常公子 2019-9-17 11:44:26 【175回：大清亡國關 #廢除酷刑 蛋牛治】

♉中國其實係一個酷刑大國，嚴刑逼供，喺中國歷史上係常態。中國人創立嘅酷刑，其創造性可圈可點，例如五馬分屍，極具動感同電影感。用魚網將人紮起嚟，然後用小刀將網眼凸出嚟嘅一忽一忽肉割落嚟，叫淩遲處死，落刀嘅人如果藝術成份高，可以玩足三日三夜。中國小說家莫言寫嗰一本小說叫《檀香刑》，內裏描述咗一種酷刑檀香刑，就係用一支好長嘅檀香木軟棍，由屎眼塞入去，然後不斷用鎚仔將軟棍一吋一吋推前，直至貫穿整個身體，由口腔凸返出嚟，受刑者可以受苦幾日幾夜，都算係一種酷刑經典。

♑要講酷刑，不得不提民主鬥士李旺陽，關押20年，長期囚禁於一個完全直立唔到嘅細小空間之內，折磨到不成人形，最後更加「被自殺」收場，所有影像都落印咗喺我個腦裡面，你要我相信你行法治，我真係冇辦法相信你。今日香港人仇視中央政府，並非無緣無故。其他人憎你，你首先要檢討一下自己曾經做過啲乜。

♉慈禧太后係第一個行出嚟廢除酷刑嘅領導人，呢個功績，其實好大，不過冇人會提起，因為慈禧本身就係一個歷史罪人，一個負面人物。中國歷史3000年，行酷刑制度，其殘忍之處，馨竹難書。可惜到咗今時今日21世紀，就算喺自由法治社會香港，我哋仍然未放得低酷刑依種違背人性嘅惡劣行為，如果你要我講，真係DNA問題。

♎社會動盪，真實人性更加一清二楚。我成日同人講，呢個夏天，香港人係上咗重要嘅一課，有啲嘢，知好過唔知；有啲嘢，並非理所當然，一旦制度崩裂，人性嘅醜惡就會完全展露無遺，講多次，碎肉機一經開動，冇人能夠獨善其身。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/Q-FXEtxZCxI

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

常公子 2019-9-18 18:20:28

【常威近代史】（二百四十四回）
袁世凱平反系列

宋教仁之死，令第一場中國內戰無可避免要發生。中華民國建立唔夠兩年就要打第一次內戰，當然亦冇人估到內戰一開打，就打咗成40年。之後嘅日子，全國嘅人民就會喺無數嘅戰爭中過住顛沛流離、水深火熱嘅悲慘生活。

中國俗語有講先撩者賤，打死無怨。邊個開第一槍，就係要付最大責任嗰個。內戰係南方革命黨要打嘅，當然佢哋嘅抱住觀點係袁世凱殺死宋教仁，點火頭嘅人係佢。我常公子所持嘅論點係，宋教仁死於革命黨內內訌。所以if我啱，依場所謂討袁嘅內戰（或稱為第二次革命）係完全無厘頭嘅，當然歷史嘅真相已經冇辦法被還原。而且大家千萬唔好以現代人眼光去睇20世紀初期嘅世界，當時用戰爭或鮮血解決問題，係一個非常合理而且常用嘅做法，就好似一個汽車維修師傅袋裡有士巴拿一樣正常。

但係當時全國輿論一口咬定袁世凱就係真凶，袁世凱亦都百詞莫辯。社團話事人只有一個，要爭做話事，搵個藉口開拖，都經常見。

呢個時候，身在日本嘅奪命書生孫文亦都火速返番中國，重新加入革命黨做實事行列，彌補同埋收割宋教仁死後留低嘅豐厚政治遺產，革命KOL不概為KOL，有朵有名氣嘅人，做乜嘢都好容易。孫文同黃興兩大革命元老，響後起之秀後生仔宋教仁一死之後，輕易重新掌握整個南方革命勢力嘅領導權。

但係對待袁世凱，革命勢力就出現唔同路線。當時1913年4月，南方革命勢力分為三派意見：

第一派就係支持武裝起義，發動戰爭，以武力打倒袁世凱北京中央政府，以孫文，江西都督李烈鈞（1882-1946）為首。孫民特別提出「聯日」同「速決」兩個具體軍事策略。孫文作為日本代理人，「聯日」（合邦）都好合理，就好似一個汽車維修師傅袋裡有士巴拿一樣合理。至於用速戰速決先發制人手段出兵討袁，打佢老母一個措手不及，亦都相當符合国父一向嘅車大炮性格，凡事講X咗先算，最緊要個勢勁，宣傳效力永遠領先實際效果，革命KOL不概為革命KOL。

第二派就係所謂懷疑派，真國父黃興同真兇陳其美做代表。佢哋對革命勢力本身嘅分散武裝力量，表示極度懷疑。認為南方革命黨軍力無可能挑戰袁世凱嘅北洋部隊。夾硬衝只有死路一條，唔贊成發動內戰，即係實事求是嘅做法。但黃興嘅意見，當時就被革命黨內部視之為軟弱、話佢係投降主義，全部人buy孫文嗰套戰爭論。最慘嘅係黃興喺呢件事上，失去大量同僚支持，亦係對發動戰爭嘅猶疑，鋪下黃興英雄一生嘅最後落臺階。

第三派就係所謂國會派，就係指當時嗰啲去咗北京履任中華民國第一屆國會參眾兩院議員嘅國民黨代表。佢哋去得北京，當然唔贊成討伐袁世凱，當然會被國民黨同袍指為叛徒走狗。事實上，國民黨黨魁宋教仁當然永遠唔能夠到任，但係中華民國第一屆國會依然響1913年4月8號召開，到會嘅參議員179人，衆議員503人。投票選出參議院正副議長為國民黨張繼（1882-1947）、王正廷（1882-1961），佢兩位都係進步人士。至於眾議院，議長係立憲派巨頭民主黨湯化龍（1874-1918），共和黨陳國祥為副議長。

你可能會問，點解咁多國民黨人會做叛徒去履行國會議員職務？其實原因有兩個，第一個係國民黨內部亦都有好多人希望真正召開國會，希望用憲法議會力量制衡袁世凱北洋勢力、用正常法律途徑解決宋教仁案；第二，當時好多人其實都係跨黨派啲騎牆草，今日係國民黨，明日又可以係民主黨或統一黨，或者為咗選票，同時入咗幾個黨，有幾重身份，亦都係比較常見嘅事。所以之前嘅國會選舉最後結果，國民黨於兩會取得過半議席，其實又唔係表面睇咁簡單。

第一屆國會召開同時，袁世凱中央政府亦收到好消息，因為1913年4月2號，美國正式承認中華民國政治地位，隨住美國嘅承認，中華民國亦都正式以一個民主自由嘅國家，步入世界政壇。

革命勢力三派意見之中，以孫文暴力抗爭派最廣受黨內同埋民間歡迎。其實民眾都想發動戰爭，討伐袁世凱，人類流出嘅血液，嗰浸血腥味其實會令人性興奮。事實上，1913年4月亦都係一個不祥嘅日子，權力鬥爭不斷上演，南北雙方無數人被暗殺同毒死，月中桂林暴雨成災、湖南落雹，湘江沉船700幾艘，浸死成千人。連個天都喺度作出警示，唔好輕易發動戰爭，但係冇人理個天。

#常威 #斷送共和關袁世凱蛋牛治  #袁世凱 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

常公子 2019-9-19 12:55:49 【176回：大清亡國關 #迴光返照 蛋牛治】

♉辛亥革命所推翻嘅大清帝國，其實係一個欣欣向榮，逐步實施現代化改革、政體將會推行君主立憲嘅全新帝國。1902年 #慈禧 個古老封建愚昧嘅大清極權帝國已經徹底玩完，喺外國勢力嘅幫助下，重新喺廢墟建立起嚟嘅大清帝國，真相係終於搵到適合自己嘅發展之路，好可惜，最後苟延殘存只係得十年性命，1911年又再重新推倒重來。依九年，其實係清帝國迴光返照期，臨死之前，算係做番件好事。亦因為呢九年嘅大功德，清室皇族，先唔會響革命後俾人趕盡殺絕，得以留後。而留下嘅依條尾巴，就衍生咗之後嘅「#偽滿洲國」。

♑「#大洗牌」係歷史發展嘅必然程序，凡事凡物，都需要喺發展一定時間後，作出自我調節，修補缺憾。用股市同樓價比喻最適合，股市同樓價一樣，資產價值會因為不斷炒賣而產生泡沫，當泡沫越嚟越脹大，終於都會有爆一刻，而大爆炸之後，就係重新洗牌，本來既得利益者因此退場，由新人頂上替代佢哋原來嘅位置，於是下一輪嘅炒賣又開始發生，泡沫再一次累積，而當泡沫去到一個點，又會再爆過，如此循環不息，構成所謂歷史進程，老實講，都算係一種「#唯物辯証法」。

♍所以我常公子最喜愛嘅政治人物，前蘇聯紅軍締造者 #托洛斯基 就講過，「革命只會不斷發生」，革命者喺革命成功後會變成當權者，而當權者亦都會腐敗，最後又會畀新嘅革命者推翻，如此不斷循環不息，就係佢提出嘅「#不斷革命論」，宏觀去睇，托洛斯基其實講得冇錯，祇不過佢因為道出事物嘅殘酷真相，經常被人抹黑為「鼓吹暴力者」（即暴徒），而暴徒「托派」嘅觀點，亦從來會被共產主義官方所排擠同否定。我個人認為，史上最強嘅托派，其實就係口裏面從來唔會承認自己係托派嘅 #毛澤東。

♑托洛斯基嘅收場好慘，同史太林反面，權力鬥爭失敗後，佢流亡到墨西哥城，最後俾史太林派出嘅刺客，用一支冰錐刺入後頸，足足騰折咗好耐，受盡痛苦先至歸天去見馬克思，最近 #Netflix 有一套俄羅斯連續劇，叫「#蘇俄梟雄」（#Trotsky），就係講托洛斯基生平，有興趣嘅朋友可以昅昅，其實好好睇。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/GkLc8DhBdnY

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

常公子 2019-9-20 15:54:58

【常威近代史】（二百四十五回）
袁世凱平反系列

借！借！借！冇錢點算？唯有UA！

1913年4月，宋教仁案令全國風頭火勢。革命黨（即國民黨）同袁世凱中央政府正式決裂，呢個時候袁世凱做咗一個動作，就係同外國借錢，歷史上稱為北京「善後大借款」。之前講過，其實由中華民國建立第一日，全靠賒借度日，各大山頭割據自立，稅收唔肯上繳中央政府，袁世凱維持北京中央政府、行政費軍費開支龐大，冇全國稅收，實在難以支撐。

