Post繼續推 2019-2-19 18:23:24 希望呢個故可以出系列, 前傳同人物傳啦~~~
好好睇呀~

:^(

:^(

:^(

:^(

:^(

:^(

黑椒牛丸河 2019-2-19 19:48:24 尚欠方舟爭奪戰呀～

長髮麻倉憂 2019-2-19 21:58:18 唔好意思幾日無入黎
我直頭無上連登
工作太忙
有時間依家開始追返故先

:^(

長髮麻倉憂 2019-2-19 22:10:59

:^(

人生 沒有遺憾就好
@嘉琪@威sir

VantaBlack 2019-2-19 22:42:23 亡靈消失後會去那兒?

沒人知道。

天堂地獄, 今生來世, 即使是魔法文明也沒有弄清楚。

再說, 她還沒完全消失呢。

「威SIR, 咁問有D唐突。」今天我請會長來, 才不只是做這些事, 「你有冇睇過封神榜?」

「...嗄?」

我們穿過金色的縫隙, 又回到了學校的會議室。

接下來的事, 要解釋給威SIR會很廢勁, 只好由這種東西開始說明了。

「你應該有睇過下嘩。」

「有..電視劇囉。講真我依加無心情...」

「封神榜中, 係由凡人姜子牙將凡人封神, 換句話說華夏神話中, 第一代既神明, 係由凡人封神。」

「...所以呢?」

我們轉過走廊, 走上樓梯, 鐘鈴與會長好像知道應該往那兒走似的。

「實質上, 天主教會都有封聖儀式, 封聖後, 人就會成為類似神明既存在, 可以與天主轉禱, 以佢既名行神蹟。但係封聖者亦係凡人, 即使係教宗, 本質都係凡人。」

「係?」威SIR似懂非懂。

「而係希臘神話....」

「好啦! 沈醫生, 我其實真心唔明!」

「呃....」

白千雪反一反白眼:「沈醫生你教人野其實真係真係好廢...」

我反駁:「咪又係教到你牙尖嘴利!」

白千雪吐吐舌頭不說話。

「總之, 傅嘉琪既舉止行為, 同一個神明既概念好相似, 於特定區域中守護土地上既人—你諗到咩?」

威SIR想了一想, 然後看到了我們的目的地: 傅嘉琪當年自殺的班房。

「土..地?」

「全中。」

這才是我叫會長來的目的, 他從先代續承的諸多魔法中, 有一種權能名為--

----封神。

如同概念強加一樣, 把大眾相信的神明概念強加在行為相近的亡靈上, 一但成功,亡靈就會依存在這神明概念上, 繼續存於世上。

看, 父幹多重要。

「吾名為姜.........」會長念念有詞, 對著班房的中間宣告真名。

威SIR看樣子很緊張, 別說是他, 我也是啊!

「真名為傅嘉琪, 封為此地之社神!」


空中捲起微風, 一下無形的波動傳遍了全學校內, 學校中大氣的瑪那從無序的自然分佈模式, 再次回到好像有某種力量在操縱的樣子, 但是相比起以往的激流一樣流動, 這次卻像平靜的海浪, 緩緩帶著曖意湧向這兒。

「呼..搞掂。」

「大...大家..」

傅家琪平空再次出現, 但值得一提的是我們這時並沒有以鐘鈴的血塗眉心, 而是傅嘉琪以土地神的顯靈權能出現在我們視野內。

「嘉..嘉琪..」威SIR不敢相信眼前的風景。

「睇黎係大團圓啊。」我笑道。

地縛靈與土地神的類型本身就很相似, 不是我們幹了甚麼, 而是她救了自己。

封神的一個條件就是亡靈的行為要有甚高道德水平, 要到達犧牲自己拯救他人的程度, 如果她入魔了的話就不會符合土地神最重要的條件: 守護土地上的人。

只要她繼續這樣的善行, 世界有人繼續相信土地神, 她就可以繼續存在。

我們做的只好像向世界的本體遞了申請表似的, 重要的不是遞表的我們, 而是即使死後, 還念念不忘要保護師弟師妹們的傅家琪。

聽說那學校之後, 有一個特別執著校園欺凌的體育老師, 只要有一絲發生欺凌的痕跡, 他不理對方的後台, 對學校影響, 也會為被欺負的學生強出頭。

聽說那學校之後, 好像有一股無形的力量在守護著學生們, 例如留下了重要的功課離開時, 燈光會自己閃爍使其折返發現; 有人敢動粗的話, 附近山上的野狗都會發狂的猛吠, 好像在警告著恃強凌弱的傢伙一樣。

