【末日】《末日下的那些人》 (2) 世界即將終結, 我們卻沒能登上方舟
上一頁
第 20 頁
下一頁
VantaBlack
2018-11-9 19:23:32
第一眼看到久違的WIN時, 我發現防禦明顯上升了。不但在帳篷區外用竹枝搭起了兩個高塔看守, 也用鐵鏈把鐵馬縛起來, 組成防線守護帳篷內的老弱病殘。可是, 如果情報所言非虛, 女王手下的惡人幫與教會的餘孽, 這樣的防守根本如同虛設。而且他們也會在對岸繼續擴張人手, 收集軍火........現在就把大家移離這邊才是正常做法。
但....齊老大真的還正常嗎?
我不是去論斷他, 畢竟末日一步步逼近, 任誰也會著急與不安, 他還葬送了兩位昔日的好友, 即使齊老大真的瘋了, 我也覺得是情有可原---他臂上的擔子, 也許太重, 包括過去, 包括現在投靠到WIN的人。
「呢度就係WIN啊, 點解叫贏既?」視后天真的問道。
「Watch-point Island North呀小姐.....喂! 舜兒!」我向正站在塔頂的舜兒揮手。
「阿平! 你地返黎啦?」他把弓背回身上, 爬梯回到地面, 「寄葉佢...好返未?」
「好返啦, 佢已經記得晒所有野, 唔講咁多, 齊老大呢?」
「係佢間房掛, 我唔太清楚, 如果冇, 你就去問下琪琪同高佬平。」
.........嗄? 我在這兒啊, 再說我很高嗎?
他看到我的表情, 笑道:「呃, 有呢一個人, 係琪琪救返黎既, 又係叫咩咩平,為左區分我地叫佢做高佬平, 依加防禦野都係佢地搞。」
是香港公園中東叔說的那個被救的人吧。
「哦? 咁三號呢?」
「三號佢.....唉, 三號佢, 變左。」
寄葉聽到提及自己的師傅, 連忙湊上來:「三號佢做咩?」
「惡人幫唔見左呢件事, 你地知道? 自從惡人幫消失後, 佢就冇野做, 日日飲酒, 基本上佢全日都係醉左既狀態, 佢甚至仲話唔使防禦, 根本冇人會黎攻擊.... 我睇既話就只係藉口, 距離末日仲有70幾日, 佢只係失去自己既意義。」
真可怕--我只能這樣說。的確, 仁仔, 寄葉, 琪琪, 每個都青出於藍, 大家也變強, 年老的三號效用的確大不如前, 就好像被社會和子女都遺棄的老人一樣。
「齊姑娘冇勸佢咩?」
「勸唔黎, 齊姑娘係大力, 但三號醉左都好好打, 上次佢發酒癲, 齊姑娘加我加齊老大加琪琪先至阻止到佢痾尿落發電機度, 齊老大被俾佢淋到成身尿。」
「唉...」看到寄葉神色黯然, 我把那句「我會好好恥笑齊老大」吞回肚中。
「人如果搵唔到自己既意義, 就會變成咁。」絢香也似乎有所感觸。
「佢始終都老啦, 唔想辛苦到佢。好啦, 你地唔係要去搵齊老大咩, 呢兩位係? 咦, 我係咪係電視見過你....」
「我...舊同事, 呢個係槍王, 呢個女人唔使理。」槍王拉一拉牛仔帽點頭。
視后怒道:「喂呀! 文雀! Halo~我叫視后呀, 你係我Fans?」
「唔係..我好少睇電視, 好啦, 快D入去。」
我們一行五人穿過防線, 帳篷區中傳來人聲和交談聲, 似乎來投靠的人變多了。404日的末日倒數已經走到尾聲, 食物等已經開始難找了吧。
「佢就係楊子平....」
「言寄葉好靚呀..」
「絢香好似係日本人..?」
「個牛仔係香港人?」
「咦我好似係電視見過個靚女....」
議論紛紛呢。
「阿平...」絢香走到我身邊拉拉我衣角, 「可唔可行快D..佢地講緊我地...」
我向絢香笑笑道:「好啦, 好啦, 唔使怕醜, 佢地冇惡意。」
「我唔鐘意俾人講...」她嘟起嘴巴滿臉通紅。
「一定係你著得太靚。」我對她說。
「靚呀呢! 我設計架!」視后神氣看指著絢香, 「要搵我簽名既等陣黎搵我啦, 啾咪~」
啾咪你個死人頭啊?!
