【狙魔人】我係一個驅魔師，專幫人驅散妖魔鬼怪（二）
上一頁
第 28 頁
下一頁
愛蜜莉雅
2019-2-7 01:39:38
此回覆已被刪除
Ads
大之魔法師
2019-2-7 02:13:41
小凌殺左人 而有一個警察係佢身邊 咁都唔拉佢
:^(
夏舞
2019-2-7 04:01:06
原因……因為龐亮已經唔係人
加上我之前講過真實世界警察嘅做法
雖然唔係同一個理由，但都係相同推論
:^(
夏舞
2019-2-7 04:02:07
Btw最近少人流，又農歷新年
聽日加下速
:^(
:^(
連更兩篇，後日完結若兒篇委託，開始最尾兩個委託（暫定）
夏舞
2019-2-7 04:02:53
如果推得大力就更三篇啦，聽晚見
:^(
啦啦啦玫瑰人生
2019-2-7 04:22:04
push
:^(
:^(
:^(
:^(
:^(
:^(
燁自歡笑埤
2019-2-7 07:51:58
:^(
:^(
:^(
竹木一人
2019-2-7 08:51:18
:^(
:^(
:^(
:^(
:^(
轟炸肌
2019-2-7 09:48:03
推
推
推
海上的瑩
2019-2-7 10:21:12
推
大之魔法師
2019-2-7 10:44:30
我最大力
我推
大力推
Ads
lam3
2019-2-7 12:03:10
都係嘅
:^(
只不過我覺得如果冇得更好咁處理到件事嘅情況下 殺埋龐亮冇霍靜講到咁濫殺無辜
:^(
蜻蜓點水點唔停
2019-2-7 12:54:17
:^(
:^(
:^(
:^(
推推推
夏舞
2019-2-7 13:31:51
執法者同普通人道德分別
:^(
夏舞
2019-2-7 19:50:30
「你係……若……兒？」
「小凌，多謝你。」
附身白寧嘅若兒抬起頭望住我。
「多謝你一直保護住我嘅魂魄，幫我報仇殺死天魔，對我付出咁多。」
「點解……你要突然以呢個姿態出現？」
「點解……？」若兒呆咗呆，「唔通……小凌你唔鍾意我咁？」
一時間，我無法回答。
「我……實在太鍾意小凌，太過忍唔住……當我見到小凌為咗我殺死天魔嗰下，我就已經再忍唔住……」
若兒瞪大圓圓雙眼，興奮咁望住我。
「我想……我想可以實實在在咁陪喺小凌隔籬，而唔係只係一道摸唔到嘅魂魄……」
若兒緊緊攬住我，然後膽怯抬起頭。
「小凌，你鍾唔鍾意……如果咁樣令你覺得難做，我就隨時離開呢個身體。」
彷彿回到當年。
彷彿可以再攬住若兒嘅身軀，感受若兒嘅溫度。
我……不自覺咁將雙手放喺若兒身後。
「鍾意，我最鍾意若兒。」我緊緊攬住若兒，聞住佢嘅秀髮。
「我都最鍾意小凌。」
若兒低頭依偎喺我心口。
「無論其他人點睇你都唔緊要，因為我知道小凌係為咗我所以先做出呢一切。對我嚟講，只要小凌喺我身邊，就咩都唔怕。」
呢啲全部都係若兒生前從未同我講過嘅話。
而呢番話語，將獨自墮入深淵嘅我拉返上嚟，抹去我心中嘅空虛。
「若兒……」
「哈！我諗起樣嘢！」若兒放開我，雀躍拉住我去廚房，「好耐無煮過飯畀小凌你食，不如我哋一齊煮飯仔呀？」
「一齊煮飯仔？」
「係呀，唔通你仲要我一個人煮？」若兒鼓起臉腮，叉住腰講，「小凌你都大過仔啦，梗係要嚟幫手！」
夏舞
2019-2-7 19:51:13
「哦……」我呆咗呆，然後笑住答：「嗯，一齊煮。」
呢一刻我似身處夢，就好似若兒返生一樣。
無論若兒係咪真係返生，都無所謂。
「喂，你識唔識煮意粉㗎？啲意粉淥咁少邊夠㗎！」
「咁平時自己一個人，食幾多都無所謂。」
「咁依家你要好好度過份量喇！因為我非常大食㗎！」
嗰一日，我將若兒嘅屍首煉製成昆迪拉之後，若兒嘅鬼魂隨即顯現眼前。
「小……凌？」
「對唔住……若兒。」
若兒展現非常訝異嘅表情，佢好快明係咩一回事。
「我唔想同你分開，所以我——」
我仲未講完，若兒已經行過嚟攬住我個頭。
雖然一攬手臂就穿透咗我身體。
「唔緊要小凌，唔緊要。」若兒輕輕作出撫摸我個頭嘅動作。
「若兒……」
「呢個係我嘅責任，我唔應該咁樣離你而去，所以如果你期望我以咁嘅形式出現，亦無問題。」
縱使純白嘅煙霧無法被觸碰，溫柔嘅溫暖始終如一。
「我向你發誓，無論發生咩事，我都唔會再次離開係身邊……永遠唔會。」
即使生死相伴，亦永不分離……
其實，只係無法接受孤獨。
夏舞
2019-2-7 19:51:38
