WiFi密碼 2019-2-18 21:13:47 巴打你四圍追擊人

:^(

:^(

馬戈 2019-2-18 21:20:56

:^(

咩追擊人，我支持你地ja

:^(

首席鳩噏官 2019-2-18 22:19:29 唔好淨係話人呀，我記得你話想行北方之路㗎

:^(

馬戈 2019-2-18 22:42:32

:^(

人係三心兩意ga, 我依家又有興趣行葡萄牙之路

WiFi密碼 2019-2-19 21:09:29 繼續過渡，我會盡量簡化發生左既事。

:^(

～～～～～～～～～～～～～～～～～～

唔好笑我無知，未黎之前，我真係聽都冇聽過Vigo呢個地方。

:^(

Vigo 個名源自拉丁文，意思“small village”，不過，呢度其實一啲都唔細。

Vigo係Galicia最大城市，城市人口接近三十萬，就連首府Santiago de Compostela嘅人口亦都只係呢度嘅三份一，係我黎左西班牙咁耐去過最大既城市。

呢度係歐洲最大漁港，世界最大捕魚企業Pescanova嘅根據地(wiki)，而且係西甲球隊切爾達嘅所在地。

:^(

由Santiago去 Vigo只係需要兩粒鐘，未落巴士就已經見到Vigo好發達，臨入城之前架車要過河，喺橋上面可以離遠望到Vigo全城，依山靠海，海好藍山好綠，我第一眼睇到呢個地方就覺得佢好靚好靚。

:^(

落車之後我地去左Tourist information 問下市中心有冇庇護所，因為我地上網搵極都搵唔到。

:^(

個女職員勁好人，又幫我地上網查，仲打埋電話問，最後問到有間albergue離市中心八公里，但係間野唔喺camino上面所以要特登兜過去。

個女人仲幫我地打電話去間庇護所，話今日嗰度冇其他朝聖者，然後print左好幾張地圖出黎，教我地點行去。

:^(

最後，佢cup左個印落我地本Credential度，成功收集到葡萄牙之路第一個印仔。

:^(

行過去庇護所要上山，沿路啲箭咀亂咁指好奇怪，而且逆行嘅話要成日擰轉頭搵箭咀，都咪話唔攰。

:^(

我地經過Vigo舊城嗰時觀光左一下，然後又行左上城堡睇風景，大上斜之前又走左去食雪糕，總之呢8km就係行極都未到。

最後發現跟箭咀其實都多餘，直接用孤高map開導航行過去算數。

:^(

沿路淨係喺市中心嗰度見到一個朝聖者，跟住全世界就好似淨返兩條友咁，行到庇護所，我地仲以為自己行錯路搵錯地方：

間嘢其實係集社區會堂、Bar、公園同庇護所於一身嘅一間屋仔。

:^(

我地行到去門口，有四個維園阿伯坐左喺度，一邊飲酒一邊捉棋，我就問Albergue？跟住佢地就好興奮咁向屋入面嗌Peregrinos！然後有個大叔由Bar出左黎，帶我地入去屋入面check in。

