馬戈 2019-1-19 20:33:03

:^(

通常多咗我都留起廚房, 等下一批住嘅人食咗佢, 廢事拎

馬戈 2019-1-19 20:42:41

:^(

同感, 遮真係好無用, 好多時都大風, 根本擔唔到遮

西班牙 2019-1-19 20:57:02 之前係其中一站exchange過 基本上日日返學都見到backpacker

:^(

追悔無用 2019-1-19 21:12:34 留名支持
我都好想行 但我係絲 又無乜朋友會肯一齊癲
但今年要grad喇 真係好想試下
你覺得一條女行會唔會危險？
路試遇到嘅人係咪都ok？

愛您一萬年 2019-1-19 21:24:21 一齊

:^(

可愛m男 2019-1-19 21:28:49 此回覆已被刪除

WiFi密碼 2019-1-19 22:24:21 十大武器，唉

WiFi密碼 2019-1-19 22:25:26 我都想去西班牙exchange

:^(

WiFi密碼 2019-1-19 22:35:52 一個人去行好啊，有朋友係側邊你傾計個陣就會就住黎講，

而且其他人見你有friend一齊行緊，就唔會咁主動yo你～～

之後我去再其他地方玩，一次又一次覺得camino真係樂土，從來冇一條路有咁多好人咁安全：

個背囊放左喺路邊幾個鐘都唔會有人偷，有人受傷大家都會貢獻自己既藥物，無論發生乜嘢意外總會有好心人係附近。

朝聖者男女比例各一半，九成人都係自己一個出發，去馬啦！

馬戈 2019-1-19 23:58:36 我都帶咗把舊遮, 諗住用爛就丟咗佢, 但一次都無開過, 又帶咗返香港, on99

:^(

WiFi密碼 2019-1-20 00:56:34 一起身，第一件事就係想一腳申落去斷手嗰個西班牙大肥佬，佢嘅鼻鼾聲係我有史以來聽過最大聲，

如果要用兩個字黎形容，就係：行雷。

:^(

一直以黎我都覺得訓dorm聽到其他人嘅鼻鼾對我無影響，直到噚晚我先知道咩叫做鼻鼾聲，

最慘就係因為訓既係八人房(之前仲因為八人房而開心)，啲聲完全密封左係呢個細小嘅空間。

:^(

我係床到碌來碌去等到兩三點先訓得著，其他人就頻頻上廁所，大叔話佢諗過出去訓梳化，點知出面已經有人訓緊，總之就係I'm not alone。

:^(

之後我歸納左會打鼻鼾嘅三個基本條件：1.男人 2.過肥 3.上左年紀。而斷手既就符合曬以上三個條件，所以佢嘅鼻鼾驚天動地係有原因

:^(

，而我地亦都封左佢為“打呼王”。





上面呢條就係皇后橋鎮嘅皇后橋




噚日嘅政治風波後我就知道有唔妥，今日出發嗰時問題就開始浮面。

姐姐話佢執嘢執得慢，叫我同大叔行先之後佢再跟上，換句話說，即係佢今日(或者以後)唔想再同我地行，你地兩個臭男人行開啲啦。

:^(

所以我地兩條友就七點半就出發，而從今日起，我地就好少三個人同時一齊行。其實，之前幾日一直三個人行，唔知點解其他朝聖者成日都認為我地係一家人，我地每個人嘅年齡都相隔十幾年，可以話係三個年齡層嘅人。

冇錯，大叔嘅年紀同我老竇一樣，但係我地嘅互動一啲都唔似父子。

姐姐睇落真係好後生，似廿八九歲三十都未過，但係邊有夫妻望落咁生保架。

大家分開行之後，其他人就成日問:

Where is your father?
Father and son?
Where is your husband?

都咪話唔尷尬。

:^(

但係一切已成過去，依個家已經破碎左，由呢刻開始總有一個家庭成員唔係到。

又講左其他嘢。出發！(呢個時候，我又要為我陣亡嘅底衫褲默哀一分鐘)







呢個補給站係靠捐贈營運，有水呀零食呀水果呀。因為我唔想捐錢，所以就咁係到坐下就繼續行～









講翻今日條路，由Puente la Renia 去 Estella只係需要22km，亦都跟住34-days schedule嘅進度。

頭七日由SJPP去Logrono遇到喺人都差唔多，因為大部分比較有趣嘅市城都係嗰幾個，所以大家嘅選擇都差唔多。

:^(

Estella(星星鎮)亦都係一個熱門嘅住宿點，噚日遇到嘅幾個台灣人、李小龍全部嘅目的地都係嗰到。

話說李小龍噚晚約左兩個台灣女仔朝早一齊出發，其實個兩條女想自己行，但係佢地又唔拒絕人地，所以李小龍就理所當然咁以為佢地兩個應承左。今朝李小龍五點鐘就執好曬嘢等嗰兩個人，點知佢地兩個就以為冇約實所以就一直訓。