好像有人在專門守護著這土地似的。

如土地神一樣。

但那是後話了。

-------------------------------

過了幾天後---

「嘩, 可柔你..唔同晒既?」與我在地鐵站等待的白千雪, 比我先從人群中看到溫可柔。

「有咩, 嘻嘻。」今天的她好像打扮過。

似乎有人在蜜運中啊。

祝你好運吧, 夏夏呼, 你絕不想看到她生氣的樣子...

「唔緊張?」

「...少少啦。」

今天我們是要去北斗會館聽取判決, 當然是對溫可柔的判決, 即使現在有我作擔保, 她也的確是非法的魔法師, 也以魔法造成了傷害, 北斗會館可不會不了了之。

「唔使驚架可柔。」白千雪露出使人放心的笑容, 牽著溫可柔的手, 「如果北斗會館咁判你D咩既, 沈醫生會拆左成個北斗會館救你出黎。」

「喂咪亂講!」

「反正我知道如果係我既話沈醫生一定就會咁做, 係咪呀, 沈醫生。」

「...哼。」我冷笑一聲沒有回應。

溫可柔壓低聲線道:「佢無否認...」

如果是當年可以使出全力的我是可以勉強做到啦, 可是....我望望正聊著天的白千雪, 我使出全力救出千雪, 那沒意義吧。

因為, 我使出了全力的話, 就意味著白千雪的死亡。

也是這樣, 我才沒法繼續獵巫者的工作, 魔法師獵人已經退休了, 現在我只是醫院中的一個小小解咒師。

北斗會館今天似乎有點熱鬧, 在接待處後面的角落, 施子雄被幾個人包圍, 我認出其中二人是上次訪問會長的路邊社成員, 看來又是那些訪問呢。

「喲, 沈醫生。」

可惡, 不叫我阿然直接叫我沈醫生, 你是故意吧?!

馬上那些記者們轉頭以看到獵物的目光瞪向我:「呢位就係沈醫生?」

「無錯。」

沖過來!沖過來了!

「沈醫生你點睇天生就有魔法天賦既人做成傷害既事件呢! 醫院多唔多呢D人呀!」

「北斗會館使唔使對呢種人加強監管呢!」

「獵巫者對北斗會館黎講是敵是友呢?」

煩死了! 滾!

「呃沈醫生唔接受訪問...」白千雪為我擋住。

「呢位就係事件中既女主角W呀? 喂講兩句呀! 你依加緊唔緊張呀! 覺得自己有冇罪? 北斗會館追捕你你覺得公唔公平呢?」

「我唔係W...」

甚麼鬼W啊, 這又不是風化案, 用了代號怎麼覺得事件變了質似的!

「你地敢掂佢兩個既話, 唔好怪我唔客氣。」我恐嚇道。

「沈醫生! 沈醫生!咁你講兩句啦!」

「好啦好啦, 咁多位, 有咩問可以問我, 唔好阻住沈醫生啦!」施子雄擋在我們與記者之間, 我們馬上逃入會議室。

當晚, 暗網中的報道是如此: 北斗會館施隊長大破獵巫者 光與暗的恩怨情仇

這又是後話。

過了一會兒後, 不同的人也進入了會議室, 當然不包括那些記者, 因為他們只想炒作的是施子雄一人大破所有獵巫者的事。的確, 施子雄的威名在這次事件後又再響亮了不少。

那個委員會的人進場, 施子雄也在, 秘書, 記錄員甚麼的也接著進入會議室。

開始了。

「你就係溫可柔, 17歲, 幻人TULPA既宿主?」

溫可柔點點頭, 後方擔當守衛的伐魔隊好像警戒了起來, 但白千雪馬上牽著她的手使她沒這樣緊張。

「嗯....幾時開始對魔法有認知?」

「....從來冇。」

「按報告..你係受到欺凌, 所以幻想中既生物具現而進行報復。」

「我...」

不行!

