(龔水) <若躲不過燁緣>
上一頁
第 16 頁
下一頁
Channelno6
2019-2-20 20:36:42
多謝你
:^(
黎緊陸續有黎
:^(
Ads
Channelno6
2019-2-20 22:31:08
第四十四章 <醉翁之意不在酒>
窗外飄著大雪,一片蒼茫,襯得燈火通明的會議室更加暖和。
就在這時,外頭響起不徐不疾的腳步聲。一個挺拔身影,從外走了進來。他穿著一身筆挺西裝,戴著金絲框眼鏡,看起來英氣沉穩,手中還拿著一大疊文件,看樣子是剛剛趕完開會日程。
整個會議室,彷彿都被他強大冷峻的氣場填滿,令人心生敬畏。
「大家好,我係Vincent,上海酒莊主席。呀龔,好耐冇見。」Vincent伸出手來與龔燁握手。
「係。」龔燁用力地緊握他手。
「你地主席朱生主動聯絡我,話好想同我合作,咁我又聽聞你入左彈珠臺,所以專誠叫你上黎同我傾,冇問題呀嘛?」
「冇問題,我份內事。」
「咁你地可以開始。」Vincent 坐在主席位置,十指交叉擱在桌上。
Ivan 打開簡報讓龔燁彙報,若水則負責派發文件。
「彈珠臺黎緊都打算改變大方向,開設更多高檔嘅酒店、餐廳食肆、超級市場等等。為左迎合我地嘅大方針,我地好希望可以得到你地公司旗下經銷洋酒嘅獨家代理權。大家可以打開投標書睇睇,我地唔淨止考慮經銷策略,仲幫你地係品牌推廣、持續發展、發掘潛在客戶等方面獨身訂造左一套適合你地嘅市場計劃…
而係宣傳方面,我們公司嘅創意團隊亦都曾經攞過多個國際知名嘅大獎,您即管放心…」
龔燁伶牙俐齒,不假思索地說了半個多小時,儘管說到唇乾舌燥也沒有流露出一絲倦色。
「唔知你對我地提出嘅條件,有冇啲咩疑問呢?」
其實合約給彈珠臺或是接龍,對Vincent而言都沒有分別。他根本醉翁之意不在酒。
「其實呢啲條件,我相信其他公司都一樣比到我。我更加著重嘅,係你地到底幾有心想傾得成呢單生意。」
「唔知你認為點樣,先可以表達到我地嘅誠意?」
「我諗最簡單直接嘅方法,就係考下你地究竟對洋酒嘅認識有幾深。」
Vincent 向旁邊助手打了個眼色,助手發了個訊息,外面就有人推著各式各樣的洋酒進來。
「要拎到獨家代理權,我要求嘅係代理商熟悉我地嘅洋酒商品。呢到有十幾種紅酒,如果你分到哂,呢單生意就係你嘅。」
桌上攤開一疊名牌,全部都是一堆大家毫不熟悉的紅酒名稱。
「法國莎提美紅酒 2007 」
「智利摩達特級珍藏梅鹿紅酒 2012 」
「西班牙維拿伊斯佩特級珍藏紅酒 2002」
…
氣氛頓時緊張得像凝固了。眾人聽到如此苛刻的要求,都神色凝重,噤若寒蟬。
龔燁眉頭緊皺,他從沒想到Vincent會用此方法來留難他。雖然他亦頻代表公司參加酒會與人交際,但在鑑別紅酒方面,他始終是外行人。
但為了這筆生意及整個市場部的榮辱,他總要硬著頭皮試試。
他將每種酒輕抿淺嘗,躊躇片刻,依他心中想法將名牌放到相應的酒瓶面前。
可惜,他這個外行人還是無法達到要求。
「睇黎我地都係無緣合作。」Vincent 站起來,疊好文件準備離去。
「你真係就咁就決定唔同我地合作?」龔燁立馬截住他,挑眉問道。
「我決定左嘅野唔會改變,辛苦你白行一趟啦。」Vincent 笑了笑,揚長而去。
此刻眾人都像洩了氣的氣球,心又帶點不甘和憋屈。辛苦了數個通宵,最後竟被如此兒戲的方法判定死刑。龔燁雙唇緊抿,愁眉深鎖的走了出去。
「龔燁,你諗住就咁放棄?」若水追出會議室截停他。
「唔係可以點?佢根本存心留難我地,即使我地講到幾咁天花龍鳳,佢係無心同我地合作都冇辦法。」龔燁臉色罩起一種前所未見的陰霾。
「但係我地成班同事捱左成個禮拜,係公司通左咁多晚頂,你唔覺得好可惜咩?仲有,朱生怪罪落黎,你點擔得起啊?」
「呢個客冇左,我最多咪搵番十個客番黎,補番個生意額囉。」
