[多字少圖]《青瓜》西藏行
第 1 頁
下一頁
旅行青瓜
2018-11-30 11:38:26
第一次寫遊記，多多指教。
-
青瓜返左三年工,頂唔順份工放親假都捱貴機票，結果辭職，決定行開下。
頭兩站去左啲大家去到闔埋眼都識行嘅地方，唔講喇，大家都唔會想知。
之後決定去西藏，原本，係一個人去。
傾下傾下，變左三個人。
上網話去西藏要好多準備，青瓜心諗：「嘥氣啦。」
約左個司機，執左個睡袋、相機，出發。
:^(
講返點解係西藏，其實冇，只係咁岩上次去尼泊爾行山要昆明轉機，整左張回鄉證。
呢張野，係恥辱，不過方便。
青瓜抱住「遲下會唔見，唔會再整返」嘅諗法，所以用左先。
青瓜揀左十一月出發，其實都係求其夾個期。
可能大家覺得未必適合，始終十一月起就係西藏嘅旅遊淡季。
不過其實十一月幾好。
結果11月中，出發。
三個人，十一月坐火車由香港出發，無買回程，因為達唔到共識點返黎。
不過無論如何，出發左先。
:^(
Ads
嘉喜嘉
2018-11-30 11:41:43
此回覆已被刪除
嘉喜嘉
2018-11-30 11:42:24
此回覆已被刪除
旅行青瓜
2018-11-30 11:45:33
買火車飛好煩，中國嘅購票系統比青瓜想象中複雜，其實都試過其他國家火車遊，買張飛姐大佬，俾條生路黎行下啦。(想知再講)
結果託左同行朋友啲親戚，總算買到。
:^(
青瓜同朋友拎住張車飛，興奮左一秒，然後先諗起，其實要解決一早到廣州南嘅問題。
左諗右諗，結果決定提早一晚坐高鐵上廣州南。
廣州南，好快就到。
但離開廣州南去酒店條路，真係望唔透。
GOOGLE MAP同酒店個地圖指示一致話行一公里左右，三個人為左慳啲錢，決定行，但搞左好耐，都出唔到去個高鐵站。
原因係廣州南站，大半都被地盤圍住，根本冇路走。
孭住啲野好重，結果都係俾錢坐的士。
總係咁，總係以為俾錢就解決到問題。
結果去到酒店附近，都係搵唔到酒店。
當時係凌晨12點半左右。
青瓜心諗：「早知訓火車站好過。」
行哂附近所有地方(其實只係得八至十棟樓嘅小地皮)，人又問過，唔明點解咁難搵。
個下想放棄，有睡袋，訓街算。
望多次
BOOKING.COM
嘅資料，望啲住客留言寫住「完美」、「傑出」
青瓜個心問候左呢班打手嘅母親好多次。
:^(
:^(
絕望之際，搵到曙光。
係隔黎酒店嘅靚女姐姐(冇圖)引導下，終於搵到佢。
所謂酒店，原來係Airbnb咁，係住宅入面，所以冇招牌，亦冇指示。
而去到佢所謂接待處嘅房門前面，今次屌左出聲。
:^(
死死地氣，打俾佢，又係漫長嘅等待。
到底幾時先有得訓，唉。
代替月亮懲罰你
2018-11-30 12:01:08
:^(
早幾年去左西藏睇天葬
:^(
代替月亮懲罰你
2018-11-30 12:01:52
示意圖黎，冇得影相
sawloon99
2018-11-30 12:12:49
尼泊爾行咩山
可唔可以post
:^(
:^(
:^(
旅行青瓜
2018-11-30 12:12:57
嘩 好恐怖
:^(
旅行青瓜
2018-11-30 12:21:27
遲下再出
:^(
今次講西藏先
sawloon99
2018-11-30 12:22:38
可唔可以講下行咩山
小弟好想去行
斷垣望歸燕
2018-11-30 12:23:56
樓上洗唔洗po埋死者圖，又唔係自己影既
:^(
Ads
旅行青瓜
2018-11-30 12:29:38
POOH HILL.
原定係ABC 嘅，不過時間唔容許(當時仲返緊工)
如果想要多D資料，可以PM我。
不過未必有用(因為又係冇乜準備去)
旅行青瓜
2018-11-30 12:32:03
求下你唔咁痴線啦大佬
:^(
好驚架
(不過想知師兄點去睇，同當地人傾開佢地話一般都唔開放俾遊客參觀)
定師兄係雲南睇?因為知道個邊有個可以俾外人入嘅天葬場
旅行青瓜
2018-11-30 12:32:56
SORRY
:^(
唔係PM,你可以個別問。
旅行青瓜
2018-11-30 13:07:52
推推
Filibuster_HK
2018-11-30 13:08:26
:^(
:^(
:^(
代替月亮懲罰你
2018-11-30 13:18:42
西藏呀，你要自己係當地R d司機，佢地會車你去D山丘仔係遠處睇
:^(
不過冇咩特別同要等好耐儀式
:^(
旅行青瓜
2018-11-30 14:15:25
推
sawloon99
2018-11-30 14:18:42
我目標係Annapurna Circuit
不過應該操下先去
:^(
sawloon99
2018-11-30 14:23:01
poon hill 比較易行 3-4 日,唔洗點預備都得
ABC 無預備應該行唔到
旅行青瓜
2018-11-30 14:55:14
岩啊.
