支持婚前性行為唔代表濫

強生丹毛 2018-11-5 19:40:21 比你扑到厭你重想同佢結婚？緊係再揾第二個扑喇

東亞龍捲尻槍手 2018-11-5 19:47:56 此回覆已被刪除

南風喃 2018-11-5 19:53:41 如果雙方都唔介意o既佢地繼續行落去有咩問題?
而唔係你地一直係地導尻人:喂你同男/女朋友性生活唔夾你第時結左婚呢感情會減退o架
你咁樣同連登果d話d女係雞係公廁有咩分別?
邊個係到假定都未知

乳不巨何聚人心 2018-11-5 19:54:18 同意，見你舌戰群雄就知
其實唔講唔代表呢樣野唔存在
只係睇你用乜野心態去睇件事

:^(

BTW，香港大多數根本都未有正確性觀念
呢樣野好難糾正同傳承開去
奇怪嘅係香港地咁多年都無人會去推動呢件事
以為拍幾套性本善介紹下D器官就算
所謂國際大城市，唔止性呢個問題，好多野隨時保守過落後國家

:^(

反智到不得了

番工神射手 2018-11-5 19:54:46 你咪以己度人啦。
邊個話一定會扑得厭？你日日都要呼吸，你厭未？斷氣未？

如果你講扑係會厭，咁結咗婚都會扑得厭啦。
所以根本同婚前婚後無關。

有時睇住你地d推論，真係幾好笑。
你地係咁話支持婚前性行為嘅人睇到性好大，
但其實你地先將「性」呢樣野睇到天咁大，講到女人婚前試過就世界末日咁。

婚前同婚後性行為箇中分別，根本就講唔出：
1. 你地話婚前性行為就算夾，要偷食嘅總會偷食。咁點解會偷食嘅人婚後先扑就唔會偷食？由此可見婚前同婚後喺呢點上無分別。

2. 你地話婚前扑過，例必十幾手飯。首先，你心中預想d人係扑完先拍拖，就咪以己度人，的確係可以拍咗拖穩定後先試；其次，呼應番第一點，結咗婚唔通就自動塊閪生貞操帶，老婆/老公唔可以外出開十幾餐？由此可見，都係人嘅因素，同婚前婚後無關。

唯一擺得上檯嘅原因，咪就係1.）將老婆當係衫褲鞋襪等貨物，滿足自己一手情意結，真愛？咪演繹到同黃狗射尿霸地盤一樣；2.）扑完分手無掟煲費，結完婚離婚有贍養費（真係難怪張愛玲會話：「婚姻係長期的賣淫」）

文青boy 2018-11-5 19:55:11 點解支持婚後性行為係虛偽呢？

番工神射手 2018-11-5 19:58:02 導條撚？
我由第一個reply已話「如果兩個真係『知行合一』守貞低性慾，我雖不理解但尊重。」

你話導鳩人嘅話，點都唔夠件偽君子婚前性行為完，走嚟導鳩大家婚前唔駛試、唔駛夾、用口溝通就得、真愛無敵包容一切咁虛偽、咁離譜！

番工神射手 2018-11-5 19:59:38 知行合一者，唔虛偽，我尊重。

但對d婚前扑完走嚟話「婚前唔駛性行為，婚後出事包容到」嘅「高主教」，就真係虛偽啦。

痱滋工程師 2018-11-5 19:59:47 有親戚真係結左婚先發現大家果方面夾唔到拖拖下離埋婚

:^(

乒乓小旋風 2018-11-5 20:00:17 扑野姐，過人世咩？
拍拖絕對唔係為左扑野
但扑野絕對可以令關係昇華
不過我都認為雙方需要了解大家多啲之後先去做呢件事
如果兩個人既關係已經穩定左親熱既時候自然想要更多
咁又何必禁住呢？都係享受過程既

StevenRogers 2018-11-5 20:03:11 講到尾都係龍門任你搬，自己支持既就可以話係傳統同道德，唔支持既就可以話唔應該俾呢啲野束縛

handtired傲嬌 2018-11-5 20:03:58 首先我重申無叫你地一屌完唔夾就分手然後周圍濫交

:^(

我講既婚前性行為係有感情基礎為前設可能都穩定交往覺得雙方都認真咪扑囉

的確每人係一段愛情中追求既嘢唔同
有人覺得「性格好生活上合得來」就夠性方面無所謂
有人覺得要「性格好生活上合得來床上都要夾」咁既話就同「性格不合」一樣「性事不合」係應該分手

同我嗌交個啲多數係前者
但後者個類人就會明我講緊咩

大家對愛既需求唔同我無逼你到同我一樣
但我俾緊一個alternative thinking你地有人睇重性生活覺得婚姻需要一個合拍既床伴咪去追求囉
覺得性只係一個可以壓抑既慾望既人咪stick with你認為適合既人囉

