馬戈 2019-2-14 00:50:31 個種口感好特別, 完全唔同香港食到嘅八爪魚口感
有次我去超市諗住買D自己煮下, 點知見到都幾貴下, 算數

:^(

WiFi密碼 2019-2-14 00:58:32

:^(

我自己一個都會去食，雖然係毒左啲

遠方的鼓聲 2019-2-14 00:59:55 事前無做research 唔知咩地方有d咩出名既野食

:^(

WiFi密碼 2019-2-14 01:00:25 食落真係唔同啲，都唔知佢點煮，巴打對廚藝好似有啲心得

:^(

WiFi密碼 2019-2-14 01:02:09 Mads唔係行過咩？竟然唔講下食乜

:^(

馬戈 2019-2-14 01:03:17 我平時都係公仔面大師黎

:^(

, 我諗住買黎自己煮下, 會唔會都係軟淋淋嘅,
究竟係食材本身唔同, 定係煮食技巧唔同

遠方的鼓聲 2019-2-14 01:06:34 條友無慾無求 每日one beer, one nap就足矣

:^(

WiFi密碼 2019-2-14 01:09:35 咁真係唔知喎

:^(

，呢個要留返下次camino先解答到

WiFi密碼 2019-2-14 01:12:41 鬼佬都係飲酒就夠，no vino no camino

:^(

WiFi密碼 2019-2-14 13:40:29 只係淨返40km就到 Santiago，已經行左31日，再行多兩日就會去到令人日思夜想嘅終點。

之前一直係到諗，去到終點到底會係點樣，依家唔駛再幻想，因為夢境好快就會成為現實。

嗰一刻嘅心情好矛盾，一方面好期待去到終點完成朝聖，另一方面又唔想咁快行完返去現實。

:^(

另一個矛盾位就係，我清楚明白Santiago 係法國之路嘅終點，行到之後我嘅camino就正式完左，但係我又知道之後仲有路要行，要繼續行去 Finisterre、Muxia甚至葡萄牙之路，到底真正嘅終喺邊度呢？

:^(

今日又變返三人行，一出黎天氣唔錯，有久違嘅藍天白雲。

一上路就已經好多朝聖者一齊行，其實黎到今時今日都預左會有咁多人，但係每次一咩起背囊要行嘅時候，都係唔習慣呢個轉變，依家我最懷念嘅係反而meseta高原嗰段日子，雖然孤毒啲，但係至少有自己嘅空間。

:^(

就好似去旅行咁，同唔夾嘅人一齊出去玩，真係仲慘過自己一條友。

:^(

Santiago 嘅住宿一般都好貴，而且要住平嘢嘅話就要一早 book定，所以噚晚我地就已經睇定住邊好。

呢次係行左咁多日以來第一次book定住宿，所以亦都篤定左我地聽日會行到 Santiago。

:^(

格過價之後就揀左Seminario Menor，係一間勁大有200幾張床嘅super alberge，當時都唔知道原來呢間嘢咁熱門，之後先發現住呢度係一個正確嘅選擇。

Josan就一次過book曬三個人嘅床位，不過，間庇護所分開多人房同單人房，多人14歐，單人17歐。

:^(

只不過係多3歐，正常都會揀單人房啦，但係最詭異嘅就係卜傾.com話只係淨返一間單人房，想 book多間都唔得。

:^(

最後Josan就book左1個單人，2個多人，大家除返三個人每人15歐，然後去到之後再猜包剪揼，贏左嘅就可以住單人房！

:^(

今日一路行，我地就一路傾呢件事，個個都話間單人房係自己嘅，你地兩個唔駛同我爭。尤其是係姐姐，好肯定咁話 the single room is mine，話自己包剪揼嬴硬。呢一刻又令我諗起O Cebreiro 嗰日發生既事，點解成日都有呢啲兩難情況發生架。