:^(

庇護所係 donativo，但係入冊填資料嗰度一行donation:_______要你寫埋捐幾多錢，我就隨便寫左10歐。

:^(

成間庇護所得一間房，裡面有6張床，感覺好似已經好耐冇人黎過，因為大叔要入去拖下地先叫我地入去。

:^(

最詭異嘅係個廁所同沖涼喺屋外面，要穿過個公園仔先可以去洗手間，如果夜晚要去廁所都幾恐怖。

:^(

嗰度真係好荒蕪，可想而知，嗰日係無其他朝聖者黎到，我個姐姐兩個人包房，冇諗到6月嘅海線係咁清靜。

嗰日晚飯冇得揀，去左樓下間 Bar食朝聖者餐，十歐有牛扒食。

:^(

食飯嗰時踢世界盃第一場大戰，C朗對西班牙，係葡萄牙對西班牙至啱，冇錯，喺西班牙行緊葡萄牙之路，然後睇西葡大戰。

:^(

成場波好多入球，其本上就係C朗入一球，然後西班牙又入返兩球，然後C朗又追返一粒，睇到大家拍爛手掌。

:^(

間Bar附近啲村民都黎曬睇波，個個都緊係支持西班牙Español啦，好似淨係得姐姐一個貪靚仔支持C朗。

:^(

最後C朗一個人入3粒，上演帽子戲法迫和西班牙，都幾有娛樂性。

嗰晚我地返房訓之後，成班村民先啱啱到食飯時間，所以成晚都係度飲酒吹水。

嗰晚，姐姐就話今日呢段路好似太無聊，唔係行海邊，不如飛左佢，直接去行葡萄牙嗰段海線好過。

:^(

所以計劃再變，我地決定坐車去西葡邊境嘅 A Guarda，然後坐船過去葡萄牙既Caminha 先再行 camino。

:^(

訓醒第二朝，我地坐巴士返去Vigo市中心，做返一日遊客。

Vigo最出名既就係離岸對出嘅Cies Island，唔知點解姐姐叫佢做神之島，不過睇相真係好靚。

(上網偷圖)




嗰日想坐船去先發現，原來神之島每日都有登島人數限制，我地即日係買唔到上島嘅船飛，所以同呢個景點擦身而過。

:^(

而我亦都俾長輩鬧辦事不力，冇睇清楚有登島限額。

:^(

退而求其次，我地去左遠少少嘅Ons Island，風景都唔錯，有啲似巨型版塔門。



















(只可以喺船上面離遠望到神之島

:^(

)






嗰晚姐姐又改變主意，連A Guarda都唔想去，覺得啲小鎮望落都差唔多，不如直接去Porto做遊客好過。

:^(

就係咁，我地由一開始計劃全程逆走葡萄牙之路，到最後只係行左8km由 Vigo 市中心去到山上面嘅庇護所，結局真係極度反高潮。

:^(

我地上左由Vigo 開去 Porto既巴士，要同西班牙講掰掰，去一個全新嘅國家。



Camino熱門起點Tui。


黎到葡萄牙，但係喺坐車過黎。

:^(

遠遠望到A Guarda。


而姐姐最後既計劃係去 Porto玩兩日，然後坐巴士去Lisbon又玩三日，最後返Porto訓一晚先飛去巴塞。

:^(

我唔知要唔要跟隊，因為我對Lisbon興趣唔大。

WiFi密碼 2019-2-19 21:31:25 一去到Porto第一印象就係，哇～乜返左去澳門呀！

:^(

啲屋仔似足瘋堂斜巷啲葡式建築，舊城區鋪嘅磚仔路同議事亭前地嗰度真係一模一樣，去左咁多年老翻，今次終於見到真嘢，感覺好奇怪：因為用左咁耐流嘢所以習慣左，正牌貨上手之後反而會覺得佢先係冒牌。

Porto好多人好多遊客，城市人口過百萬，相比起法國之路嘅“大城市”多超過十倍，市中心週圍都係人、車、噪音、高樓大廈，我好唔習慣好唔鐘意呢度咁熱鬧。

:^(

只可以話我掛住既係西班牙，好掛住camino。

:^(

Porto間公營庇護所得26個床位，其實我同姐姐又唔係行葡萄牙之路，理論上係唔應該去霸住張床，

:^(

但係行左咁耐camino，好不自覺咁就去左搵albergue，而且嗰度嘅氣氛比hostel好好多，之後第二晚搬左去 hostel訓，大家都自己摺埋，真係sad到爆炸。

:^(

庇護所係donativo，又新又大而且好乾淨，checkin之後仲有義工帶我地參觀成間屋。

:^(

成幢嘢就好似豪宅，living room 同dinning room都裝修得好典雅，屋後面有個花園仔好多朝聖者都坐曬係度曬太陽，地下有一排locker俾朝聖者放背囊，所以唔俾大家攞佢入房，令我諗起第一日由SJPP出發，嗰個老闆一樣係唔俾人攞背囊入屋。

:^(

廚房嗰度遇返Astorga相識既韓國人家三口(#370樓提過)，估唔到去到葡萄牙都可以見到舊人，大家又會不約而同咁黎到同一間庇護所，camino 實在係太神奇。

:^(

煮緊飯嘅時候仲識到韓仔 Sunny，Sunny哥一樣行完法國之路去埋世界盡頭，但係佢“堅逆走葡萄牙之路”，

:^(

用左十日由Santiago一路南下黎到Porto，唔似我地得個噏。

:^(

而且佢行既一樣係海線，有去到Vigo、Oia、A Guarda、Viana呢啲地方。

Sunny哥話每晚喺庇護所都識到新朋友，所以逆行都冇想像中咁寂寞。

:^(

咁我又問返佢鍾意法國之路定係葡萄牙之路多啲，佢就話比較唔到：Frances可以遇到世界各地唔同嘅人，重視嘅係人與人之間嘅關係。

:^(

Portguese就多左好多獨處嘅空間，着重自己同自己對話，所以好難揀最鍾意邊條camino。

:^(

如果大家仲記得，墨西哥大叔去完 Finisterre 之後就坐左車黎Porto做遊客，訓返幾晚先開始行葡萄牙之路，之前我地仲話會喺camino半路上遇到，估唔到計劃永遠都喺度變緊，Finisterre分別四日之後大家都黎到Porto。