「唔係報復, 係自衛。」我打斷發言人的說話。

「自衛啊。」發言者寫下不知甚麼東西。

「係..係自衛。」

「辨謊師, 佢有冇講大話。」

就在發言者旁邊的一個帶墨鏡口罩兜帽的人搖頭道:「無。」

「嗯.....」這傢伙還真是愛沉思, 「的確, 有唔少報告指出, 兒童同青少年, 部分天生有魔法能力, 可以透過瑪那施展移物等等既簡單法術, 但呢D個案都係15歲以下, 各地既瑪那觀測所都會馬上發現, 17歲既例子都算係第一次有.....你真係無接觸過魔法?」

溫可柔苦笑道:「無..睇哈利波特算唔算?」

「唔算啦...」

被發言者這樣一說, 終於找到了問題核心。老實說我一直覺得很古怪, 只是說不清問題何在。

部分有魔法天賦的兒童, 或是住在靈點附近的少年, 也許會發生物件自己移動, 電器自動操作, 玩具出現在不合理地點的事....

但具現化? 不可能, 即使溫可柔想像力多強, 她一生也沒有正式接受藏傳秘術: 幻人的訓練, 到底是...

溫可柔的力量, 從何以來?

VantaBlack 2019-2-19 22:45:46 物件自己移動, 電器自動操作, 玩具出現在不合理地點的事

以上三樣係作者自己親身經歷

:^(

:^(

:^(

VantaBlack 2019-2-19 22:51:08 @作者

:^(

VantaBlack 2019-2-19 22:51:23 I KNOW THAT FEEL

:^(

VantaBlack 2019-2-19 22:51:36 好多數未找

:^(

VantaBlack 2019-2-19 22:52:15 呢個世界觀我係幾鐘意, 但係反應不似預期, 出唔出其他真係要諗諗, 但我自己係鐘意既

:^(

VantaBlack 2019-2-19 22:52:34 未識溫可柔都似似D

:^(

黑椒牛丸河 2019-2-19 23:08:24

:^(

長髮麻倉憂 2019-2-19 23:40:04

:^(

@VantaBlack

長髮麻倉憂 2019-2-19 23:40:26 我都好似。。。

:^(

長髮麻倉憂 2019-2-19 23:40:37 期待呀

長髮麻倉憂 2019-2-19 23:41:14 你鍾意就去吧
唔洗理其他人點睇呀
至少呢度都有人一齊鍾意

IT狗等投胎 2019-2-20 00:04:14 我都好鍾意呢種 入戰鬥場面都刺激同有畫面

:^(

黑椒牛丸河 2019-2-20 01:13:38 姜會長 小正太

:^(

:^(

VantaBlack 2019-2-20 01:34:58 100正皮感言---

超多謝大家一直支持啦, 作為寫故佬, 有人回響其實先係我最大既樂趣, 我覺得呢個就係睇書同睇故既分別, 所以有寫出完一篇文見到有2~3個正皮, 我就會覺得: OHHH 有人睇緊, 正呀!!!點知再LOOK落少少, 最後回應係自己, 嗚嗚嗚嗚嗚....我真係會一個個回覆J架。

呢個故嘛...當然寫出黎, 我一定要鐘意既, 如果寫自己都唔鐘意既故其實都好難受下, 當然寫故後有唔同副作用, 例如晚晚三點訓然後七點幾起身想死咁, 但係我可以肯定話俾大家知寫故係我最大興趣-- 同呢個故中, 傅嘉琪被封神一樣, 有人相信土地神, 佢就會存在於世, 作者其實一樣, 只要有人睇佢既故, 佢就會存在於講故台。

