我係一個驅魔師，專幫人驅散妖魔鬼怪
上一頁
第 27 頁
下一頁
夏舞
2018-12-28 21:15:18
夢係一個好神奇嘅地方，我哋可以喺嗰度見到潛意識渴望嘅嘢，甚至會遇到離逝已久嘅故人。
坊間有樣嘢俗稱「死者報夢」，據說人死後靈魂會去到另一個空間，又稱靈界，而嗰度嘅人唯一同生者聯絡嘅方法，就係夢。
即使生死相隔，Derek同Karen終於可以心意互通。
我同若兒……又有無機會再次心意互通？
「小凌，做咩一副憂愁嘅樣表情呀？」從煙頭冒出嘅白煙化成若兒嘅容貌。
「因為啱啱見證到Derek同Karen嘅結局。」
「原來係咁。」
「我唔係喺度憂愁，而係慶幸……你依然喺我身邊。」
「放心，小凌，我哋永遠唔會分開。」
「嗯，若兒，我哋永遠唔會分開。」
即使生死相別，只要仍然相伴身邊就足夠。
就算……
就算……
呢一切都——
係——
——
Ads
夏舞
2018-12-28 21:18:48
噩夢篇完
聽晚又會係靈異專輯訪問 不過今次小凌唔得閒 派咗首席第子白寧上去
:^(
大家對呢篇委託 之前嘅委託有疑問 可以一一提問
甚至問有關小凌同白寧嘅私事亦無問題㗎
:^(
煮酒清雨後
2018-12-28 21:24:04
我好鍾意睇呢種，解決案件模式既故，support
:^(
豆丁切丁
2018-12-28 21:29:21
你要keep住落去，呢個故真係好正！
:^(
:^(
我是gtr車神
2018-12-28 21:35:36
留名
唔L記得咗
2018-12-28 22:15:03
我上面有問到㗎，有冇抄低啊
:^(
白寧其實有冇畀嗰三師兄弟污衊過
:^(
夏舞
2018-12-28 22:46:03
多謝支持
:^(
夏舞
2018-12-28 22:46:15
我會架啦！
:^(
夏舞
2018-12-28 22:46:27
好 聽日幫你問下
電腦奇才
2018-12-28 23:19:26
凌先生瞓緊嗰時若兒會做咩
:^(
唔L記得咗
2018-12-28 23:31:19
白寧答
:^(
:^(
:^(
Ads
夏舞
2018-12-29 01:15:17
都幾高難度
:^(
愛蜜莉雅
2018-12-29 11:19:22
此回覆已被刪除
竹木一人
2018-12-29 11:20:46
:^(
吾是高手
2018-12-29 13:39:45
正呀喂！支持 不過唔好再打錯人名 前幾章睇到有d辛苦
老伯鄧肯
2018-12-29 13:51:43
推
夏舞
2018-12-29 14:11:50
仲有邊到錯咗 我淨係搵到一個
小長澤
2018-12-29 14:13:08
洗唔洗幫人捽閪達致性興奮先可以有驅魔效果
夏舞
2018-12-29 14:48:26
點止驅魔，直頭升天添
:^(
:^(
:^(
:^(
落樓下買爽身粉
2018-12-29 17:11:29
變咗甜故
:^(
夏舞
2018-12-29 18:15:13
寫甜應該一開始寫
:^(
依家寫太遲
Ads
夏舞
2018-12-29 18:19:26
靈異專輯未諗好 今晚更返正篇
繼妖魔鬼之後會寫埋最後一樣——怪
大家可以估下怪係咩嚟
:^(
估中無獎
同埋呢篇會將驅魔知識擴展到宇宙層面 除咗舊有宗教同new age概念 會有近代神秘學宇宙論
:^(
可能無咩人聽過
夏舞
2018-12-29 19:25:32
「師父！」
今日放學，白寧走嚟學校搵我。
「講過唔係你師父。」
「我哋一齊食lunch好無？」
「點解你可以咁得閒？」
「我本來應該喺道居修行，依家無再做道士，自然就無嘢做喇！」
「可唔可以搵返矮肥瘦三師兄接收返你件不可循環用廢物？」
「教我喇師父，教我喇師父！」
白寧扯住我衣角係咁大嗌，嗌到周圍啲目光都聚集過嚟，唔講以為可憐少女乞求賤男唔好同佢分手。
