東方紅 2019-4-9 17:56:12 講起最近辭左職 執埋手尾 應該有返小小時間 但最近學緊車 各位有冇咩秘訣 成日轉波時隻右手小兒麻痹咁 郁郁下

馬路如苦口 2019-4-9 17:58:15 轉考自動波

神風 2019-4-9 19:48:48 樓主都有少少錯 後二其實唔係同setter 差唔多 係現代排球 後二即係接應 多數都係球隊既頭號攻擊手 多數重炮先會打後二

叉撚住 2019-4-9 21:05:03 借朋友既車黎揸 熟能生巧

:^(

:^(

東方紅 2019-4-10 10:22:44 不了啦 想挑戰下嘛

東方紅 2019-4-10 10:23:13 冇果隻車既車牌呀清 我都想 同埋冇咩人有

東方紅 2019-4-10 10:26:38 講句唔好意思先 其實我冇打之後都好小留意喇 以我認知都仲停留左係幾年前 加上學校波 通常都係以大中槌做攻擊核心 所以我咁寫 有錯真係sorry

:^(

因為當年我打都係後二 遇到情況就係咁

東方紅 2019-4-11 22:03:51 52.季軍戰

同Eva傾完成晚，咁我都係係床度諗緊成件事，老實講我真係唔係好信係我好姊妹出賣我，但另一方面又覺得係女既圈子入面，真係冇咩係冇可能。

係依個假，我都係係度hea左佢就算，一黎我都冇咩心情周圍去，二黎都冇一個我想既人陪我周圍去。其實我係依個時候係度諗，做女……真係咁好咩？的確，係有男既圈子入面，做唔錯既女都已經係好好既事，靚女就唔洗諗添。曾經係男既我，都好老實講，見到都叫唔錯既女都會可能想做下狗公狗衝下，得就搵到個伴，唔得咪做個朋友咁，靚女更加係成日都係望，仲會想撩下佢啦係唔係先？就係有依樣好，不過撩佢，咪又係因為佢係靚女，想入下佢個系姐。講就咁講，但係男既時候，一齊有講有笑，即使唔太friend都會有野講下咁，但做左女，的確其他女都係會同你講野，但就係會feel到佢地其實係唔會想同你交心，只係應酬式咁，心計Ｄ講就係儲friend，之後有男為識我，就撩佢，Ｄ男毛知冇機，佢地可以趁機發功，不過講到尾，都係我做左女之後既諗法。

到星期一返學，我返到去，大家都係面左左咁，無論同同學，或者Ada......其實我同Ada搞成咁，我唔可以怪曬其他人，自己都係有Ｄ唔岩，我真係覺得，好可惜，而且有Ｄ心痛，個感覺真係好複雜

咁今日都係過得好平凡，都係上下堂，小息自己過，到食飯時去同Michael去食，到放學都有去練波，因為黎緊星期六就學界季軍賽，所以我都想練多Ｄ波，當為自己最後一年打到學界拎返塊甲組季軍既牌又好，為自己學校隊波又好，都想係離開依間學校前，為校拎牌。

到放左學，我就決定唔去更衣室拎換衫，因為我都費事同佢地同一個地方換衫，雖然明知就算換衫唔對住佢地，但一陣到打波時都係要對住佢地，但就係希望可以對小一秒得一秒，可能令個尷尬氣氛既時間降低…..

我就係殘廁度換完衫，跟住就行左落去，去到之後大家都係用返一種厭惡既眼神望住我，都係只有Eva同我一齊猜下波咁，基本上今日練波都係咁，到開game對打時，我都係被Miss分返去主力果team度打，但老實講成場都係食曬屎咁，一黎我冇咩心情打，二黎因為同佢地好似唔係好夾到咁，所以今日既練波唔知練咩咁。

到完左練習之後，我都係一個人咁返去就算，慢慢咁係條路度行，我就一直係度諗點解要比全級杯我。

返到去之後，我都係係房入面困住左自己，都冇話出過房，係到食飯既時候先出黎食，呀媽都有問我係唔係有咩事，我都只係同佢講話依排教既野都好難，要放多Ｄ時間落去咁。

跟住落黎果幾日放學既練波，都係同星期一咁，都係唔係好夾到大家，唔係唔肯set個波比我，就係尷尬位失分，完完全全發揮唔到我地team應有既水準，基本上只係靠佢地五個人既力量去應付咁……

去到星期六果一日，因為其餘賽事都完曬，得返冠軍戰同季軍戰，而冠軍戰通常都係壓軸，所以季軍戰往往都會打先。

咁我就當然早小小黎到，一黎可以調整下心情，二黎就係因為同佢地反左面，所以依加都係得自己一個人，所以中意去邊，幾時去邊，都係自己一個，唔洗搵其他人陪。所以我就決定早小小出門口，黎到坐陣，希望可以將自己既心情調整好就等開波，同埋見時間差唔多我就去換定衫等下。

換完衫過左一陣，自己就係一邊拉拉筋等下佢地黎到，拉左無耐，佢地都紛紛黎到，咁我見到佢地到都冇理，繼續拉拉，拉到差唔多，佢地都開始拉筋準備，咁我就行過去放好個人物品之後，再郁下個身等佢唔好凍左落黎。

