馬戈 2019-2-24 15:33:45 可能你mix咗另一篇留言簿嘅野

:^(

。其實仲有200幾個post先1001，應該夠

:^(

。

btw, 你中途搭ryanair去Santander，係即興買飛？因為我諗緊，如果我行去fatima嘅話，中途經過santiago就唔去office拎cert. 去到fatima再飛返去santiago，或者唔拎(?)

:^(

印度皇帝 2019-2-24 15:58:26 lm

WiFi密碼 2019-2-24 17:47:09 應該mix左，記憶有啲混亂。

:^(

即興呀，本身都冇乜聽過Santander。其實，正常人都唔會去嗰度玩。

:^(

巴打覺得張證書重唔重要吖，如果係我，有就拎，無就算～好隨意～～～

:^(

真係要去 Fátima??!! 啲藍色箭咀講真有啲疏。

:^(

WiFi密碼 2019-2-24 22:50:10

:^(

15/8
今朝起身有啲唔舒服，每次開始行 camino都係帶病上路～上次行法國之路，上機之前仲要發高燒，好驚上唔到機、飛唔到。

:^(

今次黎到原始之路，都未開始行就覺得有啲感冒，好彩病得唔太嚴重，所以可以勉強撐落去。

:^(

摩洛哥遇到嘅韓妹幫我mark低左兩間庇護所，分別會喺第一日同第二日行到，我今日嘅計劃就係聽建議行去第一間庇護所，唔駛煩訓邊度好。


庇護所喺Grado，但係唔係個鎮入面，出左鎮之後要行多4km，上山上200m。

雖然間嘢附近乜都冇，但係就由高處可以俯瞰成個山谷，韓妹話嗰度有 good view好值得住。







要去嗰間庇護所嘅話，今日就要行30km，而且有上有落。

:^(

一聽到個3字頭我就打醒十二分精神，每次行三十公里以上都至少行七個鐘，如果八點先開始行，就要行到下晝三、四點。

另外，依家已經係八月中，天氣比我五、六月嗰時熱好多

:^(

，早啲出發就可以唔駛同太陽玩咁耐遊戲，對我呢啲最怕熱嘅人黎講，捱眼訓都要早啲出門口。

同埋唔好唔記得依家正值暑假，係朝聖高峰期，如果太晏達陣既話都幾危險，原始之路啲庇護所隔得咁開，庇護所full左嘅話都唔知點算。

:^(

所以策略就係愈早出發，愈早達陣，盡量喺一、兩點之前去到庇護所。

:^(

雖然有啲病病地，但係可能因為我心情興奮，5點半就已經醒左。

:^(

有唔少人都一樣咁早起身，大家都喺走廊執好背囊，去common area食完早餐，然後一個一個靜靜離開。

六點鐘推門出到大街，最後一次都要講：正 式 出 發！

:^(

呢個時候個天依然係全黑，因為冇app、冇地圖，所以我要昅實啲箭咀行，如果行錯路就兜唔返上去條 camino，咁就真係出唔到城。

:^(

(離開西班牙之後，我先發現原來 Maps.me 係有mark曬全條camino，而且係離線地圖，冇數據都可以用

:^(

)