「我記得小凌鍾意食蕃茄汁，有無錯呢？」
其實只係想去尋求救贖。
「小凌要食肥啲先好，整多兩條廚師腸畀你嘆下先！」
我心中，只係想要呢一切。
「小凌，啲意粉好唔好食？」
「好食。」
「咁呢杯咖啡呢？」
我慢慢拎到嘴邊，輕嚐一口，苦澀嘅感覺瞬間湧入味蕾。
「……好飲。」
「真嘅？我第一次沖咋，以前小凌唔鍾意飲咖啡，所以我唔識沖咖啡㗎。」
「真係好飲。」我微微一笑，「只要係若兒沖嘅就好飲。」
「小凌賣口乖。」若兒露出甜蜜嘅笑容。
之後，我同若兒再無出聲，靜靜咁食完呢餐飯。
靜靜咁享受呢八年嚟錯失咗嘅時光。
食完之後，若兒邊抹嘴邊問：「小凌，你想唔想我以後都好似依家咁，煮飯畀你食？」
「……當然想。」
「我有一個方法。」
若兒嘴角展現出無比幸福嘅笑容。
「只要將呢個身體嘅靈魂用昆迪拉消滅，再由我附身，我就可以永遠陪喺小凌身邊。」
海上的瑩
2019-2-7 19:55:22
若兒痴撚左線 我要on9白寧呀
:^(
味醂蠔
2019-2-7 19:59:23
起雙飛
白寧隔日借個殻出去
:^(
:^(
人生輸家（破產）
2019-2-7 19:59:31
若兒被人上埋身
熱檸水Lemonade
2019-2-7 21:06:46
心魔
:^(
Ads
愛蜜莉雅
2019-2-7 21:24:26
此回覆已被刪除
夏舞
2019-2-7 21:25:12
「你話……咩話？」
原本身處於幸福嘅氛圍，卻因為若兒一句話令我驚醒。
「我話，將白寧嘅靈魂用昆迪拉消滅，然後我再附上身。」若兒一臉平靜咁講出呢番話。
我即刻抽離情緒，回復冷靜咁問：「你知唔知自己講緊咩？」
「我講緊咩？」若兒手指放喺下巴，一副理所當然嘅表情，「我咪講緊點樣可以永遠陪喺小凌身邊囉？」
「唔係。」我搖頭，「以前嘅若兒係唔會講出咁嘅嘢。」
「點解唔會？」若兒皺起眉頭，「喺我嘅世界只有小凌一個，為咗小凌無論做咩我都在所不惜。」
「你……有無諗過咁樣做，即係要犧牲一條無辜嘅性命！」
「咁又點？」
呢刻若兒表情冷如霜雪。
「我只係想陪喺小凌身邊，唔通咁都有錯？」
若兒濁白嘅雙眼深情望住我，但呢刻我只感到陌生。
「定係……你緊張呢個女仔條命，唔捨得我消滅佢？」
夏舞
2019-2-7 21:25:36
「你講咩嘢……？」
「果然……係咁。」若兒垂低頭，「我估得無錯，你果然係鍾意咗呢個女仔。」
「我無鍾意過白寧，佢只係我徒弟。」
「徒弟……我先唔相信！」若兒企起身猛然拍檯，「如果只係徒弟，點解佢暈低你就第一時間衝過去救佢？」
佢暈低……？
呢刻，我腦海糾正咗一個錯誤嘅記憶——
白寧曾經兩次遭遇到龐亮。
第一次係同白寧打完邊爐，送走咗白寧之後，化身黑霧嘅神秘人突然躍出襲擊我，俾我格擋咗之後就向白寧走嘅方向跑過去，不過最後不知所蹤，無正面遇上。
第二次係同白寧喺海洋公園準備走，我去完廁所出嚟嗰陣，一道白煙突然冒出穿過白寧嘅身軀，當時白寧仲暈咗下。
「唔通……喺海洋公圍襲擊白寧嘅人，係你？」我十分訝異咁問。
「係。」若兒毫不猶豫承認，「我為咗你捨身抵擋山魅，但你竟然同佢相處得咁開心？」
「嗰日之後，我一直等緊你返嚟，我無忘記過我哋之間嘅承諾。」
「咁點解……嗰陣嘅你表情……係咁幸福？」若兒低頭握緊拳頭，「我唔甘心……」
夏舞
2019-2-7 21:27:03
我嘅表情……好幸福？
「我唔甘心……明明可以見證小凌幸福咁笑嘅人係我，如果我無死，嗰個人就係我……」
水珠滴落檯面，若兒雙手撳住檯面非常不甘咁講。
我，無法反駁。
做錯嘅人，其實係我。
若兒為咗我付出咁多，甚至犧牲自己性命，然而我忽視若兒嘅願望，拋低若兒自私去咁露出笑容。
我仲記得若兒臨死前同我講嘅說話——
「——你係我呢生入面，最珍惜嘅人。」
佢嘅願望，並唔單止想我幸福。
佢其實想同我一齊幸福。
「對唔住，若兒。」
而我直到最後都無理會過若兒嘅願望。
「原來，又係我嘅錯。」
所有嘢都係我造成，無論過去定現在，罪孽始終無法磨滅。
「因為我嘅自私，令到你咁痛苦。」
「小凌……」若兒抬起頭，通紅嘅雙眼望向我，「你係咪應承我消滅白寧，俾我永遠陪喺你身邊呀？」
「對唔住，唔得。」
望見眼前白寧嘅臉孔，就諗起佢天真嘅笑容。
「點解……點解啊啊啊啊啊啊啊啊！」濁白嘅煙霧頓時從若兒四散，「點解我為咗你付出咁多，但你最後要咁樣對我？」
上一頁
第 28 頁
下一頁