詛咒遊戲 2019-3-31 17:26:07 是咁的
啱啱拜完山返到屋企
而家打緊文

:^(

貓汁姬 2019-3-31 21:00:38 瘋狂F5等出文

:^(

詛咒遊戲 2019-3-31 21:05:43 　　第二日，女班長同埋果堆科長一張廢紙都無囉返黎，得我囉左幾份報紙，就算直接鋪係壁報上面都唔夠用。
　　不過放學之後班主任囉左學校廢紙回收箱嘅廢紙比我用，有各種唔同顏色嘅通告，廢棄教材同埋報紙同埋宣傳單張。
　　雖然顏色比唔上文具鋪嘅色紙，不過加埋環保元素應該可以加唔少分，我甚至可以用返原來嘅設計。
　　我叫Ｄ科長將報紙嘅文字同埋廣告頁分開，然後準備用黑白廣告頁鋪滿成塊壁報板做底紙，白色通告紙嘅背面做耶穌同埋天使嘅衫，粉紅色通告做袍，黃色通告做面，用深色嘅廣告紙做頭髮。
　　通告嘅Ａ４尺寸啱啱好係一塊「玻璃碎」嘅大細，剪一下加條黑邊就可以砌落去
　　跟住班主任見我直接釘Ｄ報紙上壁報板，即刻叫停我。
　　「你咁樣貼報紙會好核突WoW。」
　　佢無視我嘅設計，無視我以唔同角度嘅背景鋪排，第一眼見到有兩張張報紙打斜貼左上壁報就即刻喝停我。
　　「你想點？
　　我剪張紙你話唔環保，我整環保壁報你話核突，你到底仲要唔要我幫你設針塊壁報？
　　我今次係要用黑白背景親托個彩色耶穌，你咩都見唔到就直接話唔得，究竟你仲想唔想要我幫你設計塊壁報？」
　　 我直接同老師吵大鑊，在埸其他同學都停左手望住我。
　　「我只係想要塊正正常常嘅壁報姐，唔需要奇怪野。」
　　「咁你唔洗搵我啦。」我執起書包直接跑出課室，然後Bang門。
　　點知校長咁啱係出面，佢即刻問我咩事。
　　我將琴日同今日整壁報嘅不愉快事情一五一十咁同佢講。
　　「好，你坐係出面休息下先，我同老師溝通下。」

　　校長走入班房，過左一陣就出番黎。
　　「我知道你可以創造出更好嘅設計，不過老師覺得你嘅設計有Ｄ難度，唔想冒險亦無可奈可。
　　壁報係全班同學嘅事，而老師係比賽嘅最終負責人，所以設計唔能夠由你一個人話曬事。」
　　「係老師佢搵我去設計，咁佢係咪應該尊重我嘅眼光，而唔係三番四次故意留難。」
　　「我明。
　　但係出到去做野都會面對類似嘅情況，你亦只能夠盡可能安撫同滿足個客。」校長同我講道理，所謂校園係社嘅縮影就係咁嘅情況。
　　「不過校長亦好想見識你果個『彩繪玻璃耶穌』，不如你下個禮拜幫我整塊迎賓壁報，班主任同你講嘅獎勵我照比番你。」
　　校長帶我去到操埸，去到擺壁報車嘅角落。
　　果度有二十多架壁報車，上面釘著唔同主題嘅過期活動，我甚至見到上年英文周嘅攤位壁報車。
　　校長指著其中一塊小型壁報車，架車大約有一個成年人舉高手嘅高度同埋一個成年人張開雙臂嘅闊度。
　　「聯歡會果日諗住推Lee架壁報車出校門，你整你隻聖誕耶穌落去啦，隻字用番『Merry Christmas』就得。
　　周老師果邊你唔洗再幫佢啦，我同佢講我叫你走。
　　你返去畫左個聖誕賀卡比賽比張主任先，下禮拜五就截止啦。
　　交左畫先去整塊壁報，唔急。」

