(龔水) <若躲不過燁緣>
上一頁
第 14 頁
下一頁
Channelno6
2019-2-16 22:55:51
少男龔少女水
:^(
:^(
聽日你就知
:^(
Ads
Channelno6
2019-2-16 22:57:16
我都想啊
:^(
平時總監咁姿整
:^(
黑色小九
2019-2-17 00:05:22
覺得呢篇文嘅設定同內容真係好正
某程度上正過正劇
:^(
Channelno6
2019-2-17 00:37:41
多謝絲打咁大頂高帽笠落黎
:^(
Channelno6
2019-2-17 22:05:40
第四十一章 <只想坐在你身旁>
一早到機場,龔燁在登記櫃位等了一會,就見若水一手拖著一個偌大的行李箱,另一邊細細的胳膊則背著個沉甸甸的大袋。
「嘩,我地去四日姐,你攞咁大個喼做乜啊?」龔燁吃了一驚。
「咁上海開左好多靚商場,我諗住爭取時間去掃貨呀嘛。」
「你究竟係黎出trip 定去旅行啊?」
「呢啲叫寓工作於娛樂。」
龔燁不禁反了個白眼。
他們辦妥登機手續,準備上機。龔燁是經理級人馬,出外公幹自然享有乘坐商務艙的尊貴待遇,奈何其他同事都只能乘經濟艙,龔燁自己一個難免覺得無聊乏味。趁飛機還未啟航,他便走到經濟艙,見他們聊得起勁,歡天喜地,獨欠若水。
「呀龔,做咩過左黎嘅?」
「趁未上齊客,過黎睇下你地囉。咦,Mary 呢?」龔燁看著Rebecca隔壁的空位問道。
「哦佢去左廁所啊。」
「哦,點呀呢間航空公司係咪幾正啊?」
「係呀,有勁多電影睇,好多都好新!」Ivan 笑道。
「嗯,不過係個位迫左少少,隻腳屈住有啲辛苦。」剛剛放完產假的Rebecca道。
「你啱啱生完仔,血液要流通喎。一係我同你調啦,你坐我個位會舒服啲。」
「唔得,係你嘅福利黎架嘛,冇理由要你屈就坐過黎嘅。」
「冇所謂啦,business我都成日搭,搭少一次半次冇所謂。」
「咁樣唔好意思嘅⋯」
「我不嬲都ladies first嘅,你唔駛同我客氣,趁仲上緊客,你快啲過去坐啦,我個位係15A呀。」
「咁好啦,呀龔你真係好啊。」言畢,Rebecca 便提著手提行李到商務艙了。
龔燁目的達成,滿面春風地坐在他覬覦多時的座位上。
若水從洗手間出來後,驚見龔燁已坐在她旁,本來屬於Rebecca 的位置。
「你做咩坐左過黎?Rebecca 呢?」若水驚訝地問。
「哦冇,我見Rebecca啱啱生完仔,我咪讓左個商務位比佢,等佢坐得舒服啲囉。」
「你咁好死有著數都唔貪?」
「我不嬲都係一個好上司黎架啦。」龔燁撥撥前額的頭髮,自鳴得意。
「好囉。」若水坐在窗口位,前座與後座之間的空間十分狹窄,她擠進去時大腿後方無可避免的摩擦到龔燁的膝蓋,如此親密接觸形成了一股電流直擊二人大腦。
「啊唔知有咩戲好睇呢?」龔燁打開話題,按著搖控問道。
「咦有上年套賀歲片喎,我都仲未睇。」
「我愛HK恭囍發財?我睇左啦,入面有個叫呂慧儀,嗰個尖酸刻薄反白眼樣真係勁似你!」龔燁訕笑道。
「會唔會啊,我靚過佢咁多!」若水厲眼一瞪。
「你咪即管睇下囉。」
看了一會電影,空姐便推著餐車,為乘客奉上飛機餐及飲品。
「先生,今日有雞同魚,你想食啲咩?」
「魚呀唔該。」
「咁想飲咩?」
「比杯蘋果汁我啦。」
空姐為龔燁斟著蘋果汁,突然有個小男孩在走廊奔跑,不慎撞向她,她便將整杯果汁倒在龔燁的小腹及大腿上,弄得全濕。
「啊我套西裝啊!」
「先生對唔住啊!我即刻攞毛巾比你!」
「點啊你?」若水忍不住竊笑。
「成身黐納納啦!」
「我幫你啦。」若水連忙從手袋裏取出紙巾,幫著他擦。
若水沒想太多,一心只顧幫他印乾身上的果汁,但由於沾濕的位置接近敏感部位,她一直擦,龔燁的心就像被草搔癢著,癢癢的亂。
「我自己黎得啦。」龔燁臉都微紅,一手奪去紙巾。
「先生,真係好唔好意思,我地會送番啲coupon比你,希望你接受我嘅道歉。」那位空姐拿著毛巾及禮券過來,連忙向龔燁道歉。
「好啦。」
「嘩送番成五舊水,你杯蘋果汁倒得值啦。」若水訕笑道。
「不如我倒落你到,再比番五舊水你呀?」龔燁作勢要將果汁倒在若水身上。
