連燈詩雅 2018-11-17 01:12:49 文呢

:^(

:^(

:^(

妹萌姐姐痴 2018-11-17 01:15:10 樓主，我個1q題post都比人破撚左啦，你去左邊呀？？？

:^(

:^(

:^(

VantaBlack 2018-11-17 02:00:30

終章之三: 臨終鐘聲已至, 六壬逆轉之人

本篇推薦BGM: https://www.youtube.com/watch?v=3wNQHnEXBLs

羅醫生揮之不去的幻影, 現在史無前例的真實。他甚麼也沒做, 因為只是我記憶中那個他的投影, 「他」的存在只是在提醒著--

他, 是對的。

「貝兒..」我感到自己連嘴唇都在微微抖動, 要我殺死貝兒? 別傻了, 她可是貝兒啊...

但..但她正是貝兒, 對我們都很重要看人--所以, 我應該--

「應該由佢受苦?」視野內的羅醫生, 以我的聲音說出我真正的想法。

心魔..!!

「楊子平, 你好清楚。」羅醫生的臉消失, 換成了我的臉。另一個我穿著羅醫生的衣服, 手上緊握的還是載著劇毒的霧化器, 「你忍心咩?」

「阿平, 唔使太大掙扎, 你唔係謀殺, 而係俾我一個解脫, 好似羅醫生咁講, 係慈悲。」

安樂死是一個永恆的議題。

爭議點在於---

「生命的意義」。

不知為何, 貝兒, 寄葉, 舜兒...他們都是我重要的人, 我們之間的時光也是我最為回味和在末日下無法捨棄的。但是在我腦海中刻印最深的, 卻是那些我曾不認同的人之話語。把他們的瘋狂和陰謀擊潰後, 靜下來或獨處時, 那些應消失的理想卻凝聚於我腦海中, 化成揮之不去的蠱蟲, 如在侵蝕我的意志。

但我卻沒有反擊的力氣。

「我只係想佢地可以無痛苦, 無恐懼咁死!」羅醫生的在體育館中所是說。

「生命唔在乎長短, 而係在乎過程。」許少傑在火場前所是說。

「我地只想大家可以末日時, 毫無恐懼咁迎接末日!」 莊臣拼上命, 也相信所謂的烏托邦。

「人類歷史長河之中, 幾多人俾佢地害死?! 」馬教授到最後還相信自己是對的。

可惡....

我....我....

我舉起手中的霧化器。

明明殺死貝兒是錯的。

明明我和寄葉早已視她為家人。

明明這東西中的劇毒會瞬速了斷貝兒的生命...生命! 那可是活生生的一條人命啊!

但..但她這樣失去一切, 只剩下頭顱可以動, 算是生命嗎?

甚麼是生命?

生命的意義何在?

終極的疑問, 赤裸裸的展現在我眼前。

我把霧化器放到貝兒唇間, 暗紅色「VX」二字倒映在她的瞳孔中, 她竟然流露出一絲絲高興..的表情。明明死亡已在面前, 她不但沒有怕, 反而像看到了救贖。

「貝兒..」

「唔使驚, 阿平, 你係拯救我。」反倒是我被她安慰起來。

我再看清楚那邊的幻境, 原來不是虛像, 而是我在玻璃上的倒影, 只是我在自己的分身上, 看到了昔日羅醫生的身影。

對, 那是我---楊子平!

「貝兒。」我抽出霧化器, 「 為左我, 活多10個鐘得唔得?」

「阿平..點解..」她看到救贖遠去, 竟然急得流下淚珠, 「我每一秒都係地獄, 你明唔明呀!!!」

我把霧化器塞到袋中, 抱住正在尖叫的她:「我係唔明..貝兒..」雖然, 她根本沒有知覺,這樣做.沒.有.意.義, 「但係..10個鐘後, 我俾D野你睇, 睇完之後如果你仲想死既, 我會俾一個痛快你。」

「我..唔想再睇任何野。阿平....救下我...你俾我死啦..」我感到溫熱的淚水流到我臂膊上, 我不知道這畫面在旁人看來是怎樣子, 也許寄葉會生氣, 但是我不可以這樣任由貝兒絕望下去! 放任自己的親人說出「讓我死」還真的成全她?! 不 ! 我拒絕! 也許她真的死意已決, 但是我看到了, 鏡中的自己! 我回想起, 回想起.....

我回想起了一個人。

幫我最後一次吧---師傅!

