是咁的,我變左做個細路女,然後嗱左個填色比賽冠軍
上一頁
第 20 頁
下一頁
Found404
2019-3-14 15:30:11
咁少唔夠喉wor
Ads
詛咒遊戲
2019-3-15 02:18:33
Cax Sir向所有同學介紹我,話我今堂開始會作為助教手教畫。
然後Cax Sir囉佢D範例畫出黎,問下D同學想畫邊張。
「嘩,第五人格啊。」
有幾個同學見到船長隻園丁,亦想跟住畫。
Cax Sir亦比佢地畫紙,我亦囉左部Ipad Google幅隻園丁比佢地照住畫。
:^(
不過D同學無咩耐性畫,起稿起到烏哩馬查;除左有頂帽同埋衫鈕眼之外,無野似個園丁,我仲以為佢地畫緊吶喊。
「起完稿啦,快D教我畫。」
Cax Sir係前面講緊點樣畫佢幅範例圖,似乎將果幾個畫園丁嘅學生拋比我。
「我最多講下點樣運用你地原本已經識嘅技巧去畫你想畫嘅野,但如果連基本嘅草稿都畫唔好,一開始個形狀就錯嘅話,再多嘅技巧亦補救唔到。」
我用鉛筆指著佢地起稿畫錯嘅手腳。
「首先,手是有骨骼的。
就算是這種Q版,也是有骨頭和關節,不是這樣軟奶奶嘅香蕉手腳。」
睇黎好似船長咁畫得準隻園丁,係Lee堆同學當中其實已經唔簡單。
「基本畫法唔明嘅話,一陣過去請教Cax Sir,我要去教D進階小小嘅野。」
一如之前係What App講過,我只需要催谷船長一個人,其他同學係可以直接放生嘅。
甩左堆煩膠同學之後,我繼續油我果隻園丁。
因為係卡通畫,而且一早已經想好了聖誕色調,所以用了最簡單的紅白配色,好快咁油好底色。
用風筒吹乾底色之後,我用木顏色補一補邊緣嘅漸變,同埋最細緻嘅禮物。
地面嘅白雪,我打算用白色廣告彩處理,不過係之前要先用Color Brush上好夜晚嘅深藍色。
我望一望船長,佢先啱啱畫完個草稿,不過我已經上好一半色啦。
「你奸茅,明明係水彩班,你又用木顏色,又落埋D奇怪顏料。」船長唔忿氣。
「能夠畫好幅畫嘅畫具就係好畫具,一陣我仲會用廣告彩畫雪。」
「仲有明明係畫個Iogo,你走黎同我畫左D其他野!」
「Lee個就係我同你嘅最大嘅差距。」
凌風
2019-3-15 08:08:34
:^(
:^(
:^(
Found404
2019-3-15 10:15:21
:^(
:^(
詛咒遊戲
2019-3-15 18:47:52
「照抄參考圖嘅叫做臨摹,根據參考圖加入其他元素就叫做創作。」
「咁你咪唔係畫緊幅園丁囉。」
我用廣告彩開左白色同埋小小灰色,用點描嘅方法打左一層雪地出黎,亦幫頂聖誕帽加左D白棉花。
跟住我囉幅畫比果兩個畫緊園丁嘅煩膠同學睇。
「嘩,隻園丁好靚啊,係咪聖誕Skin?」
因為畫入面個女人,依然係果個眼鈕人偶;佢套牛仔裙就算變左色,亦保有園工拆櫈嘅工具。
聽到個同學咁樣回應,船長亦無話可說。
「因為你可以準確咁畫出參考圖嘅野,所以你更進一步。
由下幅畫開始,根據幾張唔同嘅參考圖融合成你自已嘅畫,或者係參考圖之中加入自已嘅野。」
跟住船長佢突然大喊,Cax Sir即刻走過黎問我地咩事。
「佢昨日同我挑機,話我D畫係搵人代筆。
跟住我畫左D佢畫唔到嘅野,佢就唔忿氣啦。」
「畫畫係個人嘅興趣,自已想畫咩咪畫咩野囉,唔洗比咁大壓力嘅。」Cax Sir同我講完之後,拉左船長出去班房外傾計。
班房入面果班學生,有一班畫緊Cax Sir個水晶球,有兩個畫緊隻園丁,同樣都係用鉛筆起緊稿。