對上一個故當然寫得好啦, 反應我都覺得好好既, 講真, 我真係好擔心自己寫唔寫得出超越佢既故, 結果證明我既擔心係全中, 我真係寫唔出

:^(

點講好呢, 我係一個嚴重劇情中毒既人, 就黎食燒味飯都要加劇情, 我寫故一定係最重視劇情, 呢個故有一個問題, 就係世界觀中存在魔法, 而唔係末日倒數咁好理解, 相對黎講我要用較多既蝙蝠去交待設定, 某程度上的確係影響左劇情節奏, 我諗所有有獨特設定既故事都有呢個限制, 所以我都落左唔少心機去處理。

相比起以前一篇接一篇既結構, 呢篇故我會用一篇到尾既方式, 所有事件都會有關聯, 組織會好似一套獨立既電影一樣, 之前有人講過世界觀好好呀, 可以寫佢456個故呀咁, 事實上我覺得一個故如果野心太大, 反而會唔湯唔水, 即係由其寫成個世界觀咁壯大, 我會選擇寫解咒師同助手細膩地咁出發。

講下未來既劇情啦。

故既話, 就一定有主題, 上個故幾篇就有幾個主題, 所以呢個故就係一個主題貫穿全故。如果你睇到我FB PAGE既COVER, 下面有行字就係「萬咒俱破, 心魔難解」 , 心魔就係成篇故既主題, 反瑪那, 休止符, 自我結界, 所有魔法係我地既主角面前都係一瞬間就可以瓦解既野, 但係如果係個個人既心魔呢? 心魔呢個主題將會繼續落去。

希望大家享受我今日中住眼訓諗出黎既劇情, 每一段落我都用心雕琢過, 我寫故最重要係劇情, 其次係人物, 最後係畫面, 白千雪同沈醫生之間既關係都會繼續寫, 所有角色都會隨著主線劇情推移而成長變化。

人性X魔幻, 人性為主, 魔幻為副。

有咩問題, 意見, 鳩UP, 叫春, 隨便留言, 每個回覆我都J佢357次, FB Page都係, 至於續作, 當然有空間可以寫, 始終世界觀已經成形, 但唔想為寫而寫, 先專注寫好呢個故先!

我係VantaBlack,FB PAGE 係https://www.facebook.com/vantablackstory/, 多謝支持

:^(

:^(

:^(

VantaBlack 2019-2-20 01:47:04 咁就無問題啦, 不過有排, 好多故排緊隊

:^(

VantaBlack 2019-2-20 01:47:51 畫面對魔法故黎講真係好難寫, 又唔可以太痴線, 又唔想好似哈利波特咁互噴激光就算

:^(

VantaBlack 2019-2-20 01:48:12

:^(

:^(

VantaBlack 2019-2-20 02:04:41

預 告

市中心的土地被黑暗濃罩, 普羅大眾的日常正在漸漸沉淪, 連住在這都市中的人也不想去拯救的城市, 希望所在何方......?

「佢係你仇人, 你都想去救?」

「係!」

「即使會死?」

「...係!」少女緊握著拳頭。

「咁出發。」醫生踏出了七號房。

結界下, 處處只有黑暗, 沒有人知道這是黎明前的極夜, 還是沉淪下的一個普通日常。

「點解, 你地要...」

「今日, 我只救一人。」地下的死鬥, 沒有意義的勝利, 在心魔的凝視下, 人性只會展露真面目--

以善之名--

以惡之名--

以父之名--

「我係為左大家好, 公家福利, 大多數! 係大正義! 你地有咩資格黎阻止我! 你地點可以--!!」

---以正義之名。

「砰--轟!」鐵拳結實的打在身上。

---憤怒的戰吼響徹千里岩壁。

「要犧牲少數既, 算得上係咩正義啊--!?」

《駐急症室解咒師與女助手》

作者: VantaBlack

連載繼續

愛麗絲Alice 2019-2-20 04:07:53 我好鐘意你個世界觀呀
唔明點解冇多啲讀者

:^(

只要你出我就會繼續支持

:^(

:^(

日日上高登 2019-2-20 07:25:52 見到咁多文，推下先

:^(