濕疹、類固醇反彈/上癮、紅皮症、戒斷類固醇/免疫抑制劑（二）

通菜街比干 2018-12-11 02:46:36 protopic
燕麥浴
舒特膚

MrEczema 2018-12-12 21:06:11 服唔服用抗生素應該諮詢醫生嘅意見。我一開始反彈嘅時候都有出水嘅，但通常都係我抓完之後出。不過呢度有巴打類固醇反彈嘅時候都會大量出水。我嗰時候係用生理鹽水去清洗跟住用紗布抹乾再查藥膏。

MrEczema 2018-12-12 21:09:00 巴打我冇遇過你咁嘅情況，真係答你唔到。不如你喺度講多啲病歷，例如幾時開始有上述嘅情況，維持咗幾耐，服用過乜嘢藥物，自細有冇哮喘鼻敏感等敏感體質。詳細啲咁解釋，等其他巴絲打去解答你嘅情況。

MrEczema 2018-12-12 21:13:05 我都唔清楚對死海鹽敏感嘅人會係點。我嗰陣時戒斷類固醇全身好多傷口，所以一用死海鹽刺激佢就會紅腫。不過我用完傷口康復得快好多。
如果你唔係咁多傷口，純係紅腫出水的話，用完死海鹽又唔係特別舒服，太刺激的話不如唔好用。

其實你嘅病歷係點，隻手點樣起，用嗰啲咩藥，用咗幾耐，自細身體係咪敏感體質。等呢度嘅同路人可以俾多啲我哋嘅意見你。

MrEczema 2018-12-12 21:17:16 我睇佢個成份表同問過一啲註冊中醫，佢哋話寶庫零就冇類固醇嘅。入邊嘅樟腦成份可以止痕。不過始終都係藥物唔好用太多。我都係好痕嘅時候會差少少。

至於起風爛，我嚴重嘅時候都有類似嘅情況（而家有時候都有少少），問過中西醫佢哋都有同一個解釋，就係如果有濕疹嘅體質，即係身體免疫系統唔穩定或太活躍，所以皮膚好容易起風爛，原因不明，可以係由於小小嘅敏感源導致或轉天氣，或你嗰幾日嘅身體免疫系統特別unstable 。但風爛通常幾個鐘至半日就會散。我嘅做法就係忍左佢。

建築大熊 2018-12-12 23:01:14 樓主依家個情況點?

MrEczema 2018-12-13 00:52:54 好在好多好多，可以去做gym ，將會去凍既地方旅行。

但皮膚有d位仲會小乾（查過類固醇或protopic既位）要定時查保濕，不過一日都係查3至4次。相信會慢慢減到只早午晚查，再到早晚查。

有時接觸到塵等敏感源或做完運動出汗皮膚都會受到啲刺激會小紅，不過沖完涼就會冇事。

小松菜奈です 2019-1-2 14:26:33

:^(

MrEczema 2019-1-2 18:05:46 好開心見到你有好消息！
十月見到你留言覺得你好depressed好想放棄咁

希望lee度捱緊類固醇反彈既大家都會繼續轉好。

:^(

我岩岩去完好凍好乾落大雪既地方，但皮膚都仲可以適應到（雖然都有輕微乾裂情況但基本保濕就可以）

大家加油，總有一日會康復，我地只需要時間同毅力。

小松菜奈です 2019-1-2 18:48:07

:^(

重刷是出路 2019-1-2 19:34:04 搽類固醇搽到皮膚變薄嘅地方係唔係以後都咁薄不能復原?

111 2019-1-2 19:40:32 係

111 2019-1-2 19:41:34 只少我到依家過左成7年都仲有萎縮紋真係一世「印記」

:^(

重刷是出路 2019-1-2 22:06:40

:^(

熊啤啤渣古 2019-1-2 22:10:28 好開心聽到你既好消息

:^(

真係好叻捱過最辛苦既階段
戒類固醇既個個都係勇士

:^(

各位繼續努力早日康復

:^(

小松菜奈です 2019-1-2 22:24:34

:^(

男user🙇🏻 2019-1-2 22:36:51 有冇風疹人士

雲想 2019-1-2 22:38:56 今年年中濕疹又返發由本身細細撻後尾擴散到好多地方

:^(

因為懷疑係類固醇反彈所以係fb既類固醇反彈群組爬文後上星期我都開始試左mw+nmt(No Moisturizing Treatment 姐係避免接觸水)
本身出水都幾嚴重但係mw兩三日左右已經明顯覺得出少左水雖然皮膚偏乾偏厚同埋係咁甩皮但係感覺舒服過之前唔少
暫時mw一星期會繼續堅持落去希望可以慢慢好返夏天著到短袖衫出街

:^(

同埋希望大家都會搵到岩自己既方法好返

:^(

熊啤啤渣古 2019-1-2 22:55:39 係咪因爲個病太大陰影太恐怖？
我都有呢種感覺就算而家好左大半
但有時都會形住形住個病咁
例如朋友叫我去旅行
我會怕去其他地方天氣環境又會影響所以唔去
成曰check住皮膚出返少少疹會好緊張