過左一陣,船長同Cax Sir都返返入課室。
船長繼續畫隻園丁,Cax Sir開始講個水晶球點樣上色,講完之後就行過去睇睇果兩個畫園丁嘅同學。
「草稿無問題啦,記唔記得點樣用平塗法?」
佢地兩個都搖頭。
「以頂帽為例子,用最淺色嘅啡色開始油曬成頂帽;頂帽乾嘅時候可以油其他地方嘅最淺色,例如係件衫。
等頂帽乾左之後,再係深D嘅位置落一層深小小嘅顏色,如此類推。」Cax Sir用左畫紙示範一次。
「今次幅畫對你地黎講有小小復雜,但都可以挑戰下。」
船長已經自動波咁開始上色,用嘅係Cax Sir口中嘅平塗法。
而我亦好似無咩野可以做,反正Lee一班我由一開始就唔應該干涉。
Prince_Torres
2019-3-15 20:38:26
男人老狗 喊
:^(
詛咒遊戲
2019-3-15 22:46:06
人地係十歲細路仔
:^(
必列者士
2019-3-16 01:20:13
個故可以融合到自己既興趣,樓主寫都應該寫得好開心
:^(
:^(
忌廉批
2019-3-16 02:33:45
live左
:^(
唔好講大話
2019-3-16 13:33:52
live 咗
:^(
:^(
:^(
迪布尼
2019-3-16 14:18:46
題材好新鮮好正
支持
:^(
Ads
Found404
2019-3-16 17:31:11
又live左
司史使時巿視
2019-3-17 01:55:03
:^(
:^(
:^(
:^(
:^(
逝水如斯
2019-3-17 21:44:18
:^(
summer~
2019-3-17 23:40:32
天悅果間打magic係咪叫魔法少年
干擾防干擾器
2019-3-18 00:10:48
天悅唔係淨翻呢間咩
:^(
詛咒遊戲
2019-3-18 01:37:58
行上一樓睇睇
仲有另一間
詛咒遊戲
2019-3-18 02:29:52
無野做之際,我繼續油埋頭先果張聖誕園丁。
因為我用木顏色做漸變,所以無左水彩應該有嘅水跡同埋風味,反而似電腦畫出黎嘅漫畫。
當然,水跡有好多時都係意外發生,好多時D人都唔係咁想見到,但如果控制得當,畫上面嘅水跡就係水彩嘅風味。
船長果幅間唔中出小小界,多左一兩點水跡,甚至油深左小小顏色,唔係咁完美嘅原裝園丁,說不定也有另一種美。
所以,將兩張畫放埋一齊做比較係完全無意思,亦只會造成無謂嘅傷害。
話雖如此,繪畫比賽又何嘗唔係咁樣?
囉一堆唔應該比較嘅野,夾硬用一D客觀嘅指標同埋主觀嘅感覺,夾硬比個分數,然後用Lee D分數決定張畫值唔值得囉獎。
畫畫唔應該係咁嘅,為左分數畫畫,開心咩?
當然係我眼中,船長果幅畫只係油完底色,但佢已經話自已油完啦,Cax Sir亦收貨,叫佢洗筆準備落堂。
「對唔住,我唔應該話你畫畫搵人代筆。」
「唔緊要,我無掛係心度。」其實有。
我估唔到佢會直接同我道歉,搞到我好好奇到底Cax Sir頭先同佢講左D咩。
「其實點樣先可以畫到你咁嘅效果?」
「畫多D,試多D唔同畫法,唔洗拘泥係顏料上面,基本上水性顏料都係相容嘅。
當你識多幾種唔同嘅畫法,你就會知道你想要嘅效果點樣畫出黎。」 其實我講左一D好有道理嘅廢話。
按照一般細路嘅時間表,放左學之後要做幾個鐘功課,仲要溫幾個鐘書,邊有時間慢慢試效果?
