一路睇就一路好想大叫「未完場始終唔好慶祝住,It ain't over till it's over。嘩!四十多碼,右腳腳面拉弓,世界波,破網!龍門呀,唔可以講話鞭長莫及,根本睇都冇得睇呀射得咁靚!正如一個魔術師,玩到完晒喇!差唔多俾人除晒衫啦!都能夠呀……係頂帽入面……抽隻……白兔出來!你話係咪魔術師喇?因為已經過左法定時間90分鐘,係補時既時候,Captain Fabulous神奇隊長謝拉特射一球世界世界既波!有今生冇來世呀拿呢球波!Wow!神奇!頂級!超卓!任你點樣去呢個係演譯......都係妙絕既生死入球追成三比三,可能要打加時啦觀眾們。」
利物浦,Kings of Europe
首先會介紹3次分別係1973、1976同2001年拎既歐洲足協盃獎盃
之後就到5次歐聯冠軍既獎盃,當中後面4個係仿製獎盃
因為每年拎完冠軍,球會只可以將真既獎盃保存一年,之後就要交還
但球會可以獲得仿製品永久保存
但係!係2005年利物浦因為獲得第5次歐聯冠軍,根據傳統係可以永久保存真既獎盃,而歐洲足協會製造過一隻全新既獎盃
所以,呢隻特別擺左係正中間既係貨真價實既歐聯冠軍獎盃
亦都即係話,1999年曼聯三冠王時親手捧起既獎盃,係擺係利物浦既博物館