「喂啊!」
過了一會,若水打開機上購物指南,掀了幾頁,撞撞他的手肘問:
「其實你係咪都冇野要買?不如比我啦,我勁想買呢枝新出嘅Channel No. 10 香水。」
「又買?你仲買唔夠Channel 香水?」
「我要儲齊哂Channel No. 1 to 10 啊!」
「你有冇一刻可以唔買野?」龔燁斜睨著她問。
「咩姐,咁搭飛機咁悶,緊係搵啲野買下架啦。」
「邊個娶著你,真係搵幾多都唔夠使。」龔燁不禁竊笑。
龔經理,那你要加把勁努力賺錢了,不然日後被老婆弄得荷包肝硬化,可別怨天尤人呢。
(待續)
得到用失去來換
2019-2-17 22:09:08
一入嚟就有文
:^(
Channelno6
2019-2-17 22:12:29
嗚啊發覺po漏左一句 好唔完美
:^(
「好囉。」若水坐在窗口位,前座與後座之間的空間十分狹窄,她擠進去時大腿後方無可避免的摩擦到龔燁的膝蓋,如此親密接觸形成了一股電流直擊二人大腦。
兩人臉都微微發燙,若水便望出窗外粉飾尷尬。
「啊唔知有咩戲好睇呢?」龔燁打開話題,按著搖控問道。
嘉頓餅罐
2019-2-17 22:19:43
太開心了,又是甜文
大胃小食家
2019-2-17 22:29:26
重甜吖唔該
:^(
:^(
黑色小九
2019-2-17 22:31:39
佢地兩個啲曖昧moment 正到
:^(
:^(
睇到呂慧儀個part笑咗出聲
:^(
:^(
慣咗每晚10點嚟睇文 end咗之後應該會有啲唔慣 多謝絲咁努力打文
Channelno6
2019-2-17 22:37:53
呢個moment未適合呢
:^(
Ads
Channelno6
2019-2-17 22:38:56
我都一路寫一路笑
:^(
未咁快end住 放心
:^(
我係超人
2019-2-17 22:42:30
有聲post
完全代入到
:^(
:^(
Best_tseB_123
2019-2-17 22:59:57
要買哂channel 1 到 10
:^(
:^(
Channelno6
2019-2-17 23:08:46
買到破產
:^(
市場部禮品包
2019-2-17 23:17:52
相信龔生日後一定會搵好多
水水由channel 1買到去100都無問題
:^(
我有咁講過咩
2019-2-17 23:26:02
此回覆已被刪除
愛麗絲Alice
2019-2-18 02:03:54
睇到水水幫龔燁抹乾淨個到好似我嘅經歷
:^(
我之前又係未同ex一齊個陣
出去食飯倒瀉嘢我幫佢抹大脾個位
佢個陣細細聲講咗句 你咁亂幫人好大獲㗎
我冇為意咩事 後尾大家講返起先知
:^(
FatSzeSze
2019-2-18 02:21:21
唔好意思,按錯負評
Channelno6
2019-2-18 10:31:40
真係
:^(
好開心引起你共鳴
:^(
傷心絕育
2019-2-18 19:03:59
絲竟然抽蟹蟹水
:^(
其實如果異性倒瀉野可能應該要真係好fd或者好close先會幫佢抹 如果唔係俾張紙巾佢就算(最多問佢夠唔夠
:^(
)敏感部位真係驚尷尬
:^(
龔生又用做好人做藉口接近水水啦
:^(
Ads
Channelno6
2019-2-18 22:02:28
係啊 所以佢就hang機
:^(
淨係得呢招
:^(
Channelno6
2019-2-18 22:07:52
第四十二章 <龔經理的另類魅力>
數個小時機程後,大夥兒終於到達上海。雖然大家都急不及待想到處參觀遊玩,但明天就是見洋酒批發商的大日子,他們今天都準備在酒店閉關最後衝刺,務求明天一擊即中,把這單大生意拿下。
登記好入住,整頓好行李,已是下午五時許。他們聚集到龔燁的房間。
龔燁住的是商務高級客房,坐擁繁華的上海城市景觀,空間寬敞舒適,裝潢亦較其他同事的房間瑰麗豪華。
大家專注整理自己負責的部份,房間只聞敲鍵盤、翻文件等零零碎碎的聲響。
龔燁坐在沙發上,低頭逐份看著面前堆積如山的文件,眉目端凝,看得很專注。
若水坐在靠背椅,打開筆記本電腦,單手托著下巴,凝視著屏幕。