:^(

既然大家都黎到呢度所以就約出黎食飯啦，雖然墨西哥大叔係“真朝聖者”，但係佢就去左住hostel冇住 albergue，唔似我同姐姐身為觀光客走去呃床位。

:^(

我地去左墨西哥大叔間hostel參觀，有啲貴廿五歐一晚不過勁豪華，佢又話啲住客都望住手機唔social，唔似albergue裡面個個人都係度傾計。

:^(

之後佢yo下其他人，先發現原來圍埋四、五個人都係啱啱行完法國之路，然後落黎Porto玩，大家先好開心咁一齊傾計。

:^(

:^(

我地上 TripAdvisor 睇評分隨便搵左間食 Burger嘅餐廳，個女店員問我地Burger要辣要唔辣，我同墨西哥大叔就不了，但係姐姐同Sunny哥嚐辣如命，咁耐冇食過辣緊係要試下。

:^(

個女人就話有分小辣，辣，超級無敵辣，佢碌大隻眼，好誇張咁話千祈唔好點超級無敵辣，食左嗰個包既話會後悔出左世喎，又話普通辣就已經好辣。

:^(

咁姐姐同 Sunny哥就俾佢大到，點左一般辣算，點知一食落口佢地兩個都話個包無味，完全唔辣。

:^(

女店員聽到佢地話“no taste”之後覺得難以置信，

:^(

挑戰佢地兩日後再黎過(聽日間嘢休息)，如果食完超級無敵辣都 no taste嘅話就佢請！

:^(

總之就係最強嘅矛對最強嘅盾。

:^(

嗰日晏晝世界盃小組賽，墨西哥爆冷贏左上屆冠軍德國，墨西哥大叔笑到四萬咁口，話今晚飲嘢佢請。

:^(

我地四個人都啱啱行完法國之路，所以特別啱傾，除左墨西哥大叔之外，Porto係我地其餘三個人既終點，姐姐就話行完 camino之後都唔知學到啲乜，我都話係呀係呀，行完之後一樣好迷惘。

:^(

墨西哥大叔已經係第二次行法國之路，所以佢就以過來人身份安慰我地，話行緊camino嘅時候你未必會知道自己得到啲乜，但係當你返到屋企，慢慢回顧返你行過既路，嗰陣時就可能會發現camino暗中傳遞俾你既訊息。

:^(

雖然係墨西哥大叔請飲酒，不過大叔已經戒左酒，所以係佢請，我地其餘三個人飲，佢自已就飲可樂。

:^(

Sunny哥都一樣唔點樣飲酒，所以佢一杯都飲唔曬，基本上係由我同姐姐分左兩支紅酒，佢飲三分二，我飲三分一。

:^(

呢晚係我人生第一次飲醉酒，飲到中段起身去廁所嗰時我已經發現自己暈暈地，從來都未試過有呢種失曬平衡嘅感覺。

:^(

行返庇護所嗰段路，我沿路都冇講嘢，因為怕酒後亂噏嘢所以索性收聲，而且我仲要一直掂住牆邊一路行，唔係既話就行唔到直線。

:^(

由嗰日開始，我亦都知道我既酒量原來得三分二支紅酒，飲醉嘅感覺好辛苦，我涼都冇沖就直接上床訓左，但係訓左五粒鐘就酒醒，醉後想嘔嗰種感覺先係最噁心。

:^(

WiFi密碼 2019-2-19 21:44:30 (補返庇護所張圖)