因為要搵返啲箭咀，我兜返去大教堂揾路，基本上行所有camino都係同一原理：

官方路線九成九都會經過教堂，蕩失路又冇地圖的話，行去教堂就冇死。

:^(

去到教堂之後我係揾得返啲“箭咀”，不過，Oviedo城裡面嘅指示係貝殼，貼喺地下好細好難睇，

:^(

雖然仍然喺市中心入面，但係路燈好暗而且隔得好疏，我好驚miss左啲貝殼所以行得好慢，出城呢段路真係好沮喪。。。

我諗返起葡萄牙之路既最後一日，一樣係天未光就出發，一樣好無助，冇左光線、冇左指示camino好可怕，

:^(

直到七點鐘天光，行左一個鐘都行唔到4km。

:^(

仲有一樣嘢好令人崩潰，我上網偷幾張圖解釋下，大家睇唔睇得出兩張圖有乜分別：

:^(

睇真啲，個貝殼同箭咀指嘅方向唔同，

第一張圖貝殼個尾指嘅係正確方向，

:^(

但係第二張圖貝殼尾就指住相反方向，

:^(

有黃色箭咀輔助嘅話還好，冇箭咀嗰時就真係GG了。

你地睇下呢個係乜嘢，佢想指邊牙？

:^(

仲有呢個，真係向左走向右走，你地估下Hospitales係行右定行左？

:^(

之後我睇返書，Asturias同Galicia既貝殼方向好似啱啱相反 (不過唔好盡信，因為頭兩張相都係我喺Galicia影。。。

:^(

)，總之就係非常混亂，因為好多時都只係得貝殼無箭咀～～～

:^(

七點半，已經行左個半鐘，出城之前天已經光曬。日出前成個天都火燒雲，我好少咁早出門口，所以日出一直同我無緣，唔知係咪因為太少睇日出，呢一刻我覺得個天真係好靚。

:^(

山丘之間仲有未散既霧氣，太陽光線可以隱約穿透雲層，睇到呢片風景，感覺好似返到去SJPP，橫越庇利牛斯山嗰日咁。















一路上只係有啲小山丘，但係我已經有預感之後幾日既路會不停大上大落，相信呢個就係原始之路嘅特色。

:^(

入返山區風景好靚，背囊好重、feel到病緊，但係可以行 camino嘅喜悅蓋過一切。

:^(

行左十公里已經有啲攰，我坐喺路駁唞下，坐左都冇五分鐘，就有四、五個人追左上黎。

:^(

有幾個講西班牙話既後生男女，另外仲有Francisco同一個英國女仔，佢地都行得好快，好似裝左摩打腳咁。

:^(

Francisco 又問下我行成點呀，咁我就如實話第一日行唔係好習慣，有啲辛苦，行左先三份一，隻腳已經隱隱作痛。

:^(

佢地呢班人好多都由 Irun開始行，已經行左四百幾五百公里，習慣曬行咁遠路。

:^(

回想返當年，我過左Leon之後都行得舒服左好多，身體適應左負重行山之後，自然就會行得愈來愈快，愈來愈遠。

:^(

WiFi密碼 2019-2-24 23:17:32 然後沿路一直都係自己行，除中遇到一對美國夫婦，呢對夫婦第一日遇到之後，要等到四日之後先遇返。不過，回顧返，佢地都算喺我primitivo遇得比較多既人。

:^(

我地打左個招呼之後，我就自己行先。

二十六公里，得自己一個人行，去到Grado之前遇到既朝聖者少過十個，啊，呢個就係原始之路！

我問返自己，都已經行完camino 兩個月，點解仲要返黎行第三條 camino？

我諗其中一個原因係，我渴望嘅，係一條有個人空間嘅camino。

上次法國之路最遺憾既就係太多朝聖者，我根本就冇時間諗下自己既煩惱、心結，

:^(

有時你一樣係一條友行，但係身邊太多人嘅話，你好自然會覺得無左自己既空間。

就好似一個人喺孟買貧民窟生活，同一個人喺蒙古大草原生活，雖然都係自己一個，但係獨處既感受又點會一樣。

:^(

法國之路作為現代朝聖嘅主流，每日都可以遇到唔同嘅朝聖者，聽到唔同嘅故事，遇到形形式式嘅人嗰時，你會覺得呢個世界真係好大、好多嘢想像唔到。

:^(

但係，法國之路行嘅好多都係車路，主流語言係英文而唔係西班牙

:^(

，已經冇左以前朝聖嘅嗰種孤寂、寧靜。

:^(

行得耐其實真係好厭倦，人來人住，世界咁大我都唔會有機會全部認識到，

即使你識得既人再多，最後都只不過係要對一個人負責，行幾快、行幾遠、行唔行得到Santiago，呢一切一切都只不過係自己既事，其他人最多就係俾下意見，關心一下。

:^(

毒遊左兩個月之後，呢種感覺更深，我已經對每日坐車去新城市麻木左，

camino以外嘅世界凶險重重，每日都要同啲小販、司機鬥智鬥勇，可能係因為咁，我好希望去返一個烏托拜。

:^(

我仲未好清楚點解我要返黎camino，表面上係因為個空檔期容許我行多次，

但係Everyone has their own reasons to walk the Camino de Santiago，冇人會無緣無故行上朝聖之路。

:^(

唔好誤會，我唔係後悔行法國之路，亦都冇後悔黎行 camino。

如果你問其他行到Santiago嘅朝聖者，有冇後悔黎行，大部份人嘅答案都係：後悔冇早啲黎行。與其話後悔，不如話可惜，好多嘢喺camino完左之後都冇做到。

:^(

上次同 Josan、姐姐佢地行左好多日，一齊行時間耐左，我有時會覺得camino上既好多決定已經唔係由我自己一個人做，好多時都要考慮多於一個人嘅野，唔再係自己一個咁簡單。

:^(

再重複一次，我唔係埋怨、後悔，同戰友一齊行係我既決定而且過程我都好開心，

:^(

遺憾既係魚與熊掌，有social life就會少左個人空間，得一唔可以想二，呢個算係法國之路其中一個遺憾。

:^(

我好想試下一條全程自己作主既路，唔需要為其他人、其他事煩惱，可能呢個就係我行原始之路嘅其中一個原因。



我一直以來嘅感情起伏都好細，而且好少表達自己既感情，

大家睇左咁耐可能都會發現，我好少寫自己既感受，因為除左好開心、好辛苦、好攰，我真係諗唔到其他嘢寫。

:^(

但係原始之路既獨處時間極多，自己一個人嘅時候除左亂諗嘢，就只可以亂諗嘢，而且我慢慢發現，primitivo先比較接近我一直嚮往嘅“朝聖”。

:^(

上完又落咁去到Penaflor，呢度有一條好闊嘅河，過橋之後要沿住火車路行一小段路。







去到呢度，距離城鎮 Grado只係淨返3km，愈黎愈接近今日既終點。









Grado係官方建議既留宿點，小鎮好靚，屋仔既外表顏色好鮮艷，App話呢啲叫"Indiano House"，係西班牙人去左殖民地美洲搵完銀之後，返黎呢度起左呢啲屋。











