荒島日記.2(新手故、後宮甜)
上一頁
第 13 頁
下一頁
我愛叉燒包
2018-11-23 01:22:20
170.挑戰
四眼妹係營地住得好好地地,做咩咁突然搬過嚟。
「搬屋?做乜無啦啦搬屋啊?」
「我見你禁止入營地啊嘛,以後同你做生意都難,所以索性搬過嚟你地依邊,點啊?係唔係唔歡迎先?」
四眼妹挨近過嚟望住我。
「唔係⋯」
你挨咁近搞到我面都紅曬。
「唔係就得啦,姐妹們!快手啲啊,仲有好多嘢未攞㗎。」
四眼妹邊講邊拍手鼓勵士氣。
其中一個四眼妹山洞既女走過嚟,然後好細聲咁講。
「其實得你一個先會幫襯佢,其他人都買唔起佢啲嘢。」
四眼妹對住走過嚟個女仔講。
「喂!你同大陸仔講咁啲咩?」
「無嘢啊!彤姐!」
個女仔做左個鬼臉後即刻跑去四眼妹身邊。
就係咁,我望住四眼妹佢地不斷咁搬嘢過嚟,由於我依家唔可以入營地,所以無辦法幫佢地手搬嘢。
我轉頭一望,雪兒好無奈咁樣望我同四眼妹幾眼,然後就慢慢行返入山洞裡面。
雪兒做乜咁既樣?
「咦!粗重功夫等我嚟!」
達叔路過見到四眼妹佢地,即刻好熱情咁走去幫佢地,凡係重嘢都搶曬嚟搬,佢仲同四眼妹有傾有笑。
達叔突然走過嚟同我講。
「東哥東哥,你真係要幫下佢地啊。」
「乜嘢幫佢地?」
「四眼妹佢地啊,其實佢地狩獵麻麻,收穫一向都少,再加埋肥佬陳攞佢地既糧,所以一直都係食唔飽,一直都打算咁離開營地,直到你出現,佢地先決定搬離營地,東哥,我地兩個以後好好保護依邊啲人啦。」
達叔講完個樣愁眉苦臉咁。
喂⋯達叔⋯係你答應保護佢地,我無答應過wor⋯做咩拉埋我落水⋯
「達叔,我無應承過保護佢地。」
達叔估唔到我會咁講。
「東哥⋯點可以咁㗎⋯」
「咪住先!達叔⋯你唔會係對四眼妹有意思啊嘛⋯」
「吓⋯邊有呢邊有呢⋯」
達叔傻笑咁搖手。
明眼人都睇得出你對佢有意思啦⋯
但係我記得⋯住四眼妹既女仔⋯好似都係同性戀嚟⋯
「東哥,總之我地兩個以後要好好保護依邊既人!唔講住啦,我繼續幫佢地搬嘢。」
達叔講完,便跟住四眼妹走去營地個方向。
最後四眼妹搬到黃昏,先將佢山洞既嘢搬曬過嚟依邊,而佢住既山洞,就選擇左係達叔隔離,聽講話想係想做埋達叔既生意,佢仲講左句:「女人錢最好搵!」
達叔兩個女伴如果知道達叔對你有意思,仲點會幫襯你啊。
食飯個陣,紫霜可能同我地熟左,開始會主動咁講嘢,會講下自己既睇法,同埋就係,佢開始會笑,我有幾次見佢笑左一下,雖然好輕微好短暫,但對比啱開始識佢個陣沈默寡言,依家已經好好多。
佢笑起嚟個樣都幾靚。
辣椒妹、秋儀、紫霜,三個係一邊有傾有笑,有幾次辣椒妹開心到拍曬手掌,果然係大笑姑婆。
反而雪兒黑曬口面,悶悶不樂咁自己坐係一邊,全程無出過一聲,辣椒妹同佢講幾句,佢都好冷淡咁回應佢,所有笑點都引唔到佢笑。
雪兒唔會係因為四眼妹同我啱先咁親暱,所以就嬲到唔出聲啊嘛⋯⋯
我望向雪兒個陣,雪兒即刻避開我既目光,愁眉苦臉咁食海鷗肉。
大佬啊⋯我唔係又做錯左啲咩啊嘛⋯
到左夜晚,我地四個返山洞裡面訓教,秋儀繼續攬住我手臂訓教,而雪兒就背對住我訓,但佢不時向後望一望我,望到佢既目光,佢就好似有嘢好想同我講。
見到雪兒依家奇奇怪怪咁,搞到自己都訓唔著,大概過左十幾分鐘,雪兒終於轉身對住我,佢見到我仲未訓,就挨過嚟同我講。
「大陸仔⋯我地出外面啊⋯」
我跟住雪兒走出山洞外面,佢抬頭望向月亮,月光照耀係佢身上,令雪兒變得更加靚,雪兒就好似嚟自月亮既仙女。
今晚個月亮特別圓,今晚係農曆十五?雪兒叫我出嚟係為左欣賞月色?
