到踏著些軟軟的東西，像泥巴似的。
接著便是歡笑的聲音。
「哈哈哈哈......！」
康仔開眼，只見自己踏在一坨狗糞上，他錯愕的站著。
旁邊的MK笑得幾乎要倒地。
「MK晴！」
他漲紅了臉，狠狠撇開她的手。把鞋底來回磨刷平地後，快步向前走遠。
他認真生氣了。
「喂喂玩下啫，唔係嬲啊嘛。」她追了上前。
Ads
奶茶哥基
2019-2-19 20:36:04
可是康仔沒有收慢腳步，筆直的繼續前行。
「等等我啦。」
「早知我就唔入嚟坪洲搵你。」他氣沖沖的吐口一說。
MK晴聽到話後滯留原地扁著嘴，怔怔目視著康仔遠去。
康仔感到她沒有跟上，可是他還在賭氣，沒有停步堅持一直走。
再隔一會，還是未聽到MK晴的聲音。
終於他暫住了腳。
「我既語氣係咪太重呢？」他暗忖。
啪躂啪躂啪躂......
突然間，背後傳來急速的腳步聲。
他好奇的回頭望望，MK晴已經衝到他的跟前。
她雙手環抱他的頸部，往唇上深深的親了一口。
康仔驚訝得雙眸睜大，腦海瞬間白了一片。
空間，時間，仿佛被按了開關制，通通也靜止下來。
甜蜜暖暖的雙唇，溫柔的觸覺......
是初吻的感覺。
種在康仔心裡的嫩芽，此刻漫漫地盛放燦爛櫻花。
親吻過後，MK晴咬咬下唇：「咁你肯原諒我啦？」
康仔神魂未定，只是傻乎乎的點著頭。
她伸出右手：「咁我地試多一次。」
奶茶哥基
2019-2-19 20:36:21
「呃...仲嚟？」
「相信我。」
猶豫幾秒後，他抓住她的手，合攏兩眼。
憑著窩暖的手，康仔一步一步的往前走。
這次的他走得更遠了。
他想起前兩次的兇案現場，煙霧下迷濛一片的無力感。
當中的恐懼，就似閉著眼前行一樣，身邊一切的未知數令人卻步。
如果那時候，這隻手能帶領著他，令他更有信心，結果或許會變得不同。
不經不覺間，他們便到了。
「喂！到喇！」
MK晴敲敲康仔的頭，他拉開眼簾。
一座三層樓房佇於身前，樸素的米白色，乍看樓齡不高。
「哦，就係呢度。」
MK晴掏出一串鎖匙，套在手指轉動著它：「入去啦，我地今晚就係呢度過夜。」
「下？今日係過夜架咩？」
「咩啊，我...我喺電話咪同你講過囉。」
「點會啊，我記得你無講過喎。」
康仔十分認真的思憶起來，然後再一次重複：「無講過。」
「有講過！」
「肯定無講過！」
「有！」
「無！」
「白癡！」
拋下一句，她不管康仔便進入屋裡。
康仔空想一會，才明白的醒覺過來，不禁揚高嘴角。
「係喎又好似有喎，等埋我啊！」
轉圈轉圈哈姆共你
2019-2-19 22:00:49
:^(
奶茶哥基
2019-2-19 22:27:40
:^(
精神仔
2019-2-20 00:06:19
:^(
食屎啦死肥仔
2019-2-20 02:05:16
好啦我期待下先
:^(
我仲好掛住你呀
2019-2-20 03:33:44
:^(
:^(
奶茶哥基
2019-2-20 08:55:09
:^(
:^(
人含亦含
2019-2-20 14:53:19
加甜
YouWereBeautiful
2019-2-20 15:02:22
康仔連過夜都唔記得 係咪雙重人格
Ads
奶茶哥基
2019-2-20 15:58:04
考慮下
:^(
奶茶哥基
2019-2-20 15:58:50
可能真係唔記得左呢
:^(
我個一蚊呢?
2019-2-20 16:19:38
:^(
如何留得住高潮
2019-2-20 16:59:36
應該係mk晴想康仔留低陪佢過夜 康仔初時唔為意 之後先get到
上一頁
第 22 頁
下一頁