:^(

:^(

:^(

之後姐姐為左去廁所，佢行返轉到去間Bar順便飲嘢，我同Josan就繼續行。



米奇米妮，RIP，Josan仲送上鮮花

:^(

因為諗住等埋姐姐追上黎，所以我地行得好慢，行左幾公里之後仲見到有另外一間bar喺路邊，咁我地兩個都入左去坐下。

老闆個樣望落好惡，我點左杯coffee milk，佢整黎整去搞左好耐，最後竟然幫我拉左個花。

:^(

Josan去完廁所出黎，我影低左拉花張相俾佢睇，佢唔敢相信個樣好似黑社會老大嘅人，竟然會做啲咁溫柔既嘢。

:^(

我地飲野嗰陣見到姐姐好快咁行過，不過間bar喺馬路嘅另一邊，姐姐又帶左耳機聽住歌行，所以完全聽唔到我嗌佢，結果就調轉左係我同Josan係後面追佢。





之後呢段路好多人，好難爬頭人過人，Josan仲俾個大叔拉住吹水，咁我又聽唔明西班牙話所以就行先。

姐姐一條友行得勁快，十一點半就已經去到O Pedrouzo，我慢佢半個鐘，而Josan又再慢半個鐘，大家12點半嗰陣喺間 bar集合返。


去到O Pedrouzo 就已經進入最後20km，大約就好似由馬鞍山行去尖沙咀咁，感覺愈來愈sad。

:^(

我地係bar度一邊坐一邊諗要唔要繼續行：大部份朝聖者今晚都會住係 O Pedrouzo呢度，聽日行埋最後二十公里去 Santiago，

但係app嘅建議就係，最後一晚住得愈近Santiago就愈好，咁第二朝就可以避開下午嘅人潮，去office攞證書唔駛排隊之餘，亦都可以參加中午十二點既pilgrim mass。

再行嘅話就係行多14km去 Monte do Gozo，嗰度有一間有400個床位超巨型庇護所，所以就算我地幾遲行到去，都一定唔駛訓街。

:^(

最後我地決定繼續行去Monte do Gozo，因為今日天氣唔錯，依家行左 20km就停低好似太早。

出發之前我地去左食 pizza，hea下先再行。

:^(

好耐都未試過唔駛擔心床位曬，所以就享受下最後難得既悠閒，結果一食就食左兩粒鐘。


走嗰陣我地遇到Nick，佢已經check左 in，今晚住O Pedrouzo呢度，佢覺得兩點半仲要行14km係傻左，所以就See you in Santiago la。

:^(

(點知最後係Santiago都遇唔到

:^(

:^(

:^(

)

然後仲遇到高恩同允貞，佢地會行多8km去Labacolla，而女神就一早坐巴士去左嗰度。

:^(

呢個時候開始落雨，真係食嘢嗰時兩個鐘都冇雨，一開始行就落。雨愈落雨大，大到我都唔敢再㩒手機，怕整濕部電話。

行到中段仲要上斜，要繞過Santiago條機場跑道，上山嗰時又係爛泥路，加上大雨同大斜路，姐姐同 Josan都行得好慢。

我又好似O Cebreiro 嗰日咁做導隊，喺前面係咁講“almost there! almost there! ”，不過大家問仲有幾遠嗰時我都唔敢答，因為行極都仲有10km。