雪兒開口。
「大陸仔⋯」
「嗯?」
「你⋯你依排要小心啲啊⋯」
雪兒用好可憐既眼神望住我。
「點解突然咁講⋯」
「因為⋯因為⋯」
雪兒突然攬住我,身體不斷咁顫抖,我感覺到膊頭有少少濕濕地。
我撫摸雪兒既秀髮。
「傻豬,做乜係到喊啊⋯」
「我感覺到你依排會有危險⋯」
「唔洗擔心,感覺嚟姐。」
雪兒好用力咁攬實我,同我講。
「唔係㗎⋯你依家係到做既所有嘢⋯都會吸引到營地既人矚目⋯而且你將達叔同四眼妹拉左過嚟依邊⋯陳總既收入自然會少⋯我覺得佢實會搵你麻煩⋯」
「應該唔會既⋯」
其實聽完雪兒咁講,我都覺得我依家係營地既所有嘢,完全係挑戰咁肥佬陳係營地既地位,以肥佬陳係社會打滾咁多年,佢一定會搵我算帳。
「大陸仔⋯我既感覺一向都準㗎⋯⋯不如我地離開依到啊⋯我地去其他地方重新嚟過⋯我唔想你有事⋯⋯」
雪兒講完便開始哭泣起嚟。
我地好難得先搵到咁好既地方安置,而且又搵到我既朋友,搵到一大班人一齊生活,俾我感覺返好似好返現實社會生活,點可以話走就走⋯⋯
不過雪兒既第六感不嬲都準⋯都唔難怪佢依家會咁擔心我⋯
我緊緊攬實雪兒。
「雪兒,放心啦,我唔會俾自己有事。」
「但係⋯」
雪兒抬頭望我,淚珠不斷係佢面上滑過,形成兩條淚痕,代表著佢既擔憂。
我笑住咁講。
「我邊到捨得離開你地,我仲要保護你地,你見我咁多次無事,就知我幾大命啦。」
「大陸仔⋯」
雪兒個樣仲係好擔憂。
「信我啦,雪兒。」
我誠懇咁望住雪兒。
雪兒思考左一陣。
「嗯⋯我信你」
雪兒講完便吻上嚟,唔知點解,我覺得依一吻有少少既苦澀味⋯接吻理所當然應該係甜蜜啲,但依一吻,卻係甜蜜的嚟有些苦澀,會唔會係因為雪兒擔憂先會咁?
返入去山洞,雪兒攬住我訓,佢好快就咁訓著,而我聽完雪兒既憂慮後,開始不停咁思考。
如果肥佬陳攞槍對住我⋯我可以點⋯
其實佢枝槍係邊?
不如⋯
不如我去偷走佢枝槍?
待續
Ads
史提芬信
2018-11-23 02:47:27
推
三分射死你
2018-11-23 12:01:11
火燒營地,再搵來福同班猩猩幫下手就乜都掂晒
:^(
傻豬黎既
2018-11-23 13:20:36
幾時有人肉食?
