VantaBlack 2019-1-12 01:21:10

FB Cover

:^(

VantaBlack 2019-1-12 01:36:19 「個看更阿叔無辜架, 你講出黎, 我地幫你解脫令你可以釋懷啦!」鐘鈴加入了談判派。

「或者, 我早就已經釋懷.....我..我唔知...」

沒可能, 能留在凡世十年之久的亡靈, 甚麼令引發騷靈現象的地縛靈一定有強烈的執念!

然後女鬼繼續說:「睇黎你地好緊張呢個陌生人條命, 係好人。」

突然被她這樣稱讚, 白千雪和鐘靈也不會反應。

「去搵一個人, 去阻止佢。咁樣佢先唔會重覆我悲劇, 5B班, 溫可柔, 快D, 如果唔係一切就會太遲。」

誰啊...

還沒問出這問題, 看更大叔全身軟癱咚一聲倒在地上, 被鐘鈴以血劃眉心的我看到一個人影從大叔身上飛出, 消失在黑暗中。

結果不但沒有找到任何答案, 增加了的只有疑問。

「咪走!!」阿Jean奮力一劈, 一般妖邪不是她對手, 但這女鬼不但無心戀戰, 而且極度熟悉這學校, 竟然使阿Jean又劈了個空。

「激死!」

「唔撲向你既野你斬唔到啊?」我窒她一句, 扶起看更, 鐘鈴展法為他封上被女鬼強行打開的竅。

「車! 今次係輕左敵, 下次我唔會俾佢走!」

相比起往附近所有可攻擊目標狂襲, 無心戀戰的鬼魅更難捕捉嗎?

「下次應該先佈陣封住佢行動或者可以用法陣逼佢出現我地可以引佢入陷阱....」鐘鈴作為高材生的檢討毛病又來了。

「好啦, 今晚係咁先。」我輕拍她臂膊打斷她的碎碎念, 「下次我都會煮重佢米。」簡單來說就是把反瑪那集合在一個咒語中, 打在被附身的人身上強行消去所有魔法現象, 不過這樣做很傷人就是了, 始終人體天生也有瑪那, 一下子被我消去的話會元氣大傷的。

在三個正磨拳擦掌復仇的魔法師前, 白千雪的觀點顯得更別樹一格。

「邊個係溫可柔?」她問道。

「千雪, 你得閒先幫我去查查。」我把看更扔到床上, 還拿他一塊餅乾吃, 「應該同隻女鬼有關。」

重覆她的悲劇...嗎?

「我去強化埋學校入面既十字架既概念, 咁樣有十字架既地方佢都作唔到惡。」

「你知唔知呢件學校有幾多十字架....」我看看視野內的三個十字架。

「你會陪我架嘛? 師兄?」

「呃....」

「我都陪!」白千雪突然激動起來,「我係沈醫生既..助手!」

「係, 係~」鐘鈴忍俊不禁。

「我唔陪你地玩啦, 我有下場。」阿Jean把奏收回裙底, 「你地小心D。」

我低語:「你岩岩好似全程斬空氣....」

「你講咩話? 沈醫生?」阿Jean以高根鞋踩住我腳尖。

「嗚呀! 無野! 記得唔好搞出人命, 拜!」

在學校把事件弄好後已經是半夜三時左右, 我打個呵欠抹去眉心的血後就與鐘鈴別過。

「聽日先Search啦。」我在的士上按熄白千雪的手提電話。

「係~」

那女鬼, 當年是因為公屋的童黨欺凌而在學校上吊自殺死掉的。

報紙上寫的, 是她約了欺凌者晚上於某班房見面, 結果她們一推開門就看到那吊在天花風扇的屍首, 結果那幾個人都留下了超級巨大的心理陰影, 甚至是精神病, 她以自己的死完成了復仇。

理應沒有執念。

這學校在那事件後甚至成了靈點, 靈點指的是自然而成或人的精神影響瑪那, 使其聚集令人們看到腦中恐懼的地方, 要不就是宗教場所, 要不就是鬧鬼地點。但十多年過去, 也沒甚麼人記得這事, 學校也從靈點觀測名單中除名。

但是,為甚麼....