因為Hangover嘅關係，我第二日全日都唔太舒服，

:^(

換左 albergue做 hostel之後，我同姐姐喺Porto舊城週圍行下，觀光嘅嘢就唔詳細介紹喇，放幾張圖上黎算：



Porto最鍾意就係認叻，咩都要加個“最靚”喺前面，例如佢有世界最靚既火車站，


又有世界最靚嘅麥當勞，


其實仲有世界最靚嘅書店，不過入場費要5歐實在太貴，所以冇入到去。

:^(

報告！有女仔上裸！！！

:^(

澳門除左葡撻，連豬扒包都係沿自葡萄牙，你問我覺得邊個好食啲？

:^(

我只可以話佢地已經進化成兩款嘢食，原來正宗豬扒包係夾住肥豬肉片，根本就唔係煎豬扒，而且冇左姐姐喺澳門投訴包皮刮損嘴嘅問題。

:^(

夜晚墨西哥大叔又約左我地出黎飲嘢，其實主要係約姐姐，因為佢地兩個熟落好多，我係之後撘單先識既。

:^(

姐姐去完巴塞之後就會飛返台灣，所以佢地兩個已經冇機會再見面，

:^(

咁大叔就請客話係farewell drink，我又無端端被請客，明明我都未走，我仲要玩下西班牙先返歸。

:^(

不過，前一晚啲酒意呢日仲未散，所以我飲左罐可樂算。

墨西哥大叔聽日就開始行葡萄牙之路，佢打算行海線嘅Litoral，但係又唔想行市中心出城呢一段，所以諗住撘車去到海邊先開始行(最正宗係要由 Porto Cathedral出發，官方認定嘅起點)。

:^(

我全日一直都考慮緊要唔要行葡萄牙之路，聽日係19/6，23/6朝早就要飛巴塞，有三至四日俾我體驗下Camino Portuguese，到底值唔值得去行呢？

都已經幾日冇咩住背囊行過路，重新出發會唔會好chur呢？

:^(

我又唔想同姐姐一齊去Lisbon趕頭趕命，但係一直留係Porto嘅話，要留一個星期都咪話唔悶。

:^(

同Sunny哥、墨西哥大叔傾過計之後，唔知點解，又產生一種行camino嘅雄心壯志，就好似由香港去 SJPP嘅時候心動既感覺。

:^(

嗰晚我同姐姐返到 hostel，我地坐左喺lobby食水果，傾左陣計先去訓覺。

姐姐第二朝會坐車去 Lisbon玩，而我就十五十六要唔要行Camino Portuguese，如果聽日我要行camino的話，六點鐘左右就要出發，所以今晚就要同姐姐掰掰，四、五日後返Porto坐飛機嗰陣再見。

:^(

姐姐問我會唔會行葡萄牙之路，我就話我仲考慮緊，佢竟然話：仲諗緊的話你多數都係唔會去喇～～

:^(

又用激將法大我？！

:^(

我宣布：今次堅係正式開始葡萄牙之路！

一個人的朝聖之路！

馬戈 2019-2-19 23:45:34 Ons Island

:^(

恕我諗歪咗。
你姐姐甩腳甲之後根本唔想再行，或者無甩都唔諗住行，已經想去旅行。

:^(

當日我未到santiago都諗住行埋原始之路。
一到咗之後，即刻無哂心機。

:^(

變咗即plan去玩。

WiFi密碼 2019-2-20 00:05:38 佢真係到左 Santiago之後就已經唔想行，甩埋腳甲之後就更加唔會行。

:^(

好多人都係行完法國之路然後冇心機再繼續。。。

咁巴打做乜唔揀返原始之路，突然想行葡萄牙之路～～

:^(

馬戈 2019-2-20 00:40:50

:^(

都話人係會變心, 我之前睇葡萄牙之路應該係睇咗篇 Central route嘅, 心諗咁嘅風景, 我不如行北方之路
跟住前排見你又話逆行, 北方之路個絲打又話打算行, 我再去搵資料睇睇...搵到篇行海岸線嘅..睇落ok喎

:^(

Porto出發嘅話又無咁長...
不過我見D blog都係話, 行葡萄牙之路, 你唔好預法國之路咁, 會遇到好多人, 而且會遇到逆行嘅人, 幾啱傾都無用...但我又好鍾意同人吹水個種style.
好難選擇

首席鳩噏官 2019-2-20 01:17:23 我嗰時行完之後，有個一齊行嘅德妹隔咗一個月，佢自己又去行Porto to Santiago

行完同我講話個Camino太短，唔當係行咗一次camino

:^(

WiFi密碼 2019-2-20 01:29:09 多人R吹水嘅好似淨係得法國之路同葡萄牙之路central route

:^(

，其他都係日日見到同一批人，唔啱傾就大鑊～～

雖然我只係行左葡萄牙之路幾日，但係都已經接近三分一

:^(

，行過法國之路嘅話真係好無癮，啲friend先識左無耐，然後就行到終點

:^(

馬戈 2019-2-20 01:31:16 Porto 出發去Santiago, google map路線就215km, 行海邊應該長d, 10日內點都行哂，相對之下又係短咗d. 短過SJPP 去 Burgos距離。
如果無乜時間嘅話可以咁行下都唔錯。