我坐左喺教堂門囗食餅乾，只係淨返4km，上到半山腰就去到庇護所。

:^(

依家先十二點，大約淨返一個鐘就行到，而庇護所就兩點先開門，如果係以前我一定懶懶閒，但係依家我就會想早啲行到，費事床位大戰爭輸，勝負慾好似强左。

:^(

Silent_屍人 2019-2-24 23:38:26 繼續返黎追返樓主啲行程

:^(

WiFi密碼 2019-2-24 23:56:24
(影相影地圖有實質作用，沿路我堅係靠佢地睇點行～～

:^(

)

上山呢段路都幾辛苦，路上遇到一個西班牙伯伯，德國黎既一家四口，同埋西班牙仔 Dani。

(當然啦，我係去到庇護所先知道佢地由邊度黎，大家都係行緊去同一間庇護所，去到albergue自然喺返埋一齊。

:^(

)







上到半山之後要離開官方路線，轉右行多大約1km，因為間庇護所唔喺條camino上面，而聽朝出門口都要行返呢1km去大路。

:^(

達陣只不過係一點過啲，快過我嘅就只係得意大利大叔 Paolo同西班牙仔Dani，今日雖然辛苦不過表現唔錯，冇乜點樣落後大隊，

:^(

點知聽日個個都行得勁快。

庇護所2點先開門，但係去到嗰時咁啱個Host經過，咁大叔佢就攞左支水、幾個膠杯俾我地，可以飲住水坐住等。

:^(

庇護所望出去嘅風景真係唔錯，有啲似O Cebreiro 咁樣(不過我住唔到

:^(

)，怪唔之得韓妹話 good view。





意大利大叔Paolo開左罐啤酒我地三個人分，佢又係由 Irun出發既人，雖然佢唔太識英文，但係大家用身體語言又好似溝通到咁。

:^(

西班牙仔Dani已經係第三次行camino，之前行過法國之路同英國之路，今次由Oviedo出發，同我一樣淨係行原始之路。

:^(

咁我就好奇問下，大家都係Oviedo開始行，點解噚晚庇護所見唔到你嘅？

:^(

答案好簡單，佢係由屋企出發，屋企就係Oviedo，所以唔駛住庇護所。

:^(

不過最奇怪既係，雖然Dani屋企就係 Primitivo 嘅起點，但係佢一直都冇行過Primitivo，直到今年暑假，廿六歲人先踏出第一步。

:^(

Dani英文好好，而且好照顧其他朝聖者，雖然佢同我一樣比大部份人後生，但係就好顧及每個人嘅需要，就好似所有人既大哥哥咁。

:^(

之後德國一家四口黎到，阿媽問Dani

"Where are you from?"

:^(

"Spain."
"Where in Spain?"
"Oviedo."
"No. I mean where you live in Spain, not where you started the Camino."

:^(

"Both. I'm from Oviedo and I started there."

:^(

呢段對答每次遇到新朋友，Dani都要重覆一次，可能真係太少人住喺朝聖之路啲起點掛。

:^(

德國一家都係由Irun開始行，不過今日係佢地最後一日行camino，聽日就會搭車返去Oviedo，之後飛返屋企。

之後好多人陸陸續續黎到，有西班牙大叔、芬蘭大叔、Francisco、德國妹同德國仔、四pair西班牙男女 (有兩對係情侶，另外兩對係“朋友”)、英國女、波蘭女警～～～唔知有冇漏數人，庇護所好細間只係得22張床，兩點開門嗰時就已經差唔多full左。

