【狙魔人】我係一個驅魔師，專幫人驅散妖魔鬼怪（二）
上一頁
第 38 頁
下一頁
夏舞
2019-2-16 17:41:57
「穆樞機！」
飯檯傳出哐啷嘅金屬聲，多把餐刀鐵叉漂浮空中，尖端指向穆爾泰方向！
嗖—！哐啷！哐啷！
穆爾泰用短劍將刀叉擋開！
佢並無從無形力量掙扎出嚟，而係強行用肌力抵抗，揮動短劍！
「快啲將本體搵出嚟！」穆爾泰身上中咗三把刀叉，但佢並無求救之意。
如果靈體嘅容器存在喺呢間屋，咁應該……好可能喺阿瞳老豆嘅房！
我沿住樓梯向上去二樓，但踏上梯階嗰下，梯階忽然從下而上崩塌！我以最快嘅速度，喺梯階未崩塌前踏上去，再喺崩塌一刻跳去另一個梯階！
啱啱好上到去一刻，成條樓梯如同豆腐崩塌喺大廳！
我曾經聽過，基督教喺毀滅某個地方宗教時，必定先將所有神殿摧毀——
原因除咗將信仰摧毀，打擊信徒外，聽講神靈喺自己神殿時，力量會係最強——基於吸引力法則，信徒信奉嘅能量會集中喺神殿之中。
如果呢間屋係Ah Puch嘅神殿，呢一切超越驅魔師認知嘅現象或者就能解釋。
樓下不斷傳出金屬碰撞聲，我以最快速度沿住走廊奔跑，逐間房搜索！
唔係……唔係呢間……亦唔係呢間……
「唔……！」
後腦忽然被硬物擊中！
Ads
夏舞
2019-2-16 17:42:09
我轉身一望，阿瞳爸爸拎住一個柒血嘅花樽！
「唔准你……唔准你傷害Ah Puch大人！」
阿瞳爸爸拎住花樽拐下拐下咁向我行過嚟。
拐下拐下……？
「Ah Puch大人！將所有嘢奉獻畀Ah Puch大人！」阿瞳爸爸大叫一聲，拎起花樽向我扑過嚟。
我側身向一邊避開，一手拍落花樽，花樽頓時碎散一地，但阿瞳爸爸馬上徒手執起一塊碎片，向我揮過嚟！
我推開隔籬房道門，將阿瞳爸爸推入間房，然後拎出尾指大細嘅燃燒彈，用打火機點著去。
轟隆—！門柄瞬間被炸甩，將阿瞳爸爸反鎖喺房入面！
「Ah Puch大人！Ah Puch大人！」阿瞳爸爸一路拍門一路瘋狂尖叫，叫到連耳膜都感到刺痛。
我忍住後腦被花樽打中嘅疼痛，即刻跑去走廊末端，最後一間未搜查嘅房間。
一推開門，就見到床頭掛住阿瞳爸媽嘅結婚相。
我詳細地將成間房搜索一遍，任何同古跡文物相近嘅嘢都唔放過。
無錯……就係佢！
喺書檯最底嗰層櫃桶，有塊類似面具嘅一角泥黃色嘅物體，上面仲有個貌似瞳孔嘅窿。
我望得到……有道微弱嘅能量依附喺面具上！
面具腐蝕嚴重，非常脆弱，稍微用一用力就會碎裂。
我拎出銀刀，準備將面具摧毀！
咔咔咔咔……咔咔咔咔咔咔咔……
頭頂風扇忽然發出怪異嘅轉動聲，我稍微分咗神，下秒鐘卻有股無形嘅斥力從面具放出，將我狠狠撞落牆上。
風扇繼續以唔尋常嘅節奏轉動，但聲音慢慢化為我熟悉嘅語言——
夏舞
2019-2-16 17:42:20
「你……點……解……要……迫……害……我……」
大氣彷彿凝固，周圍物品不停震動，而且向住同一個方向慢慢移動。
我強忍痛楚企起身，然後答佢：「我無迫害你，係你將我朋友洗腦，夾硬變成你嘅信徒。」
「有……咩……問題……點解……你……唔肯……放過……我……」
「你放過我朋友，我就放過你。」
我嘅委託係將阿瞳一家人從洗腦中解放，不論對方係神靈定魔鬼，如果佢主動解除阿瞳一家人嘅洗腦，我就唔會驅散佢。
一片寂靜，Ah Puch並無回答。
「哼……哼……嗯……」
佢忽然竊笑一聲。
「好……但……要……條件……」
「咩條件？」
「我……要……」
原本凝固嘅空氣變得躁動，就連肉眼都能清晰望得到大氣震動。
「我……要……你同神父條命！」
夏舞
2019-2-16 17:53:44
中年男人
:^(
數學題：
小凌今年20頭，若兒無死就30，穆樞機係教若兒驅魔嘅人。
請問穆樞機今年幾歲？
哈比族港女
2019-2-16 19:01:02
新讀者lm
:^(
轉圈轉圈哈姆共你
2019-2-16 22:36:32
中年大隻佬
:^(
我要做個好人
2019-2-16 22:45:08
心目中既若兒係超級童顏
:^(
病態怒屌南韓
2019-2-16 23:08:22
木失機咪撚死 please
:^(
:^(
:^(
:^(
:^(
:^(
夏舞
2019-2-16 23:44:35
多謝支持
:^(
Best_tseB_123
2019-2-16 23:53:32
推
