(龔水) <若躲不過燁緣>
上一頁
第 13 頁
下一頁
Channelno6
2019-2-15 20:56:57
第三十九章 <老細的指令>
一大清早,朱生把龔燁叫進辦公室。
朱生的主席辦公室寬敞明亮,簡約大氣,他悠閒地坐在寬大的辦公桌後,靠著旋轉大班椅,嘴正叼著細長的雪茄。
「朱生,咁早搵我有事?」
「坐啊。」
「艷麗熱巴個到,我同佢地公司傾過,佢地肯唔追究。不過始終都要查清楚係邊個嘅過失。」
「放心啦朱生,我已經聯絡左保安部嘅鐵面陳翻查閉路電視,希望可以盡快搵出真相。」
「你辦事,我放心。另外,洋酒批發單生意,我想呀龔你親自帶隊上上海傾。」朱生略略將身軀向前傾,吞雲吐霧地說著。
「朱生,單生意係Jason 跟開,應該由佢地team去?」龔燁有點詫異,明明早已將這單生意轉交Jason,為何兜兜轉轉又落到他手上?
「我知,不過我收到風,接龍都好有興趣,所以我親自打左個電話比佢地主席話想合作,點知佢話一早係大學時期已經識得你,同你傾會方便啲。」
「佢指明要搵我?」龔燁皺起眉頭。
「係呀。更何況你知大陸徵洋酒稅愈黎愈重,佢地一直想落黎拓展香港市場,呢個餅將會好大,比起Jason,我更加信得過你。」
「但係我手頭上都仲跟緊幾個客,未必行得開。」龔燁藉口推塘。
「嗰啲細客你咪彈比Jason囉,再唔係就叫啲細嘅去跟。呢個大客我唔想得失,一於由你去傾個獨家代理番黎啦,唔好再推啦。」朱生斬釘截鐵地道,龔燁亦難以再拒絕,得失了大老闆,後果更得不償失。
「咁幾時要出發?」
「最好下星期啦,我想係接龍班人同佢地傾之前截佢地糊,你親自帶隊上去會有誠意啲。」
「咁好啦。」龔燁嗓音低沉,語調也充斥著無奈。
「其實我都有啲想入股佢地上海個酒莊,過到去你順便幫我視察下個環境,有冇問題?」
「冇問題。」
彈珠臺市場部
「各位,我有個消息要宣佈。」龔燁拍拍手掌道。
若水,Mandy 等大伙同事紛紛放下手頭上的工作,目光一致地移向龔燁。
「下星期我將會帶隊去上海出trip, 傾洋酒批發個獨家代理番黎。我知事出突然,不過希望大家體諒,暫時將手頭上嘅嘢放埋一邊,我地夾手夾腳砌左個proposal 出黎先。」
「又會咁趕嘅?同埋個客唔係彈左比Jason咩?」
「朱生想我地係接龍同佢地傾之前,親自上上海捷足先登。同埋佢話呢個大客,都係想交番比我地team 跟,佢會放心啲。」
「雖然係好趕,但證明朱生好信得過呀龔你,係好事黎架!」
「都係嘅。麻煩Mandy 你盡快幫手book機票食宿,我地下星期五要出發啦。」
「冇問題!」
「咁呢個星期要辛苦大家開OT,捱埋佢我請大家食番餐好嘅。」
「好!」
大家緩緩散開返回座位工作,若水趨上前輕拍龔燁胳膊。
「咩事?」龔燁轉身問道。
「冇,我記得之前你明明話私人理由,唔接呢個客,點解而家…」
「乜你覺得我地做打工仔,老細叫到有得托手踭咩?」龔燁直勾勾的盯著她,眼神冷冰冰的,若水心裡也暗生怯意。
「都係嘅。」若水被他一句弄得啞口無言。
「好多嘢我地控制唔到,所以,做好自己本份啦。」龔燁強顏歡笑,轉身離去。
若水目送他漸漸走遠。今天的他,背影挺拔又帶點孤傲,渾身也充滿著壓抑的氣息,有種拒人千里的冷漠。
你到底背負著些甚麼?
能告訴我嗎?
