【末日】《末日下的那些人》 (2) 世界即將終結, 我們卻沒能登上方舟
上一頁
第 34 頁
下一頁
VantaBlack
2018-11-25 02:42:27
LOL
Ads
VantaBlack
2018-11-25 02:52:49
終章之四: 倒數盡頭已至, 回應善良之人
寄葉在我被帶到九龍的時候也不只是閒著。甚至乎, 她的一舉一動也對局面的變化作出了影響....不愧是我的妻子呢。
「小姐呀...」N展對著第七次來找他的寄葉, 終於投降, 「我已經講過, 佢地先出左去6個鐘, 6個鐘咋!」
現在對著我和貝兒才會展現大小姐任性的寄葉不好意思的說道:「唔好意思.但係, 阿平佢地真係無用無線電搵你地? 我記得視后有帶去...」
N展把自己在做的工作存檔, 免得甚麼時候斷電而前功盡廢:「同之前一樣, 冇, 佢地冇聯絡過我地。」
「因為...阿平好少咁耐唔搵我...」
「我地唔知道女王係邊個, 係邊度, 要盡量減少通訊既次數, 唔去到緊急關頭唔會通訊, 定你想佢遇到危險?咁你可能會收到佢既遺言既.....」
寄葉連忙搖頭:「唔係.唔係..」
「唉, 楊太, 你要搵D野分散下注意力, 你咁樣每五秒望一次個鐘唔掂。」
「........」寄葉低頭不語。
「咁樣啦, 我地探測到北方傳黎左好弱好弱既通訊, 你不如去幫我SET一個叫無線電中繼器既野?」N展拿出一個小盒子, 始終他們不想寄葉留在這兒, 因為萬一被她發現了404末日小隊的計劃, 那麼就肯定又會惹來一堆麻煩。
「訊號?」
「我地一直懷疑緊, 個個叫Kitty既人工智能, 極有可能轉移走自己既自我意識數據去到其他地方。」N展於屏幕上調出地圖, 「香港係咁既時勢,仲有自供能源, 有網絡連接, 又可以客納咁大量數據既地方唔多。」
地圖上有三個點被圈起: 分別是數碼港, 科學園, 和中文大學。
「數碼港我地派人去查過,個邊地勢太低, 已經被海水浸左, 至於科學園同中大, 都位於我地既北面, 而Kitty被破壞恐怕同女王有關, 如果我地可以同Kitty取得聯絡, 就可以知道女王既身份。」
聰明人果然是聰明人, 和阿平不是同一層次-- 寄葉深深體會到這一點。
「我要點做?」
「好簡單, 將呢部機帶去IFC頂樓, 天線全部指向天就得。」
「但..你呢部野要電既Wor...」寄葉把玩著那小黑盒, 黑黑的, 伸出幾支天線, 像極了阿平最怕的蜘蛛, 平夜看到這玩意他恐怕會嚇得嘩嘩大叫吧。
「放心啦, 所有大廈都有後備供電同儲電, 海個邊D大廈全部都有大把電....都唔算大把既, 但夠用依加咁既負荷好耐, 呢部野唔食電。只不過.......」
「不過咩?」
N展看著寄葉的眼神, 好像有甚麼意思, 使她感到心中毛毛的。
「會有危險。」
「下?」
「我地諗到既野, 女王都會諗到, 我地探測到既野, 佢都會探測到.....如果可以知道Kitty係邊, 女王就可以追殺上去, 另一方面佢亦唔想我地搵到Kitty, 你路上可能會遇到佢既人。」
如果是舊時, 區區幾個雜兵, 寄葉根本不會放在眼中。
但是現時不同往日。
寄葉有了自己的責任, 有了自己的包袱, 有了她要負責的人。
「媽咪, 你係度呀?」小莉從後抱住她。
萬一她有甚麼意外的話.....她不敢想像, 不但是阿平的反應, 還有小莉的打擊。
所謂成長, 就是不再「不畏虎」。
「你唔去唔緊要既, 偵探遲早會搵出女王係邊個。」
「我...」寄葉牽著小莉, 遲疑了起來。