最快就係跟阿Sir指示一步步咁畫好範例畫。
落堂之後,畫水晶球嘅同學好開心咁帶住自已幅畫走;畫園丁嘅同學帶住一幅半成品返屋企。
如果佢地記得嘅話,也許下堂可以油埋佢,但通常都唔會記得。
我問Cax Sir去邊度食飯,佢話求其搵個地方食小小野就得,因為佢跟住要去畫室教另一班。
當然,食午餐嘅時間係有嘅,所以同我一齊食都可以。
點知船長都要跟埋過黎,OK,Cax Sir話無所謂咪一齊食囉。
肥瘦
2019-3-18 17:42:17
船長出全力追倩雯
:^(
:^(
貓汁姬
2019-3-18 20:49:26
小學雞戀情
:^(
按此處行激情對話
2019-3-18 22:54:10
推
:^(
:^(
:^(
Ads
司史使時巿視
2019-3-19 01:20:51
:^(
:^(
:^(
詛咒遊戲
2019-3-19 01:56:55
Cax Sir趕時間,於是我地求其搵間茶餐廳入去食飯。
我地理所當然係叫快餐(頹飯),不過飲咩我就有D猶豫。
以前我去茶記係必飲凍檸啡,但如果個價錢貴得太離譜我會飲凍奶茶或者凍檸水,共通點係都係凍飲。
咁我Lee排黎M,飲凍飲我驚會發作。
咁熱飲有咩選擇呢?
熱檸系列我係完全唔得,苦茶我幾苦都可以飲到,但熱檸檬果陣澀味同埋殘留係水入面嘅果渣我完全接受唔到。
好立克同阿華田得陣甜味,好難飲。
熱奶茶咖啡我阿媽唔比我飲,話我太細個
:^(
咁我可以飲咩?
好啦,趁阿媽唔係度飲杯熱奶茶啦。
我估唔到叫杯野飲都可以諗成日。
船長叫左杯凍華田,Cax Sir要左杯凍奶茶,憑杯野飲就知道我係屬於大人嘅世界。
當然Cax Sir亦鵝左兩句,話細個唔好飲咁多奶茶,會上癮。
「點解你同Cax Sir會咁Friend?」食野果陣船長問我地。
「其實倩雯係我嘅學生。」Cax Sir親自答佢。
「係大人畫班大家都好自動波咁畫自已想畫嘅野,學習氣氛好過細路班好多。」我補充一句。
「其實無你想像中咁美好,大人畫班學唔學到野都係睇你想唔想學;
好多時D同學都係想阿Sir幫自已畫埋佢。」Cax Sir反駁我。
跟住我同Cax Sir傾左唔少有關兩種畫班嘅唔同生態,主要係細路班服侍家長,大人班要當學生係客。
當然,船長係完全插唔到嘴,佢講極都係有關自已點樣畫好D畫,點樣可以畫到我咁。
「學好Drawing,輕鬆Printing,我老師教嘅。」Cax Sir用一句話答完船長嘅問題。
「只要掌握你想畫嘅野嘅形狀同埋光影,用咩野技法表達都會畫到你想畫嘅野。」佢補充果句野嘅意思。
「有時間就練下素描啦,包括你都係。
其實船長素描分分鐘準過你。」Cax Sir指著我。
我一邊食野一邊睇電話,係FaceBook D濕尻廣告見到今日有個桌遊Group搞活動,係旺角嘅桌遊鋪有桌遊團。
桌遊一班人玩,一班人跟據同一個規則動腦筋,就算輸左都享受思考嘅過程;所以相比起Magic那種卡牌對戰遊戲,我更傾向玩桌遊。
畢竟兩個人嘅卡牌對戰遊戲只有贏家同埋輸家,比桌遊更著重勝負。
我地拿拿聲食完碟多肉少菜嘅頹飯,跟住就比錢出門口啦。
當我諗住比錢嘅時候,Cax Sir就幫我比左錢。
「今餐我請啦。」
的確,老師帶細路食野無咩理由要玩AA制,船長本身都無諗住比錢直接出左門口,所以我覺得佢係黎黐餐嘅
:^(
。
其實一餐飯我仲算比得起,畢竟今日阿媽有比一百蚊零用
:^(
。
不過如果要玩個桌遊團嘅話,其實要比八十蚊入埸費
:^(
。
當然,以一個成人黎講其實好平,但對我Lee個細路黎講其實幾有壓力。
不過我都係想去果個桌遊團去識下人,所以今日唔打Magic,去旺角玩桌遊。
點知個船長死都跟過黎。
泡泡泡泡
2019-3-19 04:09:04
船長好俾心機啊
:^(
貓汁姬
2019-3-19 07:38:27
船長
:^(
上一頁
第 20 頁
下一頁