那晚我沒有再用靈魂出竅看書看文件, 這次疲倦的真真正正是我的精神。

第二天是我要當值的日子, 相比起調查地縛靈的事, 於急症室守護身中詛咒的人才是我的責任。而且那女鬼被我以反瑪那淹沒了一段時間, 暴露在十字架陣下, 還被奏斬了一刀, 已經元氣大傷, 沒法再作惡。

沒想到我打算今天專心工作, 這學校的糟事還主動找上門。

「師兄, 我食飯先啦。」七號房中只有我和鐘鈴二人, 所以沒法同時出去食飯, 還好我們當值時間是傍晚至第二天清晨, 所以在半夜時也能去咖啡店吃點東西。

「嗯。」我飛快地輸入訊息, 另一端的人正是我那個朋友, 幫我調查事件的人。我想, 那女鬼和溫可柔之間一定有著甚麼關係吧。

但是為甚麼這樣久還沒有回覆?

我看著屏幕上的兩個藍剔有點不安。

「沈醫生?」白千雪回來了。

「千雪, 做咩。」

「你識唔識一個叫姓夏既人?」

當然識啊! 他不就是我傳訊息的那人嗎!

「夏富?」平時我通常叫他做夏夏呼, 是我在網上結識的一個人, 不知道我是魔法師。

「佢...係出面話要搵你?」

「出面?」我放下還是夏夏呼畫面的手機, 「佢黎做咩?」

「佢係俾白車車左入黎。」

我馬上站起來,留下一個類似分身的小戲法, 沖出七號房。

「個邊!」

我拉開急救間的布簾, 卻看到了最不想見到的臉-急症室另一個醫生:徐醫生。這傢伙和我的恩怨可以說上三日三夜, 總之這傢伙知道我的身份, 覺得我沒資格背負醫生二字, 與出身精英的他平起平座同被稱為醫生更是一種侮辱, 而我討厭的人類之中, 以這傢伙為最甚, 如果不是受北斗會館法度所限, 我只就把他變成石像沉到維港中間。

「沈醫生, 你黎搞咩呀, 你識救人咩?」語氣一如以往的輕蔑。的確, 沒有瑪那反應的病人我沒有插人的權限...

「佢係我朋...朋友。」我指著躺在床上吸著氧氣的人。

「你都有朋友?」

「有都唔包括你。」

「你有咩資格做我朋友。」

「神棍就行開。」

「你就神棍, 你全家都神棍。」

針鋒相對的我們被馬姑娘制止:「夠啦兩位! 沈醫生! 如果你係親屬既話, 請去外面等!」

我瞪著這傢伙, 認真考慮把他變成石像。

「請!」

「呢邊啦, 沈醫生。」白千雪連忙帶住我離開急救間。

嘁, 還是把他變成汽球升到月球上好了。

消掃好擔架, 白車上的救護員從身後走過, 我連忙叫住其中一人:「師兄!」

「咩事? 沈醫生。」

「入面條友搞咩。」

「唔知Wor, 講真, 我咁做左咁耐未見過咁既傷口。」

「傷口?」

「好像俾人用狼牙棒打咁, 但唔係一支, 係一拳, 好似拳頭上有狼牙呀咁, 喂, 阿誠, 你有冇見過咁既傷?」

「冇Wor!」

「係俾人打傷?」

「唔係啦, 飛到咁遠, 應該係俾車撞, 但D人又話唔到有車Wor, 真係唔知搞咩。」

「邊個Call白車?」

「呢~個邊呀, 喂, 有Call, 走先!」

救護員指指在警崗前錄口供的女生, 校服有點熟眼。

「係度簽個名就走得架啦。」

「係...」是個長髮, 束著馬尾的中學生, 似乎受了點驚嚇, 但沒有傷。她接過警察給她的筆, 在口供紙上簽下名字有禮地點點頭, 拿起書包離開急症室。

「小姐, 等等!」我追出急症室外, 叫住了她。

她一臉孤疑的轉身,指著自己確認是不是在叫自己。

「係, 係你。」

「咩事? 沈醫生?」她看看我胸前的名牌。

「我...呃...」我不擅長和陌生人說話。

「岩岩你Call白車送入黎個男人, 係佢朋友, 叫夏夏呼, 唔該晒你。」 白千雪向她躬身道謝。

「啊, 唔使客氣...」

「你睇唔睇到係咩事?」

「唔知啊, 身後砰一聲先見到佢伏左係度流晒血。」

做得好, 白千雪, 把我想問的全部問完了。

「原來係咁, 咁唔阻止啦, 係呢, 你叫咩名?」

「我? 我叫溫可柔, 叫我可柔就得。」

「........」

「.......」

我和白千雪看著她不知反應。

就是她!!

