一語道破,打仗係打戰意嘅,尤其是大家軍備相同嘅時候,邊個有戰意咪邊個贏囉?#甲午戰爭 如是,日俄戰爭亦如是。遼東半島上嘅連場惡戰,亦將全球戰爭歷史同方法完全改寫,彈夾式來福槍同無烟火藥嘅應用,大大增加咗戰爭嘅恐怖性,尤其是 #馬克沁(Hiram S. Maxim)1884年設計嘅機關槍,更加成為第一次世界大戰嘅殺人之王,有人講呢種機關槍殺傷人員嘅總數,要比世界上其他兵器都要多。
我哋都係睇日本嘅動漫(特攝)長大,細細個睇日本動漫,成日有原爆磨菇雲畫面,東京day day死人冧樓,好多哥斯拉,又有細路仔揸機械人去保護地球。覺得好Q有趣,但其實通通都係日本人潛意識裡面嘅危機感同復仇心理作崇,人類集體意識好多時候反映咗喺響文學作品裡面,咁香港人呢?Sorry!It is nothing!
對馬海戰之後,日本完全控制遠東海權,但係經過一年多嘅慘酷大戰,其實日本同俄國雙方都筋疲力盡,錢亦都洗曬,兩個國家都冇能力再打落去,大家開始尋找下臺階。1905年8月10號響美國總統老羅斯福(Theodore Roosevelt Jr.1858-1919)斡旋底下,兩個國家開始坐低響英國談判,呢個就係「撲次茅夫」和談(Treaty of Portsmout),談判期間雙方拉鋸不下,一個月內進行咗17次正式談判,隔日就嗌交,但終於響9月5號簽定停戰協議,日俄戰爭到此完全終結。
1903年嘅12月,日本全國嘅財政儲備只有1200萬英鎊,於是日本打算發行戰爭國債1000萬英鎊用嚟打仗,英國作為第一號代理人,首先以年息六厘購買咗500萬英鎊債券,但距離目標仲有一半,但係呢個時候,一個猶太人出現,佢叫雅布各希夫(Jacob Henry Schiff,1847-1920),佢係一個響德國出生猶太裔嘅美國銀行家,由佢出手一力承擔,向散居全世界猶太人推銷日本戰爭債券,結果成功籌集到凈低嘅500萬英鎊。依筆錢差唔多係整場日俄戰爭總經費嘅一半,當時日本人唔明白猶太人點解會幫助佢哋打敗俄國?或者同我哋今日嘅想法一樣,好香港人都仲唔知道猶太人嘅威力究竟喺邊度?
要嘅係一個意識形態統合革命力量,孫文提出嘅意識形態就係「三民主義」(Three Principles of the People、Three People's Principles,又稱「孫學」Sunology)。三民主義嘅雛形係孫文流亡倫敦睇見大英帝國嘅繁榮同制度所創造,同盟會成立嘅同年1905年8月,佢哋出版大型政論機關刊物《民報》,孫文響《民報》創刋詞首次發表「民族」、「民權」、「民生」三個主義,主張同時進行民族革命、政治革命同社會革命,推翻清朝君主專制制度,建立中華民國。從此以後,同盟會完全同君主立憲割斷,對清帝國政府嘅內部政治改革完全加以拒絕,一條路,發動暴力革命,直至推翻滿清改朝換代。
【常威中史】慈禧平反系列(一百四十一回)
日本兵同俄國兵最大嘅分別係 #意識形態 上,日本士兵忠君愛國,願意自我犧牲,國內國外都視響戰場上付出生命係最大嘅美德。相反俄國人睬你都有臭狐。軍官克魯泡特金(Kuropatkin)就曾經咁樣講過:
「要在這個陸軍中維持紀律,幾乎是不可能的,這個國家的老百姓對於權威毫無尊敬之意,而實際上權威卻反而害怕他們的部下。」