算了, 這種淋浴在視線中的感受是視后所享受和期望的吧, 但難為絢香了。
穿過帳篷區後就是WIN的主建築物, 熟悉的--「家」。
我的家有四處, 兒時的家, 上環的家, 廟街的家, 和這兒。
如果要挑一個地方來迎接末日的話, 也許這兒也不錯。
「哦.....阿平啊....你又係度既?岩岩明明行左去個邊架...」三號搖搖晃晃站起來, 「黎! 我地出去..打! 打! 打! 打惡人幫! 寄葉呢! 琪琪! 過黎! 」
才正午, 三號已經混身酒氣醉醺醺。
「三號, 你..你飲太多啦。」寄葉想走過去扶他, 結果三號直接噗一聲倒地, 一邊笑一邊唱歌:「嗚啦啦嗚啦啦~~」
槍王搖搖頭:「呢個男人, 無得救。」
「三號佢..佢之前唔係咁架!」寄葉強行拉起三號, 把他擲到附近帳篷中。
絢香也無奈的說道:「佢真係...唔同晒。」
槍王幽幽說:「末日愈近, 人心變得愈快, 始終有D野再唔做, 就再無機會, 或者呢個樣先係佢一定想成為既人。」
三號一邊叫著打倒惡人幫, 一邊笑, 一邊唱歌; 我們一臉擔心和憐憫看看著他.......也許三號才是比較快樂的一邊。
「阿平! 阿平! 救命呀! 狗呀!」
「胡......」巴打雙犬正低嗚逼近在一邊四圍張望的視后, 寄葉連忙嚇得躲到我身後!
這女人, 十分鐘不給我惹麻煩可以嗎!
再說, 我也沒法命令巴打啊!
「絢香, 你同兩個熟唔熟?」
「唔熟! 但可以試下! 巴打! STOP!」
巴打目露兇光向視后猛吠, 擺出攻擊姿態!
完全沒用!
「喂, 我可唔可以射佢地?」槍王拔出槍, 「呢D狼狗皮毛用黎做頸巾唔錯。」
「你有病啊?! 呢度唔係美國西部呀大佬!」
「胡....汪! 汪!」
「三號! 你兩隻狗就黎食人啦!」我向那邊剛好爬起拿酒飲的三號吼道。
「斬料! 斬料! 斬大舊叉燒!」
沒救了! 變成了糟老頭了!
「巴打! STOP!」遠方一個打扮得有點像寄葉的人出現, 但背上帶著一支旗桿, 「Good boy! Good Boy!」
巴打勉強算是停下了攻擊, 但也沒有看到她身邊接受撫摸, 而是跑到三號邊伏下。
「都係唔理我....阿平! Hello! 咦, 我係咪係電視見過你...」
「嗚...我就黎聽到識背呢句...」
「你係八點鐘處境劇, 做大陳生個秘書啦嘛!」
視后露出從沒有見過的笑容:「係呀! 係呀! 終於有人記得我! 」
「我晚晚追架。」
「你叫咩名?」
「琪琪啊, 呢個係..高佬平。」一個高挑的男人在他旁邊出現。這就是高佬平嗎? 算了, 我的名字算是滿大街也是的那種, 我本身也認得幾個叫阿平的人, 不是甚麼神奇的事。只是這傢伙的路人臉和打扮, 也有點和我相似就是。不, 我比較帥氣一點。
視后從袋中掏出筆, 直接在琪琪手背簽下自己大名。
「喂! 視后! 」我喝她, 「亂咁畫人隻手! 想死啊?! 」
「啊, 對唔住, 太興奮....哎呀! 琪琪, 對唔住呀! 我用錯油性筆!!」視后用手在自己簽名上輕揉幾下, 發現根本沒法消去墨水, 甚至擴散了一點墨暈到琪琪的新手錶上。
「絢香, 同我斬視后隻手落黎, 剝佢皮俾琪琪遮住。」
「呀呀呀唔好呀!」絢香作勢插刀, 嚇得她嘩嘩大叫抱住琪琪。
琪琪笑道:「好啦, 阿平唔係D咁既人, 佢嚇下你。」
我得意的笑道:「 好啦, 琪琪, 我地去搵齊老大, 夜D見。」
「琪琪, 對唔住呀, 對唔住呀...」視后向外頭的琪琪繼續道歉, 至於我就把升降機控到地面水平。我們登上升降機後, 絢香拉動繩子, 某處的機房注入水而變重, 平衡水箱下墜而把平台拉往上....真是很了不起的設計。
「視后, 我唔該你係齊老大面前, 正常少少得唔得。」
「咩Wor...齊老大唔會忘記我既, 連你個路人樣佢都記我啦。」
「哈, 可能佢廢事俾你畫手而專登唔認你呢!」
「文雀!」
絢香欄住往我撲來的視后:「好啦, 視后, 小心跌落去。」
不用對這女人這麼體貼呢, 絢香。
視后看看自己身邊的深淵, 也只能閉嘴乖乖的呆著。
Ads
蚹蛤蟈蜻
2018-11-9 21:15:10
:^(
:^(
長髮麻倉憂
2018-11-9 22:35:26
返新工加油
我預備辭職了
妹萌姐姐痴
2018-11-9 23:11:56
我都辭左職黎mon post
:^(
VantaBlack
2018-11-10 02:07:20
因為遲下會比較忙, 今晚我竟然已經諗好晒成個終章
祝大家同各角色好運..