「做..做咩? 我臉上面有野?」她被我們看得不知所措, 明顯地她完全不知道自己的名字被一隻女鬼提及。

「無野, 個名幾好聽, 哈哈!」白千雪連忙打完場。

「多..多謝。」可柔不好意思了起來。

「可唔可以加你Whatsapp? 夏夏呼佢一定想親口同你講聲多聲。」

「都..都...」她卻不信任的看看我, 再看看白千雪, 「都可以既...」

「你打俾我呀, 廢事打字。我電話係....」熟悉交際的白千雪明白了這一點, 決定封死她交出假電話的可能。

突然, 我感到身後傳來一陣兇光!

誰!

我猛然回首一看, 只有空空如也的走廊, 玻璃上靜靜的寫著「請切濫用急症室服務」的口號。

不可能, 絕對有甚麼東西在, 不是甚麼幻靈鬼魅, 而是有形的東西!

等等, 我和白千雪的背後, 不就是溫可柔的正面嗎?!

「好, 有啦, HI左你!沈醫生, 做咩?」白千雪不解的看著我, 恐怕我臉色不太好看吧。

莫非, 是溫可柔她把夏夏呼...

「沈醫生, 你無事嘛?」突然我覺得還算俏麗的溫可柔這樣問我有點令人心底發寒。

剛剛一定有甚麼在我們身後。

而溫可柔一定有看到。

但.她.沒.有.說.

黑椒牛丸河 2019-1-12 02:24:47

:^(

長髮麻倉憂 2019-1-12 02:39:04

:^(

:^(

:^(

VantaBlack 2019-1-12 02:57:18 聽日係星期六, 停更一日

:^(

VantaBlack 2019-1-12 03:24:00

:^(

長髮麻倉憂 2019-1-12 09:52:14

:^(

OK

我草泥馬個B 2019-1-12 11:21:19 好睇

:^(

黑椒牛丸河 2019-1-12 15:42:27

:^(

哀莫大於返工 2019-1-12 16:41:09

:^(

VantaBlack 2019-1-13 02:31:35 最後完全無儲過文

:^(

長髮麻倉憂 2019-1-13 11:14:28 its ok la

:^(

A0真毒不解釋 2019-1-13 13:01:07 留名

小和尚 2019-1-13 17:11:04 好似幾刺激，lm

黑椒牛丸河 2019-1-13 19:18:03

:^(

:^(

VantaBlack 2019-1-13 21:19:21

:^(

炎羽 2019-1-13 21:32:57 等文出

:^(

長髮麻倉憂 2019-1-13 22:16:28

:^(

壞孩子 2019-1-13 23:01:01 等出文

:^(

:^(

:^(

我識條春 2019-1-13 23:28:01 lm

:^(

VantaBlack 2019-1-13 23:30:21 「無事, 我代夏夏呼多謝你。」我不敢輕舉妄動。

「唔使客氣, 拜拜~」

她離去後, 我除掉口罩, 把香煙塞到嘴中點火重吸一口。

「醫生, 呢度...唔係咁好。」

「嗯, 千雪, 攞住。」我搖出一千元大鈔, 「去個間車度等司機返黎, 用1000蚊幫我買佢車CAM既記憶卡。」我指著在我身後的客VAN。

「嗄?點解...?」

「唔好問, 收工同你講, 我去呼吸一下先。」我拿著香煙走到吸煙區附近。

是不是惹上甚麼糟糕事? 到底剛剛是...

香煙燃盡後我把煙蒂塞到垃圾箱走回急症室, 夏夏呼似乎已經醒來。徐醫生那混球已經不見了, 應該是在處理其他人, 馬姑娘幫我在電腦系統一查, 原來他已經被推上病房。

「沈醫生, 買左啦, 既然我作理由都作左一陣...」

我輕撫她的瀏海:「做得好。」我收起白千雪手上的記憶卡, 「好啦, 無事啦, 等陣收左工我要去探個朋友, 你自己返宿舍兒。」

「夏夏呼?」

「嗯。」

「我都去。」

我看看她, 算了, 倒無妨。

雖說現在是流感高鋒期, 病房用量通通突破百分百, 急症室等候時間也要六七小時, 但是作為解咒師和驅魔師, 我與鐘鈴其實沒事做, 因為我們只會處理和魔法有關的病人。