況且國民黨開咗聲要打內戰，同宋教仁報仇，袁世凱亦逼不得已要一筆龐大資金嚟周轉調動，維持中央政府正常運作。4月26日，佢委派趙秉鈞、陸征祥、周學熙（全部西人）等為全權代表，未經中華民國第一屆國會辯論及通過，與英國、法國、德國、俄國、日本五國銀行簽訂《事後借款合同》。

呢條數好大，借款總額係2500萬英鎊，其實係一個天文數字。1905年日本打日俄戰爭，發行嘅戰爭債卷都係1000萬英鎊左右。你常公子成日講天文數字，咁究竟係幾多錢？去到1913年，中國嘅貨幣系統仍然相當混亂，貴金屬如黃金白銀繼續流通，銀洋、外國紙幣同每個地方政府發行嘅紙幣同時出現，理由好簡單，政治都未統一，貨幣點有可能統一？1912年袁世凱主導嘅北京嘅中央銀行亦開始發行中華民國紙幣，但係南方就唔承認。中國貨幣嘅正式統一，要去到1949年，嗰種貨幣叫毛澤東（人民幣），毛澤東被整個世界所接納為正式貨幣，要去到1980年之後，你話條路幾漫長呢？

如果用今日嘅概念去計算，借2500萬英鎊究竟又係幾多呢？按照當時英國人嘅生活水平，一個英國人平均全年收入大概係100-120英鎊，用今日嘅匯率，100英鎊即係折算1000幣港紙。理性少少，今日一個普通香港人，以香港收入中位數月薪15000元計算，一年大概賺18萬，即18000英磅，同1913年比較，通貨膨脹咗180倍。用咁嘅方法推算，1913年嘅2500萬英鎊就大概等於今日40零億英磅，即400幾億港紙！你話係咪天文數字丫？

（當然我上述嘅講法有好多謬誤，大家唔好咁認真對待。）

世界上最兇猛嘅野獸從來都係銀行家同財閥，合同規定，借款總額2500萬英鎊，年息五厘，債券九折出售，八四折實收，限期47年；主要嘅用途係償還到期嘅各種賠款同埋借款，主要係庚子賠款同馬關條約。袁世凱北京政府響還清舊債後，實際到手只有760萬英鎊，如果計埋利息，規定47年還清嘅本金加利息，金額達到6789萬英鎊，乜叫喪權辱國？其實呢啲先算係喪權辱國。

仲有借錢畀你，要有抵押品。抵押品就係當時中華民國嘅鹽稅同埋關稅。其他附帶條件仲有，借款期內，中國不得向五國銀行團以外嘅銀行借錢；借款嘅領款憑單，需有外國會計師簽名方能生效；中華民國要聘用外國人參加鹽稅徵收事務等等。仆你個雞，辣到呢……鬼叫你窮呀？

依筆「事後大借款」，比南方革命黨人稱呼為100%賣國行為，矛頭又係直指袁世凱。中華民國建立係想自主於世界之上，希望擺脱滿清皇朝嗰種被外國人資本控制經濟嘅悽慘局面，可惜事與願違，一個窮人就只可以伸開四肢任由有錢佬強姦。

不過大家想深一層，既然中華民國承認清帝國留低嘅所有不平等條約同戰爭賠款，還錢亦都係好應該。但還錢嘅責任落咗喺袁世凱北京中央政府身上，佢又可以點做？南方革命黨人一日到黑屌屌屌，咁佢哋有冇人承擔起為中華民國償還國債嘅義務呢？

仲有一點，袁世凱北京中央政府同五國銀行國傾借錢嘅事，已經唔係一朝一夕，亦都可以講完全唔關宋教仁之死事。後世歷史，話袁世凱急急腳喪權辱國向外國人借錢，係為咗籌募軍費抵抗革命黨發動嘅「第二次革命」，其實係以偏概全，並非全部事實。

袁世凱做錯嘅嘢，當然係借款繞過國會，自把自為，有違「法統」觀念。但係當時整個中華民國第一屆國會由國民黨人仕把持，擺上去傾，你話通過嘅可能性有幾高？應該係0勒。咁通過唔到，冇錢返，冇錢還到期債項，債務違約，咁責任又邊個咩呢屌？

上述歷史亦都可以應用喺今日嘅香港，政治運動還政治運動，民生開銷、社會運作依然要如常進行，呢個亦係建制派成日攞住嘅尚方寶劍，「民生」應該同「政治」徹底分開，我哋不談「政治」談「民生」，我今日出嚟講嘅係「正義」並唔係「政治」。當然呢種係好低級嘅講法，係用嚟愚弄冇讀過書嘅人低下階層嘅口實，其實所有事情都同政治有關，政治本身亦都係社會經濟事務嘅具體體現。睇開常公仔嘅朋友應該都係聰明人，大家應該知道我講乜。

1913年，真正發生嘅事係，袁世凱竭力維持中央政府嘅運作同中華民國嘅國家尊嚴。而南方革命黨人，則想將成個國家拉向內戰局面，邊個啱邊個唔著，大家要認真諗諗。

#常威 #斷送共和關袁世凱蛋牛治  #袁世凱 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

常公子 2019-9-21 11:08:39 【💣香港關 #中英聯合聲明 腿蛋治 第九回】

♒時局動盪，反而有更多時間思考問題（冇街去），最近，我經常在想「究竟香港人嘅怒火」來自何處？中共嘅極權統治白色恐怖同本地狗官嘅無能當然不在話下，但除此呢？政客仆街係常態，並非香港獨有現象，我有朋友來自巴黎，佢話當地嘅官商勾結情況係腐爛嘅程度，所以先有黃背心運動。咁，香港人嬲乜？

♐嬲，應該係嬲物價樓價租金太高，老實講，我最近幾年都好少見身邊嘅後生仔搬出嚟住，個個住屋企，唔通全部人都好鍾意同老竇老母住？比老竇老豆日日林鄭月蛾？我諗一定唔係。飛唔走，因為租金太貴，以我常公子為例，當年我廿三歲搬出嚟住，租九龍一個三百零呎單位自作，租金4500蚊，當時我人工大約12000蚊，加埋同住朋友兩個人，條數仲有得計，今日？噓……

♉香港特區政府大約都睇到有問題，最近一星期，矛頭直指地產霸權，上演鬥地主2.0，對家拋出「莫須有」自辯，不過雖然莫須有，但仍係有，地產商係吸血鬼，你千祈唔好否認。又用我個法國朋友做例子，佢嚟香港搵食（法國搵食好艱難），佢最驚訝嘅就係，香港人竟然會覺得五、六百呎嘅單位係好大好見駛好有氣派，有個康怡太古城五六百呎在手就係上等人，佢就覺得好搞笑。咁到底又係邊個令到香港人對居住嘅欲望縮細到如此卑微嘅地步？到底又係邊個令香港人居住問題如此長期嚴峻？我諗，唔關中國共產黨事。

♊六七暴動完結後，港英政府採用嘅係懷柔政策，用盡方法大和解，用盡方法修補撕裂，亦用盡方法提供娛樂要大家忘記痛苦，今日呢？有冇人去開始諗大和解，又有冇人去諗點樣善後？抑或仲係諗緊：「如果我拉曬你班仆街，天下就會太平！」，繼續擴大撕裂，抑或真相係，善後係下一任嘅事情，我在嘅日子，就希望儘快擺平件事就算鳩數。唔好笑，係真相嚟嘅。

🍣https://youtu.be/vfxlIHNkZY8

【常公子近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

常公子 2019-9-23 15:31:39

【常威近代史】（二百四十六回）
袁世凱平反系列

1913年4月，袁世凱中央政府嘅善後大借款，令袁世凱嘅形象一落千丈。上集己經講過，借錢係為咗用嚟還債。但響南方革命黨人嘅文宣底下，袁世凱依筆借款，純粹係落袋自肥，係北洋集團自己友分水。究竟真相又係咪咁呢？袁世凱生平有冇貪污？當然一定有。當時邊個唔貪？今日中國人做官邊個唔貪？常態生活習慣嚟嘅。但事後睇返，袁世凱死後，佢留低畀後世嘅遺產同不動產並冇想像咁多，起碼遠遠唔及李鴻章嘅400億港紙遺產同十三個香港地皮（常公子估算，之前講過），我話袁世凱算係一個清官，算係一個合格嘅領導人，其實冇錯。

當然喺中國人嘅角度佢係合格嘅，西方人嘅角度就一定唔合格。

動用公家嘅錢，自己落袋，一直都係一條發達嘅捷徑，古住今來好多人都用過。孫文自己，亦都因為被指控挪用革命公款自肥，令好多人唔滿意佢，包括宋教仁同陶成章（兩個前後腳都被行刺）。

其時響北京嘅中華民國第一屆國會，亦都強烈譴責袁世凱。國會由國民黨議員把持，為咗平衡勢力。袁世凱支持國會內共和黨、民主黨、統一黨三黨合併，成立「進步黨」。

呢個制衡國民黨響國會內權力嘅「進步黨」，以武漢三鎮龍頭大佬黎元洪為理事長，流亡國外14年回歸嘅梁啟超先生亦有份參加。寫到呢度真係好感觸，你話袁世凱點奸點衰點賤格都好，佢始終係玩緊政黨政治，玩緊「法統」，好似而家嘅英國美國加拿大日本咁。今日嘅中國呢？一黨專政，獨裁統治，玩一言堂，玩舉手機器橡皮圖章搖尾系統，百幾年中國政治，係鳩做，鳩做唔緊要，但唔好咁鳩得唔得？仲有你哋鳩做還鳩做，唔好將鳩做呢套嘢帶比香港人得唔得？

1913年6月26號，宋教人落葬於上海，數萬人送別，氣氛蒼涼。經過兩個月嘅發酵，革命黨內部，孫文為首嘅開戰派全面佔上風，南方革命黨人反袁情緒高漲，仗一定要打。袁世凱亦有所行動，先發制人，以不服從中央為理由，免去江西李烈鈞（1882-1946）、安徽柏文蔚（1876-1947）、廣東胡漢民（1879-1936）三省都督職務。講講當時廣東省，之前陳炯明（1878-1933）被空降嘅孫文大將胡漢民逼走、沒收權力，現在袁世凱又重新任命陳炯明為廣東都督。

補充一執屎料，當時中央政府的確好窮。6月18號，保定軍校校長蔣百里（1882-1938）當眾自殺。事源蔣百里就任第一日，向全體學生保證，一定要將保定軍校發展成為全國最優秀嘅軍事學府，令到學生得以成為最優秀嘅軍官，若然做唔到，佢就自殺以謝天下。但係由於財政問題，中央政府冇辦法撥款支持軍校建設營運，於是蔣百里實踐諾言，18號朝早，佢召集全校師生，發表一番沉痛講話，然後舉槍向自己胸膛打咗一槍！