末日似乎能使人急速成長, 本應最無憂無慮的寄葉, 突然感到了所謂家庭的重擔。貝兒, 小莉, 都需要她的照顧, 不能再任性了。
「媽咪, 我學左新野, 俾你睇下呀!」小莉跳著跳著, 在寄葉面前撒嬌。
「嗯, 好吖, 小莉。」
「秘劍- ! 多重....」
「喂喂!! 睇住! 睇住!」N展飛奔過來接著被小莉的木刀掃到的顯波儀, 「好難搵架!」
「啊, 對唔住呀N展狗...」小莉連忙收起木刀。
「小心D啦嘛, 等陣, N展狗?」
「嗯? 偵探叔叔教我話可以咁叫你, 親切D...」
寄葉連忙抱起:「小莉, 唔準係任何人稱呼度加個狗字, 知唔知? 對唔住呀N展, 我遲D再黎搵你。」
她的思緒亂作一團。
現在的亂七八糟可以說全是女王弄成這樣。
搞清楚女王的身份是很重要的, 而且這樣做也能保護阿平, 根本沒有不去的理由。
....也許有。
「嘿哈!!」小莉的劍技火喉愈來愈成熟, 她的生父本身就是劍擊運動員, 師傅又是絢香, 如果不是末日的話她也許能大有成就呢。
「勁唔勁呀! 勁唔勁呀媽咪!」小莉以木刀使出半招居合斬, 成功砍倒了半圈的空酒瓶, 十分興奮的想寄葉看看。
「勁呀小莉。」寄葉無精打采的說道, 北風捲來, 一陣寒意傳來, 她拉緊一下頸巾,但是還是感到冷意, 看來冷的不是身體。
「媽咪...你唔開心?」
小莉收起木刀, 走到寄葉身邊輕撫寄葉的臉頰。
「嗯..唔係呀, 我冇事。」寄葉苦笑搖搖頭。
好難受。
這種感覺好難受。
想去幫助珍愛的人, 想去幫助重視的人, 但是卻無能為力的感覺...
當時英勇的自己跑到那兒去了?
不用考慮太多, 只為自己所愛而戰鬥的言寄葉...是甚麼時候不復如此?
「你掛住爸爸?」
「..小小啦。」
不可以給小莉知道是因為她, 寄葉才沒法去幫助阿平, 這樣的話她會自責的。這女孩, 表面看起來常撒嬌, 天真可愛, 但內心其實甚為成熟, 甚至超越鬧孩子氣時的寄葉自己。
「爸爸好快會返黎既。」
「希望啦。」寄葉看到小莉身上的傷疤, 更下定了決心留在這兒。
正是因為她的守望, 阿平才能無後顧之憂的行動。
遠方一個人向二人走來。
「寄葉, 點呀。」
是琪琪。
「啊, 琪琪....我冇事。」
「你面色唔太好....今日見到你咁所以有D擔心你。」
後面的高佬平一如以往的不發一言站於牆角。
「我冇事, 放心。」
「N展搵你傾過D咩?」
寄葉提高警覺:「你知道佢搵過我?」
琪琪失笑道:「你唔使咁警戒, 你今朝搵左人地咁多次, 點可能留意唔到呀。」
原來是這樣, 自己多心了。寄葉尷尬的笑道:「冇乜野, 我問佢有冇阿平消息啫, 始終無線電係佢同肥負責。然後又叫我話想我幫手做D野咁。」
「做野?」
「其他佢想我分散下精神啦, 冇乜野。」
「好少你會拒絕人呢...Halo小莉~」
「琪琪姐姐!」
「乖。」
寄葉看看琪琪, 還是說出了自己的擔憂和感受, 始終這兒和她年齡相約, 又能談上幾句的就只有琪琪和貝兒。但是在貝兒面前, 還是多說點高興的事會比較好。
「哦...我就覺得你不妨去既。」琪琪坐下道, 「始終, 你咁做可以幫到阿平。」
「唉, 我都明..但係, 但係小莉同貝兒..」
「要珍惜重幫到自己愛人既時候啊, 得罪講句, 你睇下貝兒就知。」
寄葉沉默, 沒有了阿平的她, 始終還是個不知世途險惡的大小姐罷了。
她沒有以前那樣能冒險了。
「去啦, 寄葉, 唔好俾自己後悔。」
「但小莉...」寄葉輕撫著小莉的瀏海, 抬頭看天。
「你諗住自己會一去不返?」