馬戈 2019-2-20 01:31:50

:^(

你咁快劇透。

WiFi密碼 2019-2-20 01:36:15 冇劇透啦～～～唔通我撕機票唔去巴塞搵 Josan咩

:^(

，咁你又諗下再之後發生咩事

馬戈 2019-2-20 01:40:48

:^(

捉埋姐姐一齊行,
不過佢條友慣咗賣隊友, 估計你都係被賣嗰個

:^(

WiFi密碼 2019-2-20 01:46:19

:^(

:^(

唔再劇透，好快寫到

11223333333 2019-2-20 04:22:07

:^(

:^(

:^(

又live 左

WiFi密碼 2019-2-20 15:43:07 更得有啲慢

:^(

Glockenspiel 2019-2-20 15:50:07 porto to santiago

:^(

:^(

WiFi密碼 2019-2-20 17:36:20

:^(

我記得巴打話要行葡萄牙之路

Glockenspiel 2019-2-20 17:37:32 仲度緊期

:^(

:^(

:^(

馬戈 2019-2-20 17:53:42

:^(

連埋搭飛機, 你有12日假就可以

WiFi密碼 2019-2-20 18:16:15 明明一開始係姐姐話要行葡萄牙之路，最後佢冇行到，反而水左我一條友去做白老鼠，呢招真係高明。

:^(

噚晚聽到墨西哥大叔話市中心去海邊段路好無聊，所以我都唔打算行，

:^(

我覺得我又唔係以朝聖者身份行葡萄牙之路，撘一程車出去都冇所謂啫，所以就上網查下點坐車去海邊。



因為冇 app用，官方建議第一日既停靠點係Vila do Conde ，所以係咁咦喺地圖search下嗰度有冇庇護所，只係搵到一間，咁就決定見步行步，去到嗰度先再打算聽日行去邊。

:^(

六點鐘準時出門口，行去地鐵站嗰時我心情好興奮，就好似去緊SJPP咁，而且今次係自己一個人出發又冇app又冇準備，興奮之餘仲有啲緊張，擔心會唔會蕩失路，又驚會唔會冇地方訓。

:^(

(我行嘅係橙線)



