是咁的,我變左做個細路女,然後嗱左個填色比賽冠軍
上一頁
第 21 頁
下一頁
Found404
2019-3-19 09:44:15
睇完個post等登去左轉天悅
真係好多卡店
以前最底個層有文具店同野食
Ads
詛咒遊戲
2019-3-20 02:08:58
所以我特登唔直接入地鐵站,行左入商埸想撇甩佢,點知佢都係死跟住我。
我步速唔夠佢快,佢點都跟到我。
「喂,你跟住我做咩野?」所以我直接掉頭鬧船長。
佢支吾以對,搵唔到理由。
「我只係想同你…」
老實講,我好想直接趕佢走,但我又唔想搞到件事太殭。
「我唔得閒同你玩,唔該你唔好跟住我。」
跟住我直奔地鐵站,點知佢都係追住黎。
佢同我排同一條隊,企係我後面;我換另一條隊,佢都跟過黎。
「你去邊姐?」
我唔想答佢。
我求其搵架車逼上去,算好最後一個空位逼入車箱。
點知佢明明無位都夾硬塞入黎,點知又比佢推推下搵到個位鑽入黎。
佢逼入黎果陣隻手好似摸到我個胸,唔知佢係有心定無意。
我真係好想一句「非禮」收佢皮,不過我唔想搞咁多野。
我計好閂門時間,係最後一刻跳返出車箱外面,留返佢一個人On99同人逼。
落返月台之後,我係對面月台搭另一個方向嘅地鐵去旺角,我擔保佢搵我唔到。
落車之後,我穿梭一堆行季喼同埋大媽,跟據Facebook嘅地址,係一間殘舊嘅商業大廈搵到間Board Game 鋪。
Prince_Torres
2019-3-20 02:29:34
船長=痴漢
迪布尼
2019-3-20 20:08:52
支持
:^(
貓汁姬
2019-3-20 20:59:44
船長好可憐
:^(
醉愛乂碎少
2019-3-20 23:39:07
我覺得,船長原本係會比一啲重要信息出嚟,但主角無聽,結果出事
summer~
2019-3-21 00:13:59
總結推測,比返包M巾主角
:^(
船長份人無嘜野,係太純同有點on9遮
:^(
綺夢、
2019-3-21 00:24:16
留名留名 好耐冇啱口味嘅故
:^(
沙屯入田門
2019-3-21 17:59:36
追故
:^(
詛咒遊戲
2019-3-21 21:24:07
間Board Game鋪放滿左一堆梯形嘅彩色枱,牆壁放滿唔同總類嘅桌遊,Lee種柔和嘅配色令我諗起學間果間成日都唔開嘅遊戲室。
堆梯形枱砌成一個個六角形,開左幾枱多人遊戲,肉眼所見至少有一枱狼人同一枱阿瓦隆。
「小妹妹,聽日先係親子桌遊團Wow。」鋪頭老闆叫停左我。
「唔係,我係黎玩你地今日果個大人團,唔介意Walk in嗎?」
「你問一問個搞手。」
畢竟,老闆亦只係借埸地比桌遊團搞活動,然後按人頭收錢。
「無問題,你點稱呼,我叫周文」個狼人MC係討論緊嘅時間招呼我。
「我叫倩雯。」
「玩開D咩野,果邊有枱猜猜畫畫要唔要Join?隻Game好易上手。」
猜猜畫畫係一個以訛傳訛嘅遊戲;第一個人知道一個詞語然後畫出黎,跟住下一個人跟據果幅畫畫下一幅畫;如此類推,最後一個人由最後一幅畫推段出一開頭果個詞係咩。
通常Lee種遊戲最後一定係答錯曬,然後笑中間D畫畫得好衰,胡胡鬧鬧咁玩,不過我唔係咁鐘意Lee種style。
「我想玩卡坦島,花磚,電力公司果D策略Game。」
「Splendor識唔識玩?」
「識識地。」
跟住佢帶我去果去枱Splendor(璀璨寶石),然後返去果枱人狼度啦。
隻Game其實好簡單,挖寶石,然後用寶石買礦埸,然後利用礦埸減費用買更高分嘅礦埸和招攬貴族,四個玩家睇睇邊個第一個到十五分就贏。
話雖如此,每種寶石數目係有限嘅,每個人都可以透過壟斷寶石或鎖定礦埸去干擾其他人發育,所以隻Game嘅互動都算多。