:^(
妹萌姐姐痴
2018-11-10 02:37:57
咁不如一次過出晒
:^(
:^(
VantaBlack
2018-11-10 03:07:15
「叮~」升降機到達齊老大所在的樓層。問題是, 這下「叮」是肥貓用口發出的, 這原始的液壓升降機才不會有這麼貼心的音效。
「肥貓? 你係度既?」
「我唔係度係邊度啊, 照顧岳父大人嘛。」他得意的笑道。
「小心齊姑娘聽到就踢你個肥屎忽。」一見到這人, 我就忍不住口沒遮攔起來。
「哈, 不知幾爽, Halo 寄葉, 絢香, 咦兩位係....」
我再次把槍王和視后介紹給肥貓認識, 恍子自然也是「舊同事」。可能偵探說得對, 我不喜歡暴露自己的過去給人家看, 特別是404末日小隊的事, 據我所知, 不少人其實是支持方舟搶奪軍的, 對他們而言我們是政府的走狗我叛徒。
「齊老大啊, 好似同齊姑娘係房......」
我打斷肥貓說話:「等陣, 我地又唔係咁趕。視后, 跟我過黎, 其他人係齊老大房前等, 絢香, 唔使跟黎啦, 乖。」
帶著視后的我穿過走廊, 我看到她一開始也是想說點甚麼俏皮話之類, 但看到我的表情她應該也知道我正在認真, 也閉上她的嘴。
「好, 等陣。」我檢查一下這兒沒有偷聽器, 然後說:「視后。」
「...係, 係度。」她也不習慣我一臉正經的樣子。
「我地之前一路都係信齊老大, 404個時係, 我之前都係...但, 我想你幫我做D野。」
「嗯?」
這女人總算有點用處。
「以你做戲既經驗, 幫我辦別齊老大係咪做緊戲。」
「文雀, 你唔信佢?」
「我..我唔係, 但係..我覺得齊老大好似有野..都唔係似架啦, 佢一定有野暪住我地, 我想你幫我確認下, 始終做戲你先係高手高手高高手, 係咪?」
這女人尋求的, 是別人對自己的認同, 是屬於那種一送高帽就飄飄然的無腦女人。
「..嗯, 好。」她也簡單的答應。
回到齊老大房前, 我們叩門內進。
「入黎....係你地啊, 阿平, 寄葉冇野嘛?」
「冇野。佢已經好返晒。」
齊老大笑笑道:「呵呵, 咁咪好囉, 飲得杯落囉! 齊姑娘, 你出返去先。」
「係, 爸..爸。」齊姑娘正式的點點頭, 轉身和肥貓離去。
「好耐冇見啊, 視后。」
進入齊老大房間的, 就只有我和視后二人。
「齊SIR...齊老大。」
「叫返齊老大啦, 我唔係阿sir好耐。」
我和視后坐下, 齊老大幫我們剛倒一小杯酒, 然後輕呷一小口。我們聊了點往事, 聊了三號的情況, 聊了我和寄葉結婚的事, 那麼----
進入正題吧。
「出面搞咩, 又塔又鐵馬咁呀, 鬼死咁緊張。」
齊老大哈哈一笑:「仇家多呀, 多得你唔少。」
這老狐狸!