不過我會調節下心境就係活在當下
而家身體狀況好除左飲食外都可以去返以前咁日常生活
把握呢個時候享受多d出去玩多d見多d朋友
心情好皮膚又會再進一步去

:^(

將來既野唔諗太多了

:^(

Btw 最近聖誕新年
我都放鬆左食少少炸野同飲少少可樂

:^(

熊啤啤渣古 2019-1-2 22:57:53 Mw真係好work
我mw後皮膚勁快有好轉
而家就算咁乾燥都唔駛再搽任何cream
皮膚除左乾乾地痕痕地都冇咩大問題
大家繼續加油

ritamatthewmama 2019-2-8 22:09:58 你好，偶然在網上睇到你的分享，我近呢個月先知道有類固醇上癮。患者係我18歲的仔。講下歷史先，佢小二因為去泳池游水(那年康體署免費開放所以幾乎日日去)患上濕疹，於是開始食抗敏藥搽類固醇甚至食類固醇。在四年級睇過一西醫，處方金黃葡萄球菌抗生素同elomet/protopic，兩星期療程好返哂。中間有幾年冇事，我亦長期有枝elomet看門口，中二開始又來料。但同一醫生處方，效果已經冇第一次明顯。之後斷斷續續睇中醫，搽elomet(方法跟返醫生教的)，搽的時候好，唔搽幾日，睇住患處皮膚變甩毛雞皮，某D位置皮膚好似荔枝殼。我仔而家全頸勁紅，雙手似『紅袖子』，全身發紅的地方都好滾。有時會抓到條頸出黃水，極心痛。自從知道類固醇上癮，已經接近三星期冇再用類固醇，有同仔仔提過類戒，仔仔本身對痛感敏感，見佢每次沖涼都要用好大勇氣，甚至沖涼中，聽到佢慘叫聲😭😭。作為媽媽，我整日擔心唔知幾時先有好轉。好驚仔仔支持唔住去做傻事。對住阿仔，縱使我內心幾恐懼不安，表面仍然要堅強。而家幫阿仔夜晚濕敷訓教，由於阿仔要返學，唯有叫佢帶潤膚膏出去。

MrEczema 2019-2-9 01:03:02 仔仔而家中二？就咁聽你描述其實佢都好似係類固醇／免疫抑制劑上癮，同我或普遍患者嗰陣時嘅病徵都好似，都係紅腫脫皮乾裂。

如果你真係要決定同佢戒甩上述藥物，要好好留意佢嘅情緒同身體狀況，我唔知道發育時期新陳代謝咁快嘅年齡，要戒斷固醇嘅情況同我哋呢啲成年人戒斷會唔會有唔同（網上普遍戒甩類固醇患者都係成年人），如果佢有任何細菌感染，記住帶佢去睇私家醫生，用殺菌藥膏或者抗生素去消毒（如果嚴重細菌感染，醫生係唔會再開任何抑制免疫力嘅藥，詳情我個post有講）。

另外保濕嘅作用喺戒斷類固醇患者當中，真係只係稍為緩和，你最好同佢試吓唔同嘅潤膚膏，我覺得用油會好啲，我用緊carun ，先用carun嘅油，再查carun嘅膏，喺購物網士多有得買，你可以買來同佢試吓。（天然成份，冇化學野）其他嗰啲舒特膚等潤膚膏，對我哋嘅皮膚係非常刺激，我嗰陣時係一查就痛到飛起。你要同佢搵一隻真係可以保濕又唔痛嘅。試吓唔同嘅牌子嘅天然潤膚膏或油。

最後，如果真係痛到返唔到學，請俾佢係屋企好好休息，如果佢用過抑制免疫力嘅藥數以年計，你預咗戒斷期都需要以年計，佢嘅人生好長，停學幾個月或半年其實唔係一件好大嘅事，唔好喺佢承受咁重嘅壓力時候仲要面對學業朋輩等嘅壓力。同小朋友好好相處，了解下佢承受嘅capacity ，令佢相信總有一日會好。

有啲咩可以再聯絡我，關於皮膚、關於情緒健康，我除左係類固醇上癮患者亦係一位counselor ，我可以俾多啲意見你。

Disharmonious@hotmail.com.hk

希望你小朋友會慢慢捱過。

MrEczema 2019-2-9 01:06:27 Oh 睇多次留意到你仔仔已經係18歲，咁不如你將我呢兩個post，係佢情緒OK嘅時候比佢去睇，比佢自己去理解將會遇到嘅困境，但係要知道好多過來人會同佢一齊過。

Easymode 2019-2-9 10:40:48 睇住患處皮膚變甩毛雞皮，某D位置皮膚好似荔枝殼。

似唔似毛囊角化症嘅皮膚?

:^(

ritamatthewmama 2019-2-10 11:14:27 謝謝你，好感動。你講得好啱，所以呢段時間，喺阿仔皮膚狀態好差情緒好差的日子，我都會向學校請假讓佢在家休息，我又可以密集式做皮膚護理。學校初時似乎未理解常要求醫生紙，而家學校都體諒咗。Carun我買過，但用落阿仔度佢話『那』，我就冇再用了。Hemp oil都試過又係話『那』。而家我交替用緊凡士林(蘆薈配方，貪佢冇咁焗身)、Linola同另一隻在澳洲訂的fatty cream ，本來是醫生處方的，但醫生叫我自己網上買，因為同診所買好好好鬼貴(而家訂返來，運費同貨價都唔算平但比診所平)。同埋呢隻膏冇SLS。
我有叫佢睇你呢兩篇分享，佢只係哦，應咗我就算。
我會留意佢情緒的，呢場係硬仗，唔知打到幾時，曾經有幾次見佢好辛苦，對住我喊，要求我搽，我心內淌血，都猶豫拎起枝類固醇，但諗到一用又試踩返落個氹，萬劫不復，最終都忍住了手。
我會記住你講，會好的，會好的。