勒內·笛卡兒 2018-12-17 22:45:46 此回覆已被刪除

邊個都唔係 2018-12-17 22:48:19 回去之後，我沒有像對星澄所說般找回張祈昕的交友邀請。把食譜送給星澄後，便一直手握滑鼠管理餐廳業務，我還特意在網上找了攻略，為的就是能和她有多點話題。

一整晚，我把等級升了又升，終於升到星澄現在的等級，她看到不知有甚麼反應？想著她生氣得鼓起腮的模樣，我不禁偷偷笑起來。

望望電腦右下角的時鐘，原來已經半夜四時。

「嘩屌。」我終於打了一個哈欠，便直接睡倒床上。

捱夜的代價是翌日睡到日上三竿，原本這是很美好的事，奈何今天是上課日，匆匆忙忙爬起床後，又覺得既然已經遲到了，又何必再趕？便悠哉地到學校附近吃了個早餐才回去，踏入校門時，指針正向十一時進發。

「咁遲架你？我地分晒組喇！」樂仔一見我便皺眉頭說。

「分咩組？」

「去台灣嗰陣個分組。」

「吓？」

「頭先班主任課雷sir 叫我地即時分掂佢，我同Cayden 同咗阿一同Ethan 一組喇。」

「幾多個一組？」

「……四個。」樂仔面有難色地說。

「五個得唔得？」如果不和樂仔一組，意味我又要自行找人收留我了。

「問過雷sir ，佢話唔得。」

我歎了口氣。

「我對你唔住！至多放學請你食野補數！」他雙手合實說。

算了，反正我不主動去找，雷sir 也會把我隨意編進某一組吧。

果然，午息後我在樓梯口被雷sir 抓住了：「于正行，去台灣得你未有組咋喎。」

「…我知。」

「咁啱有組得三個人，你就入嗰組啦。」

「邊組？」

「好似係林星澄嗰組呀，要睇返先知…」說罷他在文件夾裡翻了一張紙，續說：「係呀，係佢嗰組呀。」

「哦，好。」我裝作隨意答應，心裡激動得想上前擁抱他：多謝雷sir ！！！

我頭一次慶幸自己被邊緣，這還得感謝樂仔早就和別人分好組，才讓我有機會和星澄同組，在台灣的四日三夜，我都會與她在一起…一想到這，我就有種不真實的感覺，腳步也變得浮浮的…

邊個都唔係 2018-12-17 22:49:31 最尾的一節班主任課，雷sir 要我們分組坐，討論遊學團的細節，星澄見我坐在她對面，表情有點愕然。

這時雷sir 過來解釋：「于正行冇組，你地呢組咁啱得三個人，所以要受埋佢。」

拜托你可唔可以唔好踢爆我冇組…

「哦，好呀。」星澄乖巧地回應，我尷尬地對她笑了一下，她同樣對我笑了笑，我心裡為這個互動暗喜了好一會兒。

另外兩個組員都是我從來沒有對她們說過話的，一個是戴著粗框眼鏡的女孩，叫阿寶；另一個和我差不多一樣靜的，叫思思，但這些都不重要，我在乎的只是可以和星澄同組。

要討論的事項包括遊學報告的題目、行程、事前準備——然後還有住宿。學校貌似替我們安排好酒店，但每間房容不下四個人，雷sir 叫我們自己在組裡再細分成二人一組住同一間房。

阿寶和思思好像是十分要好的朋友，幾乎立刻便組成一組了，這豈不是代表…我和星澄可以同一間房？光是幻想一下，我便喘不過氣來…這次真是連老天也幫助我了…

「我同阿寶一組，星澄你同佢一組ok嘛？」叫思思的女孩說。

星澄沒有立刻回應，感覺有點愣住了，我鼓起勇氣開口：「…你唔介意嘛？」

「介意呀，好介意呀。」聲音不是來自眼前的星澄，而是來自旁邊，我抬頭一望，雷sir 不知何時站了在這。

「你地呢組比較特別，到時應該會換間大少少嘅房畀你地三個女仔住，而于正行你可以選擇自己住一間，或者同我住我都無任歡迎架。」

美夢幻滅的一刻，我清楚聽見內心咔嚓一聲碎裂的聲音。

「…我自己住一間得喇。」我掩蓋著失望說。

想不到這把星澄逗笑了：「你就好啦，可以自己一間房。」

其實我想同你一間房多啲…

「簡直係皇帝式享受添啦。」雷sir走前揶揄我一句。

很快便到了正式出發的日子，清晨時分我拖著行李抵達了機場這個集合地點，在飛機上補眠了一會，再張開眼時已經到了台灣。

邊個都唔係 2018-12-17 22:50:05 出咗喇

:^(

註冊好麻煩 2018-12-17 22:55:22 正正好嘢

:^(

出文啦

:^(

不過同一間房呢個諗法畀著我諗都唔敢諗

呈浩波 2018-12-17 22:58:41

:^(

勒內·笛卡兒 2018-12-17 23:01:01 此回覆已被刪除

勒內·笛卡兒 2018-12-17 23:03:08 此回覆已被刪除

邊個都唔係 2018-12-17 23:09:48 得個諗字

:^(

邊個都唔係 2018-12-17 23:12:03 已盡力每日打

:^(

叉撚住 2018-12-17 23:21:33 燒雷sir春袋

:^(

:^(

註冊好麻煩 2018-12-17 23:25:11 雷sir出聲都好過條囡親口講啦

:^(

超生了沒有果 2018-12-17 23:46:00 傻啦夜晚熄哂燈實會過隔離房架

:^(

:^(

條條飛斷一關 2018-12-17 23:50:23 屌
分房果度笑到仆街

:^(

其實諗都諗到啦
如果中學生有得男女同房
家長都仆出黎投訴啦

:^(

大峽菊🌼 2018-12-18 02:12:36 大大聲笑出黎

Z世代 2018-12-18 02:37:40 其實有年我同一組人帶中學生義工，真係俾左一間房佢地男女一齊，咁當然都係佢地接受既
所以唔係無可能既，只係俾大人知你地唔會搞過份野大人都會俾

TheSmith 2018-12-18 05:27:39 巴打加油
好好睇

:^(

:^(

邊個都唔係 2018-12-18 06:42:53 多謝

:^(

:^(

雪走僮 2018-12-18 07:44:44

:^(

少上連登 2018-12-18 07:48:17 星澄話鍾意氹佢笑嘅男仔，
佢明明同正正一齊嘅時候先笑得最幸福

邊個都唔係 2018-12-18 08:03:52 中point

:^(

:^(

註冊好麻煩 2018-12-18 08:09:42 諗多咗咋你

:^(

邊個都唔係 2018-12-18 08:11:35

:^(

你講咩呀 2018-12-18 09:21:19 加油呀巴打

:^(

少上連登 2018-12-18 09:26:24 其實擺明星澄冧男主
照呢條路，我估係男主溝到星澄，但練完講嘢變咗狗公，星澄傷心離場