:^(

我同大叔七點幾開始行嘅時候仲見到李小龍，坐左係大堂嘅長凳到苦等啲女仔。

:^(

今日既景色可以話係法國之路最典型嘅風景(即係上面兩張相)，大致上就係穿越一片又一片既農田，然後係好遠會見到一個小鎮，小鎮既中心基本上都係教堂，成條村主要都係圍住個教堂起出黎。

所以之後我搵唔到貝殼或者黃色箭頭嘅時候，我都會行番去教堂附近，嗰度永遠都會有指示或者其他朝聖者係附近。

而穿過小鎮之後又會行番入農田裡面，望到下一條村係好遠好遠。

成條法國之路既景色我都幾鐘意，但係如果有機會再黎西班牙朝聖，我諗我會行由南至北嘅“銀之路”，可以睇到南北風景同文化上嘅變化，

:^(

而且同我個人性格都有關啦，我喜歡安靜一啲嘅朝聖，法國之路或者真係太多人～

:^(

之後去到西班牙南部嘅Cordoba 玩，我見到同房有個男仔背囊插住兩支行山竹，多口問句：

"I saw your hiking sticks, are you going to hike?"

"Yes, I'm doing the camino de santiago"

"Wow, from Cordoba? I did the French way last month, but I didn't know that you can do it from here!"

"Yes, you can. I'm from Granada, so basically I start walking the camino from my home."

真係好羡慕，嗰時我真係好掛住camino，雖然馬德里、格蘭納特都好靚，但係一般旅遊同朝聖嘅感覺始終唔一樣，嗰種一步一步行去終點既感覺係冇嘢可以代替到。

:^(

今日行路(已經唔係行山，冇乜上落斜)嗰陣大部分時間都係前後腳，

雖然未至於話好似第一日翻過庇利牛斯山咁樣一個人行，但係全日傾計既時間相比起前幾日少左好多。

:^(

除左兩三個休息站同晏晝食飯，基本上大家都係分開行。

下晝嗰時有個睇落好似黑社會小混混既男仔行前面(其實幾靚仔)，由於大家嘅步速差唔多，所以就打個招呼傾左幾句。

Charlie 係阿根廷人但係住馬德里，已經黎左西班牙四五年，主要係做廚房。

今次有時間黎行朝聖之路係因為佢辭左職，又未開始新工所以就黎行下影下相，不過佢有個朋友下個月3號由布宜諾斯艾利斯飛去馬德里揾佢，而今日已經係12號，20日基本上係冇可能行完全程，所以打算中段由Burgos 撘巴士去Leon慳返六七日時間。

:^(

講到呢度，就要提起法國之路嘅三部份。首先可以按省份分，

Navarre同La Rioja加埋大約行九日，

Castilla y Leon行十四到十六日左右，

Galicia 行最後六七日。

或者另一個分法，就係由 SJPP到Burgos算係第一階段，Burgos到Leon算係第二階段，Leon之後就係最後一段。

係Burgos同Leon都會有好多舊人離開新人加入，有時候可能係因為時間唔夠、想係大城市多停留幾日、又或者改行其他路線，所以呢兩個地方多數都係悲觀離合之地。

而Burgos到Leon呢一段路大約只有180km，係西班牙中部高原嘅一部分(佢地叫 Meseta)，因為幾乎係全程平路，風景一色一樣，夏天嘅時候熱到好似沙漠咁，好多人會選擇撘巴士skip左佢，或者加速用五六日時間行完建議用八日行嘅路。

:^(

其實呢幾日大家都係到探討要唔要撘巴士：

大叔話既然段路啲風景咁無聊，不如撘車好過。

:^(

姐姐話因為約好左個台灣friend一齊行呢段(係，就係行“最無聊”既路段)，所以點都要行啦。

:^(

而我出發前就默默應承自己，無論如何都要用自己雙腳行到終點，所以撘巴士呢個諗法完全冇入到我腦。

:^(

呢班大叔好好氣，唱歌中氣十足



今日都仲見到隻驢仔，真係唔知由幾時開始冇左佢

:^(

WiFi密碼 2019-1-20 01:09:27 行到最後五六公里，大叔一支箭係前面行到唔見左影，但係佢手機又冇data所以我地搵唔到佢，有一刻我地仲以為佢會唔會係後面，唔知我地兩個已經行左去前面。