:^(

行行下我地追到前面三條友，其中一個係噚日識落嘅墨西哥大叔，佢同兩個英國姨姨一樣想行去 Monte do Gozo，但係行得仲慢過我地，所以我就話去到庇護所見。

:^(

馬戈 2019-2-14 13:46:23

:^(

差少少啊喂, 咪吊癮

WiFi密碼 2019-2-14 13:58:01 同墨西哥大叔掰掰之後場雨變左做紅色爆雨，有幾段路變左做小溪，要涉水先過到去，

原本我地都諗住兜路行，但係之後見到水氹都係掂行掂過，因為隻鞋入面早已經濕曬。

:^(

就係由今日起，我隻著左個零月嘅新鞋就唔再防水，除左隻襪吸曬水之外，鞋裡面亦都可以裝水，每行一步都好似踩左入河裡面咁。

:^(

:^(

:^(

最恐怖嘅係我冇雨褸，所以“真”全身濕曬，連底衫褲都濕埋，喺底褲都濕曬嘅情況下仲要行兩個鐘真係好噁心。

:^(

當時我仲以為自己黎到最後一日先病，好驚發燒，好驚聽日病住咁行去Santiago。

另一樣令我擔心就係個背囊，好怕裡面啲嘢濕曬，今日既雨太大，個防雨罩根本唔夠用，我又冇雨褸笠埋個背囊，裡面部ipad、相機濕曬就gg。

:^(

:^(

:^(

嗰時我真係好想鬧個天：朝早個藍天白雲咁樣陰鳩左，原來下晝大雨到pk。

呢次都係唯一一次三個人同時崩潰，大家都冇講嘢一直行，但係亦都冇人話要停低，所以就一直行去 Monte do Gozo。

:^(

事後諗返，如果唔係因為兩個朋友，得我自己一個人行嘅話，我一定會係半路停左隨便搵間庇護所算。

除左大雨，呢段路仲不停上上落落，感覺就係行極都有，永遠都行唔完。

行過電視台外面嗰時，第一次喺camino上見到巴士，

:^(

架巴士慢慢駛過Josan嗰時，啱啱個車呔駛過左過水氹，濺到Josan過頭全身都係水。

我同姐姐喺後面睇住呢一幕，雖然Josan真係好慘，但係我地兩個都忍唔住笑左出聲，佢仲話咁啱開口飲左啲水。

:^(

:^(

:^(

呢14km全程落雨，一路上遇到既人少過十個，唔知係因為太晏定係因為雨太大，都就快去到Santiago啦，竟然遇唔到其他朝聖者。

Monte do Gozo 意思喜悅之丘，都話明山丘啦，所以最後一段路都要上山。最後黎到山頂有一座雕塑，係紀念1989年前教宗約翰保錄二世黎過呢度主持彌撒。





見到呢座雕塑嘅時候，我真係好開心，嗰種開心係由心而發，就好似自己已經到左 Santiago咁。

:^(

終於到左Monte do Gozo，但係我地三個都攰到喊，就連慶祝嘅力氣都冇。

今日呢段路仲艱辛過O Cebreiro 嗰日，雖然“只係”34km(已經係我行得第二遠既一日)，不過就行到六點鐘，破紀錄咁晏先去到目的地。

:^(

姐姐呢一日亦都破左佢嘅最遠距離，佢話今日嘅暴雨就係上天對佢最後嘅試煉。



入到庇護所好冷清，二三十間平房只係開左一間，所有朝聖者數埋應該冇五十個。我地行入庇護所嗰陣整到成地濕曬，真係唔講得笑，我全身任何一度都可以擰出水。

:^(

入到房姐姐仲嫌棄我件褸一直滴水，叫我掛返佢喺門口，

而我地都除左個鞋墊落黎，一擰塊墊竟然可以擰到半杯水出黎。

:^(

沖熱水涼嗰時我忍唔住大嗌～～～woooooo-hooooo！！！同 O Cebreiro 嗰日一樣，有種歷劫重生嘅感覺，加上行到嘅時候又濕又凍，呢個唔駛諗一定全條camino最爽嘅熱水涼！同埋最重要嘅係，聽日就到Santiago喇！

:^(

Monte do Gozo比Santiago 市區高百幾米，所以離遠就望到Santiago 嘅三塔大教堂，真係好震撼～

我從來都冇見過咁樣嘅教堂，諗到聽日就會行到過去，感覺好唔真實。




去左附近間食左chicken cheese brocadilla，雖然只係一個好普通嘅三文治，但係真係好好味。我地三個已經傾到聽日去到 Santiago要做咩，又諗定要幾點出門口行過去。

