【末日】《末日下的那些人》 (2) 世界即將終結, 我們卻沒能登上方舟
上一頁
第 9 頁
下一頁
VantaBlack
2018-10-30 01:31:51
:^(
Ads
妹萌姐姐痴
2018-10-30 02:12:51
:^(
擴散性絕望
2018-10-30 12:32:59
:^(
膠動戰士
2018-10-30 12:38:48
:^(
BogLu
2018-10-30 12:41:15
留個言先 bookmark左第1個post好耐
呢幾日開始睇
睇到坦克車果到
:^(
VantaBlack
2018-10-30 14:06:25
多謝
:^(
VantaBlack
2018-10-30 18:35:05
:^(
妹萌姐姐痴
2018-10-30 19:06:16
[哥哥…你可以出未?]
VantaBlack
2018-10-30 19:29:08
最後我們還是第二天, 世界末日前的87天才動身。
「冇漏野啦嘛? 貓頭鷹公仔呢?」
「收好啦, 小莉, 行啦。」
「拜拜啦貓貓。」她依依不捨的撫摸多那隻橘色肥貓最後一次。
還好不是狗, 言寄葉到現在還是害怕巴打。
前往赤柱有三條路, 海路, 東邊, 西邊。這次我們從西邊過去, 一來是因為這邊較近, 二來是因為言寄葉當日所在的正是西部戰線。沒有馬, 路上也有障礙物, 只能靠自己走了。沒想到當日的路今天走覺得這樣漫長, 太陽從東方爬到穹頂, 然後緩緩西沉。最後的第八十七夜即將到來時....
「到啦! 睇到啦!」
小莉指向遠方的阿瓦隆, 現在人稱赤柱的地方。
「嘩, 座山燒過黎, 真可惜....」絢香用刀挑斷路邊的炭化樹枝。
「係囉, 唔知邊個燒既呢, 哈哈。」我心虛的說道。
「咪就係你同舜兒...」
「你點知架?!」
「報告書我都睇過。」
寄葉牽著小莉走, 四處張望好像若有所思。
莫非!!
「寄葉, 你記唔記得呢度?」
「....佢唔..得一個人, 貝兒佢...盾...」
「你記返起?」
寄葉失落的搖搖頭:「唔係, 只係一D碎片...」
「唔緊要啦, 媽咪。」小莉雙掌包裹著寄葉的玉手, 「你會記返起。」
「嗯, 小莉, 我地鬥快好唔好?跑去前面個路口!」
「好!」小莉馬上飛奔。
「喂, 我未話開....睇野啦!」寄葉身影一閃, 刮起一陣勁風向前沖去。
年輕真好呢...我看著二人苦笑。
路上都有些炭化的落葉枯枝, 相信就是那時我和舜兒放火燒山時造成的後果。還好那時不是那麼乾燥, 不然那把火可能會燒掉半個香港島吧。
奇怪...
我跪地查看, 果然有不妥。
「阿平, 做咩? 又有空罐?」
「唔係, 絢香, 你睇。」
剛剛小莉和寄葉跑過的地方, 都有炭枝被踏斷的痕跡。
但在不遠處, 有張炭枝, 是碎成粉末。
「電單車?」
「無錯。而且係最近留低。」
車痕上沒有大量落葉覆蓋, 別看來落葉, 現在可是除了路中間, 附近也有厚厚的落葉。葉的量比人們想像的高, 那是因為末日前有清道夫清理所致, 遠離市區的地方更甚。
「可能係赤柱入面既人啫。」
「嗯...可能係。」我站起來, 向遠處正向我們揮手的小莉揮回去, 看來寄葉放水了, 以她的腳力怎可能輸給小莉。
我們再次走到昔日的理想鄉中, 當日的教徒們現在已被流放到大嶼山和西貢一帶, 現在住於那兒的多數是當日的異教徒們和附近當日因教會的霸權而逃到南灣, 深水灣一帶的居民們。
「小莉, 唔使緊張。」我注意到她正緊緊牽著言寄葉, 「唔會再有教會, 如果有, 我就再一次打爆佢地。」
「...嗯..」
阿黃他們不會再對小莉有敵意的。
當日小莉的畫像已經被移去, 激戰做成的傷痕隨處可見, 但是都被圍封起來, 有人喝醉了在叫罵, 旁邊的人指著他大笑, 不再是當日那種如倒模而成的虛偽笑容, 而是感到他們在這末日下正確確實實的活著。
「我地今晚唔使訓帳篷啦, 小莉。」
「好..好野!」
她在為我們擔心。事實上, 她那時正身懷「預知」的異能, 使她比同年兒童成熟得多, 只有和我們玩耍相處時才像個小女孩。
一路上似乎沒有人認出我們, 我和言寄葉不知為甚麼又是自動走到那時的小屋前。
當然, 經過當日的爆炸後, 只剩下.....