「都唔係今日先突然多架啦。」
齊老大視線穿過我和他的平底玻璃酒杯:「阿平, 你想講乜野。」
「女王.....你知道幾多野。」
據我所知, 是全部。
「女王? 咩女王? 如果你係話個套日劇.....」
「夠啦齊老大。」我把酒杯放下, 發出清脆的噹一聲, 「呢度都係自己人, 無需要暪。」
「.....阿平, 你唔信我?」
「正係因為我信你, 我信過你! 」我略略按下有點激動的情緒, 深呼吸一下, 「我先唔明白你。」
「我冇諗過要得到你既明白, 你信我就得。」
視后嚇得不禁作聲, 但她一對眼珠還是瞪著齊老大的臉上表情。
「出面, 依加已經幾乎有400人, 如果女王揮軍攻過黎, 我地擋唔住。」
「阿平, 佢唔會。我相信佢唔會咁做。」齊老大瞳仁閃爍洞悉未來般光芒。
「我地尋晚俾20幾人偷襲, 有刀, 有槍, 連機關槍都有,你同我講唔會?」
「係呢度就唔會。」
「如果你知女王係乜鳩來頭既, 你講一聲, 404末日小隊刺殺一個女人係好易架咋!!唔好攞無辜既人黎較飛!」
齊老大搖搖頭:「你做唔到, 而且我只係估下估下。」
「點解我會做唔到。」我故裝一個邪惡的笑容, 「冇咩人我係落唔到手。」
「言寄葉?」
「我....」我被他打斷了半秒思路, 「你唔好同我玩強詞奪理!! 出面400條人命, 細有手抱既BB, 大有成百歲既阿婆, 出左咩事你負責得起咩!」
齊老大露出我未見過的複雜表情:「事實上, 我冇得揀, 阿平。我真係無得揀。」
「你係大佬, 你點會冇得揀。」
「你真係覺得移動400人係一件咁易既事? 你覺得路上既防禦強D定係WIN既防禦強D?如果我地搬到新據點, 女王既人再進攻既話點算? 又搬啊?!」
連續幾個問題我被齊老大問得啞口無言。
他說的...是事實...
「阿平, 我明你為大家著想, 但係我有我理據。事實上, 將楊子平交出去就一了百了,平平安安, 你係咪想我咁做?」
背後的大門突然被踢開, 寄葉沖到我身邊舉槍指向齊老大準備踢擊, 絢香拔刀指向齊老大, 槍王右手探向左輪, 嚇得齊姑娘馬上飛奔過來。
關係好了呢。
但她們一直在偷聽嗎?
「你睇, 我只係講一句, 差D死左三次。」齊老大輕輕挪開武士刀。
絢香激動的大喝:「如果你敢交阿平出去既! 我唔..唔會放過你!」
「絢香, 冇事, 放心。」我安慰她道。
「我講下笑啫, 嘻嘻。阿平, 我諗今日差唔多。」
「.....哼, 你好好考慮下, 依加咩環境, 出面有咩人!」
「我會。之前幾次, 都辛苦晒你, 阿平。」這位從廟街帶我離開犯罪世界的人, 突然我覺得老了很多, 很多, 由其說老, 不如說是蒼然。
齊老大說的, 也許沒有錯---他面前沒有太多選擇。
現在附近生還的人, 因為食物漸少和不同原因, 幾乎也來投靠我們。
移動的話, 風險也不低。
那麼只剩下原地抵抗和投降交出我的兩個選擇, 齊老大當然會選前者。
看來, 我還真是沒有當領袖的天份呢。
我們能擋多久?
女王是誰? 為甚麼要指名於我?