:^(

Host係一個叫Domingo既大叔，佢會好似老豆教仔咁對朝聖者，

:^(

例如佢會强迫～～幫你將啲背囊掛喺床邊，

床鋪除左睡袋之外乜嘢都唔可以放

:^(

，如果你放左水樽呀手機呀喺床上面，佢會幫你放返喺床頭櫃。

入屋換拖鞋係常識，但係Domingo仲會將所有人嘅鞋放喺窗台度，好整齊一對接一對，好似要幫庇護所裝飾。

:^(

最後佢會續個續個嗌你去沖涼，沖完涼之後揼啲污糟衫入洗衣籃，等夠一機衫嗰時Domingo就會攞去洗。

:^(

唔知大家對老豆型host會唔會反感，我就覺得佢好親切，我對原始之路嘅好感就係由呢間庇護所開始。

:^(

庇護所一個床位收5歐，啲食物水果就donativo，啤酒一罐1歐，紅酒一支3歐(好似)。。。仲等我咩住成袋食物上山，原來呢度乜都有，就連咖啡機都有。

:^(

:^(

大家Siesta嗰時唔係入房訓覺，就係攤曬喺草坡地曬太陽，我走左去庇護所後面自己一個人坐，但係一啲都唔覺得孤單，

可能係呢間庇護所既氣氛感染到我，好快令我覺得自己已經係朝聖者一份子。









陸續都有其他朝聖者行到呢度，但係庇護所已經full左，佢地兜左1km入黎，又要兜返1km出去，下一間庇護所要行多4km，如果係我的話真係崩潰。

:^(

仲有一對法國情侶成夜晚八點半先行到，

:^(

佢地英文好差，咁啱廿二個朝聖者都冇人識法文，唔係好溝通到。

:^(

最後Domingo見佢地咁可憐，就招手示意佢地可以訓梳化，但係對情侶唔知係聽唔明定係要型，竟然擰轉頭走左繼續行。

:^(

食晚飯之前Domingo幫我地入冊cup印仔，唔知點解要影護照相，當佢見到我本特衰護照嗰時，佢就突然醒起啲嘢：

係喇！前兩日，有個香港女仔都黎左呢度住，估唔到三日裡面有兩個香港人喺度訓，真係好少見！

:^(

哇！又會咁啱大家連續兩晚住到同一間庇護所，有冇咁好彩！

:^(

至少依家確認左個女仔只係快我兩日，佢行慢啲既話，我可能真係有機會追到佢～～

:^(

嗰晚Paolo大叔下廚幫我地煮左豆湯配麵包，仲有其他人貢獻左火腿芝士，我厚住臉皮咁坐低白飲白食。

:^(

大家傾左啲乜我唔係好記得，但係我記得氣氛真係好好，嗰一晚，我好期待之後嘅 camino。

:^(

WiFi密碼 2019-2-24 23:57:07

:^(

多謝巴打

馬戈 2019-2-25 00:19:14

:^(

原始之路似翻D行山...法國之路有成1/3係穿插馬路邊
9月份嘅法國之路, 成8點先日出...只要唔係大霧, 入咗樹林, 好多日都睇到日出

:^(

講起地圖, 你用嗰個Buen Camino 唔係有埋map? 定係你嗰時已經無上網?

呢間要另外行1km嘅albergue, 照我以前嘅行法, 一定skip咗佢, 一黎唔方便, 二黎無得補給

:^(

你1點左右行咗30k達陣其實算快

:^(

WiFi密碼 2019-2-25 00:37:30 呢日啲風景都未算好“原始”，由遠方絲打寫到既最後一日，連續四日都真係行山。

:^(

不過五到八月真係好難睇日出～～

我冇app用。。。嗰時個app，primitivo條路要收錢，淨係得French way免費。

:^(

所以連住邊都唔知，如果唔係人地推薦，我都唔會去住。

30km/7hrs= 4km/hr～～真係快？

:^(

馬戈 2019-2-25 00:47:09 我睇翻, 我後段行40k個幾日, 都係7點左右出發, 3點半左右到, 差唔多啦

:^(

WiFi密碼 2019-2-25 00:54:38 其實只不過係我今日早出發。。。

:^(

睇返O Cebreiro嘅40k，就要8點到5點

:^(

Monte do Gozo只不過係34k，但係由7點半到6點

:^(

馬戈 2019-2-25 00:57:28

:^(

你有伴take break啊嘛, 我行嘅時候好多日都係毒行, 我連lunch都係咬餅乾+朱古力, 唔洗半個鐘就再出發...
我後悔太chur喇

:^(

, 應該行慢D

:^(

WiFi密碼 2019-2-25 01:07:47 都係嘅，有break冇break可以差一、兩個鐘左右，而且同其他人行又要就住啲節奏。

:^(

首席鳩噏官 2019-2-25 01:09:06 啲相好靚

:^(

CAMINO啲景靚起上嚟真係點影都靚
你嗰段獨白搞到我又心癢想行
我諗我下一條CAMINO會係norte+primitivo

:^(

WiFi密碼 2019-2-25 01:19:47 好多人都話primitivo係最靚嘅 camino，我就覺得每條都有佢自己既特色。(不過我私心 primitivo

:^(

)

想去行嘅話，多數都會去行，只係時間問題～～～到時巴打又開 post

:^(

WiFi密碼 2019-2-25 19:12:03 16/8

噚日段路我都行得幾辛苦下，

:^(

不過其他人就話好輕鬆，又話呢段路只不過係熱身，之後既上落山會多好多。

:^(

然後又講開原始之路出曬名一山又一山，由Oviedo到Lugo呢段路大山大水，風景好靚但係難度高啲，接住落黎有排你行。

:^(

都係嗰句～佢地一個二個都係行完北方之路，接住落繼續行原始之路，都已經行左咁耐，緊係覺得輕鬆啦。

:^(

我成兩個月冇負重行過山，每日唔係搭巴士就係行平路，隻腳已經打回原形，行到死下死下係正常。

:^(

今日會去到韓妹推薦既第二間庇護所(Bodenaya)，傳聞係全條北方之路、原始之路最好既albergue，既然吹到咁勁，我諗都唔駛諗就決定去嗰度。



噚晚Domingo都有提到呢個地方，大家都話呢間係nice albergue，唔少人都會行去嗰度。

:^(

庇護所得18個床位，相信又會係一番龍爭虎鬥。

:^(

由 San Juan de Villapanada 到Bodeyana 一共要行26km，聽落好似比噚日輕鬆，事實上，今日既上落坡比第一日大好多，所以會更加艱辛難行。

