肛暴輪太狼 2019-3-9 00:54:30 完全理解秋月巴打嬲咩
老老實實，全香港除左魔鬼，仲有邊個賣鍵盤賣到有朵
咁新手入去想問下問題，無啦啦俾人噴到一面屁，俾我都會慶過火屎

:^(

唔明有咩問題

搭單問下，最近小弟想踏足diy但咩都唔識

:^(

暫時睇中dz60，中意hot-swappable
想問下65%除左呢隻同tada68仲有無咩推薦

:^(

應該買dz60定tada68再自己加socket?
同埋仲有無咩要注意

:^(

唔該大佬們

車銀優寶寶 2019-3-9 01:30:54 開頭打速成同用excel我覺得唔順手，因為page up/down, home/end 個nav cluster離home row太遠，不過如果可以set custom layout就無乜問題

秋月無邊 2019-3-9 02:10:58 1、我無講我100%信曬，有我仲會自己搵資料？我針酙緊既係呢度吹奏、神化既商人係咁既人，我真係唔撚明，呢點有幾難明？講緊個人品呀，職業道德呀。

2、唔係幾個人講佢賣乜賣物既問題，我已經講過，係呢個連登post一直都有種風氣鼓吹緊呢個商人，吹奏到形成一種風氣令人一諗到機鍵就諗到佢。我是但問一個身邊mech key既人，去邊度買機鍵好，個個都答我魔鬼；請問一個初哥爬完文，對自組有疑問，但羽翼未齊想去同有經驗既人請教有咩問題？？？好喇，請教完發覺你根本fake9人既，fake得我1個，咁其他初哥呢？我係如實將個情況同大家分享，俾大家有個picture，你地就一副道德高地d聖人mode咁個個事後孔明：「我地無講過佢係賣DIY kit喎」，咁你地又有無話佢無賣呀

我咁大反應，係因為我真係唔覺得佢係一個值得尊重、推廣、捍衛既商人，而你地就處處包庇。你地俾我個感覺係你地知麥記用地溝油，so what？得佢賣快餐又有shake shake薯條，理撚得佢用咩坑渠屎，去食就食啦柒頭。

車銀優寶寶 2019-3-9 02:24:13 兩個唔同size嚟喎，DZ60係60%，tada68先係65%

Kbdfans有賣hotswap版嘅dz60同GK64，65%有KBD67，可以加錢叫佢幫你裝hotswap

I.T汪汪 2019-3-9 02:40:57 咩model 好j 想買

:^(

秋月無邊 2019-3-9 02:46:17 Percent Studio Canoe

煮返個營多 2019-3-9 10:29:22 Filco青軸有冇透光rgb嘅？

羅莽是個大笨蛋 2019-3-9 12:53:55 此回覆已被刪除

IU世界第一 2019-3-9 15:03:26 想問點解第一頁話 青軸一定係Filco
Filco個青軸有咩唔同

Pepe 2019-3-9 15:12:10 Leopold有靜音墊，啲聲會好唔同

Pepe 2019-3-9 15:12:26 無

目空 2019-3-9 17:04:13 Why not both

:^(

其實我覺得睇你對DIY有幾大興趣
我就覺得焊嘢好打耳所以乜都自己黎
不過我遲啲都會買多塊PCB自己焊啲socket當tester咁玩下

:^(

BTW據我所知tada68要自己加燈

目空 2019-3-9 17:07:30 算啦，咁大反應jm9

:^(

:^(

咪撚煩啦 2019-3-9 17:33:18 此回覆已被刪除

IU世界第一 2019-3-9 18:07:05
想問支野有咩用

嬲嘅羊駝叫草泥馬 2019-3-9 18:25:25 此回覆已被刪除

嬲嘅羊駝叫草泥馬 2019-3-9 18:29:51 此回覆已被刪除

目空 2019-3-9 20:03:12 我知，我會買塊support到kailh hot swap socket嘅

嬲嘅羊駝叫草泥馬 2019-3-9 23:15:59 此回覆已被刪除

Billy 2019-3-10 01:33:28 首先，本座係冇lihkg a/c. 所以係度表達翻呢個post (diy 鍵盤)事件，因為好多人已經買左花生，睇事件發展。

首先，樓主覺得本座hea 答9佢or fake9佢 etc，本座係呢度要講一聲sorry，因為本座租地方做生意係要交租，一定要賣出產品先有利潤，其後先可以生存，之後，做生意一定首要係賣一d多人想要產品，而本座一直都係找一d 品質好產品去賣，所以一直都係比其他店舖價錢貴，所以呢d 就係叫做生意，

以本座所有記憶之中，係冇呢件事件對話，所以係好大機會真係咁”fake”左佢，但係以本座性格，咁樣答樓主，應該樓主都問得幾”寸”下，當然，係個post度係冇事件正式對話資料，所以本座常規性去理解，當一個成年人去問一d問題，而對方吾想去答你時，就會有禮貌去答你一d無關痛癢答案，等你知道人地係吾想去答你個問題，又吾會得罪你而可以停止呢段對話，以上係本座一般回答一d 好煩問題方式，