(待續)
P.S. 大家一定好想睇嘅出trip劇情即將開始,請密切留意
:^(
Ads
五月與知恩
2019-2-15 21:02:20
阿水唔係冇讀過大學咩?
Channelno6
2019-2-15 21:05:46
我重新寫過 唔跟電視劇架
藍色雪人
2019-2-15 21:41:34
補番場初雪俾佢地
:^(
萬零蚊枝超巿紅酒
2019-2-15 21:52:37
傑叔?
Channelno6
2019-2-15 22:07:36
29章補左啦喎
:^(
Channelno6
2019-2-15 22:08:43
傑叔係14章用老人院院友身份出左啦
:^(
宇文宙
2019-2-15 22:09:07
Sor手殘負評
萬零蚊枝超巿紅酒
2019-2-15 22:29:55
係喎
:^(
Best_tseB_123
2019-2-15 23:09:54
推
啲人話
一對
同事出trip會令其之間嘅感情急速升溫
:^(
治下我
2019-2-16 01:04:06
要喺上海留個美好回憶呀!
:^(
:^(
Ads
有喵食
2019-2-16 01:21:20
輕輕一推~
:^(
青苔都冇嚿!
2019-2-16 01:43:25
留個名先
:^(
一次過睇晒咁多章真係好爽
但依家要等更文
就覺得度秒如年
:^(
真係好中意龔水之間嘅互動
好想佢地快啲開始
又想佢地曖味多陣
總之好想佢地嘅故事不斷延續落去
:^(
Any肥 樓主比心機寫呀
:^(
我會keep住追文架!加油!
Channelno6
2019-2-16 12:26:42
絲你個名
:^(
:^(
今晚會有文
:^(
我都覺得寫曖昧期係最好睇
:^(
:^(
多謝支持
:^(
嘉頓餅罐
2019-2-16 12:50:02
加油呀!好期待
傷心絕育
2019-2-16 14:13:36
感覺又有新人物出現啦
:^(
酒莊老細會唔會係啊龔阿媽?或者其他親戚
:^(
唔好係Macy老豆啊
感覺呢度啊龔自殺慾望冇咁強烈 舒服好多
上海之行感覺會傾下心事咁
:^(
Channelno6
2019-2-16 16:11:57
係有新人物
:^(
因為我好想拯救下自殺王
:^(
傷心絕育
2019-2-16 16:15:03
新人物會助攻
:^(
Channelno6
2019-2-16 16:21:54
拭目以待
:^(
Channelno6
2019-2-16 21:54:52
第四十章 <加班的浪漫>
市場部會議室
今天已是連續第三天通宵加班,事關大家要趕及下星期五到上海前完成一系列的工作,像是市場分析、構思宣傳定案、落實計劃書、簡報…光是想想都令人頭昏腦裂。大家一開始的滿腔熱忱,都逐漸被磨滅殆盡。
會議室已不分晝夜,大家睡醒時在趕項目,做夢時彷彿也在趕項目。忙到累極的時候,大家都橫七豎八地睡在橢圓形的大桌上,男的滿面鬍碴,女的壯容半褪,大家都懶理形象,只求於限期前完成此幾乎不可能的任務。
清晨的陽光透過落地大玻璃窗,灑進會議室中,喚醒了若水。
她揉揉眼睛,愛美的基因作祟,下意識取出小鏡子來照,驚見自己脂粉半褪,頭髮蓬鬆,油光滿面,額頭還冒了兩粒痘痘。
「唉,第三日就搞成咁,之後點捱啊!」若水連忙取出紙巾印走臉上油脂,再拿粉盒補妝。
「醒啦?」龔燁端著杯咖啡從門口進來。
「係啊。你咁早醒嘅?」
「諗住出去斟杯咖啡,番黎再大戰多三百個回合呀嘛。」
「唉,咖啡都幫我唔到,我個眼圈都唔知敷幾多個mask 先補得番。」若水拿起粉樸輕印眼圈位置。
「算啦,遮乜啊,又唔係未見過你素顏。」
「咁我都唔想咁頹架。話時話,你個樣都好殘喎,你冇訓咩?」
確實,龔燁滿臉鬍子碴,雙眼滿佈紅筋,襯衫領帶都歪斜不整。
「恰左半個鐘囉。」龔燁打開手提電腦,打算繼續埋頭苦幹。
「你訓下先啦不如。」
「我proofread埋啲細節就搞掂架啦。」
「等我做啦,你即刻去訓。」
「你知唔知我想改乜架。」