如果跟官方路線由 Porto Cathedral開始行，今日一共要行33km，

:^(

skip左一開始段路就變左23km。

:^(

落車之後只係見到另一個阿伯，一樣咩住行山背囊，裝束好似都係朝聖者。

Matosinhos係一個幾靚嘅小鎮，不過嗰陣太早先七點鐘，所以我跟住箭咀直接上天橋，正 式 出 發！

:^(

我喺天橋上面影左張相，打個卡，阿伯就追左上黎講Buen Camino，估唔到我行左都冇5分鐘，就識到葡萄牙之路第一個朋友。

:^(

阿伯叫 Burno係意大利人，個R卷脷音我一直都發唔到，今次係佢第三次行Camino，之前兩次都係行法國之路，其中一次仲要同個仔行。

:^(

佢見我唔係韓國人有啲驚訝，又話朝聖之路有咁多韓國人已經變成一種文化，不過佢又話應該會愈來愈多亞洲人黎行(指既係強國人

:^(

)。行左冇耐，Burno想入Bar食早餐，咁我又想一齊行多陣，所以就跟埋入去食，伯伯好好人請我飲左杯咖啡。

:^(

由 Bar再行十分鐘左右就已經去到海邊，前面就係大西洋！

雖然Porto算係海邊城市，但係佢市中心淨係得條河，所以我已經好幾日冇見到海。

:^(

黎到海邊即刻感覺到大西洋強勁既海風，而且聞到海水既咸味，成個海岸線好廣闊，係180度無敵大海景，同行去 Finisterre 嘅時候比又係另一種感覺。

:^(

有個海喺隔離都仲要泳池。

:^(

我一見到個海就覺得好開心，我唔知係因為又見到個海，定係因為可以再行camino，不過我覺得唔留喺Porto，過黎行葡萄牙之路絕對係正確決定。

:^(

之前都講到，6月嘅海線真係好冷清，一路都好少見到其他朝聖者。

:^(

除左一開始遇到Burno，就只係見到另一個白人男仔，不過佢好酷望都冇望我地，冇打招呼咁就行過左。

就係佢～～～

:^(

個男仔好高，目測有一米九，所以唔駛幾步就行到唔見左影。之後都冇乜遇到其他朝聖者。。。欸，其實都有嘅，不過全部都係行反方向囉，

:^(

由Matosinhos 行去Vila do Conde一路上至少遇到五個朝聖者行返去Porto。。。







不過唔好誤會，冇朝聖者行呢條路唔代表冇其他人行呢段路。

:^(

Litoral呢條海邊棧道由Matosinhos 一直延伸30km，有好多本地人喺度跑步、放狗、散步甚至踩越野單車。

而且沿路風景真係好靚，我好肯定呢段路係成條葡萄牙之路其中最靚既一段，尤其係行過左一開始側邊啲工廠區之後，成條就只係淨返你同埋個海。

:^(

相比起Porto週圍都係外國遊客，呢度風景咁好但係就只係得本地居民、葡萄牙遊客，如果唔係因為要行廿幾公里路，我真係想喺沙灘坐返幾個鐘。

:^(

呢個方尖碑應該係海線其中一個地標，Burno叫我幫佢影張相，sent俾佢老婆報平安。

:^(

方尖碑紀念葡萄牙內戰嗰時(Liberal Wars) ，國王帶領軍隊喺度登陸，開展左兩年嘅王位爭奪戰。

內戰係由兩兄弟爭奪王位，當時拿破侖喺歐洲東征西討，葡萄牙皇室為左避風頭，就走左佬去自己既殖民地巴西。

:^(

之後葡萄牙國王反而想留喺巴西做土皇帝，所以就宣布巴西獨立，然後將葡萄牙王位傳左俾自己七歲既女，又將個女嫁俾自己細佬，算係撒手唔理歐洲啲嘢～～
(歐洲皇室啲亂倫我一直都唔明

:^(

)

點知冇耐，個細佬就想自己做埋葡萄牙話事人，而國王喺巴西又撈得唔係好掂，所以就索性招兵買馬，帶兵返葡萄牙同細佬一決高下。

:^(

當年1832年國王就喺呢個沙灘登陸，打左兩年仗之後，成功幫個女復辟王位，自己做攝政王。

:^(

國王叫佩德羅一世，外號“士兵皇帝”，係一個美男子，最諷刺嘅係，打勝仗四個月之後佢就因為肺結核死左，嗰時佢先35歲。

:^(

同意大利伯伯行左三個鐘之後，佢去到今日嘅目的地Labruge，嗰度有間公營庇護所，所以佢當熱身短短地行13km算。

我見時間先十點，所以繼續行埋淨低10km，去Vila do Conde。

:^(

之後嘅路海灘接海灘，風好大浪好高，就算我係岸邊行緊，聽到海浪聲、吹住海風，都感覺自己好似喺海入面游緊水咁。

:^(

沿路既海灘都有唔少葡萄牙人游水、曬太陽，但係個海灘實在太大太長，所以絕對唔會出現淺水灣沙灘冇位坐嘅問題。

:^(

葡萄牙之路同法國之路嘅最大分別就係：行左兩個鐘，除左自己，一個朝聖者都見唔到，堅係一個人的朝聖之路。

:^(

有唔少本地人都同我講Bom Caminho，可能淡季好少見到亞洲人，大家都好友善，有時見我揾唔到箭咀就會幫我指下路，指一指前面條路然後話Vila do Conde。

:^(

我唔係話法國之路沿途啲居民冷漠，利申我好鍾意西班牙人既友善熱情，不過行葡萄牙海線既朝聖者比行銀之路嘅仲要少，相對之下少好多人，可能係因為咁，當地人就更加主動去幫助你。

:^(

棧道好平坦，感覺上同行法國之路Meseta 高原差唔多，不過就唔係好適合用行山竹，支野成日插左落兩塊木板中間，行行下差啲仆街。

:^(

最後我放棄左，行棧道嗰時就收起兩碌嘢，難得人地送左兩支行山竹俾我，竟然無用武之地。

:^(

Glockenspiel 2019-2-20 18:22:04 我諗住預多1/2日 buffer

:^(

去santiago會去埋Fisterra 咁又要多一日

:^(

諗住清明前後請9日 咁加埋有13/4日

Hong Kong > 轉機 > Lisbo
Lisbo > Porto
行行行
santiago > Fisterra
Fisterra > Santiago
Santiago > Maldrid/ Lisbo
Airport > Hong Kong
點睇都係好趕

:^(