再講一下，點解會咁答，因為如果我講xx品牌好，而對方又買左翻屋企，發覺完來好差，個問題一定係本座身上，所以本座一定講”吾清楚，冇賣呢d” 為一個最好答案，相反，如果本座講呢個xx品牌無得頂，但相對客人買左又發覺不外如事，呢個一樣係本座問題，以上，就係本座對呢個post睇法，以上，好聽說話及解釋已交代。

好啦，講左咁耐入正提，本魔鬼係香港市場賣鍵盤有9年，本座再講一次，本座係”賣鍵盤”冇賣電腦，吾係你地講乜乜KOL/網紅，本座已經好多年冇再主動係香港所有討論區發言，只因為本座係一家賣鍵盤鋪頭，吾方便係公開場合代表鋪頭發言，癈事俾D大哥話你買廣告，然之後，本魔鬼個性格一直都係不可一世及好x寸，睇心情翻工仲要中意點就點，因為個鋪頭係我自己，吾開工係屋企打機都仲得，以上就係本座一向做人方式，改吾到仲吾會變，吾會因為你係客人就做狗咁sell你賣貴產品，本座覺得吾中意立即西面都吾係一次，係長期都係，現在只係癈事彩你望住個mon，就係話你知，本座連答都吾想答，

同場加碼，都吾知發生乜事，成個post就係人身攻擊，樓主點解吾諗諗開間diy鍵盤鋪頭係香港，集中做呢個市場，教人diy鍵盤，你就真正做到鍵盤一哥，本座就可以正式收皮跟樓主學整鍵盤，指教一下細佬乜先係叫”鍵盤”，

過去討論區有幾多人努力去推廣機械鍵盤，私人/公開/diy教學 乜都做，到頭來一隻平價大陸鍵盤係市場出現，所有人都去賣/買大陸貨，講cp，當時有付出努力各位，現在有乜想法？所有人只係食花生，睇你做得幾耐，係網上話你乜乜物物，又到底有邊個，邊間公司有實際推動工作？勞神傷財 ，吃力不討好，本座希望，樓主可以用新一代方式去推動/帶領另外一個鍵盤熱潮，做到可以全球無人不識，係香港市場真真正正係鍵盤界上成為”神”，本魔鬼誠心地希望有呢一日會出現。

https://www.facebook.com/permalink.php?story_fbid=2152730391443578&id=124921990891105

玉井詩織 2019-3-10 02:42:31 你比左學費咩?
又冇人逼你食M記，你唔走去M記問下西餐點煮
比人撚完狗都唔知醒

麥包比 2019-3-10 03:23:52 而家用緊個filco都係佢果到買
果陣仲問佢好撚多野
解答得好清楚
未買果陣仲叫我自己諗清楚先好買
同埋魔鬼sir好吹得
吹到買撚完想走都走唔到
仲要同佢吹多半個鐘先放我走

而家唔買野係到屌9人

:^(

冬語 2019-3-10 03:28:44 由facebook 入黎呢到食花生
想睇上面屌鬼巴打有咩回應

:^(

秋月無邊 2019-3-10 03:29:13 呢個將會係我最後一次回應呢件事

多謝你回應呢件事同道歉

首先想講，我絕對無無禮地問問題。試問一個人乜都唔識，點會仲會囂橫拔扈咁問問題，閣下能夠有咁樣既推論，我只能夠話可能你判斷一個人語氣個敏感度比普羅大眾要高好多、敏感好多。如果我有禮地問既問題對你造成不安，我為此感到抱歉。當然，唔排除真係有人個格咁衰。不過大家大可以從我第一次響呢度出現既貼去睇，我問問題係咪咁撚衰格。

其次，閣下認為hea答、9答 = 誤導，呢點令人感到驚訝；hea、鳩答係可以不著邊際、唔正面回應問題，但誤導係俾錯既答案。閣下大可以謝絕我既問話，大家無hard feelings，不過閣下竟然認為誤導新手係種有禮貌既表現，小弟實在甘拜下風，只能夠話我見識唔夠廣，唔知世面個運作係咁樣。另外又指閣下生意既哲學，使得不得不推銷產品；呢點我係認同既，我亦都感激香港有個地方可以買到品質比較好既機鍵。不過如果呢個係誤導新手既站腳點，我只能夠遺憾講句：誠如岩先提及，閣下大可以謝絕我既疑問，而唔需要誤導人。

關於人身攻擊，我只係從客觀事件上推論閣下個職業道德令人乍舌，如果閣下無誤導人，我直頭係誹謗緊你添。當然呢樣野已經無從考究，你我各執一辭，你可以聖人上身話自己無，我亦可以堅信自己深刻既記憶。只不過想講一句，大家萍水相逢，我唔係商家亦唔係你邊個，我無必要無緣無故抵毀閣下人格，我只係陳述我作為消費者，去閣下商店請教問題既時候，得到乜野回應，再同大家分享咁解。