當然,隻Game話難唔難,但話易亦唔易。
好多時辛辛苦苦儲左一堆寶石想買個礦埸,跟住你上家就Keep起個礦埸唔比你買。
所以我儲寶石都係瞄著兩間礦埸去掘,就算一間被拿還有另一間,或者提早Keep起那間礦埸遲D買。
「嘩,唔覺唔覺你都幾快。」
買左一個礦埸之後,相應嘅寶石費用就會減一,然後其他礦埸都會更容易買,只要合理編配購買次序就可以不斷滾雪球。
係人地揸住五六個礦埸嘅時候,我已經買了八九個,最底層嘅基本礦埸基本上都已經可以免費拿,所以個雪球滾到完埸。
玩Lee種Game我都專注做自己嘅野,好少同其他人吹水。
「妹妹勁WoW,平時學校有玩開?」隔離個阿叔問我。
「以前有玩過花磚果類德式桌遊。」
跟住我地四個人玩左幾鋪Splendor,有一半係我贏嘅。
「既然你講開花磚,不如就開花磚。」
跟住我地就轉Game啦。
德式桌遊有個好處就係公平同透明,贏輸好多時都係策略問題。
就好似花磚物語咁,每個人都可以囉一個盤上面嘅一種顏色磚,按照規則去砌牆囉分,大家可以做嘅野係一樣嘅,選擇決定勝負。
「唔得啦,一連玩左兩隻燒腦Game,我想轉Game。」坐我對面果個哥哥癱左係櫈度透氣。
我無問佢叫咩野名,因為無咩必要問,畢竟大家也只係一個過客而已。
跟住我地就過去隔離枱玩阿瓦隆。
阿瓦薩係一個估身份嘅遊戲,好人要完成任務,壞人要破壞好人嘅任務。
好人果邊有一個叫梅林嘅角色知道壞人係邊個,佢要係唔比壞人知嘅情況下將資訊話比好人聽;如果唔係就算完成任務,壞人都可以透過「刺殺梅林」黎贏。
簡單黎講,除左討論同投票就無任何資訊。
相比係睇人做左D咩野去決定策略,我更唔擅長由其他人講嘅野判斷身份。
跟住我亦過去玩左陣狼人,我都係唔係太啱玩。
頭先班哥哥話玩策略Game係燒腦,我反而覺得由投票方向同埋占卜名單去搵狼更燒腦。
而且D人講野半真半假,唔知邊叫真邊句假,要係唔夠資料嘅對話中推理身份我真係好大壓力。
結果我只係係遊戲入面睇其他玩家熱烈地討論,其實同中學會考小組討論差唔多,分別就係狼人係逐次發言,阿瓦隆係自由辯論。
跟住六點幾要交返個埸比人地啦,我地每人比八十蚊周文。
不過周文話我細路女,而且好乖無搞搞陣,所以收我半價。
然後我順便入左個桌遊團嘅群組,得閒約出黎玩下BoardGame。
桌遊入面,通常女人會傾向玩Social Game,玩家人數比較多,比較多吹水,同埋要估其他人諗緊咩嘅遊戲。
例如頭先果枱猜猜劃劃有一半都係女仔,狼人同阿瓦隆亦有唔少女仔。
好似我咁鐘意玩策略遊戲嘅女仔,其實係稀有動物。
當然,你問我鐘意玩TCG(集玩式卡牌遊戲,例如Magic)定Board Game,我會咁樣講:
只要你去啱卡鋪就一定會搵到人同你打Deck;但桌遊係要幾個人先約到出黎玩,仲要人人都鐘意玩唔同遊戲,其實要玩到自已想玩嘅遊戲其實唔係咁容易。
我改名啦唉
2019-3-21 22:29:24
board game正
玩過avalon之後玩唔返狼人
Ads
干擾防干擾器
2019-3-21 22:45:00
睇得出樓主寫嘅嘢都係真心鐘意
:^(
繼續支持
:^(
:^(
醉愛乂碎少
2019-3-21 22:57:58
樓主可以用一兩句就解釋到嗰款board game點玩,同埋有咩策略
真心勁
支持
神乃木莊龍
2019-3-22 00:16:22
Splendor正
:^(
詛咒遊戲
2019-3-22 01:19:28
囉寶石同買/搶地嘅時機好重要,特別你可以用地去買更地
不過買買下要開始追分
:^(
貓汁姬
2019-3-22 01:26:34
雖然睇完我都無咩動力玩呢類Game
不過可以咁簡單又易明介紹到隻Game點玩