估唔到臨到終點嘅最後一夜，雖然又濕又凍，但係都有兩個戰友一直陪我行到呢度。

:^(

後記：最後都冇見到墨西哥大叔，所以佢應該中途放棄左，冇行到黎 Monte do Gozo。

:^(

嗰晚菲律賓人Emilio sent左張圖俾我，嚇左我一跳。

:^(

:^(

之前佢停左係Sarria之後我地就冇見過面，點知佢今日由 Palas de Rei一嘢行到O Pedrouzo，官方距離48km，佢應該又係唔知點蕩失路，結果行左58km，痴左線。

不過咁嘅話，聽日去到 Santiago大家就可以見臉！

:^(

WiFi密碼 2019-2-14 14:00:38 聽日就到 Santiago，雖然好唔捨得，好唔想咁快行到終點。

但係依家距離大教堂只係5km，路始終係要繼續向前行，冇得永遠停係Monte do Gozo。

:^(

:^(

:^(

總結返一路由 SJPP行去Santiago de Compostela，一共行左33日，由五月行到六月，成個月冇坐過任何交通工具，連電樓梯都冇見過，好似廿幾歲人都未試過咁樣。

:^(

Day 1 Roncesvalles 27km
Day 2 Larasoana 25km
Day 3 Pamplona 16km
Day 4 Puenta La Reina 25km
Day 5 Estella 22km
Day 6 Torres de Rio 29km
Day 7 Logrono 20km
Day 8 Najera 28km
Day 9 Santo Domingo21km
Day 10 Tosantos 28km
Day 11 Atapuerca 25km
Day 12 Burgos 20km
Day 13 Hontanas 31km
Day 14 Itero de la Vega 20km
Day 15 Villarmentero de Campos 25km
Day 16 Calzadilla de la Cueza 29km
Day 17 Sahagun 23km
Day 18 Bercianos del Real Camino 10
Day 19 Mansilla de las Mulas 26
Day 20 León 20
Day 21 Villar de Mazarife 20
Day 22 Astorga 33
Day 23 Astorga 0
Day 24 Foncebadon 25
Day 25 Ponferrada 30
Day 26 Villafranca de Bierzo 23
Day 27 Alto do Poio 40
Day 28 Samos 21
Day 29 Ferreiros 28
Day 30 Palas de Rei 33
Day 31 Arzúa 28
Day 32 Monte do Gozo 34
Day 33 Santiago de Compostela 5

Total distance: 790km
Average distance per day: 23.9km

之前講到每個人嘅Camino都會分幾個Chapter，我嘅first chaper係由 SJPP到 Burgos，同大叔、姐姐佢地兩個行左好耐，camino上每一樣都好新鮮。

:^(

跟住second chapter由Burgos到 Astorga冇左姐姐，一個人穿過高原，沿路都遇到唔少新朋友，雖然有時覺得好寂寞，但係就享受到朝聖嘅寧靜。

Last chapter喺Astorga 遇返姐姐，之後Josan又等埋我地，好多時都係三個人摺住玩，去到尾段識嘅新朋友少左，不過最後十日經歷既事，就好似比之前嘅都要深刻。

:^(

(睇下今晚可唔可以出埋Santiago衝線)

WiFi密碼 2019-2-14 14:02:08 巴打追得太貼

:^(

多謝支持

馬戈 2019-2-14 14:03:00

:^(

睇黎9,10月行有個好處, 就係無乜雨

WiFi密碼 2019-2-14 14:06:15 我都唔知原來5、6月咁Q多雨

:^(

流水法法 2019-2-14 14:18:43

聽日就到 Santiago，雖然好唔捨得，好唔想咁快行到終點。

睇緊嘅都一樣係唔捨得..