我愛叉燒包
2018-11-23 13:25:29
食物充足 唔會有依件事發生
:^(
正減俊
2018-11-23 16:55:26
文呢
:^(
:^(
鳩硬無親戚
2018-11-23 17:42:53
大推
佬big鵰
2018-11-23 17:46:40
文呢
內傷小王子
2018-11-23 19:15:30
此回覆已被刪除
5p狙擊手
2018-11-23 19:35:10
+1
世界足球先生
2018-11-24 13:22:29
來福幾時出場?
Ads
真實英雄
2018-11-24 20:21:31
直接做把諸國連弩
:^(
真實英雄
2018-11-24 20:21:58
葛
:^(
我愛叉燒包
2018-11-24 23:39:50
搞到我好似寫咁喪屍故⋯
:^(
佬big鵰
2018-11-25 00:31:44
出文啦
:^(
哥德爾
2018-11-25 10:59:51
:^(
謎の男
2018-11-25 13:59:20
:^(
識打波嘅男仔好好
2018-11-25 16:41:15
:^(
我都好掛住來福
:^(
我愛叉燒包
2018-11-26 01:19:32
171.召見
今晚有啲攰,而且依家俾雪兒咁樣攬到實一實,我起身既話實會整醒佢,到時想走出去都難,都係聽晚先再潛入肥佬陳個山洞。
到左第二日,我訓醒走出山洞外面伸懶腰,然後蹲下身坐係雪兒旁邊,望住佢燒剩餘既獵鷹。三女日日都早起過我,我地既煮食已經俾雪兒承包,辣椒妹同秋儀間唔中係附近執啲乾柴返嚟,或者係河邊睇下搵唔搵到食。
突然有個人由河邊個方向,慢慢咁走過嚟我依邊,我地全部人抬頭望,係肥佬陳個秘書Lily。
佢婀娜多姿咁行,著住緊身衫同緊身裙,令佢身材完美線條展現曬出嚟,大臀部左右咁擺動,十分誘惑。
雪兒同辣椒妹見到佢婀娜多姿咁行,即刻擺出一副厭惡既眼神,辣椒妹仲忍唔住鬧左一句:
「死姣婆。」
Lily慢慢咁走到我面前,然後彎腰同我講:
「王學東,方便過來說幾句嗎?」
其實我無留意到佢同我講咩,因為我雙眼聚焦係佢既心口到,佢彎腰對住我,露出佢非常強烈既事業線,大波波擠壓一齊,令佢條事業線深不可測。
睇到流曬大汗,真係好想中個頭埋沒佢既心口中。
果然係大企業老闆既貼身秘書,係出類拔萃啲既。
雖然個晚見到佢全裸,但今日佢著曬衫,都係咁正咁誘惑,唔係,今日仲正啲!因為係制服誘惑。
「啊⋯啊!」
手臂突然俾人用力咁擰,痛到我大嗌。
「大陸仔!你睇啲咩睇到咁入神啊!」
雪兒發狠咁望住我講,我俾佢依家個樣嚇到飆冷汗。
「無啊⋯無啊⋯」
我不斷咁搖頭。
「哼!」
雪兒即刻鬆手,如果再俾佢咁樣擰落去,手臂肯定會出血。
Lily見我無應佢,所以再次叫我。
「王學東,王學東,方便說幾句嗎?」
「哦⋯好啊⋯」
於是我跟住Lily走去一邊,雪兒秋儀辣椒妹三個一直望住我地,雪兒更加嬲到完全唔理燒烤架上既獵鷹有無燒燶。
Lily微笑咁同我講:
「王學東,陳總想請你去他家,他今天要見你,和你談談一些事情。」
「單獨?唔可以帶其他人一齊去?」
秘書Lily點頭。
「對!陳總他說只見你一個人。」