所以, 我可以看影片。

我在抽屜的底處找到好久沒用的讀卡器, 把記憶卡塞到卡槽中然後插入電腦。

「....好慢。」

「係啊...」

電腦在載入中。

「睇咩啫師兄。」剛剛回來一坐下又打開零食的鐘鈴一邊吃一邊看著我的屏幕。

「車cam。」

「車cam?」

白千雪硬塞到我和鐘鈴中間:「我都唔知佢要睇咩...」

「鐘鈴, 你睇到鬼, 你驚唔驚睇鬼片?」我好奇一問。

「驚啊, 人拍既鬼片仲恐怖過真既。」

「我地可能睇到真野。」

「嗄?!」

我點開今天日期的檔案夾, 找到了最後的影片, 打開播放器。馬上, 急症室外頭的畫面出現在屏幕上, 我把時間快轉到剛才, 馬上就看到玻璃門打開, 長髮的溫可柔從急症室門口走出來。

「咦, 師兄你地Wor.」

接著, 我和白千雪出現, 叫住了溫可柔。

然後就是一輪的談話, 那麼接下來出現的影像---

「停!」不同白千雪說, 我把一下子拍到空白鍵上影片暫停, 片段就這樣停在那一瞬間---

那個「人」出現在我身後的瞬間。

「咩黎架?! 鬼?!」

鐘鈴否定:「唔..唔係, 正常下鏡頭影唔到鬼, 除非佢能力強到成形....」

是一個灰黑色的人影, 比我高上一個頭, 好像由煙凝聚而成的人, 弓身的出現在我們身後雙眼瞪著我們, 好像準備襲擊的樣子!那人就是這樣憑空出現在身後, 沒有任何施法或是召喚, 好像剪接而成的樣子。

我按下播放鍵, 片中的我驚恐的往後一看, 那人影就在我回頭一瞬間消失。

看到這兒我不禁用玻璃的倒影看看自己身後, 還沒甚麼也沒有。

「你睇, 個女仔應該知咩事。」鐘鈴指著溫可柔。

「沈醫生, 前返少少..係! 呢度!睇住溫可柔!」

再播放一次, 人影出現, 溫可柔臉上全無表情, 但見她拳頭一握, 人影就馬上消散。

果然她是知情的!

「師兄, 係咪應該通知北斗會館?」

「.....遲D先。」如果通知他們的話, 恐怕會出動伐魔隊對付溫可柔吧。

「但個女仔..有D唔妥。」

「佢係魔法師?」

「唔知, 既然鏡頭影到, 即係光被折射, 已經去到物理干涉既程度。」

「係好勁?」白千雪天真的問道。

好吧, 我是她師傅, 這也是我責任。

我取出一個骰子「千雪, 魔法有三種。第一種, 係干涉概念之物。」我把骰子扔出, 無論我投多少次, 都是得到六。

六, 六, 六, 六, 也是六, 無論如何扔也是六, 因為這骰子被我下了「六的概率是100%」的咒語。

「依加干涉既係概率。」我拿起骰子, 「第二種, 干涉無形之物。你拎起佢?」

「哦...咦, 拎唔到..咁重既?!」白千雪雙臂齊用, 幾乎使出全力才可以抬起骰子, 因為現在骰子正受到100倍的重力。

「佢依加重左100倍, 最後, 係直接干涉物理。」我用手一拍, 塑膠的骰子被我壓成了花掰。

「花...?」

「而物理干涉, 要求係最高, 做到既人都係高超既魔法師。」

「車, 師兄自己讚自己....」鐘鈴笑道。

「明明個人影可以俾車Cam影到, 說明光線已經被折射, 我唔知溫可柔係咩人, 但係....佢好危險。」

「咁落去..會點?」

「.....」我正在想如何解釋。

鐘鈴嘆一口氣:「好快獵戶座天文台就會觀測到魔法活動, 而佢又唔係注冊魔法師, 會視為非法魔法師派出伐魔隊討伐。好似警察拉人咁。」

也..也沒錯啦。

「唔好再轉彎抹角, 我地等陣就上去搵夏夏呼, 我懷疑佢就係俾呢個人影襲擊, 之後我地直接搵溫可柔對質。」我拉開另一格抽屜, 取出咖啡拉開飲了一口。

當值的時間一如以往地在早上完結, 我和白千雪走出急症室大門, 和鐘鈴別過後我們便走向夏夏呼所在的病房。早上醫院的人不算多, 我們順利地進入升降機到達了所在樓層。果然, 有醫生這身份, 在醫院就是暢通無阻。