遠方的鼓聲 2019-2-14 14:20:55 我都係Monte do Gozo留左一晚

:^(

WiFi密碼 2019-2-14 14:32:38 嗰一刻真係好 sad

:^(

WiFi密碼 2019-2-14 14:33:30 絲打可以睇下462樓嗰幾張相

:^(

馬戈 2019-2-14 20:22:41

:^(

樓主今晚洗唔洗做節

首席鳩噏官 2019-2-14 20:59:35 衝線前留名

:^(

:^(

:^(

喺monte do gozo望到santiago個感覺真係會好興奮又sadsad哋

WiFi密碼 2019-2-15 01:30:47 行左咁耐，Santiago突然之間出現喺視線入面，感覺就好似夢醒

:^(

WiFi密碼 2019-2-15 01:50:26 我出post係因為我勤力呀，你地唔好誤會，我都要過節架～我要架～～我～～～

:^(

:^(

:^(

:^(

:^(

黎到最後一日，出面依然落住雨，個天好唔俾面。

不過今日就有好多人懶懶閒遲遲未出發，我地三個人都唔急，八點半開始行嘅話，九點半就行到去大教堂，今日有一整日時間喺Santiago，快一、兩個鐘都唔差得幾多。

:^(

噚日對鞋濕曬，同前台攞左份報紙，塞啲紙入隻鞋入面希望可以吸濕，但係好似冇乜用，一着好對鞋隻襪就已經濕曬。

:^(

Monte do Gozo 側邊唔夠1km有個朝聖者雕像，係打卡熱點，由嗰度望出去亦都好清楚見到主教堂(冇雨嘅話)。

喺我嘅慫恿之下，我嘅兩個朋友半被迫咁同我一齊行去嗰度，影返幾張相留念。

:^(

其實，姐姐去到後期已經少左行景點，之前成日講嘅“我是可以的“依家就冇乜講，可能係審美疲勞，或者係隻腳行得太攰，要行遠少少嘅景點都好少去。




影完相之後要兜返去官方路線上面，正式行埋最後一段路。噚日經過左絕望嘅三個鐘，換黎今日可以慢慢行，唔駛再經歷趕路嘅日子(我以為)。

過左機場跑道之後，官方沿途既里程碑就冇再寫公里數，我唔知道佢係有心定係冇意，特登唔俾我地知道仲有幾遠先到大教堂。

:^(

不過唔知嘅好處係，唔駛見到個數字愈來愈細，心情就愈來愈down。





就快行到大教堂嘅時候，我地冇再跟貝殼行。噚日姐姐話喺fb group 見到有間餐廳食嘢好平，咁我地入左城之後就兜路，去睇下間餐廳乜料，然後去到先發現原來嗰度係間類似食物銀行既地方，專俾弱勢社群去食飯。

