馬戈 2019-1-18 18:18:54 有個知道camino魅力嘅老豆真係

:^(

馬戈 2019-1-18 18:24:13

所以我唔係太鍾意一早開始行山(一早嘅意思係天都未光

:^(

)

10月西班牙日出要成8半之後...一定摸黑出發, 而且好凍好大風, 朝早可以得6~8度+強風, 無手套吹一陣就凍到痛, 唯有伸入褲袋.

我到Pamplona個日太晏, 個Albergue full咗都無位, 去service centre個度, D服務人員幫我搵咗間hostel, 15歐, 無伙食, 全程唯一一次單人房.
後尾遇到兩個台灣大嬸, 佢地唔會住大城市...不過有幾次同我行就住低咗

:^(

馬戈 2019-1-18 18:33:01 果然人嘅記憶係唔可靠嘅, 睇返D相, 原來有12度

:^(

首席鳩噏官 2019-1-18 18:49:00 留名 啱啱7月行完
到依家仲日日啩住嗰時啲生活

:^(

樓主你頭幾日同我行程一樣

:^(

WiFi密碼 2019-1-18 19:37:01 佢太好人～可惜我係個不孝子

:^(

WiFi密碼 2019-1-18 19:42:48 咁咪行唔到Pamplona?! 其實個舊城區都幾覩。

原來十月咁遲先天光，有機會再行都係四月好

:^(

唉，我之後都試過幾日天未光就行，可能係因為冇頭燈，次次都行錯路，一係就行得勁慢，到最後我都係放棄等日出先行

:^(

WiFi密碼 2019-1-18 19:44:26 Camino係有佢嘅魔力

:^(

面具男 2019-1-18 19:44:46 lm，一個人行咁多日山真係好勇

:^(

:^(

大雞樂 2019-1-18 19:50:40 上次係Santiago de Compostela見到個啱啱到終點嘅亞洲人kick到地下舊石仆街 隔離班西班牙仔笑到仆街

:^(

:^(

:^(

:^(

:^(

面具男 2019-1-18 19:55:18 原來樓主仲係第一次獨遊，第一次就玩啲噉嘅嘢，真係好撚勇， 我第一次毒遊只係敢去台灣

:^(

我除咗老竇叫你去，仲有乜原因令你踏出這一步？

WiFi密碼 2019-1-18 20:06:34 咁仆街，整係笑都唔扶下人

:^(

芒果豆腐花 2019-1-18 20:08:18 真係勁好 會鼓勵個仔去做呢d

:^(

WiFi密碼 2019-1-18 20:14:23 另一個原因係因為好多朋友都獨遊過，自己就一直淆底冇試過，所以好想試番次。唔係話毒遊就威啲，我覺得一個人有一個人好，成班 friend有成班friend好，呢次出黎只係想講俾自己聽我都可以自己一個

:^(

咁啱camino 又係俾一條友行，所以就 go

不過仲有另一個原因就睇下幾時寫到啦～～～

面具男 2019-1-18 20:18:31 樓主有冇信教？宗教原因？

WiFi密碼 2019-1-18 20:22:33 Nonono～冇信仰

:^(

面具男 2019-1-18 21:13:38 樓主幾大？英文水平如何？溝通ok嗎？


btw雖然有啲強人所難，我都明打文辛苦，但可唔可以分多啲段或者打多啲公仔，容易睇啲

:^(

WiFi密碼 2019-1-18 23:14:07 今日由Pamplona 出發，目的地係廿五公里外嘅Puenta La Reina (應該叫做皇后橋鎮，但係因為貪方便之後大家都叫佢皇后鎮)。

:^(

其實大家開始有共識，只要嗰日唔超過30k就可以輕鬆行，一超過30就好似打大佬咁

:^(

，所以無論如何都要避免30呢個magic number。

用左成鐘先行出個城，一路上都冇遇到乜特別事，只係覺得可以去番山入面行舒服好多，而且今日係久違嘅上山，更加有行山嘅感覺。

:^(

呢個伯伯係拖住隻驢仔朝聖，好歡迎大家同佢影相。

之後幾日路上都見到佢，但係唔知從邊日起就唔見在

:^(

而且呢幾日都有個韓國女仔自己一個行，韓國人自己一個行其實唔多，通常都係成群結隊可以一齊講韓文煮飯仔。

(事實上，行得法國之路，好多人都係想接觸多啲唔同嘅人，比較重視人與人之間既交流。相反，想面對自己內心世界，同自己嘅心靈對話的話，其他camino會有更多獨處嘅時間

:^(

)

大叔同姐姐都話個女仔個樣好似寶兒

:^(

，所以就直接叫佢寶兒。

寶兒行得好慢但係會一直行唔休息，雖然一開始我地行得快過佢，但係每當我地停低飲嘢就會俾佢反超，所以每次都會快過我地行到目的地。

同寶兒由Roncesvalle 到 Torres del Rio每日都見面，但係之後就一直冇見過，好多camino 嘅人都係咁樣靜靜黎到靜靜離開，其實係有啲傷感。

:^(

上山嗰時，唔知點解傾傾下講到去政治。

政治永遠都係一個超敏感嘅話題，就算你同嗰個人幾熟都好，一拉扯到政治就好似一個計時炸彈，你係唔會知佢幾時爆。

不過今次講嘅係台灣政治，我完全冇插嘴既空間。(可能咁先至係好事) 講既大概係台灣政府到底透唔透明、民唔民主，中間仲講到退伍軍人示威抗議削減福利，我好多新聞都冇聽過，成個辯論聽到一舊雲。