好彩子彈冇打穿心臟，蔣百里被搶救返。做官做到咁激，真係好有大和民族血性精神。今時今日？嘿嘿，得啖笑啦。

中華民國第一次內戰好快爆發，1913年，亦係人類世界最後和平嘅一年，整個歐洲大陸，所有人仍然沉醉於20世紀初文明科技、資本主義高速發展帶嚟嘅靡爛生活。奧匈帝國嘅猶太人文學家卡夫卡（Franz Kafka，1883-1924），已經係腦裡醞釀佢嘅偉大作品、改變整個20世紀文學格局嘅《變形記》（德語：Die Verwandlun），預視20世紀人類嘅嚴重精神分裂世代快將降臨。和平同靡爛會喺一夜之間結束，取而代之嘅係無止境嘅戰爭同苦難。

響燦爛繁華致極之地奧地利首都維也納，一個24歲失意奧地利青年投考藝術學院失敗，淪為乞衣，向途人伸手要錢，佢叫希特拉。另一個34歲年青人，則百無聊賴、作客暫居此地讀書，等待一日回到沙俄首都聖彼德堡解放貧苦大眾，實現自己堅信嘅共產主義烏托邦之夢，佢叫史太林。

或者佢兩位，當時都係抱住美麗夢想嘅年青人，但之後1914年發生嘅第一次世界大戰，似乎令佢哋明白到，鮮血先可能係解決問題嘅唯一方法，戰爭改變咗佢哋，亦引發咗佢哋腦裡面嘅極端精神分裂種子。

而另一位極端精神分裂嘅世紀大暴君，出生於1893年12月26日嘅毛澤東，亦響1913年春天，以中學第一名成績考入湖南省立第四師範學校，當時佢一心想成為一個春風化雨嘅教師。

1913年春夫，維也納一份雜誌上有以下一段說話：

「我看見末世啟示錄的景象疾馳而來，預示著世界經濟蕭條，墮落的使者把塵世地獄前廳的火爐燒得過旺了。」（註）

註：來自1913年維也納，二十世紀早期最著名的奧地利作家卡爾克勞斯（Karl Kraus 1874-1936）主編《火炬》（Kackel）雜誌一月號。

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

常公子 2019-9-24 10:55:35 【177回：大清亡國關 #亡黨亡國 蛋牛治】

♉昨夜響netflix看了一套documentary《美個工厂》，記錄美國俄亥俄州 Dayton 市通用汽車廠房倒閉後，被中國企業「 福耀玻璃」買下並設廠。中國的投資為當地居民帶來工作機會，但之後中國管理階層和美國工人之間卻產生許多價值觀衝突。

♑紀錄片從令我印象深刻的，係工人成立工會嘅問題，工人想成立工會保障自己權益，但被資方反對。資方所持嘅理由係，工會將拖垮公司營運同利潤，管理階層唔甚至出錢請勞資顧問去遊說工人投下反對票，最後工會無法成立。似乎在中國模式管理概念中，工會是不需要存在的事物，工人的福祉和權利，可以由統治階層去保障和守護，某程度上亦是一種中國模式極權制度的伸延產物。

♊你們在地上挨餓，上帝來了給你們食物和水，令你們可以活下去，然後上帝頒佈十誡，要地上的人遵從上帝的意旨而活著。故事大綱大致是這樣。從前嘅人都唔會認為呢個故事有問題，因為故事中嘅上帝係西人，而最近上帝換咗做中國人。正如今個逆權之夏，最多人鬧警察，亦有好多人鬧林奠，但係背後高高在上嘅上帝先係幕後黑手，大家心裡都係清楚嘅，不敢說出來，純粹出自於一份對神聖嘅敬畏之心。

♏每個人都要答自己個問題，你要穩定？還是要自由？你願意為自由付出的代價是多少？同樣你願意為生活穩定而付出的代價又是多少？世界上冇免費午餐，所有放於眼前嘅利益都係要由付出代價而得到，香港嘅免費醫療免費教育，其實係由高地價政策響背後支撐。如果一直行落去，係一個自由嘅貧困深淵，你是否願意承受？我諗香港大部份人目前正面對這種選擇困境。當然要補充一點，就算願意做順民承受極權，亦不擔保貧困永遠不會來臨。

♊世界經濟下行，係大趨勢所在，21世紀開始，銀紙印得實在太多太濫，鈔票上嘅虛擬信用開始消失，而人類唯一解決嘅方法，就係印更多銀紙企圖彌補消失嘅信用額。呢個唔係香港獨有嘅問題，係整個世界嘅問題。除咗經濟問題，仲有環保問題，溫室效應逼近眉睫，資源短缺亦都會響二三十年後廣泛成為全球問題，整個地球所有人類將要面對一個大危機。未來除咗充滿不穩定性，仲充滿巨大黑暗，深淵其實已經在前，攜手邁進去，又會是一個什麼的境況？

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/ygcgSpT0zhw

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

常公子 2019-9-25 12:13:33

【常威近代史】（二百四十七回）
袁世凱平反系列

中華民國第一次內戰，或者革命黨人稱呼為「第二次革命」，其實係一場天時、地利、人和無一不錯戰爭（A war against a wrong enemy, on a wrong place, at a wrong time）（註）。

仲有大家要記住，開第一槍嘅人係國民黨，要打內戰嘅亦都係國民黨。袁世凱根本唔想打，亦無必要打。革命陣營內部，包括真國父黃興清幫大佬陳其美在內，亦都知道無得打，因為一打仗就會露底，露底就一鋪清袋。但熱血上腦嘅主戰派孫文同江西都督李烈鈞就唔理三七二十一，同袁世凱開火。依場小戰役，註定係燈蛾撲火，自取滅亡。「第二次革命」最大意義在於開動咗碎肉機嘅開關掣，打開中國進入之後三十年無止境內戰嘅恐怖大門。

孫文絕對有責任，而且有好大嘅責任。因為係佢發動戰爭，對發動戰爭嘅人，我哋可稱呼為仆街。

1913年6月底，袁世凱以不服從中央為名，切換三省都督。當時江西李烈鈞、安徽柏文蔚、廣東胡漢民都係國民黨內南方有食力人物，國民黨認為袁世凱嘅行為係正式向國民黨宣戰，7月中，革命黨人武力倒袁嘅第二次革命全面爆發，由於一戰主要戰場集中喺江西南京一帶，故稱為「贛寧之役」。

7月8號，李烈鈞率領江西嫡系部隊，遵從孫文指示，到達湖口，成立討袁軍總司令部，發佈《討袁檄文》，約法三章：

誓誅民賊袁世凱。

鞏固共和政體。

保障中外人民生命財產。

袁世凱派出北洋第六鎮，段芝貴（1869-1925）、馮國璋（1859-1919）領軍南下迎戰！雙方於湖口開始交火，同一時間，南方各省響應第二次革命號召，紛紛宣佈獨立，7月14號黃興逼江西新任都督程德全宣佈獨立、17號柏文蔚宣佈安徽獨立、18號陳其美宣佈上海獨立、跟住廣東、福建、湖南、四川相繼脫離中央政府獨立，並且「話」組織軍隊，加入第二次革命戰役。

不過講就咁講，真係出兵嘅人就唔多。大家似乎都睇到，要同袁世凱北洋軍隻揪，真係冇運行。好似陳其美，佢就冇出兵幫拖，只係全力守住上海依個大錢罌。

而且所謂討袁大軍，軍紀全無，純粹一班雜牌軍左拼右湊，亦由於冇人科水，軍餉亦都嚴重唔夠。因此完全冇得打，普魯士裝備嘅北洋軍勢如破竹，8月25號攻陷湖口所謂討袁軍總司令部，然後兵分三路，深入南方腹地。南方各省見勢頭唔對路，紛紛取消獨立，重新宣佈效忠袁世凱北京中央政府。其實一直落嚟，唯一堅打嘅只係李烈鈞嘅江西部隊，其他革命同志都係響側邊圍爐取暖，或者精神上支持。

響各省紛紛取消獨立同時，討袁軍響江西到南京一帶頑強戰鬥，北洋軍隊集結軍力，全力進攻南京，勢如破竹。8月18號，南昌失陷，李烈鈞著草日本，29號，黃興都覺得事無可為，離開南京逃往日本，臨走前仲畀同袍屌佢「一將無能，千軍受累」？其實關人忍事？黃興一早覺得冇得打，係你孫文夾硬做啫。

9月1號，南京失守。12號四川亦投降，由7月12號起計，打咗僅僅兩個月嘅「第二次革命」宣佈全盤失敗，孫文當然亦第一時間走咗去日本啦。同現代嘅香港人一樣，我哋都係咁鍾意去日本玩嘅。

大家又唔好以為呢一場所謂第二次革命好激，其實戰鬥規模好多時候好細，革命軍一見北洋軍出現就鳥獸散，段芝貴同馮國璋嘅軍隊並冇受到任何嚴峻考驗，輕輕鬆鬆就打贏咗南方討袁軍。

同時身在北京的袁世凱亦都當呢場仗冇到，佢全力要求國會加緊審議正式中華民國憲法，儘快進行總統投票，等佢由臨時大總統變成真正嘅中華民國大總統，取得名正言順合法領導國家嘅權力。呢段時間國會仍然被反對派國民黨議員所把持，議長張繼曾經喺內戰期間，要求所有國民黨議員離開北京，但係只有小部份人響應，佢自己就走咗。

呢單嘢真係得啖笑，南方革命派國民黨露咗底牌，一敗塗地兼一鋪清袋。孫文去咗日本，通定思痛，明白一盤散沙各有各做，係冇辦法抵抗袁世凱嘅專政獨裁，於是乎，佢放棄咗法統，一心效法俄國共產黨，要對付你袁世凱獨裁政權，就要建立一個比你更獨裁嘅政權，英美自由民主法統嘅傳統，亦響呢個時候，喺國父孫文心裡面完全崩潰。

註：呢句說話係美國總統杜魯門，係1950年向當時亞洲統帥麥克阿瑟所講，因為當時身處日本嘅麥克阿瑟有意調動軍隊進攻中國，對付中共新建政權。

#常威 #斷送共和關袁世凱蛋牛治  #袁世凱 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

常公子 2019-9-26 11:27:25 【178回：大清亡國關 #楊衢雲 蛋牛治】

♉接下去嘅一連三集，我都會講關於楊衢雲嘅故事，楊衢雲係百分百香港人，19世紀喺英殖香港土生土長，生於斯，長於斯，受嘅係西方殖民地教育，國父孫文同佢一拍即合，1895年建立「興中會」，一齊策劃咗兩次地區性革命，亦都係因為這兩次革命的基礎，先至會有之後所有事情嘅發生。