:^(

所以早餐食唔到，只可以專心行去終點～大教堂！

:^(

因為冇跟住箭咀行，所以變左我帶隊亂行過去大教堂，Santiago 古城好似迷宮咁，四週圍鋪曬石板路感覺好古老。

由於今朝一直落雨，所以條街冇乜人，我地穿過左市集去到大教堂南門，然後轉個彎就己經見到大廣場！

:^(

再望向大廣場既右手邊，OMG，係大教堂雙塔正面！


我地好快行到入大廣場正中央，落住雨嘅 Santiago好冷清，成個地方就好似得我地三個人咁，好空曠，好灰暗。

:^(

我地亦都俾場雨搞到成個人殘曬，不過，去到終點始終應該慶祝一下～～

Josan舉起佢支行山棍，yay！姐姐舉起雙手同Josan 擊掌，露出鬆一口氣嘅笑容。

:^(

我都唔知點表達我嘅心情，

我一直攞住部相機，一直影住前面條路，見到大教堂正面 facade嗰時，我淨係識得“哇”一聲，

呢個“哇”真係好複雜，明明已經到左終點，但係嗰一刻我真係好傷心，

:^(

:^(

:^(

我覺得我對 camino嘅唔捨得，仲強烈過我成功行完camino嘅滿足感。

:^(

我地好hea咁影左幾張相就走左，因為場雨實在太大，所以無謂一直企係廣場淋雨，而且我地下晝可以再返過黎。

行去攞證書嗰時，我影住片問Josan同姐姐有乜想講，

Josan對住鏡頭講左一堆西班牙話，我諗有朝一日我學識西班牙文嗰時，我就可以睇返條片聽下佢up乜。

:^(

姐姐就望住個鏡頭，諗左好耐，最後講左一句，“我終於做到了，就是這樣”。

:^(

我淨係影住佢地兩個，影住行去 office嘅路，我真係唔知應該講乜好，除左知道要去攞證書之外，我個腦空白一片。





Office裡面好多人，但係好多人都冇見過，除左高恩、允貞同女神三個韓妹之外，其他朝聖者都係素未謀臉。

Office裡面唔俾影相，我影左幾張之後就有個職員同我講 no photo，攞證書嗰時，個職員冇乜點睇我啲印仔，就係張證書上面寫左我個名，證明我行完camino。



證書有免費嘅Compostela，同埋盛惠3歐嘅Distance Certificate，寫埋你幾時同邊度出發，一共行左幾遠。

我覺得我黎行camino都唔係為左咩證書，所以就冇俾錢要另外一張(咁點解我又俾錢要左張中途證書，好似有啲自相矛盾

:^(

)。

出返去，我地見到新加坡嘅Heidi姨姨，佢一個人黎到office，個樣都係行到殘曬，Leon之後就冇見過佢，估唔到黎到終點又遇返。

:^(

我地只係打個招呼，然後就趕去食早餐，同埋將個背囊放喺庇護所，咁就可以入教堂參加Pilgrim's mass。



食早餐嗰時我 sent左張相俾老豆老母睇

:^(

噚日講到我地只係book到一間單人房，另外兩個多人房，去到庇護所前台先話，其實有好多單人房，所以你地唔駛猜包剪揼啦。

:^(

:^(

韓妹佢地一樣係住巨型庇護所Seminario Menor，我地去到嗰時佢地就啱啱出去，地庫有一排儲物櫃可以放背囊，但係每格盛惠2歐。

啲韓妹就咁放左佢地個背囊入個櫃，冇俾錢上鎖，姐姐就話佢地冇文化，咁樣霸住個locker。

:^(

我地為左慳錢留返啲 locker俾其他人用，就將三個背囊夾硬塞入一個櫃裡面，差啲整爛左自己個袋。

:^(

WiFi密碼 2019-2-15 02:14:35 去返大教堂想參加彌撒嗰時，我地發現排隊既人實在太多，個 mass都已經開始左，不過我地都仲未排到入去教堂裡面。

:^(

所以最後改用 plan b，參加夜晚個 pilgrim's mass算，依家先去食飯做返個觀光客。

:^(

已經行完 camino，冇左膊頭上面既重量，做一個遊客既感覺好奇怪。

雖然行緊 camino嗰時我一直都話自己係觀光客，但係行到終點之後，就覺得自己身心好似少左一部分咁，冇得繼續以朝聖者既身份上路。

:^(

姐姐話想去今朝經過嗰個市集行下，所以我地就去左嗰度覓食。

但係行行下又變左飲酒，有個路邊攤賣紅酒，大家一人點左杯，然後Josan唔知走左去邊。


返黎既時候，Josan攞住一包croquette請大家食，佢知道我對Leon嘅 croquette念念不忘，所以特登買呢樣小食返黎。




之後認真搵左間餐廳食飯，間嘢叫 La Tita，好多人食，最正嘅係佢點杯啤酒送一份tortilla，而且份 tortilla味道好特別幾好食。

:^(

我地仲點左其他嘢食，算係慶祝黎到 Santiago既一餐飯，食到好飽，好飽。










因為夜晚個mass係七點，所以大家就返庇護所唞下先再出去，




返到庇護所既時候估下我遇到邊個～～～係Emilio呀！

佢係廚房煮緊飯食，咁我就約好佢夜晚一齊去 Pilgrim's mass，同埋同佢講返句：生日快樂！今日啱啱好係Emilio生日，而我地就係Santiago過呢一日。