一語道破,打仗係打戰意嘅,尤其是大家軍備相同嘅時候,邊個有戰意咪邊個贏囉?#甲午戰爭 如是,日俄戰爭亦如是。遼東半島上嘅連場惡戰,亦將全球戰爭歷史同方法完全改寫,彈夾式來福槍同無烟火藥嘅應用,大大增加咗戰爭嘅恐怖性,尤其是 #馬克沁(Hiram S. Maxim)1884年設計嘅機關槍,更加成為第一次世界大戰嘅殺人之王,有人講呢種機關槍殺傷人員嘅總數,要比世界上其他兵器都要多。
除咗機關槍仲有 #野戰炮,20世紀之前,炮兵部隊只係正規部隊嘅輔助,但係20世紀後,炮兵成為咗主要嘅兵種。速射野炮嘅誕生,可作長距離瞄準攻擊遠方敵人,響空軍投彈轟炸地面戰術未出現之前,野戰炮成為咗戰場上面嘅靈魂。(有關呢方面嘅資料,請各位網友幫我補充)
1905年3月尾,日本陸軍已經差唔多將俄軍掃蕩出了 #遼東半島,俄軍退入奉天瀋陽一帶,與日本成膠著狀態。事實上日本亦都冇力繼續進攻,因為戰力同國力已經差唔多完全枯竭,軍費亦差不多使曬。錢或者唔係最大問題,係國內再去冇平民(年青男人)能夠再帶入戰場去送死鳥。
鏡頭擺向海上,從1904年2月開始,日本海軍亦多次同俄國駐旅順太平洋第一艦隊發生多次衝突,日本海軍嘅戰略目的,係要將俄國艦隊完全封鎖響 #旅順軍港,穩佔朝鮮灣同黃海嘅制海權。其中發生過一場「#黃海海戰」。1904年6月23號,俄國艦隊曾經嘗試突破日本海軍封鎖線,試圖北上同海參崴艦隊會合,可惜突圍旅順港嘅俄艦毫無戰意,遭到 #日本聯合艦隊 截擊,最後失敗收場。
未講最後一戰「#對馬海戰」之前,有啲花邊新聞分享吓,當時打俄國佬嘅日本已經成為國際社會上嘅泱泱大國,要顧及國際形象(當時唔同宜家,冇人知道一個超級大國係可以唔要國際形象嘅,我唔係講中國同美國吖),對於戰俘同埋死者要有一定嘅尊重。日俄戰爭期間,日本通過《對戰死者埋葬規定》,日軍死亡後即時火葬(骨灰最後會送到 #靖國神社 供奉),而俄軍則需要土葬,規定甚至要求死者嘅骸骨要送到所屬師團或者當地政府手上。
當然講就咁講,好多時候日軍都係將俄軍嘅頭髮,或者一小部份遺骸用報紙布條煙盒裝住小小送返比對方(狗牌未發明當時),另外俄軍上十萬名戰俘亦都冇受到乜嘢太大嘅迫害,戰爭後好多人都可以返番俄國屋企過年。打仗還打仗,國家與國家之間嘅 #民族感情 係唔可以傷害嘅。
你老母臭化鴨,寫到呢度火都嚟,俄國佬你就咁尊重,之後嘅 #侵華戰爭,日本人就冇咁樣種尊重過中國士兵,唔通我哋中國人真係命賤啲,係cheap啲?
1905年4月,千呼萬喚始出來、天下無敵嘅 #波羅的海艦隊,帶住龐大嘅戰略物資開始駛入遠東,日本聯合艦隊響對馬海峽等緊佢。下一次,我會講講日本聯合艦隊嘅發展步伐,最後會話畀大家知,英國人真係聰明!英國人?Yes!係 #英國人!
1905年,中國(現代人概念下)亦都有另一件大事發生,上半年 #奪命書生 孫文遊走全世界,響布魯塞爾、巴黎、柏林不斷從事各地留學生革命團體組織工作,當然仲有籌款工作,7月30號,於東京赤阪區 #黑龍會 內田良平屋企,正式會晤我哋真正嘅國父 #黃興 先生,並且同黃興統合各個革命組織為一個統一社團,呢個團體就係「#中國同盟會」!
嚟到呢度,一個真正能夠威脅大清帝國嘅革命組織終於誕生。
#常威 #大清亡國關慈禧蛋牛治 #慈禧太后 #晚清歷史 #日俄戰爭
https://play.google.com/store/books/details?id=_6KMDwAAQBAJ
https://play.google.com/store/books/details?id=C3hjDwAAQBAJ
https://www.382now.com/product?id=87