12B...在這兒呢。

現在正是早上的派藥時間, 高如一個人的鐵車子挪走後, 夏夏呼就看到了我們。

「阿然?」

「未死得吖嗎?」我穿過不知是死是活的病人們, 來到了走廊的他。

「未死得!」這個油頭大叔胸上被包著砂布, 「係沖涼痛到仆街。」

「咁咪好囉, 你條友好日都唔沖次涼。」

「車, 我又唔出街, 沖咩啫。」

別誤會, 他才不是那種隱居於房間的毒男, 他是因為家人留了兩個單位給他, 他只算收租就得胡口, 不用工作, 所以長期在家中上網不用離開房間。

一聽到這句, 輕微潔癖的白千雪連忙挪後半步。

「你幫我查個溫可柔, 做咩查到俾人打。」

「唉, 我都唔知。」

唔知?

遭遇魔法事件的普通人, 不解是最常見的說法。

「由頭講起。」

「我好快就搵到佢, 呃, 之後佢就見到我, 我又見到佢, 佢就.....」

「攞命....」夏夏呼作為一個不用出門工作也能活下去的人, 結果就是喪失了正常的溝通能力, 別說是講述出篇故事, 光是叫他說一下自己午飯吃了甚麼也會令人聽得火冒三丈, 產生一種想把他變成石像的衝動。要不是事關重大, 我五分鍾內一定就會揮袖而去...事實上我還真是想這樣做, 要不是白千雪拉住我我絕對會跑掉。

總之, 我們得知了夏夏呼受襲的經過。

他在得知了學校名, 班級和名字後, 他馬上就找到了溫可柔的Faceboon, IG, 和電話號碼, 結果這臭小子, 他喜歡上溫可柔了!

「有病啊?!」我聽懂了這部分後破口大罵, 連病房的其他人也瞪我一眼。

「無計架Wor, 我睇一眼, 我就知道我既女神就係佢。」

「我咁算唔算係害左溫可柔....」

所以, 夏夏呼他就開始懷疑起我的動機, 覺得我要起溫可柔的底是另有所圖, 如是乎他就找上了溫可柔。夏夏呼在學校的放學時間截住了她, 雖然交涉過程一塌胡塗, 但對著能說出自己背景的夏夏呼, 溫可柔還是和他去了喝點東西, 另外補充一點來到這時候其實溫可柔連夏夏呼姓甚名誰還沒知道。

然後就在夏夏呼去了洗手間回來後, 就發現溫可柔已經在離開, 如是他便想追上去, 就在這時, 一個巨大黑影把他重重撞飛, 重擊到馬路上, 然後就昏死了過去。

「抵死。」我冷冷扔下一句。

「咩啫, 我都係好心啫..點知你個變態醫生搵佢做咩...」

「我似唔似d咁既人啊?!」

「咁你搵佢做咩啫? 喂, 唔係爭下話, 你都有白千雪啦。」我有向他提過白千雪。

「嗄?!」白千雪又驚又喜。

「咪鳩Up, 我搵佢係有正經野, 你睇唔睇到俾咩人打?」

「黑人。」

「...黑人?」

「死黑鬼, 夠疆下次正面抽過, 我話俾佢知我地香港人唔係東亞病夫!」

恐怕是把那人影當成了黑人吧, 這種族歧視的混蛋。

「總之, 你咪再搵溫可柔。」我感到不同事件中有種若干關連, 某事件正在發生, 但就是沒法捉住要領, 但可以肯定的是:溫可柔才是事件的核心。

「你理得我!」難得這傢伙有火呢, 平時都是一秒就放棄的人。

「你鐘意, 下次我地ICU見。」

「你同呢班臭口同白千雪打茄輪?」

我拾起枕頭一下車到他傷口上, 使他痛得滿床打滾:「嗚嗚嗚....醫生打人...」

「咪理佢, 千雪, 我地走啦。喂你臉紅D咩..」

「冇野呀! 走先啦咁我地。」

「護士姐姐, 我要瘋狂打針....」

這傢伙, 一字蔽之就是鳩。

黑椒牛丸河 2019-1-13 23:39:22 文

:^(

:^(

:^(

平衡哥 2019-1-13 23:39:48 夏夏呼係連登巴打?

:^(

VantaBlack 2019-1-13 23:44:55 夏富 夏夏呼 夏富 夏夏呼!

VantaBlack 2019-1-14 01:53:13

:^(