佢地拉完筋，Miss都到左，之後望望我地，叫我地放開Ｄ打就可以，同埋亦都講話，叫我地唔好放私人恩怨係場上，拎季軍拎殿軍都係同佢無關，話我地小甲係最後一年打，話我地學制由CE/AL改左做DSE，原來７年中學生涯改左做６年，而公開試既果一年，學校係禁止學生參與任何課外活動，所以中五會係新學制底下既最後一年可以參加學界。

講完之後，叫我地放低對大家既成見，開開心心打埋中學生涯最後一場波，咁我地都「嗯」一聲和應完，就聽Miss講下今場想我地點打，然後Antonia行出去等擲公字，我地就預備猜波開波，最後我地係先發隊，咁我地就快快手開始猜波，開波同殺波。今日都好似好Ｄ，因為都會Set一D比較好既波比我殺。

「咇～～～～～～～～～～」哨子聲一響

然後我地就行出去，都係以正選既首發陣容出場。對手係區內既中游球隊，以我印象中都係一Ｄ平平均均既球隊，但不過上到黎爭得冠亞季，我諗都唔會差得去邊，我都提住自己用警惕Ｄ既心去面對。

咇！

Antonia首先開波，個波都不偏不倚落係對方既１號位，但對方都係好似有備而戰咁，接得好好咁傳比Setter，然後set起………

呯！

一下殺左落黎，個流暢程度係非常好，我地六個人都呆左望住個波，睇黎依場季軍戰唔係我諗得咁易打，應該會係一場硬仗。

我地望向岩岩殺波果一個中槌，佢望住我地，然後嘴角上揚，掛住一個高傲既笑容，再報以一個恥笑，好似講緊我地會敗係佢手上咁，似乎佢係前排既時候，殺波唔會係咁易。

暴風女神ABC 2019-4-11 22:42:01 此回覆已被刪除

有鳩未怕遲 2019-4-12 00:33:09 應該都係輸

:^(

:^(

閃電撻生魚 2019-4-12 17:07:48 支持樓主
啱啱睇到串訓導果part, 好似變左另一個人咁, 好怪

東方紅 2019-4-14 00:44:59 下篇會講埋 跟住入返大直路

東方紅 2019-4-14 00:46:38 係？哈哈 其實因為想講話佢內裏都仲有男既性格 始終一個男一個女 好難完全一樣 但我都係寫得唔好既 唔好意思 希望你會睇到尾

閃電撻生魚 2019-4-15 15:59:21 我就係一口氣睇晒, 而家 LIVE 左好失落, 希望樓主快啲出文

講返個劇情先,
我覺得成個故事寫得最好係主角第一次用扣球果段, 寫動作, 同對手嘅反應都寫得好立體, 值得一讚!

:^(

而串訓導呢part嘅水準就開始跌左好多, 跌既原因主要都係人物心理描述方面.
主角本身係一個毒L, 平時聲都唔多出又無乜朋友, 到做左女仔開始改變, 多左同人接觸, 變得越黎越女性化同怕怕羞羞. 突然間大爆發真係好難令人投入到.
而俾人屈導至包括排球隊員都玩針對呢點更加無乜可能. 一星期起碼訓練兩日, 持續左一段長時間. 主角失戀又主動同佢散心嘅隊友無可能只聽到小小流言就信到十足.

:^(

另外又講返轉頭, 好姊妹聽到主角本身係男仔時, 呢啲咁天方夜譚既事未免接受得太快啦? 連小小反感都無?! (相反, 男仔知道身邊嘅女性朋友呢個秘密都毫不猶疑地相信, 似乎合理好多) 呢方面可以參考一下 JOJO第四部, 個細路覺得佢老豆掉換左時既心理變化.

除左以上bug之外, 個故真係好好睇, 希望樓主可以一星期出多幾篇

:^(

東方紅 2019-4-18 21:39:24 會盡快寫埋佢 放心 會盡量寫埋佢 可能真係我未plan好就落筆寫 所以有好多bug位 真心唔好意思 但希望你都會睇埋個尾 睇下會點完到

織田仔 2019-4-26 08:10:10 Push~~樓主係邊？

東方紅 2019-4-26 13:51:12 黎緊星期六/日晚出 因為岩岩先考完試 sorry 要大家等

馬路如苦口 2019-5-5 15:54:40

:^(

:^(

東方紅 2019-5-7 19:28:25 下星期先有文 新工完全0時間做 又話政府工hea 日日返到去 散曬...

有鳩未怕遲 2019-5-11 01:37:30

:^(

:^(

壽桃牌冬蔭功麵 2019-5-11 02:39:01 完咗sem都冇文

:^(

:^(

六十路愛人 2019-5-14 01:43:36

:^(

:^(

:^(

:^(

:^(

有鳩未怕遲 2019-5-16 11:20:03

:^(

:^(

:^(

fastwalker 2019-5-27 07:12:44 推

馬路如苦口 2019-5-27 15:37:40 爛

:^(