真係真心佩服
:^(
長髮麻倉憂
2019-3-22 01:38:39
:^(
詛咒遊戲
2019-3-22 18:15:27
返到屋企,屋企得阿媽一個。
「你去左邊!」佢好嬲咁鬧我。
「出左去玩桌遊。」
「玩?做咩唔同我講!」
我唔記得左細路仔出街玩要問過屋企人,畢竟以前唔洗同人交代。
「下次會WhatApp你啦。」
跟住我沖涼,然後同佢兩個人簡簡單單咁食左餐晚飯,見阿媽黑口黑面嘅樣,食完我就即刻入房睇Massage。
卡鋪群組有班老手係度傾緊Modern同埋legacy牌組,簡單黎講就係一D舊賽制嘅野,我唔係咁答到嘴。
畫班群組無人講野。
屋企嘅家姐群組見到老豆上左家姐屋企食飯,言談之間我覺得佢同家姐親密過阿媽。
桌遊群組有班人吹緊水,吹緊D無咩內容嘅野,然後有人Post左條Facebook link。
嘩,地鐵撞車。
一點幾有兩架去調景領嘅綠線地鐵係追撞。
我計計時間…等等,咪我頭先跳車果班地鐵!船長可能係上面。
於是我即刻係FaceBook搵資料,不過我始終無佢聯絡。
我驚佢姐,無話想佢死。
所以我係WhatApp搵Cax Sir叫佢幫我搵船長,叫佢同我地報平安。
睇睇下電話我聽到鎖匙聲。
「你又去果個女人度!」
「痴線架,果個係你個囡黎嫁!」
我聽到阿爸阿媽鬧交。
「我無D咁嘅囡!」
「我真係唔識點同你講野!」老豆好大力咁閂埋房門。
咁我只能夠縮係被窩入面,好驚咁逼自已訓著。
「你好驚?」漆黑之中我聽到自已把聲。
唔通係我精神分裂?我唔敢答佢。
「有D咩野令你咁驚?」
佢問完題,隔左一陣又繼續講。
「OK,我知道了,你好好休息一下,聽日就會無事嫁啦。」
我用私處當作賭注
2019-3-22 23:20:30
OK,我睇咗文了,樓主好好休息一下
:^(
司史使時巿視
2019-3-23 02:41:46
未瞓都出到來
:^(
:^(
:^(
ZeroWind
2019-3-23 02:53:38
:^(
Ads
醉愛乂碎少
2019-3-23 13:32:17
主角反而比個十幾歲嘅女仔安慰返轉頭😂
ZeroWind
2019-3-23 13:42:41
:^(
詛咒遊戲
2019-3-23 16:27:06
第二日起身,我打開電話一睇。
「港鐵中環站有列車相撞 中環站來回尖沙咀站暫停服務」
琴晚凌晨地鐵試車果陣,有兩架列車係中環站相撞。
同一日撞兩次地鐵?
我睇番琴日桌遊群嘅Massage,果條綠線追撞嘅Facebook link唔見左,取而代之嘅係凌晨中環撞車嘅新聞。
好奇怪。
我查一查各大新聞網,如果真係同一日咁樣撞兩次車,報紙一定會寫得好大。
但我淨係搵到凌晨試車相撞嘅新聞。
我甚至係連登聽到一首改詞,將鄭伊健果首極速改左做「極速MTR」,好撚好笑。
「頭搖又尾擺,車門笠曬」
我諗如果真係香港撞地鐵死一堆人,連登仔絕對唔會咁樣玩。
咁,琴日果單綠線撞地鐵唔通係我睇錯?
阿媽走左入黎摷我起身:
「喂,起身啦,一陣約左哥哥去飲茶啊。」
哥哥?我唔係得一個家姐咩?
「得啦,我換件衫就出黎。」
趕左阿媽出去之後,繼續睇WhatApp Massage。
果個我,阿爸同家姐嘅三人群組,「家姐」果幅相變左個個男人,而且阿媽都係埋入面。
一個三十幾歲,咸咸濕濕嘅肥仔。
然後昨日老豆同「家姐」係群組入面約左今日十二點出去飲茶,而家已經係十一點幾。
總總跡像話比我知「家姐」變左個哥哥,成件事好奇怪。
但我無時間思考太多啦,拿拿聲換衫刷牙出去飲茶啦。
爛口太空人
2019-3-23 16:32:46
劇情開始反轉
:^(
上一頁
第 21 頁
下一頁
真係好多卡店
以前最底個層有文具店同野食