:^(

一開始就已經要上升200m，然後要落返山一直行到落底。

:^(

一直上上落落咁行18km去大鎮 Salas，最後就係漫長既上斜，由200m爬升到700m。









終點Bodenaya連一條村都唔知算唔算，得幾間屋仔同一間庇護所，我冇睇到如果冇得住要繼續行去邊

:^(

，只係一心想要快啲達陣。

不過想還想，今朝起身之後狀態好差，感覺病情嚴重左之餘，隻腳行完第一日之後好攰，已經變左做pilgrim's leg行平路都有啲酸。

:^(

想行快啲？真係想吓就算。

San Juan de Villapanada 呢度咁荒蕪，如果唔帶病上路都唔知可以點。

有人起身之後我就醒左，如果係以前，我一定會繼續訓，但係依家成日怕搶唔到床位、晏晝好熱，所以就迫自已六點出發。

:^(

可能係因為太攰、個人病左，而且房入面又黑媽媽，今朝走嗰時又執漏嘢，漏左個耳機喺床頭。

:^(

好彩我有個後備耳機，終於可以大派用場。

:^(

今朝德國仔勁早就出左門口，之後問返先知，原來佢噚晚訓得好差，所以好早就醒左，即然都已經醒左，所以就索性執嘢出發。

之後Francisco 同波蘭女警一齊出門口，然後就到我第四個出去，

:^(

不過行左冇耐，Francisco佢地兩個就行返轉頭。。。因為。。。一出門口就已經行錯路。

:^(

今日同噚日一樣係六點出發，但係噚日一開始係喺大城市入面行，今日一開波就已經喺個山入面。

:^(

我地呢批人大約得一半人有帶頭燈，如果大家仲記得噚日啲相，由庇護所行返出去大路，再繼續沿住大路上山既話，全程都係冇街燈嘅山路，真係黑到伸手不見五指。

:^(

尤其係有啲路段穿左入樹林裡面，連月光都見唔到既山路都幾恐怖，成日驚會 pk。

:^(

行行下我頂唔順，攞左個手機出黎開電筒用，好後悔冇帶頭燈黎行。

:^(

(其實我帶左粒單車燈出黎，但係行法國之路嘅第一個禮拜就已經唔見左，走嗰時漏左佢喺 Najera嗰間百人交響樂廳)

:^(

一開始呢段上斜好辛苦，完全未熱身就已經行到咁甘，後面啲人不斷追趕我

:^(

，沿路唯一見到嘅燈光就係朝聖者嘅頭燈，前前後後有十幾盞，喺樹林入面閃來閃去，遠遠望過去就好似一條喺黑夜裡面發光嘅camino。

:^(

其實我都想追住啲頭燈隊行，不過大家都行得好快，所以我都係放棄左，自己一個人用手機照住條路慢慢行。

:^(

上到山頂開始天光，落山段路一樣好痛苦，碎石路落斜好辛苦，當我嗌曬救命嘅時候，大家就行得勁快咁爬我頭

:^(

，雖然我係第四個出發，已經有十幾個人追過左我。

:^(

今日天氣好潮濕，同噚日陽光普照啱啱相反，好似就快想落雨咁。







行左8km先去到第一條村Cornellana，大部分人都入左 bar食早餐，我想慳啲所以坐左喺路邊長凳食餅乾，坐左一陣竟然見到德國仔行過。

:^(

德國仔今朝第一個出發，估唔到佢遲過我地咁多人，依家先行到 Cornellana。

:^(

佢一臉茫然咁望住我，話自己一出門口就已經行錯路，我係佢第一個見返嘅朝聖者，又問我有冇見過其他人。

:^(

咁我就指左德國仔去大家都坐左喺入面既bar～～～

:^(

所以話，我真係好唔鍾意摸黑行山，事實上會蕩失路嘅人亦都唔止我一個人。

:^(

離開Cornellana之後要行10km先到大鎮 Salas，中途零補給，冇bar冇albergue，沿路風景一般，行咁遠都唔好話唔悶。

:^(

出村嗰陣經過一間好大既修道院，意大利大叔Paolo同西班牙仔Dani喺度過左我，佢地行得好快，追都追唔到。













行左一半之後終於俾我遇到另一個朝聖者，個男仔坐左喺路邊執袋，咁啱我又想坐低唞下，所以就識左個新朋友。

:^(

意大利男仔叫 Davide，啱啱好有兩個禮拜假，所以就過黎行camino。

同一般人唔太相似，原始之路係佢第一條camino，竟然唔揀 French way揀primitivo

:^(

，因為佢聽朋友話呢條路風景好靚，自己時間又唔多，所以就行 primitivo。

:^(

噚日冇見過 Davide 係因為佢住左喺Cornellana，其實佢早我一日出發，我15/8離開Oviedo，而佢就係14/8，所以今日我只不過係啱啱好路上遇到Davide

:^(

，佢係比我快半日嘅嗰批人。

今日Davide會行 30km去 Tieno，比我嘅終點Bodeyana 遠12km。

:^(

之後傾開大家係咪要行到 Santiago，我就話我應該唔夠時間，所以行到 Lugo就算。

:^(

Davide就話佢想行到 Santiago，但係問返先知，我地兩個又會咁啱得咁蹻一樣26/8馬德里飛走

:^(

，不過佢班機時間比我好，上晝11點先飛，所以可以最後一日撘夜巴由Santiago直接去馬德里機場。

我班機係朝早8點，夜巴冇可能趕得切，只可以前一日(25/8)就去到馬德里。

:^(

但係理論上，我同Davide既日程似一樣，今日佢只係快我12km，要喺8、9日內行250km，即係平均每日都要過3，我就緊係話impossible。

:^(

咁Davide就話中段佢可能會搭巴士，講真，我一開始聽到搭車，真係有啲睇唔起佢。

:^(

可能係因為太耐冇行camino，隔左兩個月之後，我又變返以前咁樣，又係Judge a book by its cover。

:^(

我會因為自己堅持唔撘車，所以就覺得其他朝聖者都唔應該搭車，當我聽到Davide話要搭巴士嗰時，就話佢應該要試下趕路先，趕唔到先去搭車。

:^(

(依家諗返，我真係好似强人所難，如果可以行路，又邊會有朝聖者想坐車。

:^(

)