詛咒遊戲 2019-3-31 21:07:06 先講句對唔住先

:^(

聽日出唔到文
因為開始返新工，然後禮拜一固定學油畫

順利嘅話禮拜二會返黎出文

ANGEL方家 2019-3-31 21:31:31 恭喜

貓汁姬 2019-3-31 21:35:06 祝舒適好工

:^(

咁就一直F5到星期二

:^(

Prince_Torres 2019-3-31 21:50:24 返新工加油

:^(

:^(

司史使時巿視 2019-4-1 00:04:13 唔夠喉

:^(

:^(

傻豬黎既 2019-4-1 00:32:47 LM.
學園生活好睇d

:^(

肥瘦 2019-4-1 19:10:44 新工

:^(

:^(

:^(

我想轉工

:^(

詛咒遊戲 2019-4-3 00:39:50 　　返到屋企，我好求其咁畫左幅聖誕畫。
　　係一個雪地上面插左個十字架，十字架下面放左一箱箱禮物，然後係十字架左右留位寫Merry Christmas。
　　當然，係白色嘅紙上面畫雪，其係要倒轉黎畫，用藍黑色油個夜晚然後再留白。
　　如果想塊雪地更加厚，就要用白色廣告彩再上一層，跟住係廣告彩上面落灰藍色打陰影。

　　老實講，我唔鐘意Lee個主題，所以無咩點擺心力落去。
　　不過一般細路應該唔識點用顏色，只要注意多Ｄ細節就可以靚過曬佢地。
　　但係，畫畫真係要為左「靚過其他人」而畫咩？
　　我唔知。
　　不過我今幅畫肯定係技巧100分，創意起碼有80分嘅畫。

　　第二日我帶左幅畫返學校交比張主任，佢幫我填左Ｄ報名表就收左幅畫。
　　我見到班房個壁報釘左一層粉紅色嘅底紙，上面剪左小小聖誕花。
　　「琴晚你地搞成點？」我趁住小息問女班長，佢擰轉張櫈正對住我。
　　「Miss叫我地剪D聖誕花出黎，跟住話會整Ｄ紅色絲帶，再加幾隻天使咁。」
　　佢地搞成點都唔關我事，反正都係一個求其交功課嘅傳統聖誕壁報。
　　「今日你地都會留係度做壁報？」我繼續追問女班長。
　　「睇心情啦。」
　　「有寫手冊嗎？」
　　「好似有。」
　　「咁你繼續留底幫老師啦，畢竟通知左家長。」
　　「其實相比起幫老師釘壁報，我更想幫你整果塊耶穌彩繪。」
　　我感覺到佢踢左我一下，然後我又輕輕咁踢返去。
　　「今日我有畫班要上，聽日放學之後我地一齊走啦，校長好似叫我釘另一塊壁報。」
　　「咩野畫班？」
　　「水彩班，比大人上嘅。」
　　「你…你係走去畫咸濕野？」我見佢口塞塞，今次到佢理解錯左大人嘅意思。
　　「無，學生主要係大人，老師亦用比較大人嘅教法而已。
　　畫Ｄ咩由學生自行決定，就算咸濕野都無問題，阿Sir都係咁教。」
　　我解釋我今日會學咩。
　　然後就打鐘啦，佢即刻擰返前面準備下一堂。