「你地係....」
一個婦人從廢墟中的帳篷走出看著我們四個。
這個人的樣子, 我見過...
「呢度..本來係你地屋企?」我心虛的問。
「係呀, 好似個時赤柱光復戰炸左, 你地....點解會黎呢邊既?」
因為, 是我們炸掉的啊!!
我就知道! 這戶人不像能登上方舟, 但莊臣又說她們登上了方舟, 我已經有點懷疑!果然, 她們是為了避開教會而逃掉的人!
「我..呃...我...」
「咦, 呢個女仔...」婦人拍向小莉, 她連忙藏到寄葉身後。
「對唔住啊啊啊.....」我學絢香的九十度大鞠躬向婦人道歉。
「你地係楊子平, 言寄葉?」
VantaBlack
2018-10-30 19:29:42
炸撚左人間屋見返屋主, 如何不失霸氣?
夜D再出
妹萌姐姐痴
2018-10-30 19:35:00
八~婆!你間屋係我炸既!
哈
哈
哈
哈
哈!
Ads
牛奶
2018-10-30 20:09:02
Sor呀 唔小心
:^(
:^(
VantaBlack
2018-10-30 20:21:22
一切都看在舜兒眼內。
他們也馬上看到了-----
「仆街, 中伏------!」
------地上幾個正嘶嘶聲漏氣的石油氣瓶, 和沙灘上的拉著火箭的舜兒!
「唔好---!」
「砰隆!」轟天巨響, 舜兒放出搭於弦上正在燃燒的箭, 馬上整間屋子都爆出火焰, 沖擊波震碎附近的窗戶, 即使遠離的三人也感到一絲耳鳴!!幾個燒焦的人形沖出屋外, 痛苦地打滾,全身還冒著煙。
妹萌姐姐痴
2018-10-30 20:26:17
[哥哥…你出得未?快啲啦]
雪兔
2018-10-30 20:53:20
推
:^(
妹萌姐姐痴
2018-10-30 21:49:44
[哥哥]
VantaBlack
2018-10-30 22:14:44
「係...」我不敢抬頭, 始終人家末日下充滿回憶, 最後的家就是因為我們而轟成焦土。
「我聽佢地講, 當日赤柱光復戰, 你地住係呢度, 言寄葉同歐舜兒, 歐貝兒將呢度搞成咁?」
我連忙說:「唔關佢三個事, 係我既計劃黎。」
「睇黎真係楊子平, 同傳聞一樣, 只要係身邊親近既人, 就算咩死貓都會食.....起身啦。」
我緩緩站直身子, 婦人身後幾個也在那些相片中的人也望過來, 她說:「叫我趙嫂啦, 的確我地係呢間屋既屋主, 但係......嗯, 可能你地親眼睇會好D。」
嗄...?
趙嫂帶著我們穿過赤柱的街道, 當日戰車做成巨大破壞隨處可見, 那座倒塌的大廈還靜靜的躺在夜裡。
「媽咪, 我地去緊邊?」
「唔知....」
「就到啦, 女神大人。」趙嫂笑著摸摸小莉的頭, 指著前方---
在迴旋處的中央, 有一座尖塔肅立著, 高約三層樓高的石質塔由不同東西補丁而成, 石材, 木材, 磚材.......而在尖塔下, 就是各種鮮花和蠟燭, 花堆的中央就有一塊大石在那兒。
「呢塊石就係美利樓炸出黎個塊囉。」
「媽咪, 我唔識讀咁多字...」
「嗯...聽住。」言寄葉清清喉嚨, 讀出大石上的碑文。
[ 赤柱光復戰烈士記念碑 ]
[記- 末日之下,終焉前夕, 邪教佔地為王, 為禍赤柱, 殘害忠良。幸得楊子平, 言寄葉與歐姓姊弟, 拔刀相助, 號召群雄, 解放此地, 故立牌銘文, 勿忘所有捨身就義之先烈, 守護我城之英雄]
好害羞。
好害羞好害羞好害羞好害羞好害羞。
看到自己的名字出現在碑上而自己還活得好好的原來超級害羞!