感覺問題愈來愈多。
天色漸暗, 我跟蹤齊姑娘派發食物, 人變多了, 食物量也變多。還好來投靠我們的人之中有漁民, 有獵人, 有廚師之類, 一時間不會有問題。
齊老大背負的, 比我們想像中更多, 選項也比我們想像中更少。
「抱歉」--這一句說話, 我沒有說出口, 雖然我知道是我欠他的。
把東西忙完後我又去了找貝兒, 她還是老樣子, 說話輕輕鬆鬆. 但字裡行間總是帶點苦笑和黯然。始終她現在頸子以下的地方彈動不得。
「...所以, 你覺得點解齊老大佢會覺得女王唔會攻擊呢度?喂, 飲慢D, 慢D啦唉! 你睇下你!」
「咳! 咳! 咳! Sorry , 阿平, 整到你....」
我抹掉水:「你細佬呢?」
「應該就返架啦, 唔好意思...要你餵我飲水...」
「點會, 我..我有份害成你咁。」
「話左唔關你事囉, 我本身遲早都會咁架啦, 諗住末日就唔使受, 哈哈..我真係天真。」
貝兒....我心中一陣悲傷。
「講返齊老大, 我都唔知呀, 你仲大我幾年, 你都唔明我點會明啫。」
「你讀書多過我啦嘛!」
「嗯.....我覺得問題左於個信字。」
「信?」
貝兒點點頭:「嗯...信, 齊老大一路都講緊個信字, 佢只係相信女王唔會進攻WIN, 換句話說, 女王係一個齊老大相信既人, 我只諗到咁多。」
「咁死啦, 呢個世界上冇人知道齊老大識幾多人, 更唔好講佢信邊個唔信邊個。」
「或者, 佢覺得個女王係好人?」
「冇可能。」我斷言否定, 「你俾佢D人追斬過你就明。」
貝兒笑著說:「咁我先唔想明。」
「好啦, 我唔阻你休息啦, 喲! 舜兒!」
舜兒從房門走進來:「阿平, 麻煩到你唔好意思。」
「寄葉咪講過, 我地屋企人黎架嘛。」
「係Wor, 恭喜你地新婚。」
「多謝, 嘻嘻, 咁我走先啦。」
貝兒高聲叫道:「去洞房啊?」
「你早D訓啦, 貝兒!」
貝兒做過鬼臉和我別過, 我離開她的病房, 回到我和寄葉那熟悉的房間。世界末日下的又一天又這樣過去了, 問題, 危機, 謎團.......有時真的想和寄葉找架帆船或飛機之類, 遠走高飛去。但當然, 這是不可能的, 先不說重重條件和物理上的障礙, 這兒...這兒才是我們的家。
VantaBlack
2018-11-10 03:07:46
唔識念力打字
:^(
VantaBlack
2018-11-10 03:09:13
我跟
隨
齊姑娘派發食物
VantaBlack
2018-11-10 03:25:42
Nier Automata
如果末日前我只睇一個故事, 就係呢個
終生創傷
:^(
妹萌姐姐痴
2018-11-10 03:29:57
咁識唔識念力控J
:^(
Ads
VantaBlack
2018-11-10 03:31:52
控完冇力出文
:^(
長髮麻倉憂
2018-11-10 09:29:04
:^(
其實我有時會代入Automata啲風景
每個人都有佢既故事...都有佢要尋找既意義
妹萌姐姐痴
2018-11-10 15:43:59
咁快就咁潺
:^(
VantaBlack
2018-11-10 17:42:26
我們決定留在這邊一段時間, 不說WIN安不安全, 我和寄葉也想留在這兒, 和大家共渡餘生, 只剩73天的...餘生。如果齊老大說這邊安全的話, 那麼我也只能相信, 留在這兒沒問題。再說如果WIN面臨危險的話, 我怎能自己一個人逃跑。視后和槍王也說這邊需要人手, 暫時也留了在這邊, 不過我不知道視后能發揮甚麼作用就是了。
只不過我們沒有接小莉回來, 始終這邊的安全是建基於齊老大的信心, 但中央圖書館可是結結實實的堡壘, 她的同學也在那邊, 小莉待在那邊多一會兒也是好。也許把女王解決掉後, 才接她回來吧。
我最近把一直以來拍的照片加上說明文字整理好, 算是一個記錄吧, 準備在最後的日子送到Jarvis那邊射到方舟上, 那麼至少我的第一身經歷能流傳下去。
「阿平。咁夜都未訓?」
在平台抬頭看著那引致末日的小行星時, 背後傳來絢香的叫喚。
「啊, 絢香, 我就啦, 想出黎抖下氣..」
她走到我身邊坐下:「掛住小莉?」
「嗯, 唔知個死肥仔仲有冇恰佢。」
絢香把頭靠到我臂膊上:「佢咁叻女, 處理到既。」
「絢香...」臂膊傳來一陣蘇麻, 我還是心中有點..那個。
「唔拖手就得啦嘛。」
我心頭為之一震:「你...你聽到?」
絢香壞笑道:「你唔見我個時落樓係同一層?」
「.......」我無言以對, 原來她一直知情。
「齊老大同佢齊姑娘好似關係好返?佢地以前係點。」
絢香幽幽道:「嗯...佢地變得疏離應該係齊姑娘嬲左佢。」
「下? 點解啊?」
「聽講...齊太死個單車禍, 係齊老大拘捕既幫派餘黨尋仇。」
禍不及妻兒, 從來只是武俠小說的謊言。
也許和馬教授一樣, 齊老大的世界早已經末日。
但是他卻沒有動搖過。
「所以齊姑娘就嬲到自己爸爸到依加...」
絢香閉上眼:「我個時多數跟馬教授行動, 所以詳情我真係唔太了解。」
我也聽說過, 齊太太是死於車禍, 但原來不是單純的車禍....
