S_Vettel_5 2018-12-9 01:59:35 吾

:^(

:^(

:^(

甄景偉 2018-12-9 03:23:01 寫文呢家野
最開心就係得到共鳴
多謝支持

但係好似一少甜就即刻少人睇了

:^(

愛才 2018-12-9 03:28:40 此回覆已被刪除

前列腺王子 2018-12-9 06:54:50 舊post講過而家再講
警告你班撚屌, 樓主出文係慢, 催樓主出文無問題
但邊個話樓主棄故, 我即刻屌到佢屎忽闊過紅隧

:^(

你條女勞資糾紛 2018-12-9 07:36:23 英國巴留名
睇文睇到有種感同身受嘅感覺
雖然身材無咁癲
但個份思想鬥爭真係好痴線

:^(

:^(

個種根本係見步行步嘅感覺好痛苦
我連個份勇氣都無

:^(

:^(

真野惠里菜老公 2018-12-9 13:48:42

:^(

甄景偉 2018-12-9 18:14:59 赤裸嘅Noopy喺床上，雙膝跪坐係我面前，好似日式正坐咁。豆大嘅淚珠，不斷從佢嘅眼眶中流出，滑過瓜子面孔流到下巴，再滴落去豐滿白皙嘅胸脯上。

賤男一號 2018-12-9 18:18:19 Noopy 求下你唔好啊

:^(

:^(

:^(

甄景偉 2018-12-9 20:01:03 （卅九）

赤裸嘅Noopy喺床上，雙膝跪坐係我面前，好似日式正坐咁。Noopy 一臉正經，但係眼神又楚楚可憐咁流露左一絲哀怨。豆大嘅淚珠，從佢嘅眼眶中流出，流至瓜子面嘅下巴，再滴落去豐滿白皙嘅胸脯上。良久，佢終於吸一口氣，一本正經咁講：

「偉哥哥...」我聽見佢冷靜嘅語氣，心知不妙。Noopy 上一次咁冷靜同我講野，就係宣佈佢嘅婚訊。

「我唔想你因為一時衝動而同我一齊。我唔想你因為一時衝動而做左個拋棄糟糠嘅男人。」我感覺到自己嘅心跳好似停左咁，如墮冰窖。

「偉哥哥，我嘅第三個願望就係...」我有如法庭犯人欄內嘅囚徒，無助咁等待佢嘅判決。

聰明嘅讀者應該都已經估到，Noopy 想講乜野。冇錯，Noopy 嘅第三個願望，就係想我放手，做番個好老公。而我，就做左我呢世人其中一樣最後悔，但係又不得不做嘅野：就係乜撚都冇做到。

Noopy講完佢嘅第三個願望之後，就真係好似日本娃娃咁，維持正坐嘅姿勢，雙掌按住前面嘅床單，彎腰深深咁向我鞠左個躬：「偉哥哥，多謝你比我鐘意你。呢段日子，我過得好開心... 係我咁大個女最開心嘅幾個月... 多謝你...」

講到最尾，Noopy已經泣不成聲。

我見到一滴清淚，由細嫩嘅胸前流落渾圓嘅南半球。晶瑩嘅淚珠，垂掛係乳底，隨住Noopy抽泣，一下一下跳動。但係淚珠依依不捨咁纏掛著曼妙嘅曲線，遲遲唔肯滴落黎。拖拖拉拉，糾纏不清。但係區區一滴淚珠，又點敵得過物理定律？Noopy 一下抽噎，一對美乳一蕩，淚珠就無力咁終於放手，落下到白色嘅床單。

淚滴消失於無形，好似根本從來冇存在過一樣。

講得出一句多謝，可見Noopy真係覺得唔會有彎轉。雖然多多少少都有啲心理準備，但係親耳從Noopy口中聽到佢判我死刑，仍然震憾著我每一個腦細胞。我全身虛脫，好似啱啱打輸左嘅拳手，攤左係個擂台上面，遍體鱗傷，但都唔夠心入面咁血肉糢糊。

直到 Noopy 著番晒衫，離開酒店房嘅一刻，我仍然好似零魂出竅咁攤左係張床度，完全郁唔到，眼白白咁睇住佢走。

翌日。

我上機嘅時候已經係傍晚。如無意外，Noopy 嘅婚禮喺香港已經開始左。

係飛機上，凱倫坐喺我隔嚟。佢依舊明艷照人，淡淡嘅香氣傳來。佢全日扮到好似當冇事發生過一樣，而我亦都樂得如此。因為我真係無興趣同力氣，去再理順凱倫同我之間錯綜複雜嘅關係。你扮冇野，最好，我唔洗煩。因為我成個腦都係Noopy，真係唔多想理佢。

我制止唔到自己去諗，呢個時候Noopy會同另一個男人交換介指，會切結婚蛋糕，會著住白色嘅婚紗，喺親友嘅歡呼聲之中同阿Joe親吻，跟住仲會洞房花燭。一朵鮮花插在牛糞上。Noopy嘅身體同心靈唔再屬於我，佢可能會決定忘記我，做一個好老婆。冇錯，Noopy真係會係一個好老婆嚟...