「咁梗係唔會!!」和琪琪說話, 她總能說出你心底的那句, 這也是她領袖才能的一種展現。
「咁咪得, 小莉, 唔見你媽咪幾個鐘你驚唔驚呀?」
「唔驚。媽咪唔會扔低我既, 係咪?個時都係, 依加都係, 永遠都係。」小莉把頭埋到寄葉懷中, 好好感受寄葉的體溫。
「小莉..」看到如此信任自己的小莉, 寄葉心中一陣悸動。
「睇黎你有決定。但記住, 萬事小心。」
「嗯, 多謝你, 琪琪, 同你傾下真係好D。」
「傻啦, 講呢D。我同佢去巡下第二度, 夜D見啦, 寄葉。」
被琪琪說服, 寄葉決定好: 再次成為阿平的後盾, 如一直以來一樣。
「小莉, 記得好好照顧貝兒姐姐。」
「係!」
「唔準係N展叔叔個層度揮劍。」
「係!」
「聽作家姐姐話。」
「係..媽咪..」
在旁邊的貝兒笑道:「寄葉呀, 你成日話阿平對住你就婆媽, 你睇下你, 你出去幾個鐘咋!」
「我..我先冇呀,哼!」寄葉滿臉通紅的抱住小莉, 然後放開。
確認過中繼器帶好, 電源和配件也帶好後, 寄葉別過小莉離開了中央圖書館。
踏上前進陷阱的第一步。
寄葉沒想過, 勸導她開解她, 叫她前往IFC的人正是女王本人。
膠動戰士
2018-11-25 08:46:02
個人覺得呢篇最後嗰句"寄葉沒想過, 勸導她開解她, 叫她前往IFC的人正是女王本人。"係講得太多...反而影響咗成個氣氛
長髮麻倉憂
2018-11-25 10:48:47
同意
唔夠緊張感
排骨蒸五花腩
2018-11-25 11:13:38
如果之前完全無提到邊個係女王
呢下會好正
:^(
:^(
把妹廢人
2018-11-25 12:08:03
我想問吓, 琪琪係點樣變成女王?
唔係指佢心態, 係指點解會得到咁大權力?
如果話係毒品, 咁佢係點變成掌握毒品供應嘅話事人?
定難道佢仲收埋咗好多午餐肉?
:^(
排骨蒸五花腩
2018-11-25 12:14:55
本身已經係一塊午餐肉
妹萌姐姐痴
2018-11-25 17:19:09
唔收午餐肉都比人屌
雪兔
2018-11-25 18:47:58
推呀
:^(
膠動戰士
2018-11-25 22:25:03
繼續百屌成材
:^(
VantaBlack
2018-11-26 01:39:28
睇黎真係畫蛇添足
:^(
紙言版會刪去呢句
Ads
VantaBlack
2018-11-26 01:39:46
:^(
:^(
長髮麻倉憂
2018-11-26 01:39:56
:^(
VantaBlack
2018-11-26 03:03:08
已經很久沒這樣一個人單獨遊蕩於末日下的香港了呢--自從遇上了阿平, 她和阿平就一直形影不離。即使在赤柱分開, 她也感到遠方傳來的協助, 但是現在眼前的只有無盡的荒涼。最後的冬天, 食物漸變少, 附近還存活的人要不投靠往舊WIN中, 要不找船過海去抽大麻抽個爽才死, 街上獨自流浪的人也死得七七八八, 現在活下來的人, 總有自己的理由和本領。
寄葉的理由也很清晰。
一路上她提高警戒, 在大廈的陰影前進, 天空灰茫茫一片, 一陣北風吹過, 陣陣寂寞的感覺湧上心頭。
「阿平....」她望向南方, 現在的阿平應該正翻越太平山脈吧, 今晚他又要露營了, 有穿暖嗎? 食物夠不夠? 明天...明天他們就會和補給船會合, 把武器帶到會展附近然後實施暗殺計劃。很快..很快就得再見, 沒問題的!
「呼....」又一陣北風。
空蕩蕩的香港份外蒼涼, 沒想到自己的人生會見到這一幕。
不知道爸媽在方舟上過得可好?