:^(
:^(
夏舞
2019-2-17 00:19:55
唔大隻
:^(
等我返屋企搵下示意圖
Ads
夏舞
2019-2-17 00:20:12
凍齡
:^(
:^(
夏舞
2019-2-17 00:20:33
一陣再有更
:^(
我要做個好人
2019-2-17 01:15:47
推！
泡泡泡泡
2019-2-17 01:32:23
推~ 樓豬加油
:^(
大之魔法師
2019-2-17 01:39:11
深夜一推
夏舞
2019-2-17 02:17:52
書架上嘅書，化妝檯上嘅化妝品，書檯嘅櫃桶，床褥嘅棉花，窗口嘅玻璃，地下嘅地板……房內所有物品都撕裂成碎塊向面具飛去，漸漸化成人偶。
之後，面具覆蓋人偶臉上，彷如賜予咗靈魂畀人偶。
人偶舉起由木碎同雜物組成嘅手，將床頭支架拆出，碎散一地嘅玻璃慢慢聚集去支架前端，變成鐮刀嘅刀刃……
——猶如死神。
「我……乃……瑪雅……司掌……死亡之神！」尖銳又低沉嘅吼聲從周圍電器發出。
我心感不妙，馬上跑出房間。
如同指甲刮檯嘅風聲傳出，人偶舉起鐮刀攔腰揮斬！
千均一發之際我俯低身避過，如果唔係大概我已經斷成兩截。
我企喺走廊警戒望住房間，人偶亦拎住鐮刀慢慢行出嚟。
「唔……好……諗……住……走……」
人偶舉高鐮刀，猛然向我劈過嚟，我向側邊跳過避開一刀，然後向人偶掟出燃燒彈。
轟隆—！人偶身軀被火焰吞沒，但下一秒一陣怪風吹過，火焰驟然熄滅！
吱吱……吱吱咔咔喀嘞喀嘞喀嘞喀嘞……
人偶一邊郁動，身體一邊發出怪異嘅轉動聲。
縱然係由雜物組成嘅人偶，但臉上猶如掛住一面狂怒嘅表情，忿然向我揮動鐮刀！
我左閃右避，接二連三避開死神嘅鐮刀！
鐮刀雖然銳利，不過人偶動作笨重，揮動速度緩慢，反而唔難避開。
但正當我咁諗時，忽然有個人從背後捉住我！
夏舞
2019-2-17 02:18:03
「Ah Puch大人，我願意奉上性命，請將我連同呢個異教徒一同處刑！」阿瞳爸爸嘅聲音從身後傳出。
我錯判咗。
假如呢間屋係Ah Puch嘅神殿，即使將佢嘅信徒反鎖喺房間亦無意思，因為佢可以隨意操縱屋內一切！
「做……得……好……你……將會……得到……救贖……」
「係嘅，多謝Ah Puch大人！」阿瞳爸爸眼泛淚光，十分激動咁向Ah Puch道謝。
簡直……癡撚線！
人偶舉起鐮刀，我嘗試掙扎，但阿瞳爸爸奮力將我雙手攬住，唔打算俾我逃走！
又越過Dylan
2019-2-17 02:26:46
Push
夏舞
2019-2-17 02:33:38
:^(
:^(
:^(
山捉牛肉球
2019-2-17 07:12:59
想問下心魔篇個霍靜
最後又話如果小0殺咗龐亮
就會一槍打爆佢個頭
最後點解小0無事
:^(
點解霍靜唔阻止小0
:^(
Ads
轉圈轉圈哈姆共你
2019-2-17 08:11:12
:^(
啦啦啦玫瑰人生
2019-2-17 08:13:04
:^(
:^(
:^(
push
澤田泰司
2019-2-17 08:20:48
一晚追到live
:^(
Best_tseB_123
2019-2-17 11:47:03
推
:^(
:^(
:^(
:^(
:^(
上一頁
第 38 頁
下一頁
飯檯傳出哐啷嘅金屬聲，多把餐刀鐵叉漂浮空中，尖端指向穆爾泰方向！
嗖—！哐啷！哐啷！
穆爾泰用短劍將刀叉擋開！
佢並無從無形力量掙扎出嚟，而係強行用肌力抵抗，揮動短劍！
「快啲將本體搵出嚟！」穆爾泰身上中咗三把刀叉，但佢並無求救之意。
如果靈體嘅容器存在喺呢間屋，咁應該……好可能喺阿瞳老豆嘅房！
我沿住樓梯向上去二樓，但踏上梯階嗰下，梯階忽然從下而上崩塌！我以最快嘅速度，喺梯階未崩塌前踏上去，再喺崩塌一刻跳去另一個梯階！
啱啱好上到去一刻，成條樓梯如同豆腐崩塌喺大廳！
我曾經聽過，基督教喺毀滅某個地方宗教時，必定先將所有神殿摧毀——
原因除咗將信仰摧毀，打擊信徒外，聽講神靈喺自己神殿時，力量會係最強——基於吸引力法則，信徒信奉嘅能量會集中喺神殿之中。
如果呢間屋係Ah Puch嘅神殿，呢一切超越驅魔師認知嘅現象或者就能解釋。
樓下不斷傳出金屬碰撞聲，我以最快速度沿住走廊奔跑，逐間房搜索！
唔係……唔係呢間……亦唔係呢間……
「唔……！」
後腦忽然被硬物擊中！