末日下的10小時轉眼就過, 我沒理會偵探他們, 只是把貝兒推回她的房間中一直陪著她, 她就不斷看著時鐘, 似乎恨不得10小時的倒數馬上過去。我總覺得有點兒在欺負她呢, 似乎她的解脫之匙在我手上的話, 她連自殺也做不到。順帶一提人是沒法咬唇自盡的。

「阿平..夠鐘啦!」貝兒道, 「終於...」

「唔好好似舒左一口氣咁, 貝兒。」我推動她的輪椅, 「你睇埋我要你睇既野先。」

把輪椅推到戶外, 我把一張毛墊蓋到貝兒身上。

「阿平..屍體通常用白色, 而且我唔鐘意螢光色..」

我笑道:「屍咩體呀, 我驚你凍呀。」

「咁做有咩意義? 我頸以下根本無知覺。」

「有意義, 你信我。你既一切, 都有意義。」

我把她推回中午時的那個角落:「你睇唔睇到?」

「睇..咩?」

「啊...對唔住, 你合埋眼先。」我把她抱下, 使其平躺於地上, 後腦枕於我膝蓋,「開眼。」

貝兒, 張開枯黃的眼睛望向天上。

黑色的穹蒼內, 無數的光點在宇宙間閃爍, 一條銀藍色的光帶把星空分成兩邊, 密集的星塵照耀著云云眾生, 在銀河的兩邊有零零落落的星群在光帶間飛舞, 前前後後, 疊置亂中又似有秩序, 靜靜的看著這顆垂死星球。也許我們的破滅, 在宇宙間根本如沒事發生, 人類的文明對於我們來說很重要, 但是對於星空中不同神話的諸神星座而言, 只如飛塵落埃。

我輕撫貝兒的秀髮:「靚唔靚?」

「你係想我係呢個星空下死?」

「覺唔覺得其實自己好渺小?」

星空的一角, 即將滅絕一切的小行星安靜的閃爍著。

「阿平..我知你想講咩。」貝兒躺在我膝上, 把目光從深邃星海, 移回我臉上, 「冇用..我既痛苦, 就係我既全部。你點講都好..我既悲劇係唔會改變..你俾我睇咁靚既野, 只會加劇我既不捨同痛苦...」

我搖搖頭:「貝兒, 我明白。呢個星空只係背景, 只係舞台, 我要講既係我師傅既故事。」

「師..師傅?」

「佢叫做廟街鄭婆。」

鄭婆, 就是我的師傅, 教授我文雀技術的人。我還記得拜師那天, 她說的一句話:「平仔, 我地文雀只係搵餐食, 唔可以趕絕殺絕, 攞左夠自己開飯既就要俾返人, 沙到返黎既只可以用黎食同住, 用晒先再搵第二個老世。」

所以在學習各種開鎖, 潛入, 扒竊的技術前, 鄭婆教的是兩個法門:氣息觀察和歸還。前者就是我在港大一眼看出馬教授是胸懷大志的學者, 而不是末日沒法上方舟的可憐校工。 混偏的時候, 我們要找的是那些暴發戶, 沒了點錢也不會馬上餓死的人, 更重要的是別對那些走投無路的人下手, 甚至還要找出他們給予協助。

那是一個真正的盜亦有道的年代。

「知唔知道, 咩叫協助?」

「俾錢佢地?」貝兒成功被我引起了興趣, 我想起了一個為拖延死期而說了一千零一個故事的傳說。

「唔係, 就好似我咁, 我既資質類似舊時所謂既刺客, 的確個時都有所謂既暗殺生意..但鄭婆想我有得返轉頭, 所以佢裁培我成為左文雀, 叫我平日唔係做文雀既時候, 要腳踏實地打下散工, 儲夠錢就開間鎖匠鋪, 夠我搵兩餐, 咁就唔使再撈偏。」對呢, 也許在某個不存在的未來, 會有人叫我一聲楊師傅。

「所謂既引路人...」貝兒似乎對鄭婆有點想像。

「有人做收數佬, 但係手法係教債仔做D生意, 收返條數個債仔又唔使家破人亡; 有人係幫人走私, 但只走救命用既藥, 咁窮人就可以唔使用晒成副身家買貴藥食; 有人係搞私煙, 但係煙入面其實乜都冇, 係安慰劑, 結果幫人戒埋煙........鄭婆就係一個咁既人。」