我真係好唔想再諗，因為每想像一個情景，我個心都好似灌左鉛，越來越重，好似透唔到氣咁。但係我又偏偏控制唔到個腦，不停咁出現一幅一幅我想像嘅畫面，真實得可怕。我彷彿可以親眼見到阿Joe攬住Noopy果個猥瑣樣。

放開個女仔，放開個女仔！

我見到阿Joe爬在Noopy身上，然後un吓un吓，好似隻狗一樣。

你條淫蟲，我殺左你！

我見到比佢壓喺床上嘅Noopy，面容由委屈慢慢變得無感，冷漠，然後眼角流出一滴眼淚。

唔好喊。Noopy，唔好喊。係我唔好，對唔住。對唔住...

我仲見到，後來佢大左肚，面上竟然仲出現一絲幸福嘅表情。

點解？點解？Noopy你好似咁幸福咁㗎？你唔係話你唔鐘意佢㗎咩？

點解？

「點解？點解！」

「偉！偉！咩點解呀？起身啦，要落機喇！」凱倫嘅聲音由遠方傳來。

原來我太攰，喺飛機上瞓著左。頭先係我喺度發緊夢... 咦？咪住咁會唔會其實...

我即係用生平最快嘅速度將手機從褲袋攞出嚟，off左個flight mode，上番網，開facebook。

冇notification！唔通真係...

我一路都將Noopy set左做close friend，如果佢有update status或者upload相，我都會收到notificaitons。冇notification，即係我搭飛機呢機個鐘頭，Noopy冇update過任何野。會唔會由尋晚開始，一切其實都係發夢，Noopy未嫁人，所有野都仲有彎轉？

我心中一陣狂喜，心臟就嚟跳到跳出我嘅胸口。

但係殘酷嘅現實，冇容許我開心落去。好快，我就從我同Noopy嘅common friends度，睇到佢婚禮嘅嘅相。Noopy自己冇update過，但係佢啲friend同同事就係咁upload相再tag佢。我再次由天堂跌番落地獄。

同我想像中一樣，Noopy一襲露肩低胸嘅純白婚紗，好靚，好靚。唔知係唔係我嘅想像，Noopy嘅笑容好勉強，皮笑肉不笑。當我諗起好可能今晚除低佢呢條婚紗嘅，就係阿Joe，就好似有一把匕首直插入去我心入面。望住啲相入面嘅Noopy性感嘅婚紗，露出雪白嘅香肩同事業線，佢越靚，我個心就越痛。

然後，我見到有一張相裡面，Noopy嘅無名指，有一隻銀色嘅介指。

佢真係結左婚，我唔係發緊夢。Noopy真係嫁左比另一個男人。

我完全諗唔到野，腦袋亂到一遢糊塗。眼淚慌不擇路，搵到眼眶嘅出口，即刻逃離呢個災難現場。

凱倫見我突然望住個電話喊成咁，呆左。

「阿... 阿偉，你冇野下嘛？」

我完全冇理佢。我落左機，一支箭標左番屋企，撲左上張床，用張被笠住自己，唔想再面對呢個現實。之後嘅一年，我大概都係以咁嘅狀態過。

Noopy結婚之後嘅第一年，我完全封閉自己，性情大變。由一個本來健談風趣嘅人，變得古肅孤獨。我仍然有番工，但係同啲同事完全冇公事以外嘅交流，日日閪口閪面番工，好似全世界都同我有仇咁，神憎鬼厭。

係呢一年裡面，我仲做左一件事，就係同我老婆離婚。一方面係因為，經過Noopy比我體驗過嘅愛情，我真係已經呃唔到自己，話我仲愛呢個老婆。

另一方面，亦都最重要嘅原因係，我應承過Noopy我會咁做。

即使佢唔會知道，亦都離開左我，應承過Noopy嘅野，我一定要做得到。

不經不覺，就過左三年。

日日要揸波 2018-12-9 20:07:30

:^(

:^(

日日上高登 2018-12-9 20:16:08

:^(

Friend過你打band 2018-12-9 20:37:08 sad

舊人新境 2018-12-9 20:53:05 留名

黄金時代 2018-12-9 22:15:34 心痛

:^(

:^(

:^(

HYUJI(清泉) 2018-12-9 22:23:38 此回覆已被刪除

珍珠奶綠微糖去冰 2018-12-9 23:26:02 比悲傷更悲傷嘅莫過於
明知大家相愛 但最後要分開

:^(

:^(

前列腺王子 2018-12-9 23:32:54 咁快

獨尊 2018-12-10 00:07:24 咁啱聽緊擱淺

:^(

仁武國小 2018-12-10 00:21:09 你老婆好慘

:^(

可唔可以講下你老婆個陣點

鳩小鎮 2018-12-10 00:30:53 好心痛

:^(

深谷 2018-12-10 01:28:51 其實個故就咁完都唔錯

慕清流 2018-12-10 01:36:24 任何感情，明知冇結果，真係唔好去開始

:^(

:^(

甄景偉 2018-12-10 01:38:08 其實老老實實大家當時大家對對方都冇乜感覺，只係習慣左生活裡面有對方而已。再加上冇小朋友，其實相對簡單。
咁梗係唔開心啦，但係其實大家唔洗好耐就傾掂數上律師樓簽紙。
反而係雙方家長難攪少少。

明天請早 2018-12-10 02:25:17 有無番外篇講吓雙方家長談判過程

甄景偉 2018-12-10 03:18:27 唔知
呃佢一世㗎要