Ads
加拿大係直情改咗例不是真偽但好合理不
你有加國passport, 你入境加拿大時都用返加拿大passport啦
快得來又無逗留期限是知真偽但好合理
你有加國passport, 你入境加拿大時都用返加拿大passport啦
快得來又無逗留期限
唔比雙重國藉人士用非加拿大passport 入
所以好肯定孟係比加拿大passport
孟晚舟 嘅護照問題，依家搞到特區政府真係一如 孟晚舟 個名嘅香港語諧音：慢慢周。啲內幕，一鑊杰過一鑊，依家保安局局長李家超，好明顯係唔熟入境政策，竟然話 孟晚舟 係咁改名，所以有多本特區護照囉，大佬，做人唔好咁弱智。
孟晚舟 點做到年年改名？
首先，特區護照係一本典型連住身份證嘅護照，要改名，必須改身份證，呢件係十分勞師動眾嘅事，佢有嘅係錢，但唔一定係時間，以及相關嘅法律手續，因為涉及改名契等問題，好多人因命理理由改名，都搞到一鑊粥，唔好講護照，所以點可能會發生，所以呢鋪由一個差佬出身嘅做保安局局長就注定會出事，因為無實務經驗，根本唔熟書。
喺英國，可以容許特定情況持有兩本唔同名護照同時有效，但一般都係咁情況，就係涉及南洋以往唔同歐洲國家殖民嘅情況，啲姓氏拼音亂晒大龍，好似我咁，又WONG，又OEI，一個係英國人粵拼，一個係荷蘭佬福建拼音，都未計後嚟印尼政府政策下再改姓果啲，n咁多種姓氏拼法都有，所以歐洲國家政府見到印尼華人係頭都大，但係點都好，呢啲特殊情況，佢哋都勸你儘量用一本護照，因為會被人照肺到黐孖筋。
但 孟晚舟 完全唔係南洋背景，無南洋呢啲殖民地遺留舊問題，我想問因乜解究佢可以用改名為理由，獲同時簽發多本特區護照，而且仲要有效嘅。
所以依家橫睇掂睇，都係特區政府想呃人，李家超唔係入境事務出身，佢唔熟書，所以佢係推出嚟被人斬果個，最知道發生乜事果兩條仆街，一個叫李少光，一個叫黎棟國，黎棟國上到電台係咁耍太極，我可以講，如果黎棟國拆唔掂呢件事，佢夠膽出嚟選新界東，我真係想叫新界東選攞住本特區護照，同 孟晚舟 張相，要佢做選民服務，要求佢幫手簽發n本同時有效特區護照出嚟，呢件事簡直係黐線到爆，匪夷所思。
當然，特區護照由中聯辦印刷，亦係好有問題，中國護照過往係德國政府(聯邦印務局，Bundesdruckerei)代印，所以中國護照要出古惑相對難，近年收番印刷權就出事，而中聯辦印特區護照，除咗賺錢，應該仲涉及有人私下印額外護照做仆街嘢嘅事，所以我睇除非特區護照授權西方國家代印，否則免簽會凍過水。
https://martinoei.com/article/23223/%E5%AD%9F%E6%99%9A%E8%88%9F-%E5%8F%AF%E4%BB%A5%E5%9B%A0%E6%94%B9%E5%90%8D%E5%90%8C%E6%99%82%E6%9C%89%E5%B9%BE%E6%9C%AC%E7%89%B9%E5%8D%80%E8%AD%B7%E7%85%A7%EF%BC%9F%E7%89%B9%E8%86%A0%E6%94%BF%E5%BA%9C
Ads
銀莊既古惑野，心撚照啦！！！！
Ads