個時又係off season 冇乜人所以先到時搞
原來串左pooh 自膠
:^(
Ads
牙痛不是病
2018-11-30 15:43:39
推
旅行青瓜
2018-12-1 00:53:03
等左唔知幾耐，接待處道門突然打開。
接待處嘅人原來唔係送客，只係太夜，訓左喇。
大家溝通左一輪，心諗終於有房訓之際，接待處嘅姑娘竟然講：「你們等一下，香港人好像不能入住。」
青瓜當堂又屌出左聲，個天真係撚狗咁撚我地。
佢打電話問左輪，三條友流露出可憐又想喊嘅表情，夾埋走廊陰暗嘅氣氛，可能因為咁終於天見可憐，佢宣佈：「好吧，你們可以入住了。」
辦入住手續嘅時候，青瓜係咁同姑娘道歉「黎遲左、黎遲左」、「搵唔到路、搵唔到路」，而佢就開始解釋香港人點解唔可以入住：「最近不知上面在幹甚麼，這幾天對外國住客的背景很嚴格，可能有些事情。」
青瓜心諗：「黑店?」
但姑娘接住又解釋：「我們不是黑店，只是這附近對外國人查得很嚴。」
佢又繼續講：「如果晚上有人敲門，你別去應門就好了，裝作沒人，不然很嚴重。」
辦好哂手續，姑娘送埋我地入房，臨閂門都仲係度講：「記得，千萬別開門，裝作這裡沒人就好了。」
唉，又話中港一家，嘥氣啦。
就係咁，青瓜同朋友好唔順利到左廣州，為呢個旅程開左個頭。
旅行青瓜
2018-12-1 01:33:04
第二朝，青瓜早早就退房走。
幫間酒店講返句公道說話，其實房嘅環境幾好，而且一早包車你去南站。
:^(
可能因為夜訓，又好驚俾人敲門，成晚訓得勁差，好攰。
加上朝早嘅南站，人山人海，打尖嘅打尖，撞人嘅撞人，人生角力咁，青瓜好想死。
其實青瓜係預左，只係出師不利而且心情跌落低谷。
好想離開呢個鬼地方。
再離開之前，發現自己張電話卡係廢嘅、過安檢時全新嘅dry shampoo俾人收埋... …
大家可以笑青瓜係抵死，乜都求奇。
不過青瓜知道每個旅行總要有啲意外，回憶先至難忘。
之後可能更差，不過撞板再撞板，都係一種學習。
拜拜喇廣州南。
:^(
旅行青瓜
2018-12-1 02:13:51
廣州南去成都嘅車程大約要十個鐘。
呢十個鐘入面，有八個鐘青瓜同朋友都係一件事－瞓。
青瓜係一個任何時間、地方都能夠瞓著嘅人。
朋友們都係。
:^(
淨低嘅兩個鐘，打左陣機。
:^(
焗左個麵。
:^(
亂影相。
:^(
:^(
發呆。
停站又開車。
停站又開車。
人，上落、上落、上落。
旅程當中好多人問青瓜，做乜揀呢咁嘅路上西藏。
其實，呢個係購票網彈出黎嘅第一個選擇。
青瓜只係是但，總知想走。
去西藏嘅過程啊?其實唔重要。
有人飛機去，有人揸車去，有人踩單車去，有人行去。
都只係過程。
俗語係咪有句說話係咁：「結果唔重要，重要嘅係過程。」
青瓜覺得過程同結果其實都唔重要。
因為旅程同目的地，都冇青瓜想要嘅人。
冇想要嘅人係身邊，其實係點樣，又有乜所謂?
青瓜掛住一個人。
第 1 頁
下一頁
-
青瓜返左三年工,頂唔順份工放親假都捱貴機票，結果辭職，決定行開下。
頭兩站去左啲大家去到闔埋眼都識行嘅地方，唔講喇，大家都唔會想知。
之後決定去西藏，原本，係一個人去。
傾下傾下，變左三個人。
上網話去西藏要好多準備，青瓜心諗：「嘥氣啦。」
約左個司機，執左個睡袋、相機，出發。
講返點解係西藏，其實冇，只係咁岩上次去尼泊爾行山要昆明轉機，整左張回鄉證。
呢張野，係恥辱，不過方便。
青瓜抱住「遲下會唔見，唔會再整返」嘅諗法，所以用左先。
青瓜揀左十一月出發，其實都係求其夾個期。
可能大家覺得未必適合，始終十一月起就係西藏嘅旅遊淡季。
不過其實十一月幾好。
結果11月中，出發。
三個人，十一月坐火車由香港出發，無買回程，因為達唔到共識點返黎。
不過無論如何，出發左先。