「琴晚開會你都講過哂啦。等我黎啦,你冧左我地點啊。」若水搶過電腦,用指令的口吻道。
「仲以為你話我冧左你點添。」龔燁心想,嘴角不期然泛起一絲甜笑。
「笑咩啊,快啲訓啦。」
「收到,Mary姐!」
難得若水如此關心他,龔燁決定乖乖聽話,往桌上一趴,小寐片刻再戰。
一室寂靜,陽光照射到龔燁的臉龐上,濃密的睫毛在他眼底投下淺淺的倒影。他的眼窩深邃,鼻樑高挺,嘴唇微抿,睡顏恬靜安詳。若水凝視著他的臉,不禁思索,他已經很久沒睡一覺安穩了吧。身為頭兒,既要應付上司的無理要求,為公司賣命,又要安撫好下屬的身心,維持士氣。也許只有熟睡時,他方能將面具卸下,毫無防備的睡個好覺。
若水細心地拉上窗簾,一室昏暗,她走回他身旁,幫他脫下眼鏡,蓋上西裝外套,免得著涼。
「你係時候好好訓一教啦。」
龔燁醒來時,已是中午時份。他揉揉眼睛,發現眼鏡已被脫下,身上還蓋著件外套。
再看看電腦,若水已經修改好簡報,還添加了不少備註,讓他好好過目。
「媽呢空果然好明白我。」龔燁望著屏幕,唇畔微勾。
「呀龔,你醒啦?」Mandy 問道。
「係啊,Mary 呢?」
「佢下晝有個客要見,出左去啦。」
「哦。」他的語調夾雜點失落。
「不過佢臨走個陣幫我地叫哂外賣架啦,我地可以繼續博殺。」
「係咪叫左麥當勞啊?」外送速遞員敲門問道。
「係啊,呢邊。」
「盛惠你238蚊。」Mandy 幫忙先付錢。
「你地幫我叫埋啦?又知我想食咩?」龔燁問道。
「Mary 幫你叫左啦,佢話你都係食漢堡包,粟米,可樂喎。」
「又唔比我食薯條。」他的笑意已自唇邊一直蔓延到眼中。
直到星期四晚上八時許,他們終於將計劃書、簡報、合同等等全部做好。身軀雖已疲憊不堪,但連日來的奮戰讓眾人感受到原來市場部都能夠做到如此眾志成城,上下一心,大家頓覺一腔熱血在心頭蕩漾。
「辛苦哂大家,早啲番去訓教,抖足精神,聽朝機場見。」龔燁道。
眾人鬆一口氣,收拾好行裝,準備歸家。
「媽呢空,駛唔駛車你番去?」
「唔駛啦,你睇下你個眼袋,我唔想有生命危險啊。你都唔好渣車啦,搭巴士好啦。」
「好啦咁。」
「聽朝見啦。」
連續一星期的加班終於告一段落,意味著與媽呢空的朝夕相對亦相繼結束。環顧著空蕩蕩的會議室,這裡每一角落,都滿佈著他倆一起奮戰的痕跡。她為他趕起簡報,見他倦極時勸他入睡,細心地幫他蓋上外套…這一點一滴都教龔燁回味無窮。
加班原來不是難事,只要你身邊有位雙下巴天使。
(待續)
嘉頓餅罐
2019-2-16 22:10:07
今集很甜,正呀
:^(
:^(
:^(
:^(
:^(
:^(
Ads
我有咁講過咩
2019-2-16 22:21:40
此回覆已被刪除
Channelno6
2019-2-16 22:37:02
因為跟劇會有好多限制,點寫都好似跳唔出個框框咁,又冇乜新鮮感
同埋寫後生版多野寫好多,好似ocamp 畢業禮呢啲
:^(
傷心絕育
2019-2-16 22:48:52
o camp真係好正
:^(
感覺好青春好warm啊
:^(
今次龔水又一齊過咗幾晚啦
:^(
一齊奮鬥好正啊
:^(
Best_tseB_123
2019-2-16 22:50:12
推
:^(
:^(
滿面鬚根嘅龔燁好想睇
:^(
:^(
:^(
上一頁
第 13 頁
下一頁
一大清早,朱生把龔燁叫進辦公室。
朱生的主席辦公室寬敞明亮,簡約大氣,他悠閒地坐在寬大的辦公桌後,靠著旋轉大班椅,嘴正叼著細長的雪茄。
「朱生,咁早搵我有事?」
「坐啊。」
「艷麗熱巴個到,我同佢地公司傾過,佢地肯唔追究。不過始終都要查清楚係邊個嘅過失。」
「放心啦朱生,我已經聯絡左保安部嘅鐵面陳翻查閉路電視,希望可以盡快搵出真相。」
「你辦事,我放心。另外,洋酒批發單生意,我想呀龔你親自帶隊上上海傾。」朱生略略將身軀向前傾,吞雲吐霧地說著。
「朱生,單生意係Jason 跟開,應該由佢地team去?」龔燁有點詫異,明明早已將這單生意轉交Jason,為何兜兜轉轉又落到他手上?