「任你曉飛啊,一時三刻都搵唔到大得過呢單嘅生意啦。不如我地再去搵嗰個Vincent 傾下?」
「夠啦,你唔記得左我先係你上司?總之朱生怪罪落黎,我會一力承擔。」龔燁話鋒一轉,目光熠熠的直視著她。
「但係我真係鄧成班同事好唔抵,我地咁辛苦⋯」
「熊若水,你唔好咁天真啦,係職場,從來唔係你付出幾多,就一定收番幾多回報。」龔燁打岔道。
認識他這麼久,他從未試過用如此冷冽的語調直呼她名。一陣委屈感覺湧上心頭,令她眼眶瞬間發酸。
快要冒出來的淚水都被強壓下去。
龔燁見她眸光迷濛的盯著他,亦不忍再說下去,以免自己再逸出傷人的話語。
「算啦,我地唔好再講呢個話題,總之你唔好再插手。」龔燁調整了一下呼吸,嗓音亦帶點沙啞。
若水一動不動的站在原地,看著他的背影漸漸遠去。原本盈於眼眶的淚水,又不聽使喚的冒了出來。
(待續)
藍色雪人
2019-2-20 23:07:17
唔通vincent就係macy嘅...
:^(
食蕉連皮啦
2019-2-20 23:17:47
每日輕輕一推
:^(
鬧交嗰段有504嘅feel
:^(
Best_tseB_123
2019-2-20 23:42:30
現任
但vincent知道macy 心靈上比咗頂帽自己戴⋯
So⋯
:^(
Channelno6
2019-2-21 21:32:07
第四十五章 <天使的掙扎>
若水抹乾眼淚,努力剋制自己的情緒。其他同事也陸續從會議室步出,Mandy 走到若水身旁。
「Mary,你覺得嗰個Vincent係咪同呀龔有啲牙齒印呀嗱?頭先分明係要留難佢啦。」
「我都覺佢地有啲私人恩怨,一開始龔燁根本就唔想接呢單生意,係朱生叫到佢先勉為其難接手咋嘛。」若水整頓好情緒,回答道。
「呢單生意就咁冇左,朱生會唔會對我地team好失望呢?」
「龔燁話佢會一力承擔喎,我勸佢再搵Vincent傾傾佢都唔肯。」
「佢講就易啊,明眼人一睇就知Jason同佢爭緊上位啦,今次冇左單生意,Jason 肯定乘機插多佢兩腳,到時我地條team真係凍過水啦。」
「Jason 咁陰濕架咩?咁龔燁個位會唔會危危乎架?」若水臉色惶惑不安。
「知人口面不知心啊。職場邊有咁多好人,陰險小人就有。」
聽完Mandy 一番分析,若水若有所思。
「Mary, 呀龔呢,走左啦?」Ivan 整理好電腦及文件出來。
「係啊。」
「唉,辛苦左咁多日,比個Vincent咁樣玩野法,真係把幾火。」
「我地等住番去比朱生柄啦。」他們個個沒精打采,失魂落魄地離開。
若水呆在原地,臉色更加沉肅。
「Mary, 行啦。」Ivan 在前方喚著。
「我肚有啲痛,想去個廁所,你地行先啦,唔駛等我。」
「咁好啦。」
等他們統統離去,若水邁進升降機,深呼一口氣,按下26樓。
主席辦公室。
「你好,我係彈珠臺嘅代表Mary, 今朝黎過同Vincent 開會,有啲事想再搵佢。」若水與門外的秘書小姐道。
秘書小姐抱歉地笑笑:「Vincent 唔係到喎,你有冇預約?」
若水五味紛陳,也不知該失望還是鬆口氣,道:「冇啊。」
「咁一係你係出面坐陣先?」
「好啊。」
時鐘的分針轉了一圈又一圈,若水難抵饑餓,決定先到樓下咖啡廳吃點東西。
這個決定果然沒錯,Vincent正在咖啡廳翹著雙腳,悠閒地享用咖啡。
「Vincent,有啲野想阻阻你。」若水心情忐忑走到他旁。
「今朝好似見過你,你係?」Vincent 略略打量她,肌膚瑩白如玉,身形婀娜娉婷,果真有幾分姿色。
「我係Mary Hung.」
「哦我記得,龔燁下屬,搵我咩事?」
「我專程黎搵你,係想問你可唔可以比多次機會我地?我地公司真係好有誠意同你地合作。」
「比個理由我。」Vincent 答得乾脆。
若水思索了一會道:「就憑我地係全港最top嘅marketing之一,我地岩岩先拎左傑出市場策劃獎。」
「呢啲名銜,我從來唔著緊。」