♑毫無疑問，香港從來都係中國革命嘅源頭，100年前如是，100年後都如是，原因係香港嘅殖民地背景，香港人係接受英國殖民地統治所成長過嚟，自由民主公義等概念，對香港人嚟講係基本人權。任何想剝奪香港人基本人權嘅舉動，毫無疑問係會爆發我哋嘅反抗情緒。呢一個係一個特定嘅歷史條件，亦係香港人無法逆轉嘅意識形態。

♊今日發生喺香港嘅躁動，並唔係偶然嘅事件，冰封三尺非一日之寒，過去中央政府同本土統治階層不斷將香港人嘅人權一點一滴咁偷走剝奪，DQ民選議員就係最佳例子，日積月累，從來冇人覺得有問題，但真相係仇恨同不滿長期抑壓係香港人心裡面，至今有人燃點火頭，自然火燒山林，一發不可收拾。

♓放眼未來，香港嘅路會點樣行落去？實在冇人會知道，加上21世紀銀紙實在印得太多，數一定要找，世界經濟下行無可避免，中美嘅角力亦進入全面尖銳化，香港處於東西文化交流區交戰區中央嘅夾縫地帶，過去因為呢個特別角色，令香港得到唔少利益同好處；今日相同一個角色，又會為香港帶來什麼呢？我個人並唔知道，但係我知道香港係一個特別地方，香港人亦係一個特別嘅族群，我哋嘅經歷從來不平凡，就好似100多年前嘅楊衢雲一樣，上天註定，佢嘅出生佢嘅背景，註定係要承受一場不平凡嘅特別命運……

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/jYirHQTnxKU

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

常公子 2019-9-27 14:01:57

【常威近代史】（二百四十八回）
袁世凱平反系列

1913年，國民黨重要成員鳥獸散，去日本東瀛遊，主力根據地南京失守，北洋軍馮國璋、張勛部隊攻入南京，按照原來計畫，大肆搶掠三日三夜。真係慘，政治爭鬥，到最後又係普羅大眾硬食，馮國璋部隊將繁華嘅下關市集燒為灰燼，而後來玩復辟嘅張勛辮子兵就更加恐怖，殺燒淫掠，無所不為，仲誤殺咗三個日本橋民，三日之後，南京城被搶掠一空。

日本外交部向北京中華民國中央政府發出嚴正抗議，並派出四艘軍艦，運載士兵進入南京保護僑民，袁世凱迫於壓力，免去張勛職務。袁世凱可以對付革命黨，但係革命黨背後仲有日本人。

控制武漢三鎮嘅黎元洪效忠袁世凱，二次革命後，整個南方中原地帶被北洋軍暫時控制，9月10號，重點城市上海大佬陳其美同蔣介石都著草埋去日本。袁世凱中央政府以壓倒性武力，暫時統一南北。當然，除咗南京上海蘇浙一帶嘅革命黨勢力，整個中國仲有其他軍閥自行割據，好似四川一帶嘅熊克武（1885-1970）、蔡鍔（1882-1916），袁世凱亦都鞭長莫及。其實當時七國仲係咁亂，河南河北一帶，亦有一場「白狼起義」，軍人白朗（1873-1914）率領農民造反，抵抗袁世凱。

二次革命失敗，國民黨人將責任歸咎於真國父黃興，因為佢喺宋教仁死後唔立則發動討袁戰爭，係喪失先機咁話。其實呢個講法係多舊魚，乜嘢時候打，先打或者後打，結果都會係一樣，因為你係唔夠打。況且黃興喺宋教仁死後，希望利用法律同政治協商解決問題，其實所堅持嘅，亦係「法統」精神，稍作拖延，只係要話比全國人民知，國民黨已經喺法統之上盡咗力抑壓袁世凱。

老實講，場仗打輸咗，大家唔去瀨主戰派嘅孫文，反而瀨反戰派嘅黃興，已經係荒天下之大謬。唯有講一句，革命KOL孫文的確係魅力沒法擋。佢搬龍門嘅能力同玩弄權術嘅心計遠遠喺空心菜黃興之上，第二次革命玩完，同志鮮血凝聚而成嘅道德光環由孫文一人完全奪取，年輕人代表宋教仁已死，黃紙兄弟黃興孭鑊。公司董事局內部競爭對手消失曬，所有革命力量光環指揮權重新雲集於孫文一人身上，國父100%反底成功。

要計數，宋教仁之死，孫文先係100%得益者，從淡出政治圈到回歸權力核心話曬事，前後只係一年時間，佢亦正正式式、堂堂正正玩佢心目中嘅列寧式軍事武裝革命，中華民國天翻地覆，由呢一刻開始。

法統？拜拜。

9月11號，北京熊希齡（1870-1937）內閣正式成立，曾經參與戊戌政變、被清廷革職兩榜正途出身嘅熊希齡，被袁世凱任命為國務總理兼財政總長，當時熊先生係以中間派自居進步黨黨魁。新內閣成員名單有外交孫寶琦、內務朱啟鈴、陸軍段祺瑞、海軍劉冠雄、教育汪大燮、司法梁啟超、交通周自齊、農林工商張謇。

由於粒粒皆星，全部都係自己友，國民黨反對派絕跡，所以時人稱呼呢個叫做熊式「名流內閣」，新班底上任，佢哋嘅第一個任務，就係要完善憲法程序，儘快舉行正式總統大選。

其實當時，同現在嘅香港一樣，既然大家結咗怨，有咗牙齒印，甚至有埋血酬，咁無論點，邊一邊做乜嘢另一邊都係睇唔過眼。玩政治最大鑊嘅，就係玩到敵我分明，你唔係我盟友，就係我嘅敵人。政治光譜上冇所謂中間派、溫和派，你講「警察也是鄰舍」，就會俾人話係走狗。一講民主自由，就係反中國反革命。局面發展到今時今日，責任喺邊個度？

97年後，特區政府統治階層完全聽唔到市民嘅聲音，係最大嘅問題，結果施政手法，同民心越拉越遠。特區政府大量嘅法定公務機關同埋諮詢架構，委任咗唔少社會精英入內，但係依類諮詢架構，並非單純為咗聽取民意，只係為咗平衡各方利益、分派政治酬勞嘅政治工具。

而且自1997年回歸以嚟，特區政府上層建築（行政會議）為咗保證行政主導權，成班土共發揮佢哋嗰種非友即敵嘅「半紅色」文革式鬥爭思維。成個特區政府諮詢架構，根本只係容納咗一堆政治上同宗同祖嘅自己人，加上本末倒置……朋友梁文道講得好好：「不是因為你是精英，所以我才吸納你；而是因爲我吸納了，你所以你就變成了精英。」。最後，依一班所謂能夠反映「香港民意」到上層、甚至到中央嘅社會精英，全部變曬橡皮圖章舉手機器搖尾系統。

同古代皇帝嘅傳說一樣，民間冇飯食，「何不食肉糜」，統治階層同中央政府，佢哋所知所聞所睇到嘅香港，根本係同實際嘅香港毫無關係，而香港人真正嘅民意同民心取向，佢哋更加完全唔知道。而家件事爆咗煲，你就話要「真誠對話」，話自己有過失唔懂洞察民意所在？咁你之前做乜呀屌？

成班大哥大姐，分錢就識，做實事啲嘢，真係識條鐵。

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

常公子 2019-9-28 11:26:02 【💣香港關 #中英聯合聲明 腿蛋治 第十回】

♒香港局勢持續動盪，世界局勢一樣非常動盪，2019年開始嘅時候，冇人能夠想像得到局面去到如此尖銳化，中美角力，由貿易戰開始，去到現在蔓延到政治層面，美國持續全力開火，直接打擊中共習近平為首嘅極權統治，情況同上世紀80年代中期非常相似，實體戰爭應該唔會發生，當年由朗奴列根同戴卓爾夫人為首嘅西方民主自由世界力量，全方位打擊當時嘅極權蘇聯，以經濟手段拖垮對方，適逢1989年，中國天安門事件點起火藥引，最後導致柏林圍牆倒塌、蘇聯內部自爆，1991年無聲解體。

♑歷史會否重演一次？我真係唔知道。但現在發生嘅事情，同當年實在好相似。世界已經進入互聯網時代，資訊發達，理論上，打意識形態戰爭係比當時容易得多；但另一方面，中共已經親眼見過蘇聯如何解體，因而汲取教訓，做出更多措施防範於未然，亦都係放喺眼前嘅真相。此消彼長，最後會發生乜嘢事，大家拭目以待。

♏美國好快會通過《香港人權及民主法案》，更加令香港依笪地方，成為中美角力嘅其中一個重要戰場。剛剛發生林鄭月娥響新伊館會見市民，所謂隨機抽樣，原來都係戲一場。特區政府官員嘅政治智慧，再一次令我拍案叫絕，區區一個政治騷都搞到一鑊泡，要處理整個香港當前嘅亂局，或者香港喺中美之間所擔任嘅角色，我相信特區政府官員一定冇呢種能力同視野，既然已經進入無人駕駛嘅狀態，一切就衹能夠各安天命。

♎最近令我印象深刻，係由無人機喺上空拍攝到新疆勞改營的黑幕。集中營文化，原來並無隨著二次世界大戰結束同蘇聯解體而消失，反而響21世紀死灰復燃，新疆勞改營畫面相當難睇，完全係反人道反理性反現代世界反普世價值嘅黑暗罪證。我講過，有人反你，有人唔滿意你，唔該你先檢討一下你自己做過啲乜嘢。

🍣https://youtu.be/svEzB_4j7Uw

【常公子近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

常公子 2019-9-30 11:40:19

【常威近代史】（二百四十九回）
袁世凱平反系列

二次革命失敗，國民黨巨頭全部著草日本。如果用今日嘅講法，日本人係包庇反革命份子，粗暴干涉中國內政。因為當時袁世凱中華民國北京中央政府，已經落咗通緝令通緝孫文黃興李烈鈞陳其美等人歸案。日本響中國革命歷史嘅角色其實無比重要，之後蔣介石政權同中國共產黨全盤抹去日本角色嘅存在，係中國近代史嘅大悲哀。

讀歷史係為咗追求真相，並唔係將歷史當成YK潤滑劑打飛機。

孫文同黃興去咗日本，國民黨兩大巨頭關係非常緊張。雙方支持者甚至成日響日本發生口角，日本方面亦認為孫文已經缺乏領導國民黨嘅能力，於是孫文痛定思痛，知道要搞落去，要繼續騎劫中國革命（註），一定要大力改組國民黨，於是一個專制獨裁嘅「中華革命黨」恐怖概念，開始構思成形，大災難亦都醞釀發生。