總之大致上就係咁：

大叔：台灣政府表面看起來很民主，事實上一直在監控市民，甚麼民主自由都是假的，明天誰誰誰消失了也不知道！

:^(

姐姐：台灣已經很民主，可以選舉自己的議員總統，部門與部門之間也有監督，甚麼被監控都是陰謀論。

:^(

拗到最後姐姐就冇出聲，大叔見姐姐冇點應佢亦都冇繼續講落去，我地三條友就前後腳咁行到上山頂。

:^(

:^(

:^(

當時我隱隱約約覺得有啲唔妥，裂縫大概就係嗰陣時一啲一啲慢慢變大，可能大家本來就唔適合一齊行落去，

即使開始嘅時候大家相處幾開心都好，之後既分歧會慢慢浮現，

依然係唔可以逃避貌合神離既問題。

同人生中認識既好多人一樣，住住會因為一啲事、一啲諗法嘅唔同而愈行愈遠。

有時我會諗，如果永遠都可以好似一開始咁你話幾好，

但係人生永遠都係向前行，唯有安慰自己：舊嘅唔去，新嘅唔黎～～

:^(

行到上山頂，呢度係法國之路其中一個經典場面，

上面寫住"where the path of the wind cross the path of the stars"，真係幾浪漫。

山上既天氣同景色都好正，係到休息左半個鐘先繼續行，如果唔係因為太多人我真係想係呢度大叫～



成班人坐曬係到，好似已經行到去Santiago 咁







落山嘅時候開始覺得隻腳好痛，

沿路落斜一直都係石仔路，feel到腳板底已經有水泡，然後膝頭哥痛！

頂！我廿三歲就膝頭哥痛，老左點算！？

事後諗番，應該都係因為個背囊太重，背囊連食物同水大概有十一公斤，而我體重唔到六十公斤。

官方建議係咩住體重十分之一嘅嘢，

但係我依家負重係超過體重嘅五分之一，

所以行左幾日之後就已經全身腰酸背痛。

落山之後行平路依然覺得好辛苦，膊頭好似壓住兩個鉛球咁，行路既姿勢好唔自然。

:^(

去到山腳嘅一間bar，大家都衝曬入去坐下，

姐姐飲左一支四歐嘅可樂，

:^(

我同大叔嘅啤酒就只係兩歐。

:^(

隔離檯有個西班牙人件t-shirt上面印住"李小龍”三隻字，

雖然真名叫Miguel，但係我地都係叫佢Bruce Lee。

李小龍住係西班牙東南沿岸，係一個漁夫，因為自己係自己老闆，所以好多時間行camino。

佢係一個典型嘅朝聖者，bar同bar之間行得勁快，然後一坐低就係半個鐘不停飲酒。

雖然大家英文唔係太溝通到，但係feel到佢係一個好友善嘅人。

之後下午成三點先行到去皇后鎮，寶兒同李小龍已經係餐廳入面食緊嘢，

見到李小龍好熱情咁揮手叫我地入去食，

咁我地就食左個十歐嘅朝聖者餐，有前菜、主菜、甜品和餐酒啦。味道就ok la



冇錯，上面呢個係前菜，我第一次見到過menu starter 係 pasta or paella 都O左

:^(

估唔到既係，皇后鎮間庇護所竟然有八人房，

呢個係我暫時住過最少人嘅房，同房仲有一路上都見面嘅兩個西班牙肥佬(斷手那個)。

嗰日係 common area又遇到另外三個台灣人，

大家交換下資訊然後一齊出去行下個鎮仔。





呢個角度係由曬衫既地方影過去，

我係到曬衫嘅時候影左張相，

第二日悲劇又發生，

我竟然唔記得收衫就直接出發，

一套底衫褲，一對襪就成為我camino上最先嘅陣亡將士。

:^(

之後我地幾個人輪流坐左係個草坪搽藥油，

因為藥油陣味實在太勁，房裡面搽實俾鬼佬鬧爆。

以姐姐所講，佢地見到我成班人係到卒藥，一定會話：這班奇怪的亞洲人。

:^(

嗰晚李小龍幫我地整左個火腿三文治做晚餐，亦即係朝聖之路上面最常食到嘅食物。第四日完！

WiFi密碼 2019-1-18 23:15:05 好喔～

我英文麻麻，只係一般溝通

馬戈 2019-1-19 17:23:47 老實講，官方建議背包重量為體重十分一 基本上無乜可能。
除非你成日寄個袋去下一站。
全部行李帶哂，大家都約莫10kg多少少。

馬戈 2019-1-19 17:26:35

:^(

一講政治就好易反面，講宗教野都係。

芒果豆腐花 2019-1-19 17:39:40 好睇 繼續支持

芒果豆腐花 2019-1-19 17:40:51 樓主點解個袋咁重 有冇d野你孭左全程都用唔著

:^(

WiFi密碼 2019-1-19 19:33:19 有一日我癡左線，以為山入面冇嘢食，所以買左好多食物，淨係水果都1.5kg，最後咩住十二三公斤嘢上山。

:^(

WiFi密碼 2019-1-19 19:37:46 真係冇得再輕

:^(

可能得把遮可以放棄，用得幾次。最慘就係咩左咁多日，去到波圖個商場就漏低左

:^(

面具男 2019-1-19 20:01:21 push

:^(