「……怕咗你，只係食飯時間，食完飯就同我返歸，明未？」
「多謝師父！」白寧興奮到跳起嚟。
係咁易敷衍一下白寧，佢應該就會乖乖地，唔再纏住我喇掛。
我帶白寧去到學校canteen，邊食飯邊同佢講下一啲驅魔師應有嘅基本知識。
夏舞
2018-12-29 19:26:01
「一般嚟講，佢哋可以分類四類——分別係妖、魔、鬼、怪。」
白寧從書包拎出一本筆記簿，好認真咁抄寫。
「『鬼』你應該知係咩嚟啦，可以分為亡魂同怨靈。亡魂一般無危險性，而且無處不在，而怨靈就係亡魂從生物同周圍環境吸收一定能量後演化而成，具危險性，陳伯就係例子。」
「咁水鬼同鬼仔呢？」
「只係鬼魂根據佢哋死法所呈現姿態，浸死嘅人會全身濕晒，夭折嘅人會停留嬰兒姿態，吊頸死嘅陳伯頸椎受力而拉長，下鄂受壓而合唔到口，但只係呈現姿態唔同，唔會影響佢本身係亡魂定怨靈。」
「喔……就好似你隔籬個叔叔無咗半個頭，但其實都係亡魂嚟一樣？」
噗—！我差啲將嘴入面嘅飯噴出嚟。
「唔通師父你見唔到？」白寧歪住頭問。
「我唔似你天生被動技，平時為咗雙眼清淨，所以唔會戴隱形眼鏡。」
幻想一下，你喺度食咁飯，你隔籬有個無咗半個頭，清晰見到大腦血肉模糊嘅切口，仲可能有啲撈咗腦漿嘅粉紅色血水一滴一滴滴落地下……
咪話噴埋隔夜飯，連你老母餵嘅奶水噴埋出嚟都仲得。
所以睇到鬼，其實唔係想像中咁方便嘅技能。
「至於『妖』係指基因比一般生物更進化嘅生物，分別識用法術嘅妖，同埋唔識用法術但身體結構異常，或者擁有特異能力嘅妖。」
「有無咩例子㗎？」
「貓妖、狐妖、花妖……呢種本體同動物差唔多樣嘅通常係前者，而後者例子有吸血鬼、狼人、食屍鬼等待。」
「哦……我仲以為吸血鬼呢啲係電影先有添！」
白寧就好似坐喺前排嘅乖學生，邊聽professor講義邊抄筆記，唔識就舉直隻手問問題。
搞到我好似真係個professor咁。
望住白寧專心嘅樣，忽然有道影子重疊起嚟——
不過呢道影子同眼前嘅白寧係截然相反。
「咁『魔』呢？雖然師父曾經提過，但佢無講過係咩嚟。」
夏舞
2018-12-29 19:26:45
「你有無諗過除咗我哋身處嘅三維空間，仲有其他空間存在？」
「……三維空間？」白寧不解咁問。
「無學過數學？」
白寧嘟起嘴搖頭。
「嗯……」我唯有簡單咁解釋一次，「前、中、後！」
「啊？」
「呢個就係我哋身處嘅三維空間，喺宇宙論被稱為現實。除咗物質界外，仲有其他空間存在喺呢個宇宙之中，但處於唔同嘅位面，舉個例夢境就係其中一個。」
白寧皺起眉頭，一頭霧水。
「簡單啲講，呢張檯就係宇宙。」我隨手拎咗幾張notes出嚟，亂疊喺檯面，「呢幾張紙代表唔同空間，呢張係現實，呢張係夢境，呢張係靈界。」
「嗯。」
「呢啲紙可能係散開，可能係重疊一齊，但我哋唔會知道，因為我哋身處喺現實。」
我拎起代表物質界嘅紙。
「我哋只係呢張白紙上其中一個文字，而呢張檯上有無數張紙，有無數嘅文字存在喺其他紙上面。」
「哦！我又好似明，又好似唔明。」白寧若有所思咁點頭。
「總言之你理解到呢個宇宙有好多空間存在就得。」
「咁呢樣又關『魔』咩事？」
上一頁
第 27 頁
下一頁
坊間有樣嘢俗稱「死者報夢」，據說人死後靈魂會去到另一個空間，又稱靈界，而嗰度嘅人唯一同生者聯絡嘅方法，就係夢。
即使生死相隔，Derek同Karen終於可以心意互通。
我同若兒……又有無機會再次心意互通？
「小凌，做咩一副憂愁嘅樣表情呀？」從煙頭冒出嘅白煙化成若兒嘅容貌。
「因為啱啱見證到Derek同Karen嘅結局。」
「原來係咁。」
「我唔係喺度憂愁，而係慶幸……你依然喺我身邊。」
「放心，小凌，我哋永遠唔會分開。」
「嗯，若兒，我哋永遠唔會分開。」
即使生死相別，只要仍然相伴身邊就足夠。
就算……
就算……
呢一切都——
係——
——