「好似幾得意..」

「佢可能只係引路人, 咩都冇真係做過, 但係佢手上救返既, 係呢個政府同社會本來都救唔到既人, 甚至令佢地可以自己搵兩餐。」

貝兒道:「如果有機會, 我都想識下佢。」

「嗯.....」我略過了一點事情, 「咁你覺得, 鄭婆既形象會係一個點既人?如果你係漫畫家。」

貝兒輕輕一想:「一個銀髮老婆婆, 但係直接攞住煙勾, 目光銳利, 好像偵探咁。 性格好惡, 下下就話要隻抽,但其實係好好人, 望住地下世界中, 等待救贖既靈魂, 想拯救個D貧苦大眾咁既人....就好似銀魂個包租婆咁!」

果然是貝兒, 很有她的風格。

我笑笑道:「鄭婆佢係一個左耳聾左, 得返一成視力, 仲長期腰痛要坐輪椅, 叫我幫佢痴藥膏既人黎呀!」

「下..差咁遠..」很失望吧!

「你明唔明我想講咩? 貝兒。」我抬頭細看這繽紛星空。

「唔..太明。」

「鄭婆佢咩都冇做, 只係教授唔同既人或者介紹師傅...但係, 無數既人因佢而得救。」我收起笑容, 認真的說道。

「阿平..」她開始明白了。

「許少傑講得岩, 生命唔在乎長短, 而係在乎過程, 貝兒, 你既生命比我地所有人加埋都要有意義。」

「點會..我已經係廢人, 我只係大家既負累..」

「打敗羅醫生, 推翻教會, 粉碎馬教授既陰謀....呢D野, 大家話係我做。」我扶起貝兒, 好好捉住沒法坐好的她, 把她挪到牆上使她能舒服的靠著。

「的確係..阿平, 所以求下你黎俾我一個解脫。」她看著遠方的帳蓬區, 升起的炊煙消散於風中。

我搖搖頭:「錯, 貝兒, 做呢D野既, 係佢, 即係你, 歐貝兒。」我指向鏡中倒影, 鏡中的我同樣舉起手指向我身邊的貝兒。

VantaBlack 2018-11-17 02:00:43 「點會..我咩都冇幫手, 仲成日要你地救我..」

「救我既, 係你, 救大家既, 都係你。人既價值, 在於思考, 在於精神, 鄭婆佢平日落樓下買菜都話腰痛, 但係佢裁培出好多人才, 佢地又拯救住唔同既人。憎恨同憤怒會傳染, 但唔好忘記, 貝兒...」

我突然想起了一件事。

「...善良都係。」

為甚麼, 我已經不再憤怒?是從甚麼時候開始, 我除了復仇, 有了一個新的志願?

貝兒沉默, 若有所思。

我把握機會:「你係太平山唔理死活咁救我同寄葉, 於是, 我地又救過其他人, 我地同許少傑算係..有D合作, 然後佢又拯救過赤柱既人, 赤柱出身既小莉又鼓勵大家反抗女王, 最後大家成功保護返一直以黎互相扶持既人, 一環扣一環, 但係所有野都係因為你, 貝兒。」

「我點會..」

「就係因為你, 之後呢D事先會發生, 甚至方舟上既人唔會因馬教授既電腦病毒而死, 但係因為你當初救過我, 激勵過我, 寄葉佢會變強, 想幫助更多人, 都係受你感染, 你先係我地既英雄, 貝兒。」

大家在忙碌的準備晚餐, 巡邏的人在吊燈下互相打招呼, 小莉在絢香指導下練習燕返斬和居合斬, 齊姑娘重新振作, 在為一個傷員洗傷口, 這一切一切, 就是因為---

「貝兒, 唔好覺得自己係負累, 或者我地改變唔到過去, 但未來既57日, 你俾個機會我地, 報恩又好, 陪伴又好, 代替舜兒去照顧你都好-----」我把霧化器拆件收好。

「唔好要舜兒白白犧牲, 佢一定想你係末日下都可以活到最後,同大家一齊。」

為甚麼我有種釋懷的感覺?