根本就無嘢好嘈只係啲人誤解我講既嘢再曲解我姐

:^(

強生丹毛 2018-11-5 20:04:43 係你話扑完先發覺夾唔到所以飛左人咁條女以後點揾第二個扑？

口水堅 2018-11-5 20:07:30 高汁

先簡單解說一下，親密是心靈層面的滿足，激情才是性愛層面。

先從樓主既試性達愛論述，進路係當有一個可以發展的伴侶時，先是滿足激情既欲望和心靈親密，最後才發展終身的承諾，以達至圓滿之愛。

不過現代社會周街都player，做完都沒有承諾的話，很多人都會因為愛不得圓滿而感到受傷害（女性較多），從而愛情關係亦會破裂。不少女性均因為希望得到真愛（圓滿之愛），將性奉獻給對方，希望得到承諾和心靈的親密，但最後都失望而回，身心靈均受到創傷，重新站起來便倡導女性拒絕婚前性交。（個人朋友或不認識的也有）

所謂婚後派，其實或多或少承繼西方傳統（其實即係基督宗教教導）指，圓滿之愛是需要建基於承諾，（現代婚姻亦是承諾的宣告），而沒有承諾的性，難以達到真愛層面。

當然圓滿之愛必須要有性滿足，故此承諾的重要在於雙方都同意並承諾真愛須要圓滿，故此在性行為方面都要互相照顧和改進，而並不強求及拒絕。而這裡要強調，自我滿足（或冷淡）而不遷就對方的性需要水平，均屬自私且輕看承諾的舉動。

誰明白我 2018-11-5 20:09:39 關婚前性行為咩事

:^(

起老蘭識完陌生人冇耐就同人one night stand果d免費雞先叫濫

番工神射手 2018-11-5 20:13:09 拍咗幾年拖，發覺真係夾唔到，行唔到落去，分手又點？

如果你條女係A1之前拍咗幾年拖，分咗手，你因為佢同ex扑過就覺得佢濫，咁我建議你諗真係係愛塊膜定愛個人。
定係你覺得幾年只係喺一間餐廳食飯，就已經係食遍大江南北嘅食家？
（一段有扑嘅關係，我當維持三年——一年鍾意一個、有一段關係，就算唔扑都濫啦——20歲開始拍拖，到三十歲女都只係拍過三次，咁叫濫嘅話，父母之命指腹為婚會最啱你）

如果分手係咁罪大惡極，咁離婚更加要凌遲啦。
即係你覺得結咗婚後，性生活不協調，變成同屋住咁就最幸福？
Ok，或者你認為係，我不論斷；
但你亦無資格話喺婚姻追求美滿性生活嘅人係錯。

卡巴拉島 2018-11-5 20:14:08 支持 = 喂大家要有婚前性行為呀
唔反對 = 哦你想婚前性行為呀咁你做啦

換個topic 做同性戀你就明問題出係邊
支持婚前性行為嘅人/同性戀者 =/= 支持婚前性行為/同性戀

強生丹毛 2018-11-5 20:15:56 所以你扑完人話唔夾屌得唔舒服米可以分手啦

番工神射手 2018-11-5 20:17:19 支持同性婚姻唔通就等如叫班異性戀拗攣自己去同同性結婚？

咩logic?

handtired傲嬌 2018-11-5 20:23:37 我諗主要都係因為推動呢種諗法既人都係極端女權主義者如中大EMAIL

:^(

咁佢走得太前講嘢又唔夠中立所以引起受傳統教育出身既人指罵同反感
無人想做丑人, 明知講出嚟俾人人身攻擊俾人屌, 邊個仲敢提
到今時今日中小學都無性教育呢科估計未來十幾年都會維持現況

:^(

三歲定八十 2018-11-5 20:24:06 totally agree

:^(

朝霞 2018-11-5 20:25:46 大家咁話喇
支持你就醒唔支持你就地底泥

:^(

卡巴拉島 2018-11-5 20:31:39 你咁講不如你又解釋下支持同唔反對嘅分別丫

:^(

灰白 2018-11-5 20:34:30 支持中立反對
唔反對可以係中立可以係支持

中立即係冇所謂
支持即係必須有
反對即係必須冇

番工神射手 2018-11-5 20:37:58 唔反對=要我出嚟撐同性戀者就難了，我唔出嚟踩多腳當幫咗你啦。態度係偏向避而不談。

支持=你係同性戀，我支持你面對自己性取向，支持你獲得應有嘅平等權利。態度偏向表明立場。