詛咒遊戲 2019-4-3 00:41:46 是咁的

新工個師兄西口西面，搞到我成日好驚做錯野
不過佢實際上對我又唔係好差，我又好似識做佢叫我做嘅野

只係仲未catch up到做野嘅節奏

:^(

迪布尼 2019-4-3 03:03:26 支持

:^(

司史使時巿視 2019-4-3 16:24:32 大人班

:^(

:^(

大俠唔可以地中海 2019-4-3 16:30:55

:^(

:^(

:^(

Meow奴 2019-4-3 16:52:14

:^(

:^(

詛咒遊戲 2019-4-4 00:29:26 　　午休時間，女班長拖住我隻手拉左我出操埸。
　　係我感受緊佢對手奇妙嘅觸感嘅時候，人不經不覺已經走左出外面。
　　「唔好成日坐係班房啦，今日又唔係好多功課。」
　　的確，我今日Ｄ功課都已經做曬，食飯之後係課外活動課。
　　理論上我係應該放鬆自已嘅。
　　不過，係小學環境入面，我可以玩Ｄ咩？
　　我地可以活動嘅空間只有一個藍球埸同埋個雨天操埸，係操埸走兩步已經比訓輔咪叫你唔好跑。
　　話就話有兩個跳飛機區，不過Ｄ學生都係玩下包剪揼，贏左行一步咁嘅無聊遊戲。
　　雖然仲有班房電腦室同圖書館，不過好明顯唔係囉黎玩嘅地方。
　　所以除左係班房伏底休息之外我無野可以做。
　　不過既然女班長盛意拳拳，我亦陪佢出出面坐坐。
　　我地係小花園坐埋同一張長櫈，望住藍球埸Ｄon9仔行黎行去。
　　兩個人齋坐好似有Ｄ無聊，不如搵Ｄ水吹下？
　　點知果幾個科長亦跟埋過黎，同女班長一齊講下班男仔有幾on9。
　　細路玩下Ｄ屎尿屁就會覺得好好笑，或者間唔中加一兩句粗口壯膽。
　　不過，對於我黎講，講下流野，講粗口已經係同呼吸差唔多嘅野，根本唔係一個玩笑，所以我Get唔到班女同學笑緊嘅野。　
　　我需要實際嘅活動多過坐係度無所事事。

　　我望到隔離有班人圍住張石枱，係咁叫人行邊步行果步。
　　係象棋嗎？
　　象棋公平但隨機性唔夠多嘅競技遊戲，係我玩TCG 之前我都捉過一排棋。
　　不過當步法都發掘完之後，其實鋪鋪都係差唔多樣。
　　當然，對於細路黎講象棋依然係一樣新鮮事物。
　　所以我走埋果張枱，問果班男仔可唔可以下鋪比我玩。
　　「你識唔識捉嫁？唔係盲棋WoW。」有個睇緊棋嘅男同學笑緊我。
　　「識，緊係識。」
　　「佢係棋王黎嫁Wow。」
　　坐係石櫈上面嘅一個眼鏡小學雞，比佢嘅朋友叫做「棋王」。
　　睇枱面，佢亦佔有絕對優勢，殺到對面片甲不留。
　　他甚至故意不殺將軍，走去吃對面嘅雜兵玩「剝光豬」。
　　見到Lee種囂張嘅風格，我知道佢本人棋力其實唔算太高，所謂「池中無魚蝦自大」。

　　「一陣比人剝光豬你唔好喊。」
　　係一片嘲笑聲當中，我同個所謂棋王捉棋，女班長亦拉左佢果堆科長一齊圍觀。
　　象棋玩嘅策略係「用最少嘅步數將自已嘅強棋行到對面果邊」
　　中炮，上馬，行馬前卒，盡可能幫隻車開路，切入人地嘅心腹位。
　　幫隻車開左路之後，搵辦法比另一邊嘅棋行出黎，或者用已經行左出去嘅棋將死對面。
　　所以我唔會行Ｄ廢棋比隻車係堆廢卒中間開無雙，更加唔會為左捉隻馬而亂大局。
　　「隻馬送比我嘅？嘻嘻。」
　　然後佢食左隻馬之後，隻車比自己堆卒同埋炮頂住左，起碼兩三步先出到黎。
　　我餵棋唔緊要，最緊要我隻炮已經脅持住中路，雙車已經準備叫殺。
　　任佢枱面上有幾張隻棋，只要將軍死左，佢就已經輸左。
　　「嘩，好勁啊。」班女仔即刻起哄，叫我做女棋王。
　　「娛樂玩下姐，得閒切磋一下。」時間差唔多要收棋啦。
　　「除左象棋之外，你仲識得玩Ｄ咩？」一邊收棋女班長一邊問我。
　　「基本上咩都識玩，唔識嘅遊戲睇下規則書都應該識玩。
　　不過學校環境真係無咩野可以玩。」

傻豬黎既 2019-4-4 10:55:22

:^(

ZeroWind 2019-4-4 11:03:35

:^(

司史使時巿視 2019-4-4 11:31:49

:^(

:^(

Friend過你打band 2019-4-4 14:17:47 又屈人機

:^(

貓汁姬 2019-4-4 16:44:58 黎緊會唔會同女班長有發展

:^(

聰耳不聞 2019-4-4 21:32:52

:^(

:^(

莫尼沙 2019-4-5 00:14:11

:^(

好正

詛咒遊戲 2019-4-5 01:12:48 　　課外活動課，我如常去視藝室，點知船長同女班長都跟過黎。
　　原來佢地兩個都揀左繪畫班，只係我一直都自閉畫畫無留意果班有其他同學。
　　我地一路行，女班長一路用身位隔住船長，佢亦好死心咁故意行遠小小。