反觀真國父黃興，1913年秋天，佢響日本嘅態度係曖昧嘅。一方面佢想維持國民黨基本結構，相信「法統」玩法；但另一方面，政治現實令佢對前景失去信心。但要走孫文嗰條專制獨裁、黨政合一之路，並唔係黃興杯茶。黃興似乎明白，孫文選擇嘅，係無止境嘅內戰之路，生靈塗炭，非黃興所愿。事實上，辛亥革命之後，黃興已經選擇急流勇退。以佢嘅性格，當然唔會係投降主義者或妥協主義者，否則佢就唔會係鑊鑊響最前線衝嗰個喇？

黃興似乎睇到，佢自己同國民黨（或者叫同盟會）嘅革命歷史任務已經完成，將中國交畀袁世凱搞，或者對整個中國人民嘅福祉，可能係一個比較理性嘅選項。自身權力永遠唔係黃興嘅第一考慮，佢睇嘅係大局，佢睇嘅係所有中國人嘅安危，佢明白用繼續用鮮血解決問題，只係開動碎肉機，會一發不可收拾。佢嘅眼光佢嘅修為（加埋宋教仁），明顯早就喺孫文之上。當時嘅黃興，只係剛剛滿40歲，如果上天給予黃興長壽，多活二三十年，俾佢繼續發揮影響力，可能中國人所受嘅苦難會輕好多。好可惜，上帝係西方人，佢永遠唔會眷顧支那族。

唔單止係孫文，如果當時1913年嘅世界上，有更多有黃興境界嘅政治人物，識得急流勇退，懂得退一步海闊天空，唔會輕易動用武力解決紛爭，咁第一次世界大戰亦有可能避免，3500萬人口傷亡亦唔會發生。冇第一次世界大戰，亦唔會有更恐怖嘅第二次世界大戰。

孫文響日本構思獨裁政黨「中華革命黨」同時，北京嘅袁世凱亦都積極獨攬權力，企圖擺平國家亂局。打走國民黨後，「名流內閣」成立，9月5號參眾兩院通過選舉總統法案，同時審議《大總統選舉法》。為咗趕及喺武昌起義兩週年紀念日10月10號登上總統寶座，袁世凱倉促催逼國會於10月6號進行總統選舉投票。

依次中華民國第一次總統選舉，亦都充滿住中國特色。歷史記載，袁世凱派出拱衛軍司令李進才率領幾千個軍警流氓地痞，扮成市民，打住「公民團」旗號，包圍國會，聲稱「非將公民所屬望的總統今日選出，不許選舉人出議會場一步」。一眾國會議員被圍堵於國會之內，從早上八點到晚上十點，議員捱饑抵餓，連續投票三次，最後先以703票中嘅507票贊成，選出袁世凱為中華民國第一任正式大總統！

好荒謬喎？好搞笑喎？咁落後嘅？鬧劇一場喎？

咁689呢？777呢？又係一場鬧劇啫，100年鳩做，人唔笑狗都吠。我有陣時諗，自由民主同普選，真係距離我哋咁遠？我哋中國人，就係永遠無權力選出我哋嘅領導人？係制度問題？係歷史問題？係DNA問題？抑或我哋中國人，咪低人一等？我唔知道，理論上應該唔係。笛卡兒講「我思故我在」（ I think therefore I am）， 人類天生下來，就應該人人平等，但係歷史講俾我哋知，並唔係咁撚樣！係「咁撚樣」！

註：講返轉頭，其實同盟會一直騎劫中國革命。1911年發生嘅辛亥革命，兩大革命主體：四川嘅保路運動係由立憲派所領導；武昌軍人起義亦唔關同盟會事。事後革命成功，同盟會同孫文冷手執個熱煎堆，基本上係騎劫革命，呢個係歷史真相，我哋唔可以否認。事實上孫文真正進入革命主體，粉墨登場落手落腳搞，正正就係1913年嘅秋天。

#常威 #斷送共和關袁世凱蛋牛治  #袁世凱 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

常公子 2019-10-1 12:46:50 【179回：大清亡國關 #楊衢雲 蛋牛治】

♉我哋繼續香港人楊衢雲嘅故事，整個夏天，「#香港人」三個字不斷喺我腦中徘徊，究竟香港人是什麼？過去冇問呢個問題嘅香港人，亦都開始紛紛向自己發問呢個問題。究竟我哋如何為自己定位？作為中國嘅一部份？係一個獨立自主嘅民族個體？係二等公民？還是我哋什麽都不是，只係識發夢？

♉整個夏天，#逆權運動 遍地開花，踏入秋季，下一輪又會點發生？冇人會知道，但係香港人嘅韌性同堅持，亦都喺過去嗰幾個月表露無遺。其實亦唔係由今個夏天開始，#六四事件 發生30年，中國內地包括北京居民隻字不提，選擇忘記，而香港人堅持悼念，就係最佳例證。簡單啲講，香港人係一個熱烈追求「#自由」嘅族群，我哋唔會輕易放棄依種天賦人權，任何想剝奪我哋自由嘅勢力，香港人都會反抗到底。

♉120年前嘅楊衢雲，以生命為全中國人自由民主法治播下種子，120年後過去，放喺我哋眼前，又喺一個乜嘢境況？相信大家有苦自己知，歷史最有趣嘅地方，就係能夠令我哋將眼前嘅事物同過去嘅事物作出對比，從而判斷「進步」或「退步」為何物？也從而判斷「是非」為何物？古往今來，所有政權都喺度扭曲歷史，其目的大概都係要令平民大眾失去對比同認清現實嘅能力，到最後失去明辨黑白、判斷是非對錯嘅基本能力，失去獨立思考本能，就會淪為奴隸，不斷地被人剝削。

♋我常公子做歷史頻道，我寫歷史，到目前為止得益極少，但我會繼續做落去，我堅信我守護住某啲真理，我堅信我自己做緊有意義嘅事情。我係百份百雙魚座♋，我諗我係鍾意發夢嗰類人……而且可能時日會無多，做得幾多得幾多……

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/HwuPfRCDKk8

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

常公子 2019-10-2 10:23:15

【常威近代史】（二百五十回）
袁世凱平反系列

1913年10月10號，袁世凱宣誓就任中華民國第一任正式大總統，副總統為黎元洪。同事英國、俄國、法國、德國、日本、意大利、比利時、瑞典、丹麥、葡萄牙、荷蘭、奧匈帝國、西班牙13國同時宣佈承認中華民國，加埋之前嘅美國，以袁世凱為首嘅中華民國北京中央政府，正式名正言順登上世界舞臺。

你話袁世凱點衰都好，從1911年10月10號開始，佢用咗兩年時間，真正登上大總統寶座，你可以話佢中間壞事做盡，天理不容，但係基本上一切仍然符合法律程序，苻合「法統」章程。情況同今日嘅香港都一樣，特首雖然唔係經過普選產生，但係選委會成員「理論上」係代表香港大部份市民民意，所以由選委會小圈子投票產生嘅特首，都係有一定嘅民意基礎，哈哈。

哈哈哈哈哈哈哈哈哈哈哈哈哈哈哈哈哈哈哈！

但當時國會之內，國民黨參眾議員仍然竭力想限制袁世凱權力膨脹，10月30號，國會憲法起草委員會正式通過《中華民國憲法草案》，又稱《天壇憲法草案》，共11章113條，佢規定政府組織採用內閣制，以限制總統個人權力。袁世凱對此大表不滿，大力粗暴干涉議會，要求作出重大修改，但國會仍不退縮，投票三讀通過草案，企圖以法統制衡總統權力。

政治就係政治，政治就係生死相搏嘅血腥遊戲，既然國民黨敢起兵造反（二次革命），袁世凱亦唔駛客氣。就任大總統之後，佢開始對國民黨進行大清洗，下令通緝身在日本嘅孫文黃興陳其美之餘，國內亦都大開殺戒。

10月13號，湖南查辦史（北京中央政府欽差大臣），原籍同盟會嘅湯薌銘居士（1885-1975），著名人物湯化龍細佬，佢本身係一個著名政治人物同佛經翻譯家，就響湖南下令槍決16名國民黨黨員，當中有反袁嘅亦有擁袁嘅，包括當時湖南財政司司長、警察局局長、會計檢察院院長、籌餉局局長等人，有人話佢依次濫殺無辜，純粹為咗私怨，信佛信到咁撚樣，本公子無言以對。

另外武昌起義革命元勳蔣翊武（1885-1913），亦響桂林遇害，就地正法，享年28歲。血酬不斷累積，一切無法回頭。殺人的袁世凱當然有錯，但政治唔係請客食飯，唔用暴力手段你以為可以有成果？和理非非可以對付敵人，現實講畀我哋知，係唔卵得。

既然開咗個頭，亦都唔可以停，上面講過10月30號國會提出、制衡袁世凱大總統權力嘅《天壇憲法草案》完成三讀，並打算響11月3日預備公佈全國實施。但喺公布前夕，袁世凱以大總統身份，下令解散國民黨！佢所持嘅理由係，日本京師大學堂戒嚴處查獲第二次革命軍頭李烈鈞同國會國民黨議員有數十封密電，企圖密謀作反！

11月3號下午，北洋軍警查封北京國民黨本部，將國民黨定性為非法組織，11月5號包圍國會，收繳國民黨籍議員嘅證書同證章，被暴力DQ嘅國民黨黨員接近430人，超過國會半數議席，而國會亦因為法定人數不足而停止運作，11月10號，憲法起草委員會自行解散，之前嘅《天壇憲法草案》亦同步作廢。同年11月13號，袁世凱亦都下令取消各省議會內國民黨籍議員資格。

袁世凱係軍人出身，佢將政治當仗咁打，進行大清洗取締國民黨，重建一個符合佢心意嘅國會同施政環境，就係佢當時嘅想法。而且佢主宰嘅中華民國中央政府已經得到全世界承認，喺佢心目中，正正就係重新起步嘅時間，結束由1911年到今天嘅政治大亂局。

講咗咁多血腥嘢，補充返少少國民生活，政治鬥爭不斷進行，但人民嘅日常生活亦都唔可以停落嚟。呢個時候，上海華商電車公司經營嘅第一條電車路線亦都正式通車。中國第一所正規航空學校北京南苑航空學校正式開學，首屆招收學生50人，教授飛機飛行同維修技術。中國第一部劇情片電影上映，叫《莊周試妻》，由香港華美公司拍攝，中國電影之父黎民偉 （1892-1953）反串女主角，女配角嚴姍姍（1896-1952）亦都成為中國電影史上第一個專業女演員。