:^(

Santiago de Compostela Catherdral同Burgos Cathedral 一樣，成座教堂嘅唔同部分體現到唔同時代嘅風格，呢度最常見既係巴洛克風格，裡面嘅裝潢好誇張精緻。




教堂既聖壇上面有 St. James既雕像，Josan話要去抱抱沾啲好運。

而聖壇下面就放左St. James既棺木，亦即係朝聖之路嘅終點。

唔知點解大家都係排隊上去抱抱，反而冇乜人落去睇St. James嘅墓。

:^(

我好快就穿過左個地下室，見到St. James我反而冇乜感覺，可能係因為我冇信教，佢個墓對我黎講只係終點，我對佢個人反而冇咁大興趣。

(其實好似唔影得相

:^(

)

Pilgrim's mass係全西班牙文，但係當中穿插左好多聖詩，修女solo領唱好好聽，但係我依然聽到好傷心。

:^(

:^(

:^(

識唱嘅人都會跟住唱，我都想跟住一齊唱，可惜就係唔識西班牙話。


成個Mass完左之後，有個神父出黎話朝聖者可以留低，好似仲有另一個mass，姐姐就話不了，所以佢自己走左先。

原本我都想走，但係諗下又覺得我未必會有第二次camino，呢次唔去嘅話就冇下次，所以就跟 Josan同 Emilio 一齊留低。

:^(

神父帶左我地出教堂既迴廊，一人俾左一張黑色卡紙我地。

佢係中間起左一團火，然後叫我地喺心入面諗，諗好一樣你最想戒甩嘅壞習慣，唔駛講俾其他人知。

然後每人輪流將張黑色紙放入團火裡面，燒左佢，張紙就代表你既惡習，燒左張紙，出返去你就要重新做人。

:^(

之後神父又帶我地行教堂，好仔細咁講解每一個部分，呢一刻我淨係覺得唔識西班牙文真係想死，錯過左好多野。

:^(

:^(

有一部分，所有人坐曬喺個聖壇上面，神父帶領大家祈禱之後，請大家分享下camino上面嘅經歷，Emilio出黎分享左一段：

我今日好感恩，可以行上朝聖之路，可以黎到Santiago，呢一日對我黎講好特別... 係我嘅生日，所以我亦都想今日趕到Santiago呢度... 今日我已經33歲，耶穌就只係得33歲，我已經活到耶穌嘅年齡... 所以好希望今日之後... 可以做到一個全新既自己.....

Emilio愈講愈激動，最後喊到講唔出聲，Camino is a gift for myself at age 33. 我聽到Emilio 嘅分享，個鼻都有啲酸，我只係23歲，就已經有機會黎行camino，其實我真係好幸運。

:^(

成個活動/儀式(我都唔知叫咩)完左，出面落嘅雨更大，我地三個人用一把傘，隨便搵左間餐廳慶祝Emilio生日。

Emilio話好開心見到我地，因為佢噚日特登行58km，就係為左喺佢生日今日趕到Santiago。但係佢都好驚超前一日之後就冇舊人一齊同佢過生日，所以今日好開心可以遇到我地。

:^(

嗰日我先知道，原來外國人生日，係生日嗰位壽星仔請客，同香港啱啱調轉，點解我班friend都係夾份請生日嗰個食飯嘅？

:^(

對唔住各位巴絲，衝線呢日寫得好似有啲 sad，但係現實其實仲 sad

:^(

:^(

:^(