「咦, 咁樣槍王應該知呢件事。」
「嗯? 我唔知Wor...」
我道:「我地小隊中, 只有槍王既技術係純戰鬥, 點解一個查商業犯罪既人, 要神槍手? 我聽講過某個幫派, 係前任大佬被人拉左後, 餘黨被一個槍手通通做低既小道消息...睇黎就係...」
「哦.....」絢香點點頭。
「對唔住, 唔應該講呢D野你聽。」
她搖搖頭:「點會, 你講咩我都願意聽。」
「絢香, 如果唔係世界末日......」
「我知, 寄葉連見我都唔俾啦嘛。但我地依加...依加就係等緊死...」
「你喊呀?」
「冇..冇呀!」她坐直身子抹抹眼框, 「你仲有冇帶住? 個..個御守。」
我掏出之前絢香在中央圖書館出發前交給我的粉紅色五角形, 寫著"東京大神宮"的御守:「呢個?」
「嗯...雖然係冇血花鑽咁貴重, 但我都想..你會帶住...」她看著我手上的戒指, 扁著嘴既說道。
「好啦, 雖然唔知有咩用, 但我會帶住。」
「有..有用架!」
我打開記事本, 畫了御守的樣子進去, 這東西就不放入火箭了, 留在這星球上一起變灰吧。御守是日本類似護身符這樣的東西, 在末日下可以說是最可笑的東西。「神明保佑」對末日下的人們是最為諷刺的, 因為這星球是神所放棄的天地, 還要留在這星球上的人是神所放棄的人。
我們的滅亡正步步逼近, 我們............要死了。
女王的動靜也變少, 自從那天的追殺後已經再沒有攻擊, 我們每天都在WIN過著這最後的日子:三號繼續爛醉如泥, 舜兒天天推著貝兒出去走動, 肥貓繼續在大氣電波中胡說八道, 絢香加入到護衛隊中, 齊姑娘忙著照顧附近的人.....
寄葉和我,就享受著這末日下最後的日子, 封印著彼此血液的血花鑽會永遠牽著, 直到萬物的終結。齊老大是對的, 女王不會攻過來, 至少現在是這樣。
距離世界末日, 60日。
末日愈近, 人就會愈辛苦--羅醫生所是說。
現在我們眼前只剩下兩個月不到的時間。
達成了自己夢想, 找到了自己意義的人, 正享受著最後的時光, 即使少, 但也是甜美的夢。
但是, 對那些做不到的人來說, 末日的倒數就是一條漸漸收緊的頸上麻繩。
「永遠無法達成理想」才是倒數的絕望, 而然--
人是會反抗的, 所以正如羅醫生所說, 人會變得激進和瘋狂, 這是末日下的那些人最後的反抗, 希望能在世界末日前, 做到所有自己還沒做的事。
不論用上任何手段。
女王, 是其中之一。
終章之一: 終焉前夕已至, 洞悉未來之人
完
終章之二: 萬物崩壞已至, 捨棄一切之人
VantaBlack
2018-11-10 17:43:38
末日下最後既故事, 開幕
:^(
黑椒牛丸河
2018-11-10 18:13:16
:^(
:^(
把妹廢人
2018-11-10 18:52:17
橫掂都死, 仲你殺我我殺你做咩呀
不如叫埋女王嗰邊啲人, 嚟個瘋狂大雜交算啦
VantaBlack
2018-11-10 19:05:50
因為人類總係要殺黎殺去
:^(
把妹廢人
2018-11-10 19:07:38
殺人定性交, 我揀性交
:^(
VantaBlack
2018-11-10 19:10:17
爭咩呀爭,不如.....啊, 冇野, 當我冇講過
Ads
VantaBlack
2018-11-10 19:14:06
巴打係咪有追我第一個故
:^(
黑椒牛丸河
2018-11-10 19:19:23
拆情侶？冇
:^(
VantaBlack
2018-11-10 19:20:31
不過個個故都好似見到你
:^(
黑椒牛丸河
2018-11-10 19:21:54
幻覺黎架
:^(
:^(
:^(
:^(
:^(
:^(
上一頁
第 20 頁
下一頁
但....齊老大真的還正常嗎?