#常威 #斷送共和關袁世凱蛋牛治  #袁世凱 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

隨遇而安的人 2019-10-2 13:54:29 「TaiwanWarmPower」今晚（15日）在臉書發文，呼籲民眾一同連署「德國聯邦議會第95643號請願書」 ，支持「請求德國與中華民國（台灣）建立外交關係」，內文中指出迫害人權的中共不應代表民主自由的台灣。小編表示，可參考連署教學影片，2分鐘左右的時間就能完成簽署，如能在10月9日前達成5萬人連署，就有機會將此議題送進德國國會。

#AntiChinazi

Source: https://m.ltn.com.tw/news/world/breakingnews/2916703

連署教學from TW:
https://www.facebook.com/allen.taiwangermany/videos/pcb.2942668175748064/2942643702417178/?type=3&theater

連署link:
https://epetitionen.bundestag.de/petitionen/_2019/_05/_31/Petition_95643.mitzeichnen.html

大家幫下手, 聯台灣抗邪惡強国

仲爭6千咋

常公子 2019-10-2 17:20:55

:^(

:^(

:^(

常公子 2019-10-3 11:21:39 【180回：大清亡國關 #楊衢雲 蛋牛治】

♉今集係楊衢雲三部曲嘅最後一集，香港革命青年是如何被煉成的？120年前發生過一次，楊衢雲最後嘅收場係被清政府派出嘅刺客行刺身亡，結束咗佢短暫嘅一生，但佢同好多革命先烈一樣
，佢哋嘅生命播下咗革命嘅種子，終於響1911年辛亥革命開花結果。

♐革命需要流血，無法否定。參與革命嘅人，都抱有崇高嘅理想，希望改變現狀，希望為自己和身邊嘅人帶來更美好嘅將來。革命亦係一場豪賭，未必一定成功，甚至可以講，歷史上大部份革命都係以失敗收場，因為祇有成功嘅先叫做「革命」，失敗嘅就係「動亂」，歷史從來只係由勝利者所寫。而且革命嘅注碼係鮮血同人命，完全唔可以輕率，仲有一點，革命嘅時間往往唔係想像中短，而係非常漫長，由種子播下嗰一刻開始，可能要到十年二十年三十年之後，革命嘅果實先能夠壯茁成長，開花結果。

♊楊衢雲嘅無名碑，屹立於跑馬地墳場多年，最後終於響特區政府第二任特首曾蔭先生任期內，為無名碑賦予名字，一個被隱藏了100多年嘅香港人名字，終於響歷史嘅殘骸中重見天日，從此以後，有名有姓，話畀大家知，二十世紀初期中國人推翻滿清極權統治嘅辛亥革命，係由香港作起點開始。

♑香港現在正經歷1967年以來最嚴重嘅政治危機，而且冇停下來嘅跡象，種種證據顯示，呢場風暴會蔓延落去，由統治階層作出「以暴制亂」調子開始，就意味住一發不可收拾，香港所發生嘅事情，亦成為咗全世界嘅焦點，更加成為咗新冷戰時代，最前線嘅意識形態戰場。最後如何結束？或者可唔可以結束？已經超越咗每個人嘅想像之外，作爲好似楊衢雲一樣，一個生於斯、長於斯嘅香港人，有幸參與其中，見證大時代，其實係一種福氣，亦係一種歷鍊。


♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/SG8UTX0A2PE

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

常公子 2019-10-4 12:37:02

【常威近代史】（二百五十一回）
袁世凱平反系列

袁世凱對國民黨進行大清洗，開除大部份國民黨籍國會議員，國會參眾二院宣佈停擺，由1911年辛亥革命開始，中華民國嘗試行「法統」之路，可惜到1913年底因為黨派之爭宣佈全盤失敗，責任全部喺袁世凱身上？呢個係國民黨史觀。袁世凱固然有責任，但係國民黨亦並非完全係受害者，發動「二次革命」中華民國第一次內戰，打起第一槍嘅係國民黨，以暴易暴，有陣時無法解決問題，血酬加重，反而令到大家無法回頭。

12月15號由袁世凱一手組織嘅「政治會議」喺北京開幕，呢一個係國會停擺後，袁世凱下令組織嘅一個代替國會嘅民意諮詢機構，由中央政府同各省官員80個（廢老）（自己）人組成，其實所有人都係「政治花瓶」搖尾系統，「政治會議」嘅目的係為咗解散國會同埋修改約法，完全係袁世凱走向獨裁嘅政治工具。作用同今時今日嘅「政治協商會議」（政協）非常相似，百年鳩做，唔係講玩。

政治花瓶其實全世界都有，講真邊個唔想做吖？我就曾經喺一個飯局裡認識一個朋友，佢好自豪講自己老竇係政協委員，好似國家領導人咁威水，我個心嚇咗一跳然後得啖笑，政協係國家領導人？唔好玩啦，不過好多香港人真係以為係先慘。

政府花瓶又冇政治責任（因為毫無權力），純粹吹水協助極權抬轎擦鞋，成班人圍埋一齊又有商機創造，大家派咭片擴充人脈，一齊做生意冲涼叫雞，都不知幾撚好玩。唯一要付出嘅只係「人性」同「樽鹽」。不過如果你識過有錢佬，你就會明白「人性」同「樽鹽」完全唔值錢，唔值錢嘅嘢，佢哋通常唔會放喺眼內。

好朋友周顯講得冇錯，有錢人只會同四種人交往，一係你係魚，一係你有魚在手，一係你係女，一係你有女在手。絕！

中國民主自由百年鳩做，如果你以為只係極權者嘅罪孽，我話你知唔係，喺側邊推波助瀾搖旗呐喊嗰班人先係真正兇手。

1913年12月，全國局面開始穩定落嚟，袁世凱走向獨裁之路，佢一心要結束中華民國分裂嘅局面，各省自治，各有各做，其實對所有中國人都冇好處，要建立一個強而有力嘅中央政府統率全局，發展國家經濟，提高人民生活水平，係有其實際需要，當然袁世凱又開始想做嗰一刻開始，去到真正成為大統一現實，要過多36年，直至1949年中華人民共和國成立嗰陣時先得。

北京政府亦向討袁叛軍發出懸賞，排頭位嘅始終都係真國父黃興，有10萬元，陳其美5萬，柏文蔚、李烈鈞、陳炯明都有2萬。但好奇怪，呢張懸紅嘅通緝名單裡，係冇孫文份。由此可以睇出，孫文嘅作用或者實際革命功能，的確係被後世嚴重誇大咗幾十倍。

依一年嘅12月仲有一件事發生，好少被人提起。就係國民黨人羅福星（1886-1914），一位擁有荷蘭同印尼血統，出生於爪哇，曾經參與過黃花崗起義的同盟會革命同志，奉命前赴臺灣發動革命，企圖推翻日本人統治。最後謀事不成，響淡水被捕。日本人仲喺佢身上搜出臺灣國民黨黨員名冊（將花冊帶喺身邊？奇！），因此前後拘捕咗1211人，其中有221人被immediately打靶，285入冊，羅福星本人亦都響1914年3月被皇軍吊死。

提出呢件事，我係想講，當時日本正在庇護緊孫文、黃興陳其美等人。而日本亦都係孫文一直落嚟背後最忠實嘅支持者，之後孫文東山再起，其實日本人功不可沒。但係點解孫文隸屬（統率）嘅國民黨，又會響日本殖民地臺灣上搞事呢？我真係百思不得其解。唯一嘅解釋，又係各有各做，大家鍾意做乜就做乜，完全唔使睇大局。所以之後孫文組織「中華革命黨」，要玩獨裁，就係要創造秩序，其實孫文諗嘅嘢，同袁世凱都係一樣。

未踏入1914年之前，補充返少少經濟數據。辛亥革命發生之後，整個中國經濟就業狀況停滯不前，國家經濟仍然以地主農業經濟為主，出口嘅貨品仍然係茶葉絲綢同大豆製品，工業生產完全控制喺外資手上，中華民國最大嘅貿易夥伴仍然係大英帝國，第二係香港（其實亦都係英國），1913年，中華民國所出口嘅貨品，就有三份一出口去香港（註），香港嘅金融戰略位置，其實100年前已經確立，到咗今時今日都未變過。

第二點要提嘅，就係外國資金投資響中國，由1902年嘅78億美元，飆升至1914年嘅160億美元左右，足足多咗兩倍，其中最大嘅增幅嚟自日本喺滿洲地域嘅投資，日俄戰爭後，日本已經將滿州東三省變成一條巨大嘅棉紗原產品生產鏈，帶動日本本土紡織業，生產名列世界前列。20世紀開始，全世界人類亦進入著Cotton嘅年代，好似宜家啲廢老咁講，人哋大力發展經濟，你哋就為政治打生打死，其實又係冇錯。

收筆一刻，要講講1913年，袁世凱中央政府通過《禁煙條例》，凡40歲以下吸食鴉片者打靶，種植及銷售鴉片者亦都一律打靶，毒害中國人百年嘅煙禍，至此全部變成地下經濟活動。（反而做得更大，就係另一回事。）

註：鄭友貴，《中國的對外貿易與工業發展》，第20卷，頁48-49。

#常威 #斷送共和關袁世凱蛋牛治  #袁世凱 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

常公子 2019-10-5 11:09:11 【💣香港關 #中英聯合聲明 腿蛋治 第十一回】

♒自1967年來，從未動用過嘅「緊急法」，終於尋日響林鄭月娥手中拉開序幕，所謂打開潘朵拉盒子，迅雷不及掩耳，兩日內，北京之行回歸，立刻頒佈「禁蒙面法」，企圖平息社會混亂，能否做得到？我並不樂觀，但下下同市民意願對著幹，撕裂只會越拉越開，修補就需要更長嘅時間。林鄭月娥作為香港第四任特首，其行事作風及處事手法，至此完全表露無遺，港英高級公務員心態，本來就高高在上，平生懶理民間疾苦，堅信少做少錯，但要堅做，就越做越錯，其實亦都係無可厚非，人嘅性格好難改變，狗改變不了吃屎，同樣道理，香港嘅角色，亦都好難係短時間內作出改變。

♐昨天晚上，有示威者響軍統中嘅香港街頭宣讀「香港獨立宣言」，「港獨」議題正式上綱上線，由少數人嘅意願，正式走入民間，又係嗰句，世事嘅嘢，你愈係暴力打壓，怒火只會愈燒愈旺。

♑今集Youtube內容，講六七反英抗暴運動之後，港英殖民地政府採用「懷柔政策」善後，利用大眾娛樂文化掩蓋政治爭拗，動用福利主義平息民憤，事後睇返，效果相當理想，今日嘅統治階層，其實應該借鏡當年做法，當然能否做到？又係能力同決心嘅問題。對此，我常公子不得不表達悲觀情緒……