我在安慰人, 但自己卻好像.....一種解開了死結一樣的感覺。

「貝兒。」寄葉坐到我們身邊, 「係你令我想變強。」

貝兒從那時開始就沒有變過。

除了英雄情意結外,還有一種情意結, 就是自我傷害, 自我犧牲, 沉醉於自己的悲劇浪漫之中--當時寄葉的看法, 再次得到印證。

即使身體再怎樣變化也好, 如貝兒說的故事:只要精神不倒, 英雄的火焰就不會熄滅, 而且還會由其他人傳承下去。

「齊老大帶領我地, 但係支撐我地既係你呀, 貝兒。」肥貓也坐下。

「我地見過呢班人最團結既時候, 就係興建液壓升降機個時。」仁仔坐到肥貓旁。

「啦..嗚.啊....我記得佢地成日話要學你, 又唔見佢地學下我....嗚...」三號手持酒樽躺下, 不知是醒是醉。

「歐貝兒, 我地打敗過獅山十字會一兩次, 但你既精神我地一次都打唔敗, 你地唔識咩叫放棄。」光頭佬看著三號眼神流露恐懼。

「係赤柱個時, 貝兒姐姐好型架!」小莉終於走到過來, 抱住貝兒撒嬌。

「阿平, 你同晒所有人講?」貝兒嘟起嘴巴, 卻沒一絲生氣。

其實她在向我們所有人求救吧。

她說的是「我想死。」

但是--貝兒真正的意思是:「救救我。」

我得意的笑道:「有人想做傻事, 點可以唔同人講下, 等大家話俾佢知佢有幾傻?」

「嗚...好過份...」貝兒又哭著又笑著, 笑中有淚。

寄葉抱住貝兒, 小莉也是。

到底被救贖的是誰?

我望向鏡中的自己, 似乎有點頭緒。

VantaBlack 2018-11-17 02:02:12 她說的是「我想死。」

但是--貝兒真正的意思是:「救救我。」

可能係全文最寫實既兩句

:^(

VantaBlack 2018-11-17 02:05:00 搖啦你

:^(

VantaBlack 2018-11-17 02:05:23 Sor, 真係想諗清楚先出

:^(

VantaBlack 2018-11-17 02:05:45 我呢度有批舊文, 好純架......

:^(

VantaBlack 2018-11-17 02:06:47 有D野點都接受唔到, 有時真正發生你都係會崩潰, 因為世上根本冇心理準備呢樣野

:^(

VantaBlack 2018-11-17 02:06:58 巴打振作

:^(

金雞賀歲 2018-11-17 02:11:31 此回覆已被刪除

VantaBlack 2018-11-17 02:12:46 THX

:^(

VantaBlack 2018-11-17 02:13:26 「憎恨同憤怒會傳染, 但唔好忘記, 貝兒, 善良都係。」

決定今日FB用呢句黎賣廣告

:^(

:^(

妹萌姐姐痴 2018-11-17 02:27:20 例搖

:^(

:^(

膠動戰士 2018-11-17 06:57:25 追咗樓主嘅文咁耐,
今晚呢段真係第一次睇到我眼濕濕....
我地等咗你兩晚,
但睇完覺得等待係值得嘅

:^(

BTW 今

蟲撚 2018-11-17 07:33:34 冇呀，唔係催你呀

:^(

諗清楚先好出，唔好做傻事呀

:^(

長髮麻倉憂 2018-11-17 08:50:50

:^(

長髮麻倉憂 2018-11-17 08:56:54 咁阿平係唔係好返嗱

青山院長 2018-11-17 10:17:08 其實一生人真正有選擇的有幾多時候
你的出生冇得揀,你可以揀自己有冇錢,靚唔靚仔咩
你可以揀你父母係點咩
到大個,依然係份工揀你唔係你揀工,一段關係破碎你可以揀令你女朋友唔離開你咩
或者只有死先有得揀
但係其實唔係,一個獨生子如果死咗,邊個照顧兩老,仲有你d朋友,兄弟,又有幾個可以無牽無掛咁一走了之
你望下呢個城市d人,佢地一生人,係痛苦既時間定快樂既時間多,係勞碌既時間定舒適既時間多,邊個可以話自己從不後悔,佢地有得揀自己生活係點咩,如果可以完全不顧後果,又有幾多人會選擇留低世上
生命有權利選擇? 冇,至少大部分人,大部分時候都冇
我地唯一可以選擇,就係在漆黑無星既夜晚抬頭望天,相信聽日太陽出嚟會變得更好,即使99%係會變得更差
但我只能如此相信,這個由無力而平凡人類所許下小小的祈願

:^(

蚹蛤蟈蜻 2018-11-17 14:04:19 屌，呢段好撚正

leopold 2018-11-17 15:55:41 呢一更好睇！

膠動戰士 2018-11-17 17:53:18 今日weekend 有無雙倍連載?

:^(

默劇 2018-11-17 18:16:02 沉澱完出文，係有啲料，個句我想死其實係救救我，我自我解讀成香港年青一輩即願景一樣........

長髮麻倉憂 2018-11-17 23:14:35 btw希望樓主唔係畀個小陽春我地

:^(

VantaBlack 2018-11-18 01:41:25

:^(