Ads
Ads
https://i.lihkg.com/540/https://na.cx/i/Sgk8crY.jpg/quote]
葡萄牙好似興一碟過, 唔似得西班牙咁分starter,main dish.
[quote]廚房有啲細,但係同 Galicia 乜野餐具都冇嘅比,呢度簡直係天堂。
跟住我地又講到行海線既時候,見到好多藍色箭咀指返轉頭,咁Yoonmi就解釋:原來有一條Caminhos de Fatima,由西班牙嘅Santiago行去葡萄牙嘅Fatima,沿路係跟住藍色箭咀行,啱啱好同Camino Portuguese行反方向。
Ads
其實嗰度係一個大城市,不過舊城區唔喺市中心,反而位於一入城既邊邊位,所以好寧靜。
去到庇護所門口先知道三點先開門,咁呢三個鐘可以做乜,條街曬到喊,我去tourist information攞左張地圖但係完全冇動力去觀光。
最後,我去左公園食餅乾,食完之後攞左部Ipad出黎聽歌,攤左喺長檯上面瞌下。
訓左冇耐,突然有個肥婆婆行過黎嗌醒左我,係咁話Robando,吓?唔會係唔俾訓公園掛~~~
婆婆攞走左我部手機,入左餐廳叫人翻譯,(依家諗返其實都幾危險,咁樣俾左部手機人
但係我之後上網查返,Robando明明係西班牙文,點解婆婆唔講葡萄牙話嘅~~~
俾婆婆整醒左之後冇曬睡意,去左Dia買意大利粉、罐頭同埋防曬,因為六月嘅葡萄牙已經變得又熱又曬,我由Finisterre起曬左好幾日,已經開始有人問我係咪菲律賓人,
買完野已經可以去庇護所check in,床位7.5歐,負責check in既阿叔阿姨見到我本護照,若有所思咁話“hong kong is not china, right?”
第一次喺庇護所見到冷氣,不過冇得開。
庇護所得25張床,旺季7、8月嘅話日日都要床位大戰,但係6月算係淡季,全間嘢得十五個朝聖者左右。
放低背囊,雖然我已經估會唔會見到佢,但係伸個頭入去房望下嗰時,見到墨西哥大叔依然又驚又喜!
同房仲有今朝好酷、行得好快嘅白人男仔,佢叫 Peter係波蘭人,上年行過葡萄牙之路既 central route,今年就行coastal route。
Peter仔係人肉維基百科,熟讀古今中外所有書籍,對camino都好熟悉,佢話有一次同捷克朋友傾捷克歷史,傾傾下傾到一啲連佢朋友都冇聽過既野史。
墨西哥大叔就捉住Peter仔係咁問葡萄牙之路嘅嘢,問定之後幾日嘅路況,話一定係個天指派 Peter仔落黎幫佢。
同房仲有三個美國女仔,三個本身都唔識對方分開過黎,但係就三個都係由Ohio黎。
佢地又話中段熱得濟差啲中暑,咁墨西哥大叔就變返專家,建議佢地晏晝太熱嗰時可以入bar坐下,唞夠先再行
Vila do Conde舊城都幾靚,我同墨西哥大叔做下觀光客,因為呢度係大航海時代嘅造船重鎮,所以好多古蹟都係嗰個時代起。
有去過Segovia既巴絲可能會覺得呢個建築有啲熟悉,大家都係引水道,不過Segovia嗰個係羅馬人起,有兩千年歷史,Conde呢個就“只係”得兩百年歷史。
教堂裡面有人即場彈鋼琴,好好聽,反而法國之路行左咁多日都冇聽過。
晚飯去左庇護所隔離間餐廳食,5歐一個朝聖者餐,可以話係史上最平,冇前菜同酒,但係有湯、主菜、甜品同咖啡或茶。
隔離枱坐左英國黎既一家五口,墨西哥大叔今朝行嗰陣,一開始仲見到佢地,之後就消失左,嗰老豆就苦笑:we were so fast that nobody could see us...
今日我好開心可以行返 camino,唯一令我有啲唔盡興嘅係,我既camino只係淨返兩日,真係好冇癮。