如果能再見, 她想好好講述這末日下的故事給她們聽...也許自己也能寫點東西給星之曙光射到方舟上吧, 這是最後的機會了。
穿過重重大廈和一陣倒塌的廢墟, 寄葉終於看到IFC在視野中出現。巨大的建築物聳立在下方密密麻麻的石柱間, 被颱風吹破的窗戶間飄出窗簾布, 在高空無力而孤獨的飄著。
「首先要檢查電源, 不過應該冇問題啦。」N展的指示如此。
地下的入口已經被海水淹沒, 寄葉登上天橋走往商場的方向, 果然遠方細小的「緊急出口」四字的燈箱還發著光。
「呼...呼...」空蕩蕩的商場有怪風吹出, 電筒一照之下深不見底, 舊日光亮而高檔的商場現在好像鐘乳石洞一樣, 以深邃的漆黑凝視著寄葉。
「好黑....」寄葉自己和自己說話壯一下膽。還好, 遠方的一幅落地大玻璃幕牆已經粉碎, 從那兒進入的話叫有點光。寄葉穿過從一格格窗框照出的曙光, 走到商場中, 回首一看, 兩旁的商店好像斷崖一樣俯視著她, 她好像走到某個峽谷的底部似的。
如果是阿平, 一定不會這樣遲疑的。
寄葉深呼吸一口氣往前推進。
耳邊迴盪的, 是水聲和自己的腳步聲, 還有遠方傳來空氣吹過的鼓動聲。
還好這是香港相當高級的商場, 寄葉末日前也常常來這邊購物, 路...算是識得。過了巨大的蘋果店, 穿過一整列的玻璃門, 就是辦公室大堂, 從那邊的樓梯走就能到底頂樓。
88層...來回就是176層。即使腳力甚佳的寄葉也感到有點挑戰。
好靜。
走過玻璃碎了一地, 陽光穿過玻璃旋轉樓梯的蘋果店使地上的積水變得光亮。
於是她就看到了水中的倒影--
「嘩啦!」寄葉閃身避過背後的突襲, 鐵支插到水中!
「咁都...?!」
鐵枝被寄葉踏著:「你既偷襲功夫差太多。」
「放..放手!」
來襲者放棄鐵枝, 揮出拳頭!毫無懸念的, 寄葉一手捉住拉那人向自己身邊, 然後頂出一膝把那瘦巴巴的人撞飛。
「你係女王既人?」
「咳..咳....」
那人瘦削得可憐, 明顯是過量吸毒的人。
「你就係言寄葉? 咳...咳...真係好天真啊..」
「哼, 得一個人都要死淨把口。」
「邊個話我得一個...」
那人身後幾個人步出--
「係呢條女啦! 阿瓦隆就係佢地搞事!!」
「估唔到我地由西貢跑返黎呀呢! 死八婆!」
全部持槍。
有備而來!
「啪!」寄葉擲出阿平N展給予的閃光彈, 然後縱身往蘋果店內飛身躍去!
「砰! 」有人開槍, 但是沒打中!
「追!為阿瓦隆報仇!!」
還好中間的玻璃樓梯是強化玻璃, 即使中彈也沒有裂碎, 寄葉三步拼一步的往上逃!
「咪撚走!」
「追個異教徒!」
餘孽!
不過為甚麼...她也是考慮了很久才決定來這邊, 但女王的人好像未卜先知的在等她?!
沒時間思考了!
開火!
「砰!」「砰!」「砰!」
寄葉拔出手槍回擊, 不擅長射擊的她由其射在跑的人, 不如射擊不會動的鉸位--!!
「嘩啦!」鉸位噴出火花, 幾層玻璃樓梯級墜落,看那二人應該摔掉了腳。
「喂! 點上樓上啊?!」
「個邊!」
寄葉把握時間拔足就跑, 現在只是三個人, 天曉得早知道她會來的女王還藏著幾多殺著!
果然!
「汪!!」
狗...狗吠聲。
「汪!! 汪!!胡---- 汪!!」
寄葉忍不住回頭一看, 三條狼狗正往她飛奔過來! 一向英勇的她在第一次殺人, 救出琪琪那次看到那人被巴打活生生咬死, 死時還有血泡從喉嚨的大洞冒出後, 一直怕狗!