WiFi密碼 2019-2-25 19:54:25 去到Salas我想去超市補給，Davide就繼續行，咁我地就掰掰亦都冇留聯絡。

:^(

Bodeyana附近應該乜都冇，雖然庇護所提供早晚餐，但係Donativo嘅嘢食應該都唔會食得飽，所以我應該要帶多啲食物上山。

:^(

我買左啲餅乾、三個大桃、兩個細桃，淨係水果都已經超過 1kg，重到痴左線。

:^(

Salas係大鎮，同噚日嘅Grado一樣係幾靚嘅城鎮，而且係大部份朝聖者停低嘅地方。Paolo、Dani、Francisco、波蘭女警、德國女～～～好多人全部都喺度食晏。

:^(

不過我喺超市買完野之後，佢地已經食完野出發，我仲好遠咁聽到Francisco 話乜野“...... let's go! We're fast...... ”，唔駛估，成班人都狗衝Bodenaya 嘅 best albergue ever。

:^(

我都唔想落後太多，所以就跟住佢地尾行埋最後呢段路。(話就話跟住，其實由頭到尾都見唔到佢地個影

:^(

)

呢7km上斜行左我兩個鐘，一直掙扎求存，途中見到Dani同西班牙伯伯輕輕鬆鬆行過，唯一同我一樣行到死死下既就得愛沙尼亞女人。

:^(

大概就係分左兩批人：由北方之路轉行原始之路既朝聖者(輕鬆行

:^(

)，Oviedo先出發淨係行原始之路既朝聖者(就快死

:^(

)。

行緊嗰陣除左覺得好辛苦，我喺度諗點解好似辛苦過上次法國之路咁多，發現其實唔係冇原因既～～

:^(

首先，我依家個背囊重左好多，雖然都係同一個背囊，行法國之路嗰陣我永遠都着住件風褸，支水只係裝一半(500ml)，

:^(

但係呢兩日行原始之路件風褸長期放背囊入面，我仲會裝滿支水先出門口，加上我咩多左好多食物上山(1kg生果

:^(

)，所以個背囊已經由原本嘅10kg變左做12kg。

:^(

另外我依家帶病上陣，唔舒服係正常，雖然好嘔心，但係有時條手巾都唔知係抹緊汗～定係抹緊鼻涕。

:^(

最後一點我諗左好耐：可能係因為我冇帶住朝聖嘅心，冇打算行到Santiago，所以就覺得段路係捱緊而唔係享受緊。

:^(

老實講，如果有心朝聖，去到邊都可以當作係終點。。。只不過我自己真係冇辦法將Lugo當成 camino 既終點

:^(

，就好似兩個月前我冇辦法將 Viana do Castelo 當作我葡萄牙之路嘅終點咁。

:^(

對我黎講，無辨法行完全程、無辦法衝線嘅話，感覺就好似做緊遊客咁

:^(

，我都唔知我係乜嘢心態，明明想黎玩下觀光下就算，但係又唔憤氣衝唔到線。

:^(

:^(

可能係態度決定高度，以觀光客既心態黎行camino既話，自然會覺得辛苦。









最後竟然用左七個鐘先行完26km，同噚日一樣1點達陣。

:^(

庇護所2點先開門，去到門口已經有9個人坐喺度等緊，我一去到門口就將個背囊揼左落地下，真係重到痴線。

:^(

Dani就恭喜我(終於

:^(

)行到，然後問我：你有冇打電話book呢間庇護所。。。？

WTF？

乜Donativo有得 book定架？

:^(

點解同法國之路嘅規矩好似唔係好同，原來呢度冇先到先得呢回事。

:^(

Dani話佢地一共 book左十張床，另外在場嘅德國妹同俄妹又 book左兩張，而有四條友包括Francisco 雖然冇book，但係就早過我到，所以排我前面。

:^(

庇護所得18張床，計一計數係仲有2個空位，不過如果有人book左只不過依家仲未出現，咁我就 GG了。

:^(

我就好絕望咁話，我唔想再行鳥，我想住camino最好既albergue呀！

:^(

Dani幫我打電話去搵個 host，睇下仲有幾多床位，不過就打唔通，所以只可以乾等～～～

:^(

話說Dani都係由 Oviedo出發啫，點解佢可以行得咁輕鬆？

:^(

因為佢個背囊唔到7kg，非常輕便，咁我就同佢講我個背囊幾乎係你既一倍。

:^(

Dani見我個袋先30L，好懷疑有冇咁重，然後一拎起個背囊既時候即刻臉容扭曲。

:^(

差唔多兩點個陣host出現鳥～～～係兩個host，David同Celia兩夫婦一齊打理呢間庇護所。

:^(

然後情況就好混亂，總之就係要分返開邊啲人有打電話book，邊啲人冇book。

:^(

本身我話自己冇book，但係之後David又問我有冇book嗰陣，Dani打曬眼色咁問”我地唔係一齊黎咩～”