🍣https://youtu.be/tVU3mY0sfNw

【常公子近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

常公子 2019-10-7 20:12:40

【常威近代史】（二百五十三回）
袁世凱平反系列

時間進入1914年，下一步要點樣走？當時全中國人都唔知點銀樣做？推翻滿清，粉碎中央權威，但權威不在，就係動亂之源，中華民國百廢待興，用咗兩年多時間處理黨爭，成個國家仲係山頭割據立立亂，袁世凱借返嚟嘅巨債（善後大借款）只夠還債、維持基本行政開銷同軍力（避免作反），國內工業全部由外資控制咁滯，交通鐵路運輸網絡仲響起步階段，投資距離回報仲有好大段距離。

當時中華民國人民眼光，就同而家香港人嘅眼光一樣淺窄，21世紀，香港起咗高鐵，起咗港珠澳大橋，遲啲起埋三跑，投資幾千億，洗咗全部積蓄差唔多三份一咁撚小。但係市民就話睇唔到回報喎？花咗咁多錢，大家嘅生活水平未見好轉，反而每況愈下，社會整體經濟環境未見向上，只有樓價肉價錢不斷向上，股市更加係一潭死水，點解呢？其實有得解嘅。

因為香港人目光太淺窄喇，佢哋睇唔到上述偉大嘅基建會喺將來帶動整個香港繼續起飛，因為平民實在太短視。大家需要時間去等，可能係50年，又可能係100年，冇人夠膽擔保300年後，香港會因為上述嘅基建而變成世界第一大都會？

其實1997回歸之後，國家為我哋做咗好多嘢，佢教咗我哋點樣使錢理財，點樣大力去投資基建項目，穩定香港嘅國際金融中心地位。冇咗上述三大基建，其實香港已經仆咗街好耐，所以我哋應該多謝國家，多謝祖國，咁喺我哋嘅基建工程費用，去分一啲畀佢哋自肥貪污，亦都係理所當然，唔通叫雞唔使畀錢咩？你可以話我係五毛擦國家鞋，但我係真心（膠）。

國民黨企圖想利用國會權力限制袁世凱，但袁世凱調轉嚟睇，佢講：「本大總統一身之受束縛於約法，直不啻胥吾四萬萬同胞之身命財產之重，同受束縛於入法。」一於綁架四萬萬群眾上船，認為國會制訂《臨時約法》限制總統權力，對全國人民都冇好處，以國民黨議員佔大多數嘅國會咁做基本上係「黨爭」，係「危害國家、顛覆政府」。於是佢取締國民黨，1914年1月10號，國會停擺後，袁世凱直程下令停止全體國會議員職務，每人派發400大洋，飭令回籍返鄉下，國會正式被解散。

國會解散後，袁世凱值「政治會議」同「籌辦國會事務局」，接收參眾兩院，為組織新國會做好準備。政治處理完畢，袁世凱大力建設國家，佢做咗幾件事，上次已經講過，好似而家菲律賓總統杜特爾特強力禁煙係一件，其次佢亦籌備緊將儒教昇格為國家信仰（國教），整頓意識形態，為國民製造公民意識；最重要嘅係佢明白一定要處理中華民國貨幣系統，國家要發行自己有信用嘅貨幣流通，因為咁樣做，先可以將操控喺外資手上嘅國家經濟命脈一步步攞返返嚟……

後世人好少講袁世凱做呢啲嘢，其實袁世凱係一個做實事嘅人，基本上我覺得佢唔鍾意搞政治，但係政治往往自動殺到埋身，佢亦都不得不處理，況且佢係軍人出身，用軍人嘅手段處理政治問題，就好似一個汽車維修師傅口袋裡面有隻士巴拿一樣咁正常。

但係好多人唔明白佢，章炳麟，即章太炎就係其中一個，章太炎（1869-1936）係當時最出名嘅公共知識份子（人氣不在梁啟超之下），「中華民族」依個重要政治概念就係由佢發明，佢亦都係中華民國國語設計者，世界上有「中華民族」依樣嘢，所有人要多謝佢。但係章太炎出名個性非常偏執，好難同人相處，當時大家都叫佢做「章瘋子」，對於呢個顛佬朵，佢自己咁樣講：

「帶凡非常的議論，不是神經病的人斷不能想，就能想也不能說，遇著艱難困苦的時候，不是神經病的人，斷不能百折不回，為這緣故，兄弟承認自己有神經病。」

上述文字可圈可點，尤其是係當今時勢，大家真係要細味一下。章太炎係高。

章太炎嘅嘢，下次繼續。

#常威 #斷送共和關袁世凱蛋牛治  #袁世凱 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

常公子 2019-10-8 10:31:23 【181回：大清亡國關 #反清復明 蛋牛治】

♉發生喺20世紀初期嘅中國革命，最初所用嘅係「反清復明」概念，孫文口中「驅除達虜，恢復中華」，就即係反清復明。滿清政權來自關外外族「後金」，即係滿洲人，對當時嘅中原人嚟講，係外國人。係兩個唔同國家、兩個唔同民族的概念，但唔知點解，辛亥革命之後，一句「五族共和」，滿州人又無厘頭成為中國人嘅一份子，明明係想驅除你，但到最後又接納你？到後來，滿洲人自己成立「滿洲國」，實踐自我高度自治，又俾蔣介石國民黨政權評擊為「偽滿洲國」，定性係中華民國國內嘅分裂主義活動，咁究竟滿州人係咪自己人呀？我好亂啊！

♊但係我知道，今日嘅東北，已經冇咗所謂滿州人族群，只剩低一種人，大家都是中國人，滿族文化已經絕跡，滿州人所用嘅語言同文字，亦永永遠遠只庫存於大學嘅學術圖書館最深處。「滿州國」1945年封舖玩完，至今前後只係半個世紀多少少，三四代人，一個曾經叱吒風雲嘅巨大族群，竟然喺大地上銷聲匿跡，要做到這一點，相當唔容易。希特拉及其門徒想滅絕猶太民族，殺足500萬後，猶太人依然存在，60年代仲立國以色列。咁滿州人同滿州語言文化消失，究竟又係一個怎樣的故事呢？所用嘅又係什麼手法呢？但單憑想像，已經係一個好恐怖嘅故事。

♈同樣情況，出現喺今日新疆維吾爾族，用嘅係什麼手法，大家都一清二楚。幾乎接近病態嘅大一統思想，能夠做出嘅行為，遠超普通人所能想像。「維吾爾族」之後，下一個目標又會唔會係「香港人」呢？我唔知道，亦唔夠膽想像。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/MB7T-j4s2Dg

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

常公子 2019-10-9 14:04:21

【常威近代史】（二百五十四回）
袁世凱平反系列

繼續講「中華民族」發明人章太炎嘅故事。

章瘋子佢自認有神經病。非常認真，社會上的確需要依種神經病人，否則制度僵化，冇人企出嚟屌政府，統治階層就會坐定粒六剝削平民百姓，自己則肚滿腸肥，呢啲事永遠唔會停止，否則亦唔會有托洛斯基嘅「不斷革命論」。社會需要變化，需要改革，其實原動力係嚟只一班神經病人，一批唔怕死嘅人去抗爭，由佢哋嘅無私付出，個社會先可以有機會起變化。坐喺屋企歎冷氣睇直播，係唔會改變到個社會，如果你對現狀有不滿，你想有所改變，就要盡一分力，做自己可以做嘅嘢，放低包花生先。

普通平民恐懼變化，希望國泰民安。但係我話畀大家知，混亂先至係常態，從來社會安定平靜嘅時間只係歷史總體時間少數。香港係一個好特別嘅例子，自從二次世界大戰結束後，整個香港經歷咗差唔多70年嘅安定繁榮，經濟及人民生活水平不斷響前發展，其實喺世界歷史上異數中嘅異數。

1911年，章太炎隸屬革命組織光復會，因為光復會同盟會嘅矛盾，章太炎擁袁反孫，佢企喺袁世凱身邊。但係宋教仁遇刺案發生，袁世凱取締國民黨、解散國會嘅一連串行動，章太炎就深感不滿，認為袁世凱背叛「法統」，倒行逆施。1914年1月7號，章太炎真係發癲，隻身直闖總統府，大罵袁世凱包藏禍心背叛民眾！簡單啲講，係直接屌！

咁你估章太炎點收場？

佢之後畀總統府軍政執行處人員拘捕，但係冇即時推去後巷行打靶，亦唔使坐監，袁世凱只係將佢軟禁於「龍泉寺」（註），要佢念佛，平復心中怨氣。軟禁期間，章太炎仍然可以喺寺內聚眾講學，發表學術著作，直至1916年6月袁世凱去世，佢先恢復自由。之後佢嘅故事，之後再講。但我想講，章太炎作為一個中國著名知識份子，直接屌袁世凱，最後亦唔使死，軟禁出返嚟之後，仲有一番新事，仲活到1936年……

袁世凱係暴君？係滿手血腥嘅獨裁者？又從何說起呢？如果你將章太炎同劉曉波比較，就會一清二楚。凡事唔好比較，因為一比較就會知道真相，就會知道輕重所在。千夫所指嘅暴君袁世凱，其實只係滴小水點，同之後嘅大洪水，完全兩回事。

古往今來，中國歷史上所有朝代，都對知識份子有一定尊重。就算皇帝唔buy知識份子個套，亦唔會刻意大規模迫害佢哋。皆因大家都知道，知識份子係社會棟樑，係國家良心所在，係統治階層意識形態嘅最終捍衛者。

直至1950年，我哋嘅偉大領袖毛澤東開始睇通睇透，佢嘅目光超越凡人，佢知道所謂知識份子（臭老九）其實係麻煩製造嘅根源，亦都係共產主義意識形態本身最大嘅計時炸彈。於是佢喺50年代中期推行「反右運動」，一招「百花齊放」、「引蛇出洞」，全力開動國家機器進行有組織及嚴重打壓全國知識份子行動，被迫害被扣帽子被打靶被坐監被流放被牛棚被剝奪人生自由公民權被充公財產嘅人，有幾千萬人。

依一場「反右運動」，亦係世界歷史上一場最大規模打壓知識份子嘅政治運動，古往今來，無出其右。中國人的光輝，在此顯露無遺。反右運動浩浩蕩蕩，將傳中國知識份子全部監生打壓成狗，從此以後，萬馬齊闇，冇人再夠膽向極權統治出聲，冇人夠膽再提出反對意見，所有人只顧明哲保身，終於響反右運動之後，毛澤東再聽唔到任何反對聲音，認為國家一片河蟹，於是開始發顛亂嚟，就推出咗三面紅旗，超英趕美大煉鋼大躍進人民公社，最後引發人類歷史上一場最大嘅饑荒，餓死3000-5000萬中國人……