「咁你要點先肯比多次機會我地?」
「話時話,龔燁點解會叫個下屬黎求我?佢人呢?」他不由失笑。
「佢唔知架,只係我唔想浪費成班同事一番心血,先黎搵你。」
「你咁夠膽,自己一個黎搵我?」他倒有點欣賞這女子的膽量。
「為左單生意,咩方法我都會試。」
若水外表嬌柔,說話卻是爽快直接,Vincent 開始對她產生興趣。
「龔燁有你呢個下屬,真係幸福。見你咁有誠意,咁我就比多次機會你。」
「真係?」
「聽晚8點我酒莊有個wine tasting,我差咁個partner,如果你肯陪我去,我就考慮同你地合作。」
這話令若水臉色微僵。
「做你partner?」
「做咩啊,驚我對你有不軌企圖?」
「我唔係咁嘅意思。」
Vincent 聳聳肩說:「如果你唔想,咁就當我冇講過啦。」
他抿了最後一口咖啡,站起身離去。
「咪住。」若水微闔眼眸思索了一會,揚聲叫住他。
Vincent 轉過頭來,面露喜色。
「一言為定,你要講信用。」
「聽日見。」
深夜,整個城市已陷入酣睡。
若水抱著雙膝,坐在陽台的椅子上。夜幕低垂,燈火稀疏,她望著前方昏暗迷離的夜色,腦海中思潮翻滾,一幕幕畫面湧現,他們如何日以繼夜的準備計劃書、Vincent 如何毫不留情的為難龔燁、還有他那冷峻沮喪的模樣…
她內心掙扎不已,大夥兒這麼多天的心血,難道就此要夭折?
為了這單生意、為了市場部、為了龔燁⋯她應該去嗎?
(待續)
大學咁教你㗎?
2019-2-21 21:37:51
感覺係三角戀?
:^(
Channelno6
2019-2-21 22:01:27
唔quote你啦你覺得係邊3角?
:^(
大胃小食家
2019-2-21 22:32:09
劇集零進展,睇樓主寫嘅真係止到渴
:^(
藍色雪人
2019-2-21 22:35:27
點解我覺得可能係四角
:^(
魚柳包加蛋
2019-2-21 23:43:09
係Kenneth bb 既感覺啊
:^(
:^(
Ads
Best_tseB_123
2019-2-21 23:45:43
樓上,講故台唔好引原文啊
Game rule嚟嫁
:^(
Btw 愈睇就覺得那vincent似係macy嘅ex?
:^(
仲唔係你
2019-2-21 23:45:44
比阿龔知到咗媽呢空去做死對頭個partner唔知會點呢
:^(
:^(
:^(
:^(
:^(
:^(
:^(
:^(
:^(
Best_tseB_123
2019-2-21 23:48:08
霸氣十足搶回來
傷心絕育
2019-2-21 23:59:55
有種又要為啊龔下海感覺
:^(
Channelno6
2019-2-22 00:02:42
下回自有分曉
:^(
Channelno6
2019-2-22 00:04:13
不如黎個冇獎問答遊戲
大家覺得呀水會唔會去
會
:^(
唔會
:^(
死賤精金幣朱古力
2019-2-22 00:16:12
反cup 係傳統
香芋鮮奶
2019-2-22 00:46:19
覺得阿水會去
龔燁好奇點解Vincent 轉呔 之後Vincent 笑一笑 或者講句多得你下屬
:^(
.........
好期待
:^(
日日都入嚟睇㗎
:^(
爛臉狗
2019-2-22 01:05:19
新讀者留名
:^(
食蕉連皮啦
2019-2-22 02:16:44
每日一推
:^(
水水又要下海?!
:^(
Ads
嘉頓餅罐
2019-2-22 06:59:11
如果下海,呀龔會好嬲的
萬零蚊枝超巿紅酒
2019-2-22 08:25:17
我諗起 放開個女仔
:^(
市場部禮品包
2019-2-22 09:02:19
想睇阿龔霸氣地搶返自己嘅女人返嚟
:^(
普通同事
2019-2-22 13:19:26
:^(
上一頁
第 16 頁
下一頁