:^(

，所以我就跟隊入左打電話book左10張床既呢班人。

:^(

依家回憶返其實都唔係好知道發生乜事，大家企曬喺門口數人頭，只係得David搞得清楚成個情況。

:^(

之後德國仔同愛沙尼亞女前後腳黎到，德國仔有 book所以有得訓，愛沙尼亞女就冇得住，焗住要繼續行，走之前入去庇護所飲左杯水，坐低唞陣。

:^(

之後仲人好人經過，包括芬蘭大叔，同埋好多未見過既朝聖者，全部人都當左呢度係休息站，飲杯水先走。

:^(

庇護所唔大但係好溫暖

:^(

，週圍嘅佈置都睇到花過心思。









入屋之前David 會問你個名，然後佢真係記得，到聽朝走既時候，佢都會叫我個名同我掰掰。

:^(

David聽到我係Hong Kong黎，就好開心咁話噚日都有兩個亞洲女仔住喺度，其中一個係韓國女仔，另外一個叫Karen嘅女仔都係香港人！

:^(

兩日有三個亞洲人黎到真係好罕見。

:^(

我喺嗰時先知道個女仔叫Karen，同埋知道佢依家只係領先我一日！

:^(

噚日喺Villapanada 我仲落後佢兩日，今日黎到Bodenaya 我只係差佢一日，所以我依家已經追緊上去，真係好大機會可以遇到香港人。

:^(

跟住David仲俾我睇Karen喺留言冊上面寫乜～～～



喔～竟然話噚晚落雨，人地屋頂漏水，放心，我冇幫你同個 host 翻譯。

:^(

不過呢種感種好奇怪，每去一個庇護所，都有人同我講之前有個香港人係度住過

:^(

，就算冇人講，我睇留言冊都見到佢寫既野。

:^(

原始之路真係好少亞洲人行，所以大家見到亞洲臉孔都好易認得，而我依家就好似“活喺其他人嘅陰影之下”，雖然前人唔識我，但係我就跟住前人嘅腳步～～～就好似我識李嘉誠但係李嘉誠唔識我咁。

:^(

(BTW, David真係記得啲人名，個Karen都已經走左，David都仲記得佢個名，

:^(

每日都有十八個各自唔同既朝聖者黎到，所有人訓一晚之後第二朝都會離開，而大部分人都唔會再返黎。

David同Celia佢地就保持到嗰份熱誠，對每個朝聖者都係咁熱情真摯

:^(

，我唔明白佢地點做到之餘，亦都好感動，好彩呢個世界仲有好多人好似佢地咁。

:^(

)

WiFi密碼 2019-2-25 20:26:17



張床上面掛住支德國旗，德國仔話係命中注定要佢訓嗰度，所以佢就訓左單人床。

:^(

庇護所上層係訓覺既地方同廁所，好乾淨好舒服，下層就係沖涼、廚房同食飯嘅地方，

:^(

一入屋 David同Celia就攞左啲生果俾我地食，又攞左果汁、啤酒俾我地飲，全部唔講錢。

:^(

同噚日一樣，朝聖者可以將污糟衫放落洗衣籃，David等夠衫就會攞去洗，第二朝佢會將啲衫摺好曬放喺檯面，等大家自己認領。

:^(

嗰一刻，我覺得點解會有庇護所咁好，點解可以有人咁無私奉獻，呢度嘅氣氛、俾到我既體驗超越左我住過嘅所有庇護所。

:^(

Burgos嗰篇講到，好耐之後有一間albergue令我好深刻，就係呢度～

:^(

當時我大大話話都住過四十幾間albergue，冇諗過仲有地方可以俾到咁大衝擊我，雖然我好鍾意行景點，但係camino最靚始終係人而唔係風景。

:^(

沖完涼之後 (啲熱水竟然俾人沖曬，我沖沖下變左凍水，應該係呢度我唯一諗到既缺點。

:^(

)，大家坐曬喺長檯傾計，食生果。我放低左啲重到pk嘅桃，換左做啤梨同香蕉食。

:^(

出面開始落起毛毛細雨，但係屋入面好溫馨寧靜。

今日住呢度既朝聖者同噚日幾乎一模一樣，只係多左幾個新朋友：德妹、俄妹、意大利仔Andrea、Granada黎既西班牙仔，然後其他人噚日都已經見過。

:^(

德國仔就攞左本 guidebook出黎研究路線，佢show左張橫切面俾我睇：

(類似係咁)


我地行左兩日，依家喺呢度～


而我地後日就要上山，到時就甘喇～～

:^(

咁大家就傾到聽日要行去邊，因為後日想行邊唔係想點就點，係要提早計劃好聽日嘅路線。

:^(

David就解釋，後日將會去到原始之路最經典既路段Hospitales (實線)，

山路Hospitales既風景被喻為所有camino路段之首

:^(

，天氣好既話行呢段路會畢生難忘，情況容許既話，所有朝聖者都應該行呢段路。

:^(

而且Hospitales係一條直接翻過坐山嘅捷徑，上斜“比較”平坦，冇急上急落，算係比較好行。

相比之下，車路 (虛線) 途經Pola de Allande，路程遠左而且上落更多，基本上係天氣唔好既話先會行。

:^(

可能大家唔明，點解天氣狀況咁重要呢？

因為Hospitales 呢段路有一個大問題，由Borres 到Berducedo 呢段路連續24km冇補給，一間bar、庇護所都冇，翻山越嶺嘅時候想棄 game都棄唔到