閣下提議開個DIY店做鍵盤之神，首先想多謝你既建議。誠如我一直重申，我只係個初哥，入坑不夠半年，何德何能去授人以魚，遑論開鋪。小弟自當努力學習，希望可以多同各路同友交換心得。

最後想同各為魔鬼子女、fans表達下我感想

有人話：咁大反應做乜？
好簡單，做一個商人，你誤導人。無論品德、職業道德上都係講唔過去。我作為消費者，純粹覺得呢種態度不可取，呢個世界上唔可能得我一個新手，只會越黎越多。我分享一下去警惕大家咁解。當然，可能你地接受程度比較高，覺得「去街市問賣雞既阿姐隻雞點養，佢答你用襁水餵食即可」係無問題，咁我只能夠五體投地，我輸俾呢度盲目既羊群效應同神一樣既批判思維。

有人話：點解你唔做research先呢？人地都無話自己賣呢樣賣果樣
呢個問題真係好精彩。事實上我就係做過好多research，包括問下身邊人機鍵去邊買、去呢個post睇下唔同人提及邊個商家或者買乜買物之類、又或者上google搵資料等等。關於佢有無賣某某產品，我去問，唔正正就係research緊咩？關於佢識唔識乜乜乜，我唔正正就係research緊咩？當然魔鬼絕對有權利拒絕回應，不過佢無咁樣選擇，佢選擇佢覺得有禮貌既方式：亦即佢口中既9答 / hea答 / fake 9。其實我到依家都唔明支持呢點既人，個邏輯其實係點運行？

有人話：得啦，你咁都信，你不如淨係睇google啦
其實你問呢條問題做乜？我信我就唔會話佢誤導啦。好多人真係俾我個感覺係終極盲粉 / 酷愛斷章取義。我真係想知一個會誤導人既商家，點解會有咁多人捍衛佢。

有人話：根本無人話過佢係機鍵一哥，你自己覺得之嘛
重申一下，我係覺得成個風氣形成一個錯覺，令人一講機鍵就聯想到魔鬼。唔需要講我，淨係是但稍為有留意下機鍵、睇呢個post既人都會講佢。咁當初作為一個新手，覺得佢可能有我想知既答案，繼而去請教人，呢個邏輯有乜問題？係咪以後我想請教一個人問題之前，我需要寫回條問過大家意見，邊個係問得既邊個唔問得先？定係需要去拜訪各路高手，逐個問完，確定邊個係一哥先有資格去問問題？

問：實情佢點誤導？
我quote返我之前個post：

問佢有無stab、grease賣
佢大約話：邊洗呀？呢d咁曬時間既野，落完咪又係一樣感覺？傻仔先會做。
咁問佢點解啦，DIY唔係要用stab架咩？
佢話：有就有，無就無架啦
我真係聽到

:^(

落左lube無分別咩？
佢話：一樣架，曬時間做乜？
問佢kailh、gateron軸既野
佢就話：無賣喎！咪又係咁上下，你鍾意咪去禁下囉，同我呢d差唔多之嘛
問佢retooled cherry有咩分別
佢話：一樣之嘛！
其他d廢話我都唔點記得，聽到呢到已經覺得好流，但苦於我果陣真係成張白紙，我又駁唔到佢；事後自己上網係咁刨文，買野返黎研究，試完之後就覺得呢條友真係好流，尤其軸上油同唔上油根本係唔同層次既感受；其他例如retooled同pretooled點會一樣，一樣就唔會分啦；gateron軸都夠膽話同cherry差唔多，個樣就差唔多樣既

:^(

Pepe 2019-3-10 03:55:25

:^(

最少魔鬼做生意係有原則,貨品出門個刻客人係知自己買咗咩,唔會水個客
同埋佢市場定向係算明顯,係想做Gaming以外ge鍵盤市場
佢都話過出走深水埗係有利向呢方面發展,多咗上班一族去幫襯
我諗之所以個template一直推介啲人去佢度買都係因為咁

都係嗰句,佢係做買賣生意,唔係做DIY

問佢本行唔同ge嘢,真係可能得出唔啱ge答案

就正如你唔會走去肉檔買菜一樣
又或者問一個心理學家量子物理學咁

我明你燥咩嘢,覺佢唔專業
但首先佢同你係無commitment 去俾有關DIY嘅advice你
第二,佢專業係品牌鍵盤ge產品認知,唔係DIY,佢有做過DIY,但佢都有話過年紀大,連維修都有D辛苦
第三,佢講嘅嘢有無實質坑你,例如造成可以具體表達和量化的損失,如果除咗佢講嘢鳩hea你ge時間之外無嘅話,其實好小事,唔使擺上面

:^(

第四,我覺佢唔太接受Kalih,Gateron啲新嘢

如果你咁鍾意DIY鍵盤,睇你講DIY鍵盤咁多嘢講,不妨係呢度多啲做分享

:^(