好彩最後大家都可以係Estella嘅村囗會合番。

:^(

今日雖然得22km，但都係大約下晝三四點先行到，其他朝聖者好多都check in 曬。

公營庇護所有兩間二十人房，去到第一件事就係睇下噚晚個“打呼王”訓邊，佢訓邊間房我地就訓另一間房。

揾到佢喇！

點知另一間房只係淨番兩張床，朋友係要黎出買，兩個前輩好自覺地買低左我，要我個雷神同房。

:^(

星星鎮位處山谷入面風景唔錯，舊城部分好有中世紀感覺，除左有一條河將城一分為二，仲有大廣場同無數嘅教堂，四周圍嘅山頂都有十字架，宗教色彩好濃厚。









我講笑咁指住其中一個十字架話，不如我地行上去睇風景囉。

大叔：睬你都傻，今日仲未行夠牙。

姐姐：我得架，睇你地得唔得咋。

哇～挑我機，我從來都唔會俾人大到。就係咁，姐姐呢句“我是可以的～"就成為之後路上互相激勵既名言。



就係佢！

同大叔兩個人食完飯後，我就受挑叫姐姐一齊行上去十字架。

其實個山好矮，六七十米左右，但係大部份朝聖者行左成日都唔會想再行，所以就得我地兩條友上山。

上到山頂好大風，但係風景真係好靚，由山上望落去既星星鎮就好似童話國度，雖然只係高左少少，望既野就好似完全唔同曬咁，山真係好奇妙。







朝聖之路完左之後問番姐姐沿路最鐘意嘅市鎮係邊個，佢竟然話係呢度，因為十字架上面既風景佢好鍾意，你話係咪真係估唔到佢。

:^(

遠方的鼓聲 2019-1-20 01:22:31 我七月都行完camino 好掛住

:^(

之前開左個post但太懶無寫落去

:^(

見到你個post又有返少少動力哈哈

馬戈 2019-1-20 01:47:37

:^(

搵翻D相出黎, 就會諗翻, 就寫到

WiFi密碼 2019-1-20 01:49:43 唔好爛尾呀，正呀北方之路～

咦？七月？你幾號到santiago?

:^(

馬戈 2019-1-20 01:50:26

或者另一個分法，就係由 SJPP到Burgos算係第一階段，Burgos到Leon算係第二階段，Leon之後就係最後一段。

係Burgos同Leon都會有好多舊人離開新人加入，有時候可能係因為時間唔夠、想係大城市多停留幾日、又或者改行其他路線，所以呢兩個地方多數都係悲觀離合之地。

而Burgos到Leon呢一段路大約只有180km，係西班牙中部高原嘅一部分(佢地叫 Meseta)，因為幾乎係全程平路，風景一色一樣，夏天嘅時候熱到好似沙漠咁，好多人會選擇撘巴士skip左佢，或者加速用五六日時間行完建議用八日行嘅路。

:^(

呢段真係又熱又悶仲好多蟲....時間唔夠(<20日)去行嘅人, 就skip咗佢
但Leon之後, 我個時覺得, 成個氣氛唔同哂...D人好似攰/厭咗同陌生人吹水咁
除非你遇到D得一個人嘅, 佢無其他熟人可以吹水, 就會同你傾下

WiFi密碼 2019-1-20 01:58:39 點講好呢～我都唔係特別鍾意嗰段路，但係依家諗番又覺得冇左佢吾得，感覺上成條朝聖之路每部分都好重要，即使係sarria去santiago，又或者係再去 finisterre，每一段路都係本書嘅一頁，唔可以跳住讀。

Leon之後真係好難識新朋友，大家都會小圈子

:^(

面具男 2019-1-20 02:41:25 點解條友會著李小龍衫？ 佢好鍾意李小龍？

:^(

咁佢見你都係香港人有冇R水吹

:^(

遠方的鼓聲 2019-1-20 02:47:48 8月2

烏拉拉2 2019-1-20 02:48:30 上年行完
樓主加油

:^(

:^(

:^(

遠方的鼓聲 2019-1-20 02:49:56 你幾號到？

:^(

我個日有係彌撒見到一個香港人

遠方的鼓聲 2019-1-20 02:51:25 寫緊

:^(

每次都係朝聖之路d post見到你

:^(

夜雨星繁 2019-1-20 03:00:21 真係勁

:^(

你同你老豆都係

:^(

老豆無啦啦支持叫你去行!
你又真係去左行!
好多人冇咁多勇氣

:^(

WiFi密碼 2019-1-20 03:08:07 佢好似學過一兩年功夫，但係睇到佢個肚腩，應該都係日久生疏～～

:^(

WiFi密碼 2019-1-20 03:11:39 24號，絲打你太快～

:^(

我知道有個香港人行北方之路，但係就遇唔到

:^(