「我..我唔係咩英雄啦, 主力都唔係我, 我又冇做過D咩....」
「個日你抱住架小巴救細路個樣, 所有人都睇到, 你就認左佢啦。全靠你地, 我地所有人都有機會返返黎赤柱, 係自己最親切既地方等候末日。」
所有人....?
我回首一看, 發現我們已經被眾人包圍著, 語論紛紛。
熟悉的身影走出來:「阿平! 好耐冇見!」
「喲! 榮記!」
「你見過趙嫂啦? 喂, 佢咪阿平囉! 炸你間屋個個呀!」
「咪,咪提啦!」這傢伙, 絕對是故意的!
「我個女都係間小巴上!」
「我個仔都係呀, 又返唔到黎救佢地。」
「係阿平佢地係西部戰線救左我表哥架...」
當日所做的一切, 正默默地影響著末日下的那些人。
東叔因為我們的戰鬥, 得到了戰友和庇護所。
趙嫂她們因為我們的戰鬥, 才能回到自己的家園。
但我們當初只想從羅醫生的沙林毒氣下求存, 只想改寫小莉的命運。我們甚至不知道有這群人的存在。
蝴蝶的一下拍翼, 也許真的能在地球另一邊引起龍捲風。
記念碑是沒有意義的, 八十七日後, 所有東西都會灰飛煙滅。
但是正因為萬事都有終焉, 這樣才有意義。
那晚我和很久沒見的阿黃, 榮記和當日的戰友們飲了一通宵的酒,我又說了在香港大學和星之曙光計劃的事。Kitty說已經記錄了記念碑的事, Jarvis他們馬上就會來動身拍照和托刻碑文, 訪問街坊, 本來我是極力阻止的, 但她說這是為了學術不容我插手。
第二天日出才回到住在以往小莉的「聖殿」所在的言寄葉身邊倒頭大睡, 她幫終於還是醉掉的我抹身洗臉, 然後任由我躺在她大腿睡到了下午。
「....醒啦?」
「嗯...啊頭好痛....」我拍拍額角。
「阿黃佢地真係唔留情啊, 全力灌你。」
「我冇做D咩奇怪野啊?」
「冇呀, 你剩係訓訓訓訓。」
「啊, 時間....」
我抬腕一看, 現在是世界末日前86天的下午二時多。
「唔使緊急, 我感覺到今次應該唔會太耐。」
「嗯? 你又知?」
「女性既直覺。」她故裝神秘。
「望就咁望...行啦, 我地由間屋開始...哎呀, 真係對唔住趙嬸佢地。小莉同絢香呢?」
「出面。」
聖殿外有一個陽台, 小莉正和絢香一起在...練劍?!
「小莉話想學劍Wor...」
只有86天, 學不來吧。
不過, 不是有意義才做的, 而是喜歡才做, 只要喜歡, 就會有意義。
「好似發左場夢咁啊。」我望望四周, 當日堆滿財寶的聖殿已不再, 當日我們下跪參見的女神也不再, 而變成了我們的女兒, 小莉。
女兒嗎...如果有時間...
「嗯, 係場美夢, 可惜我唔記得左。」
「一定會記得返,夢又好, 現實又好。」
「如果末日只係一場夢就好...」言寄葉也露出不捨的表情。
「咁你會識唔到我喔?正因為世界末日, 我地先會結識。」
「...但因為末日, 我地先要分開。」她黯然道。
「即使末日, 我地都唔會分開。」我吻言寄葉一下。
只欠兩個地方, 所有記憶就齊集。一是赤柱, 二是那兒。
就在那個時刻做吧, 那件事。
把妹廢人
2018-10-30 22:32:26
那兒是床
那回事叫做愛
青山院長
2018-10-30 22:43:44
求婚吧少年
VantaBlack
2018-10-31 02:35:34
:^(
妹萌姐姐痴
2018-10-31 02:38:35
:^(
快啲出文啦
Ads
VantaBlack
2018-10-31 02:40:37
太夜不了
妹萌姐姐痴
2018-10-31 02:55:17
:^(
厄介。F。不二雄
2018-10-31 08:35:08
睇到覺得自己入左羅醫生派
:^(
妹萌姐姐痴
2018-10-31 13:58:52
:^(
上一頁
第 9 頁
下一頁