「我知,不過我收到風,接龍都好有興趣,所以我親自打左個電話比佢地主席話想合作,點知佢話一早係大學時期已經識得你,同你傾會方便啲。」
「佢指明要搵我?」龔燁皺起眉頭。
「係呀。更何況你知大陸徵洋酒稅愈黎愈重,佢地一直想落黎拓展香港市場,呢個餅將會好大,比起Jason,我更加信得過你。」
「但係我手頭上都仲跟緊幾個客,未必行得開。」龔燁藉口推塘。
「嗰啲細客你咪彈比Jason囉,再唔係就叫啲細嘅去跟。呢個大客我唔想得失,一於由你去傾個獨家代理番黎啦,唔好再推啦。」朱生斬釘截鐵地道,龔燁亦難以再拒絕,得失了大老闆,後果更得不償失。
「咁幾時要出發?」
「最好下星期啦,我想係接龍班人同佢地傾之前截佢地糊,你親自帶隊上去會有誠意啲。」
「咁好啦。」龔燁嗓音低沉,語調也充斥著無奈。
「其實我都有啲想入股佢地上海個酒莊,過到去你順便幫我視察下個環境,有冇問題?」
「冇問題。」
彈珠臺市場部
「各位,我有個消息要宣佈。」龔燁拍拍手掌道。
若水,Mandy 等大伙同事紛紛放下手頭上的工作,目光一致地移向龔燁。
「下星期我將會帶隊去上海出trip, 傾洋酒批發個獨家代理番黎。我知事出突然,不過希望大家體諒,暫時將手頭上嘅嘢放埋一邊,我地夾手夾腳砌左個proposal 出黎先。」
「又會咁趕嘅?同埋個客唔係彈左比Jason咩?」
「朱生想我地係接龍同佢地傾之前,親自上上海捷足先登。同埋佢話呢個大客,都係想交番比我地team 跟,佢會放心啲。」
「雖然係好趕,但證明朱生好信得過呀龔你,係好事黎架!」
「都係嘅。麻煩Mandy 你盡快幫手book機票食宿,我地下星期五要出發啦。」
「冇問題!」
「咁呢個星期要辛苦大家開OT,捱埋佢我請大家食番餐好嘅。」
「好!」
大家緩緩散開返回座位工作,若水趨上前輕拍龔燁胳膊。
「咩事?」龔燁轉身問道。
「冇,我記得之前你明明話私人理由,唔接呢個客,點解而家…」
「乜你覺得我地做打工仔,老細叫到有得托手踭咩?」龔燁直勾勾的盯著她,眼神冷冰冰的,若水心裡也暗生怯意。
「都係嘅。」若水被他一句弄得啞口無言。
「好多嘢我地控制唔到,所以,做好自己本份啦。」龔燁強顏歡笑,轉身離去。
若水目送他漸漸走遠。今天的他,背影挺拔又帶點孤傲,渾身也充滿著壓抑的氣息,有種拒人千里的冷漠。
你到底背負著些甚麼?
能告訴我嗎?
(待續)
P.S. 大家一定好想睇嘅出trip劇情即將開始,請密切留意