WiFi密碼 2019-1-23 04:27:14 今日計畫由Najera 行到Santo Domingo de La Calzada，只係21公里，正常係可以輕鬆行完全冇難度，但係因為噚日實在行得太攰，所以今日啱啱開始嘅時候就已經行到死下死下咁。

:^(

:^(

:^(

一路上同噚日幾乎差唔多，有一半時間行高速公路邊，
只有兜入鎮仔嗰時可以離開下啲車，而且全條路都好多朝聖者一齊迫，感覺有啲煩燥。

:^(

由第一日出發嘅七百嘅公里，依家已經變成580，時間過得好快。

:^(

好多人都話幾日之後嘅Burgos到Leon好悶好無聊，但係我其實都唔係好鐘意離開Logrono之後呢幾日。

因為又攰又燥，行左五六個鐘都冇乜同其他人傾計，只係想快啲行到終點，咁就可以快啲訓低休息下。

:^(

途中經過Ciruena，呢個係一個非常之古怪嘅小鎮，鎮上面有好多棟三四層高望落好新淨既村屋，但係全部都落曬閘好明顯就冇人住，唔知係啲人搬走曬、啲屋冇人買、定係呢啲係渡假屋所以屋主放假先黎住。

:^(

而且呢條村嘅教堂竟然唔係村嘅中心，來回竟然要兜多一公里先去到個教堂。

我話想行過去大叔就緊係睬你都傻，咁我同Charlie兩個就兜過去睇下，大叔就自己抄捷徑直奔Santo Domingo。

結果，個天冇俾我地嘅誠心感動到

:^(

，即使係特登走過黎，個教堂依然係冇開門。
好彩大叔冇跟黎，如果唔係佢一定鬧到飛起。

因為教堂冇開，所以我地就坐左係外面唞下，坐低嗰時我係到諗到底之後嘅camino會係點呢，到底又有冇人會一齊同我行到Santiago呢？嗰一刻，我已經有預感依家識到嘅所有人，應該冇幾個可以一齊衝線。

:^(

我地四個人(大叔姐姐Charlie同我)去到Santo Domingo 嘅村口會合左，然後正式入城！

我地叫呢到公雞鎮，因為佢教堂裡面養左對公雞母雞，而且我地嘅庇護所後花園都養左幾隻公雞，無時無刻就咯咯咯幾聲，好彩佢地夜晚都訓覺冇係咁叫。

:^(

行到公家庇護所門口其實只不過係一點，但係我已經攰到唔想郁，正當我地要行入去checkin 嘅時候，大叔就好猶豫，話今日想再行多啲唔想咁快停。

好明顯，公雞鎮亦都屬於佢心目中“不值一顧”嘅小鎮之一，所以一日只係行廿一公里住係到，對佢黎講實在係太無聊。

:^(

聽到大叔話要繼續行嘅一刻，我心入面既係唔捨得但係又好似放下心頭大石：

不捨嘅係，我知道今日同大叔講掰掰之後，我就冇可能再追得上佢，所以算得上係camino上嘅永訣。

:^(

但放心嘅係，我潛意識其實係知道大叔冇可能同我行到去終點，大家嘅朝聖方式同旅遊態度都差好多：
我鍾意慢慢行睇下景點，佢鍾意快啲行完休息。

:^(

我要慳啲唔可以餐餐大魚大肉，佢就唔駛因為價錢而就住食嘢。

:^(

我諗大叔同我分開行亦都係好事，咁佢就會有機會遇到同佢更夾既人，唔駛成日因為我拖慢左佢嘅進度。

:^(

不過，話冇唔捨得其實就假啦，話曬過去嘅八日，有七八成時間我都係同佢行，其實真係唔簡單。

:^(

我地係庇護所登記完、放低背囊之後，就同大叔去食晏晝算係餞行(我同姐姐本身都冇諗住中午出街食，但係依家一定要去食，因為好可能係最後一次同大叔一齊食飯)。

餐飯感覺好快就食完，我幫大叔 down左個camino app (就係Buen Camino嗰個)，又教左佢點用黎睇地圖同庇護所，雖然大叔係當兵嘅方向感絕對唔會比我差，但係對呢啲“高科技”同英文就一竅不通。

:^(

之後佢大概會走去Granon，所以我就幫佢睇埋有邊間庇護所比較值得去。

嗰時我有一陣莫明既內疚感，因為我陪唔到大叔一路行落去，所以如果佢發生左啲咩意外，我就覺得自己好似有責任咁。

:^(

(依家諗番，其實呢一切都應該係我自己諗多左

:^(

)