　　到左視藝室，我地三個人坐埋同一張枱（大概可能係因為同班），而女班長亦特登坐係我同船長中間隔住佢。
　　張主任叫我地畫聖誕賀卡，畫唔曬返屋企繼續畫，想報比賽嘅要禮拜五前交比佢。
　　視藝室提供左一堆廣告彩同木顏色比大家用，仲每人比左張垃圾畫紙。

　　當個個人都準備直接落廣告彩嘅時候，我叫停女班長：
　　「諗清楚想畫咩先好落筆，用鉛筆畫個草稿先啦。」
　　船長畫成點我已經無理佢，不過佢亦好似開始畫草稿。
　　作為品學兼優嘅女班長，佢理所當然畫到好靚嘅卡通人物掛…就奇。
　　佢畫出黎嘅畫同上次果兩個嘈住要畫第五人格嘅細路一樣，Ｄ線歪嚟歪斜，仲有完全錯曬嘅比例，頭同身體勁細，但手腳就好鬼長。
　　「嘩，倩雯你畫得好靚啊，可唔可以教下我點畫？」我求其畫左個卡通聖誕老人頭。
　　當然，我果份已經交左，其實可以唔洗畫，不過有野做好過無所事事咁解。
　　跟住我反轉左佢張畫紙，叫佢用自已畫紙嘅背面畫我隻聖誕老人。
　　「第一步，眼睛到咩野就畫咩野出黎。」
　　我倒轉隻聖誕老人，帽係下面，鬍鬚係上面。
　　「你唔好當佢係聖誕老人，見到有線就畫。
　　我以前阿Sir係咁教我練Drawing。」
　　Cax Sir以前係叫我咁樣練Drawing，果陣佢囉左幅畢加索嘅線條畫倒轉黎叫我練，又係「見到咩就畫咩，唔好當佢係人」。
　　不過最後係不了了之嘅，佢都係叫我得閒先慢慢練。
　　「你玩我啊？倒轉幅畫咁點畫？」
　　「你當佢係一個個圖案，一條條線咁樣處理。
　　不過你有心想執好Drawing先慢慢練，畢竟係好辛苦嘅。」
　　我開左盤水，用佢Ｄ廣告彩顏料開始上色。

　　一般學生開左堆顏料就會直接塗上張紙度，而正確做法係應該係調色盤上面較好顏色同埋濃度先油上張紙度。
　　就算張紙唔太受水，Ｄ廣告彩質素差左小小，用正確技巧還是能夠畫到要畫嘅野。
　　用淡橙色漸變做膚色，鬍鬚同埋聖誕帽嘅白毛用點描處理。
　　跟住女班長就完全停手，淨係睇我畫畫。
　　「點先油到你咁靚？」
　　女班長完全犯曬所有小學生都會犯嘅錯，將未乾嘅紅色同綠色油係同一個地方，仲有係好少地方油大量顏料，最後搞到成幅畫污糟曬。
　　畢竟，視藝課老師完全無講過點樣用廣告彩，淨係教三原色同叫你溝顏料。
　　廣告彩同水彩一樣用法，只係廣告彩唔透明而已，所以應該落水開稀，然後由漸變開始學習控制顏料同水嘅份量。
　　然而我地嘅課堂並無足夠時間比老師講解，又或者老師本身根本無心機教。
　　「識唔識漸變？知唔知點樣控制顏料水份？」
　　我囉過張新紙，係上面油左個小正方形，再用水化開佢漸變，最後抺乾支筆收乾最後嘅水。
　　「你做幾個漸變比我睇先。」
　　「你唔係教我畫畫咩？」
　　「我而家咪教緊你。」
　　「不如你幫我畫埋佢啦。」
　　「唔係自已畫嘅畫，落你個名有咩意思？」
　　「其實只係阿媽要我黎學嫁炸。」
　　算啦，課外活動係唔應該勉強。

　　放左學之後，女班長要繼續釘壁報，而我去左天悅間卡鋪坐左陣，同老細打左陣Deck，之後照舊六點幾去美孚食飯。
　　不過今次阿哥直接叫我上佢屋企坐，係佢屋企等老豆同恩姐姐放工。