「救..救命..阿平...狗呀!」
好像被女王洞悉了自己死穴一樣-全身發毛, 雙腳漸漸發軟的寄葉看到狼狗時只感到這一點。
但是, 阿平這次不在她身邊。
每人總要有害。
所以--
我們才要互相幫助, 互補所短。
「砰!」
一聲槍聲響起。
但三隻狗同時中彈倒地,伴著嗚咽倒地不起, 鮮血流到地上。
「嗄...嗄...」寄葉放棄掙扎抱頭把自己捲成一團, 淚水從眼角滲出。
為甚麼..偏要是狗, 偏會是狗!
如果是其他東西還可以一戰, 但..但狗的話, 那些食人的兇獸的話...
阿平..阿平...小莉...對不起, 只有這種怪物, 她沒辦法..真的沒辦法!!
咦?還沒咬下來?
「仆街..搵得我好苦啊, 寄葉, 我好少行呢D高級商場,所以你入左黎之後我就跟甩左你, 你冇事呀嘛? 千其唔好有槍, 阿平劏左我都似...」槍王拉好因使出三段擊而斜掉牛仔帽, 輕咬雪茄, 手上的左輪還冒出煙。
「槍..槍王?」
「放心, 你既工作完成左, 唔使驚。」
「我既..工作?」寄葉一頭霧水。
「喂! 個邊三條撚樣, 我有野問你地!」
後方追來的三人, 看看地上三頭被一槍爆頭的狗屍:「你係..槍王?」
「屌, 得個一支炮驚閪咩!警告你呀! 咪撚做架兩呀! 呢條女既人頭夠我地Weed到世界末日啊!」
「你地識唔識聽中文啊, 我有野, 問你地-!」
「.......」三人看看槍王, 又看看正從地上爬起來狼狽的寄葉。
「即係無計傾啦?」
槍王把手摸往槍袋, 全副武裝的女王手下也拿著槍但不敢舉槍指向他, 誰也不敢動手。
北風穿過破掉的玻璃窗, 四人之間的水灘泛起水紋。
「寄葉, 搵掩護。」
寄葉聞言也藏到商場花槽旁藏好。
「點解你會跟埋黎, 你個死槍王..」
「點解你覺得我唔會跟埋黎?點解你又識我?」
「........」
「會唔會係女王識得我地?」
「........」
「唔使答所以唔敢亂答? 咪咁啦, 我地咁難先用寄葉引到你地出黎。」
用寄葉---引出?!
「我地係等緊人黎幫手, 白痴美國佬。」
「白痴得過你同我講?」
「因為佢地已經黎到。」
在狹窄中庭的對面樓上, 出現了第四, 五, 六, 七個槍手, 也是手持武器。附近都是銀行區和運鈔公司, 武器多得過份。但明顯沒人敢開第一槍。
七個人。
左輪中只剩下三發子彈。
幾隻烏鴉停在窗框上, 黑色的禽眼看著槍王和七個人之間的對峙。似乎地上三隻狗屍不夠牠們今天的胃口了。
「咕..咕..」似乎連烏鴉也不敢發聲的緊張局面。
又一陣冷風吹過。
雪茄的白煙隨風飄散於槍王後方。
眾人眉頭深鎖, 視野中死瞪對方。
「鴉--!!」
「砰!」
VantaBlack
2018-11-26 03:08:12
千其唔好有
事
阿平劏左我都似...」
妹萌姐姐痴
2018-11-26 03:14:08
屌你出得咁緊湊就唔該出多篇
醒少少啦好嗎
2018-11-26 07:01:18
404之間內閧?
長髮麻倉憂
2018-11-26 08:27:28
都係想引女王出黎
之前有講過win有間諜
哀莫大於返工
2018-11-26 11:58:38
:^(
:^(
:^(
:^(
................
:^(
:^(
:^(
:^(
是但乜乜乜
2018-11-26 14:41:43
變左每日一篇
:^(
:^(
膠動戰士
2018-11-26 15:18:30
推呀
:^(
:^(
Ads
VantaBlack
2018-11-26 15:35:04
都4000字吖
:^(
晚晚出文出到凌晨第二朝又要返工
:^(
是但乜乜乜
2018-11-26 15:55:28
你要百屌成材咪搵啲野屌下
:^(
膠動戰士
2018-11-26 18:10:09
繼續推
:^(
莫尼沙
2018-11-26 22:48:59
:^(
:^(
上一頁
第 34 頁
下一頁