「係啊,琴晚Ivan 漏夜再執過個PowerPoint,你過黎睇睇。」她喚著龔燁。
「好啊。」
龔燁起來繞到若水座椅的背後,一隻手輕輕搭在椅背,突然俯身湊近她,道:「開黎睇下。」
「哦。」若水一怔,心弦微微顫動。
他一彎腰,側臉就幾乎貼到她的頭髮上,前陰不時輕拂到她的面頰。距離近在咫尺,他身上那懾人的古龍水氣息又在她的鼻腔裡繚繞。
龔燁一心查看Ivan 修改簡報的成果,心無雜念,表情亦並無半點異樣。但這一連串動作,卻令若水一下子羞紅了臉,內心顫悠悠的。
若水忍不住一次又一次地瞄向他,側臉顴骨略高,線條稜角分明,看著看著,不知不覺就有點出神。
他盯著屏幕發問:「呢幅圖放番係最後會好啲?」
若水沒回應。
他轉頭,用那黯黑沉斂的眼睛望著她:「喂你發咩吽哣?」
「吓,好啊。」
「不如你坐啦。」她抵受不了這麼近的距離,剛想站起來,話音未落,就被他雙手壓住了肩頭。
「唔駛啦。」他依舊神色平淡。
龔燁繼續逐項逐項的查問,若水一一為他解答。時間不知不覺的溜走。
窗外斜陽慢慢垂下,提醒他們是晚餐時候了。
「原來都六點幾,不如我地出去食啲野,抖一抖?」飢腸轆轆的龔燁提議。
「好啊。」若水道。
「Ivan 你地呢?出去食啲野先?」
「我搞掂埋呢到先,你地去嗌住野食先啦,我地陣間join。」
這晚上海迎來了新年第一場雪,雪花夾雜小雨點紛紛揚揚的飄落大街小巷,終綴在街道兩旁的樹丫上。
「嘩,係初雪啊!」若水攤開雙手,仰頭任由小雪花輕柔的拂過她臉,嘴角綻開一個淺淺的笑。
「你真係好中意睇雪喎。」
「真係好靚啊嘛。」她朝龔燁轉過臉,輕輕啓齒,莞爾一笑。見她樂得開懷的模樣,龔燁的眼神透過飄落的雪花,無言地鎖住她。
風景再美,都不及身旁的妳美。
酒店位於鬧市區,五光十色,燈紅酒綠。龔燁與若水隨便找了間酒店附近的小館子用餐。
「唔知上海有咩好玩呢?」若水問道。
「一定要去外灘,啲夜景仲靚過維港。」龔燁推薦。
「我都聽人講話冇去過外灘,等於冇去過上海。」
「咁陣間食完飯,去行下鬆一鬆?」
「好啊。」
此時,侍應來到為他們點餐。
龔燁拿起菜單遞給她,若水擺了擺手:「我啲普通話真係好普通架咋,你叫啦。」
「咁等我黎啦。」
「要一客蔥油拌麵、一個上海炒年糕,還有鮮肉小籠包。」
龔燁操一口流利國語,點起菜來駕輕就熟,聽他說國語,簡直是一場耳朵的盛宴。
「嘩,你啲國語咁純正嘅?」
「我好細個就學架啦。你都好應該進修下啲國語啦,遲啲實有機會番大陸傾生意架嘛。」
「唉都咁大個人,而家先學唔會好遲咩?」
「有心點會怕遲。你自我介紹黎聽下啦,睇下有幾普通。」
他目光灼灼地盯著若水,她於是勉為其難說了兩句:
「我是熊若水,來自香港,芳齡二十二,是彈珠臺訓練生⋯」
龔燁忍不住喊停,「夠啦,你選港姐啊?仲有,你呢啲分明就只係咩少少音嘅廣東話。」他聽她說幾句已經笑不可抑。
「咩姐,咁平時少講呀嘛!」
「番到去,我幫你惡補下,最多收你友情價啦!」
「龔經理你咁忙都有時間幫我咩?」
「你冇聽過時間就好似事業線咁,有心擳就一定擳到出黎咩?」
「我唔知喎,我呢就真材實料嘅,從來都唔駛擳。」
「係咩,睇過?」龔燁目光緩緩向下掃視。
「喂!望咩啊望!」若水拿起手裡的筷子作勢戳向他。
「Mary, 做咩咁凶狠想殺左呀龔咁啊?」Ivan 與Mandy 一到,就目擊此幕。
「佢不嬲都係咁對我架啦。」龔燁拿起餐巾擦了擦嘴,笑著道。
「嘩呀龔,你嗰個好似好好食咁啊。」Mandy盯著龔燁盤子裡的蔥油拌麵,口水直流。
「你地都快啲叫野食啦,食完野去外灘行下,鬆一鬆。」
(待續)
P.S. 應藍色雪人絲要求,係到再補多場真初雪比佢地
:^(
中唔中意啊?下一章去外灘
:^(
(完全係為左呢到我先寫去上海
:^(
),請繼續支持
:^(
嘉頓餅罐
2019-2-18 22:16:39
又有新一回甜文,今晚點訓覺呀!
:^(
:^(
:^(
:^(
:^(
:^(
市場部禮品包
2019-2-18 22:21:54
支持支持
:^(
唔知喺外灘會發生咩事呢
:^(
上一頁
第 14 頁
下一頁
聽日你就知