我不是去論斷他, 畢竟末日一步步逼近, 任誰也會著急與不安, 他還葬送了兩位昔日的好友, 即使齊老大真的瘋了, 我也覺得是情有可原---他臂上的擔子, 也許太重, 包括過去, 包括現在投靠到WIN的人。
「呢度就係WIN啊, 點解叫贏既?」視后天真的問道。
「Watch-point Island North呀小姐.....喂! 舜兒!」我向正站在塔頂的舜兒揮手。
「阿平! 你地返黎啦?」他把弓背回身上, 爬梯回到地面, 「寄葉佢...好返未?」
「好返啦, 佢已經記得晒所有野, 唔講咁多, 齊老大呢?」
「係佢間房掛, 我唔太清楚, 如果冇, 你就去問下琪琪同高佬平。」
.........嗄? 我在這兒啊, 再說我很高嗎?
他看到我的表情, 笑道:「呃, 有呢一個人, 係琪琪救返黎既, 又係叫咩咩平,為左區分我地叫佢做高佬平, 依加防禦野都係佢地搞。」
是香港公園中東叔說的那個被救的人吧。
「哦? 咁三號呢?」
「三號佢.....唉, 三號佢, 變左。」
寄葉聽到提及自己的師傅, 連忙湊上來:「三號佢做咩?」
「惡人幫唔見左呢件事, 你地知道? 自從惡人幫消失後, 佢就冇野做, 日日飲酒, 基本上佢全日都係醉左既狀態, 佢甚至仲話唔使防禦, 根本冇人會黎攻擊.... 我睇既話就只係藉口, 距離末日仲有70幾日, 佢只係失去自己既意義。」
真可怕--我只能這樣說。的確, 仁仔, 寄葉, 琪琪, 每個都青出於藍, 大家也變強, 年老的三號效用的確大不如前, 就好像被社會和子女都遺棄的老人一樣。
「齊姑娘冇勸佢咩?」
「勸唔黎, 齊姑娘係大力, 但三號醉左都好好打, 上次佢發酒癲, 齊姑娘加我加齊老大加琪琪先至阻止到佢痾尿落發電機度, 齊老大被俾佢淋到成身尿。」
「唉...」看到寄葉神色黯然, 我把那句「我會好好恥笑齊老大」吞回肚中。
「人如果搵唔到自己既意義, 就會變成咁。」絢香也似乎有所感觸。
「佢始終都老啦, 唔想辛苦到佢。好啦, 你地唔係要去搵齊老大咩, 呢兩位係? 咦, 我係咪係電視見過你....」
「我...舊同事, 呢個係槍王, 呢個女人唔使理。」槍王拉一拉牛仔帽點頭。
視后怒道:「喂呀! 文雀! Halo~我叫視后呀, 你係我Fans?」
「唔係..我好少睇電視, 好啦, 快D入去。」
我們一行五人穿過防線, 帳篷區中傳來人聲和交談聲, 似乎來投靠的人變多了。404日的末日倒數已經走到尾聲, 食物等已經開始難找了吧。
「佢就係楊子平....」
「言寄葉好靚呀..」
「絢香好似係日本人..?」
「個牛仔係香港人?」
「咦我好似係電視見過個靚女....」
議論紛紛呢。
「阿平...」絢香走到我身邊拉拉我衣角, 「可唔可行快D..佢地講緊我地...」
我向絢香笑笑道:「好啦, 好啦, 唔使怕醜, 佢地冇惡意。」
「我唔鐘意俾人講...」她嘟起嘴巴滿臉通紅。
「一定係你著得太靚。」我對她說。
「靚呀呢! 我設計架!」視后神氣看指著絢香, 「要搵我簽名既等陣黎搵我啦, 啾咪~」
啾咪你個死人頭啊?!