:^(

，天氣差既話就非常危險，蕩失路、受左傷真係想求救都唔得。

:^(

亦都因為呢24km沿路一間庇護所都冇，所以想行 Hospitales 嘅話，前一晚就要住得愈近Borres愈好。

:^(

Dani就話Borres間庇護所冇得book但係得廿個床位，佢估計有唔少今日住Tieno既朝聖者(12km外)，聽日都會行去Borres，跟住後日行Hospitales。

:^(

所以我地唔應該冒險行去Borres，而係行去Borres 3km前嘅Campiello，嗰度有兩間庇護所而且有得book定，保守啲唔駛訓街。

:^(

我地成班人都話要行Hospitales，諗法一致：山路同車路揀，永遠都係揀山路。Dani幫我地喺campiello訂左7張床，Francisco佢地就自己訂左4張。

所以聽日嘅路程基本上已經定左落黎。

:^(

大家放低本 Credential就可以，之後David會cup好啲印仔，大家自己再攞返。

:^(

一間庇護所竟然有三款唔同既印仔，所以即使大家都係住呢度，得到既印仔都未必一樣。

:^(

每人送左個扣針。

:^(

等開飯嗰陣，德國仔攞左個結他自彈自唱 the house of the rising sun，但係因為太耐冇彈過，所以搞左好耐都未彈到。

:^(

Francisco 就好不屑咁想攞個結他黎彈，德國就話 let me finish first!

:^(

Francisco 就話佢 but you're not playing!

:^(

搞到兩個人有啲唔太 gur對方。

開飯分開左兩檯，一檯係西班牙、意大利人 (西班牙話同意大利話相通

:^(

)，另一檯就係其他國籍(英文

:^(

)。

朝聖者餐都預左係食沙律同飲豆湯，雖然個湯冇噚日意大利大叔Paolo 煮得咁好味，但係都唔錯啦，只可以話意大利人煮嘢食實在太有天份，隨便用乜嘢食材都可以點石成金。

:^(

食飯既時候當然有祈禱，之後大家輪流介紹自己邊度黎、做緊啲咩、點解要行 camino。

輪到我講嗰陣，我只好話6月嗰時行完法國之路，真係好鍾意camino，所以今次有兩個星期空檔就過黎翻兜啦。

:^(

其實行 camino喺由好多原因組成，一言兩句又點會講得清楚。。。

嗰晚有一對西班牙情侶出黎唱歌表演，佢地兩個之前去左南美街頭賣藝，一去就去左年半。

:^(

女既唱，男既彈，唱左四、五首歌全部都係自己作，唱得好有感情，雖然完全聽唔明唱乜，但係都感覺到佢地對音樂既熱誠。

:^(

Dani同Francisco捉左盤棋先訓，全盤棋大家都錯漏百出，鬥犯錯多，最後Dani險勝。

:^(

臨訓之前，大家一齊準備好聽朝早餐，

呢一晚真係太開心，我好鍾意呢間庇護所、呢度遇到既所有人，好慶幸住到呢度，而且好難得可以喺庇護所訓得安穩。

:^(

如果有巴絲要行原始之路，一定一定要住呢間庇護所，David同Celia既真誠係camino上令我非常深刻。(但係記得要打電話book床位

:^(

)

馬戈 2019-2-25 21:49:02 我個時都係帶咗單車燈，然後跌咗

:^(

之後朝朝用手機電筒

:^(

Dani間albergue可以book但... 哪有電話

:^(

，得data sim, 或者要叫人幫手。

遠方的鼓聲 2019-2-25 23:45:55

仲有一樣嘢好令人崩潰，我上網偷幾張圖解釋下，大家睇唔睇得出兩張圖有乜分別：

:^(

:^(

:^(

睇真啲，個貝殼同箭咀指嘅方向唔同，

第一張圖貝殼個尾指嘅係正確方向，

:^(

但係第二張圖貝殼尾就指住相反方向，

:^(

有黃色箭咀輔助嘅話還好，冇箭咀嗰時就真係GG了。

行行下我意識到，其實galicia石碑個貝殼尾永遠都係向左
如果石碑係路既左邊，咁睇落就係指緊相反方向
係右邊，睇落就係正確
但其實果個只係一個裝飾，無實際指路作用

:^(

WiFi密碼 2019-2-26 00:23:57 張3UK 好似可以打電話，但係我冇打過。

:^(

我本身都對book albergue有啲反感，然後又冇諗到原來好多地方都要book左先有得住。

:^(

WiFi密碼 2019-2-26 00:28:32 可能係我唔習慣淨係睇貝殼，之前都係睇黃色箭咀多，點知一去到Asturias 就只係淨返啲貝殼

:^(

，所以就成日諗，到底正確方向指既係頭定尾呢？

馬戈 2019-2-26 00:31:54

:^(

你咁講我即刻搵下相

遠方的鼓聲 2019-2-26 00:33:02 有公里個啲