送走左大叔之後，我地番去庇護所恰左陣先出番黎行。

話說點解呢到間教堂要放隻公雞同母雞係裡面呢？

就係因為曾經有個朝聖者俾人屈然後判左死刑，但係最後又俾個朝聖者死裡逃生，

而當個官聽到個朝聖者仲未死嘅時候，當然覺得難以置信

:^(

，所以就指住自己食緊嘅雞話：

如果嗰條友仲未死嘅話，我食緊隻雞都識番生啦！

話囗未完，隻雞真係番生

:^(

:^(

:^(

，而呢個故事亦都成為著名嘅 camino 神跡。

不過話知佢幾出名都好啦，因為噚日俾間修道院伏左，所以我今日唔想再俾3歐入教堂參觀喇。

:^(

呢個就係庇護所養嘅雞～～









我同姐姐由城東行到城西，又由南行到北，順便幫姐姐揾下洗臉膏，然後發現西班牙人原來係唔洗臉嘅，因為真係一支洗臉膏都搵唔到。

:^(

行緊嗰時大家傾下之前去過歐洲邊度玩啦，講下講下傾到原來姐姐以前都黎過西班牙，不過淨去過巴塞，又話巴塞其實同西班牙其他部分好唔同，所以話自己又唔係好算去過西班牙。

:^(

:^(

諗番轉頭，我去exchange嗰時一直都冇諗過去西班牙玩，
咁啱身邊亦都冇朋友話要一齊過黎，
到依家呢個國家已經成為我最鍾意嘅國家，真係有啲不可思議。

:^(

翻到庇護所，有一件諗都冇諗過既事發生左，一直好關心朝聖之路上安全嘅人要注意喇，因為偷竊竟然發生左：

我對拖鞋竟然唔見左？！

:^(

因為呢間庇護所上樓要除鞋，所以出門口嗰時亦都要着住拖鞋落樓下換鞋，而我出去嗰陣就將自己嘅拖鞋放左係鞋架上面。

你話點會諗到有人偷拖鞋咁無大志，鞋架上面成堆名牌鞋唔偷，竟然偷我呢對街市買嘅拖鞋！

:^(

:^(

我揾黎揾去，又睇下其他朝聖者隻腳，都唔覺有我嘅拖鞋出現，實在係我遇過其中一件最奇怪嘅事。

咁既然無左對施鞋好簡單啫，好買過對咪得囉～唔～問題就係買唔到！

:^(

因為所有舖頭夜晚七點就閂門，而我八點先發現對拖鞋俾人偷左，
而之後幾日一路都冇大城市，一直去到三日後嘅 Burgos先有機會買到拖鞋。

:^(

頂！邊個人渣會偷啲咁嘅嘢架，可惜我冇香港腳如果唔係一定傳染你～～我詛咒你以後淨係著拖鞋冇鞋著！

:^(

呢日就係咁反高潮地完左，如果你問我今日大叔走左，算唔算係我朝聖之路上嘅一個分水嶺呢，我覺得又未至於咁誇張，但係都可以算係呢本書嘅其中一個章節完左。

咁你又會問呢一章好唔好睇呢，我覺得呢個章節同其他一樣精彩

:^(

:^(

夜雨星繁 2019-1-23 04:35:18 繼續支持

:^(

土Fi佳熱 2019-1-23 10:56:39 好睇啊!番工睇到覺得好正!

:^(

WiFi密碼 2019-1-23 11:27:35 多謝捧場

:^(

WiFi密碼 2019-1-23 11:28:48 因為條路本身真係正

:^(

土Fi佳熱 2019-1-23 11:33:18 之前去過巴塞 見到舊城區d相覺得好懷念

:^(

番工好悶睇到樓主個遊記好入神 好想去旅行啊！！！！ 留名等樓主更文

:^(

:^(

:^(

WiFi密碼 2019-1-23 11:46:40 諗番巴塞我都好想再去多次，而且可以由巴塞開始行camino

:^(

。多謝支持啦～

土Fi佳熱 2019-1-23 11:50:45 巴塞真係好正 連地磚都係藝術品
唔知個聖家堂10年後起完未 未起完都要去多次

:^(

WiFi密碼 2019-1-23 11:56:20 2026起好喇，話要趕係高第百年冥壽起完，可以準備嗰陣再去

:^(

流水法法 2019-1-23 16:27:50

:^(

馬戈 2019-1-23 20:13:25 你santa domingo住個間albergue係咪舊城區一入去左手邊個間，門口石地，成間野舊舊地咁嘅？

面具男 2019-1-23 20:21:49 push

:^(

:^(

WiFi密碼 2019-1-23 20:27:56 我住Casa de la Cofradía del Santo，都幾新幾大，有成百幾二百幾個牀位，一樓有個好大嘅廚房

馬戈 2019-1-23 20:32:23

:^(

即係遠少少右手邊個間，我都係住個度，有3層定4層。
舊d個間我入到去一牽張床單，飛哂塵，又有頭髮。即刻走

:^(

WiFi密碼 2019-1-23 20:34:49 終於同巴打住到一樣地方

:^(

馬戈 2019-1-23 20:36:16 可惜避到一次，避唔到第二次。之後住咗間有bed bug,

:^(

芒果豆腐花 2019-1-23 20:36:42 正 繼續追

WiFi密碼 2019-1-23 20:43:10 朝聖者終極敵人！聽講遇到bed bug 要全部衫褲都高溫洗乾淨？

馬戈 2019-1-23 21:02:18 住完第二朝行都唔知，沖涼個時發現右手前臂內側有口個穿咗皮嘅細傷口。心諗唔係掛，唔好啊... 但之後又無再多，可能無跟身。

:^(

馬戈 2019-1-23 21:03:25 第二晚即刻google返上一間albergue, 原來google map review有人投訴過有bed bug

:^(

WiFi密碼 2019-1-23 23:29:44 真係全靠評論，四星以下嘅唔可以住

:^(

茹子 2019-1-24 02:46:55
上年行9－10月 行到我hihi咁

茹子 2019-1-24 02:49:00

比bed bug咬咗二百幾啖

首席鳩噏官 2019-1-24 02:54:42 呢到係由SJPP出發第一日行？
第一日係好痛苦

:^(

茹子 2019-1-24 02:57:10 係 8月辭職 過二日就去行
匈牙利姐姐仲係度恥笑我廢 偷偷幫我影
大佬日日坐office 坐足六年差唔多架啦

:^(

:^(

:^(