算了, 這種淋浴在視線中的感受是視后所享受和期望的吧, 但難為絢香了。
穿過帳篷區後就是WIN的主建築物, 熟悉的--「家」。
我的家有四處, 兒時的家, 上環的家, 廟街的家, 和這兒。
如果要挑一個地方來迎接末日的話, 也許這兒也不錯。
「哦.....阿平啊....你又係度既?岩岩明明行左去個邊架...」三號搖搖晃晃站起來, 「黎! 我地出去..打! 打! 打! 打惡人幫! 寄葉呢! 琪琪! 過黎! 」
才正午, 三號已經混身酒氣醉醺醺。
「三號, 你..你飲太多啦。」寄葉想走過去扶他, 結果三號直接噗一聲倒地, 一邊笑一邊唱歌:「嗚啦啦嗚啦啦~~」
槍王搖搖頭:「呢個男人, 無得救。」
「三號佢..佢之前唔係咁架!」寄葉強行拉起三號, 把他擲到附近帳篷中。
絢香也無奈的說道:「佢真係...唔同晒。」
槍王幽幽說:「末日愈近, 人心變得愈快, 始終有D野再唔做, 就再無機會, 或者呢個樣先係佢一定想成為既人。」
三號一邊叫著打倒惡人幫, 一邊笑, 一邊唱歌; 我們一臉擔心和憐憫看看著他.......也許三號才是比較快樂的一邊。
「阿平! 阿平! 救命呀! 狗呀!」
「胡......」巴打雙犬正低嗚逼近在一邊四圍張望的視后, 寄葉連忙嚇得躲到我身後!
這女人, 十分鐘不給我惹麻煩可以嗎!
再說, 我也沒法命令巴打啊!
「絢香, 你同兩個熟唔熟?」
「唔熟! 但可以試下! 巴打! STOP!」
巴打目露兇光向視后猛吠, 擺出攻擊姿態!
完全沒用!
「喂, 我可唔可以射佢地?」槍王拔出槍, 「呢D狼狗皮毛用黎做頸巾唔錯。」
「你有病啊?! 呢度唔係美國西部呀大佬!」
「胡....汪! 汪!」
「三號! 你兩隻狗就黎食人啦!」我向那邊剛好爬起拿酒飲的三號吼道。
「斬料! 斬料! 斬大舊叉燒!」
沒救了! 變成了糟老頭了!
「巴打! STOP!」遠方一個打扮得有點像寄葉的人出現, 但背上帶著一支旗桿, 「Good boy! Good Boy!」
巴打勉強算是停下了攻擊, 但也沒有看到她身邊接受撫摸, 而是跑到三號邊伏下。
「都係唔理我....阿平! Hello! 咦, 我係咪係電視見過你...」
「嗚...我就黎聽到識背呢句...」
「你係八點鐘處境劇, 做大陳生個秘書啦嘛!」
視后露出從沒有見過的笑容:「係呀! 係呀! 終於有人記得我! 」
「我晚晚追架。」
「你叫咩名?」
「琪琪啊, 呢個係..高佬平。」一個高挑的男人在他旁邊出現。這就是高佬平嗎? 算了, 我的名字算是滿大街也是的那種, 我本身也認得幾個叫阿平的人, 不是甚麼神奇的事。只是這傢伙的路人臉和打扮, 也有點和我相似就是。不, 我比較帥氣一點。
視后從袋中掏出筆, 直接在琪琪手背簽下自己大名。
「喂! 視后! 」我喝她, 「亂咁畫人隻手! 想死啊?! 」
「啊, 對唔住, 太興奮....哎呀! 琪琪, 對唔住呀! 我用錯油性筆!!」視后用手在自己簽名上輕揉幾下, 發現根本沒法消去墨水, 甚至擴散了一點墨暈到琪琪的新手錶上。
「絢香, 同我斬視后隻手落黎, 剝佢皮俾琪琪遮住。」
「呀呀呀唔好呀!」絢香作勢插刀, 嚇得她嘩嘩大叫抱住琪琪。
琪琪笑道:「好啦, 阿平唔係D咁既人, 佢嚇下你。」
我得意的笑道:「 好啦, 琪琪, 我地去搵齊老大, 夜D見。」
「琪琪, 對唔住呀, 對唔住呀...」視后向外頭的琪琪繼續道歉, 至於我就把升降機控到地面水平。我們登上升降機後, 絢香拉動繩子, 某處的機房注入水而變重, 平衡水箱下墜而把平台拉往上....真是很了不起的設計。
「視后, 我唔該你係齊老大面前, 正常少少得唔得。」
「咩Wor...齊老大唔會忘記我既, 連你個路人樣佢都記我啦。」
「哈, 可能佢廢事俾你畫手而專登唔認你呢!」
「文雀!」
絢香欄住往我撲來的視后:「好啦, 視后, 小心跌落去。」
不用對這女人這麼體貼呢, 絢香。
視后看看自己身邊的深淵, 也只能閉嘴乖乖的呆著。