我讀過唔少歷史，就以依一段時期嘅歷史最為荒謬絕倫，足可以同希特拉屠殺猶太人有得比。順帶一提，五十年代嘅反右運動、打壓中國知識份子主要做實事嘅推手喺毛澤東身邊嘅副帥，亦係我哋嘅改革開放倡導者、總結界師鄧小平先生。

今日飛得太高，下次要降落地面。

註：龍泉寺目前位於北京鳳凰嶺自然風景公園內，始建於遼朝應歷初年。當時鳳凰嶺地處遼南京析津府昌平縣，據說當時釋繼升因對佛法感悟超群而被師兄嫉妒，被排擠出白馬寺，以手上唯一的財產《金剛經》為指引，向北行進，來到鳳凰嶺創建了龍泉寺。其後文革期間千年古刹龍泉寺被紅衛兵徹底破壞，用作民房，現在的龍泉寺是改革開放後重建。

#常威 #斷送共和關袁世凱蛋牛治  #袁世凱 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

常公子 2019-10-10 11:39:25 【182回：大清亡國關 #三權分立 蛋牛治】

♉今集youtube，講1905年同盟會成立初期，會內曾經想建立效法西方民主嘅「三權分立」制度，即係行政、立法、司法三者分立，各不相干，其中尤以「司法獨立」最為重要，當然同盟會係一個小型組織，「三權分立」嘅制度好快唔存在，最後都係由行政主導革命行動。

♉如果你相信香港係一個經營成功嘅城市，咁我哋成功嘅地方喺邊呢？我自己覺得，香港過去最成功嘅地方，就係司法獨立，法律體制健全，簡單啲講，係一個依法而治嘅安全城市。「三權分立」係九七回歸，中華人民共和國答應香港人嘅重要承諾，行政立法不能干預司法獨立，但過去20年，香港嘅司法獨立一路被侵蝕，逐少逐少被破壞，甚至最近有人提出，「司法系統」應該為國家主權服務，行政要浚駕於司法之上，長官意志要大過法官，要超越法律，簡單啲講，就係由「人治」取代「法治」。政治制度上，開回頭車，但任何人都見到，香港現在正全力入後波。

♐為咗平定失控嘅社會秩序，特首林鄭月娥早幾日動用港英政府留低嘅一把尚方寶劍，利用緊急法權力，繞過立法會立法程序立《反蒙面法》，即日生效，即時拉人。其實係香港法律制度上一個重要嘅里程碑，上一次動用緊急法，係六七暴動，半個世紀之前，目的亦都係想平定暴動。

⛎不過，缺口打開之後，又會發生乜嘢事？當年六七暴動，運用緊急法作武器，暴動結束後，香港邁向欣欣向榮、工業飛騰嘅70年代，今次呢？歷史學家楊繼繩講過，歷史大災難之後，必有歷史大補償發生，67年後嘅香港就係一個好例子，文化大革命之後嘅中國，同越戰後嘅美國亦都係另一個例子，香港經過今個夏天嘅洗禮，又會唔會出現歷史大補償呢？

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/DThAyxxMgrE

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

常公子 2019-10-11 21:36:50


【常威近代史】（二百五十五回）
袁世凱平反系列

相對於現在香港（2019年7月），1914年上半年嘅中華民國，事實上比較平靜安寧。國民黨暫時退場，孫文、黃興、陳其美潛伏日本，預備東山再起。中華民國北京中央政府，袁世凱大權在握，經過兩年多嘅政治混亂，加碼內戰發生，袁世凱心中應該有個底，認為「民主自由」、「議會政治」、「法統」呢啲嘢都係唔適合中國人，佢嘅心態當時應該同成龍好相似，覺得中國人真係需要管，有埋個皇帝就最好，獨裁先係正路，極權統治先係最佳統治方法。

後世歷史經常講一個故事，話袁世凱後來要做皇帝，係一個非常倉猝同埋錯誤嘅決定，仲有人穿鑿附會，話佢個仔袁克定（1878-1958）包藏禍心，呃老豆登上帝位，自己想做皇太子，結果齊齊舐嘢，遺臭萬年。

但真實情況未必係咁，袁世凱後來洪憲稱帝，可能係經過深思熟慮。自由民主法統之路，並唔可以話嚟就嚟，要有一個循序漸進嘅步驟，行「君主立憲」先，首先統一國家，建立中央權威，再模仿日本嘅民主路，用一段時間加強基礎教育建設，培養人民嘅公民意識，先去籌辦選舉國會，行代議政制，可能先係最正確嘅選項。可惜袁世凱以自己將亡之軀做嘅洪憲帝制君主立憲實驗，係徹底失敗收場。

袁世凱係一個開明派嘅大清官吏，響滿清時代，佢嘅思想比所有人行得更前，佢支持光緒帝嘅戊戌變法，亦建立咗中國第一支擁有西方軍紀觀念嘅現代化陸軍，佢亦全力支持慈禧太后1906年搞君主立憲，命運更加要佢成為推翻滿清統治嘅最主要推手，之後佢建立嘅中央政府，身邊有大量西人行嚟行去，任用嘅好多都係由外國名牌大學畢業返嚟嘅西化精英份子。試問一個咁嘅背景嘅能幹之人？點解到最後入後波開倒車，自己反而想做番皇帝。佢嘅心理變化，係極其複雜，太簡單睇佢，以為佢一心想做皇帝號令天下，未免太簡單，而且絕對唔係真相。

其實我覺得，袁世凱永遠係一個做實事嘅人。當1914年頭局勢稍為平靜，佢就即刻整頓中國嘅貨幣制度，中國貨幣制度自從19世紀中葉開始已經一片混亂，社會上流通嘅貨幣五花八門。一個國家如果唔能夠統一貨幣，亦即係話永遠冇辦法釐清賬目，一條清楚嘅會計賬目都冇辦法做出嚟，國家要行現代化？一定係嘥鳩氣。日本自從明治維新，佢哋嘅首要工作就係統一貨幣系統，日本帝國的強大崛起，呢個係重要因素。

唔明？

你可以想像吓現今香港，如果可以用港紙、人民幣甚至美元、或其他貨幣、或者貴金屬任意流通，你去7仔買包煙，可以用美金，又可以用貝殼、黃金、白銀、google pay或者用津巴布韋嘅貨幣找數，而政府又冇一個有權威性嘅兌換匯率制度，就算有，市民都唔願意百分百遵從，咁個社會會點呢？唔使講，一定會好亂。20世紀初期嘅中國，就係一個咁嘅局面，社會上流通嘅貨幣，有大量入口嘅西班牙銀鑄幣，亦即係我哋睇民初劇嘅「大洋」，每個割據政權，又會發行自己貨幣，又有自己一套匯率，咁，就真係七國咁亂。

1914年2月7號，北京政府頒佈《國幣施行條例》，明文規定，「國幣」嘅鑄造權及發行權歸中央政府所有，新貨幣採用銀本位制，基本單位係「圓」，1「圓」即純銀6錢4分8厘。「圓」以下嘅輔幣單位，有銀幣半圓、2角、1角；鎳幣5分、銅幣2分、1分、5厘、2厘、1厘。《國幣施行條例》規定，公款出入交易必須使用新幣，市面上流通嘅舊銀角、舊銅元、舊制錢、由政府以國幣收回改鑄。

袁世凱嘗試統一幣制，但當然並唔成功，因為由佢管轄嘅中央政府，勢力只係集中於北京外圍華北一帶，南北仲分裂緊，仲有好多游離政權嗡嗡吓。國家未完成統一，處於分裂狀態，一個分裂嘅國家？又點可以有統一嘅貨幣制度呢？政治經濟不可分割，呢個就係最佳例子。貨幣統一，意味住政治需要統一，中國真正統一貨幣嘅日子，其實係1949年中國共產黨統一天下、建立中華人民共和國之後。

行文之始，心亂如麻，天祐香港，天祐港人。

#常威 #斷送共和關袁世凱蛋牛治  #袁世凱 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

常公子 2019-10-12 11:16:16 【💣香港關 #中英聯合聲明 腿蛋治 第十二回 七十年代】

♒我嘅香港近代史，終於寫到70年代，即係麥理浩年代。最初我係想寫中英聯合聲明，但有些事情總是失控的，最後這個系列變成咗香港現代史，而且一寫不可收拾，中間我睇咗唔少書，睇到香港60年代至70年代嘅驚人發展，70年代的確係重要嘅十年，因為所謂香港同香港人，或者所謂香港嘅價值，正正就響70年代，即麥理浩年代被創造出嚟。

♏亦係由70年代開始，「香港人」先至大規模喺個世界上面出現，70
年代之前嘅英殖香港，只係過客嘅避風港，無論係來自歐洲嘅白人，抑或係嚟自中國大陸嘅難民，喺佢哋心中，香港只係一塊踏腳石，只係一處暫時遠離災難或工作揾錢嘅地方，佢哋對香港冇任何情感，亦都唔覺得自己係屬於呢度，呢度唔係佢哋嘅家，災難過去，或者合約完咗，佢哋就會離開香港，回歸故鄉。

♊好可惜，好多人都事與願違，最後佢哋冇辦法離開香港，逼於無奈之下，只有將呢笪地方變成自己嘅家，我係一個土生土長嘅香港人，生於斯、長於斯，我喺呢度成長過嚟，我最好嘅回憶都係香港發生，香港係我嘅家，無論變成點，我都唔想離開，事實上亦無可能離開（冇錢移民）。最近，有唔少朋友想離開呢度，因為佢哋已經對「一國兩制、港人治港、高度自治」完全喪失信心，佢哋都好恐懼中共不斷深化嘅極權統治，會有朝一日將所有香港人燒成灰燼（全部關進集中營勞改思想改造）。

♓對於朋友嘅選擇，我當然絕對支持，我亦好希望佢哋能夠搵到另一個安居樂業嘅地方，但係對於我自己，我仍然會選擇留低，因為我同我嘅家人亦都冇乜地方可以去，亦都冇乜地方想去。我嘅養父患咗嚴重嘅腦退化症，目前瞓響老人院，長期臥床、神志不清。我有時會諗，如果我離開咗，每日邊個去探佢？去同佢講一兩句說話呢？或者邊個會買濕紙巾、尿片、厠紙、加營素同凝固粉上老人院呢？突然有事，又有邊個陪佢上十字車去醫院呢？甚至佢一日要離開個世界，身後事邊個同佢搞呢？

♊我想表達嘅嘢係，每個人都有自己嘅命運，每個人都有自己嘅使命，同樣香港亦都有佢嘅命運，未來香港會變成點？我唔知道，但我真心愛香港，我會留低，同香港一齊行落去，水裡去就水裡去，火裡去就火裡去，就算係最後一段路都好，我總會陪伴在左右，因為呢個就係我嘅命運、我嘅使命。

🍣https://youtu.be/8LoDjYRxWlE

【常公子近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151