究竟佢見我想同我講咩呢?就跟你返去見下肥佬陳。
「好,我依家跟你去。」
我走返去三女個邊,快手地用刀切下一大舊胸肉,然後轉身走去秘書Lily個邊,點知雪兒走到我面前張開手擋住我既去路。
「大陸仔!你要去邊?」
雪兒嬲到面都紅曬。
「我⋯我跟佢去傾啲嘢,好快返。」
「唔準去!」
「雪兒啊⋯我好快就返嚟!信我!我好快返既啦!」
我即刻跑去秘書Lily身邊。
「大陸仔!哼!」
雪兒嬲到係咁踢地上既石頭。
我一邊食住鷹胸肉一邊跟住秘書Lily行,過到河對面營地個陣,守住營地門口既兩個女仔即刻上前舉起木棍阻住我。
「大陸仔唔準進入!」
秘書Lily揮一揮手。
「放下,陳總要見王學東,所以他要進去。」
「係!」
兩個女仔放低手中既木棍。
我一邊食一邊問秘書Lily。
「係wor!你地營地唔係已經禁止唔俾我入嚟既咩?」
「不給你進來不是陳總的意思,是劉日生他們的意思,不過營地裡陳總權力是最大的,陳總想給你進就能進,不需要得到其他人的同意。」
「哦⋯」
我地去肥佬陳山洞既途中,營地既人都用奇怪既眼光望住我,應該係因為我可以入嚟營地裡面而感到奇怪。
肥豬劉係其中一個山洞裡面走出嚟,見到我既出現,即刻破口大罵:
「大陸仔!係邊個俾你入嚟營地㗎!你見唔到個牌㗎!未死過啊?」
我正想開口個陣,秘書Lily就出聲。
「陳總今天要見王學東。」
「陳⋯陳總⋯好⋯好⋯」
肥豬劉聽到係肥佬陳要見我,即刻嚇到成隻死狗咁,得曬頭,原本佢霸氣十足係一瞬間蕩然無存。
睇嚟營地既人對肥佬陳都好畏懼下。
不知不覺已經嚟到肥佬陳個山洞,我同秘書Lily穿過黑布嚟到大廳,山洞另外一邊出口既黑布同大廳櫃後面既黑布都摺起左,用山洞外既陽光透過外面塊鏡反射照亮山洞裡面。
秘書Lily招呼我到梳化邊。
「先坐在這等一下,陳總很快出來。」
「好⋯」
秘書Lily轉身便走入三叉路中,再走向肥佬陳間房個邊,無幾耐就走返出嚟,佢攞左幾個開左既罐頭走到我面前,然後放低係檯面。
Lily微笑咁同我講。
「請慢用,這是陳總的意思。」
我望一望檯面既罐頭,係沙甸魚罐頭、鮑魚罐頭同埋茄汁豆罐頭,佢地散發出既香味慢慢咁湧入我鼻腔裡面,令我嘴裡分泌出酸酸既味道。
真係好耐未聞過咁香既食物⋯
我忍住食慾,對住佢點點頭。
「唔洗,我啱啱已經食飽左,多謝曬。」
(我驚你會落毒。)
秘書Lily突然坐低,佢攞出個磁羹食左一啖沙甸魚同茄汁豆,嘴嚼左一陣便吞落肚,然後同我講。
「放心,我們不會下毒害你的,食物在這裡很珍貴,我們不會就這樣浪費食物。」
「哦⋯多謝⋯咁我唔客氣⋯」
我攞起茄汁豆罐頭同磁羹,然後狼吞虎嚥咁吞噬啲茄汁豆,沙甸魚同鮑魚罐頭我就無乜興趣。
最後我連罐頭裡面既汁都飲埋,實在太耐無食過番茄汁依類咁好味既嘢,食完想返自己係佢面前狼狽咁食嘢,真係失禮曬。
我用手臂抹一抹嘴角。
「多謝⋯」
「要不要再來一罐?」
秘書Lily再攞出一罐茄汁豆。
我伸手阻止。
「唔洗,我飽啦,多謝。」
於是我同秘書Lily係客廳你眼望我眼,等待肥佬陳出嚟,成十分鐘大家都無出聲,我雙眼快速咁掃視秘書Lily全身,最後目光停留係佢既長腿上。
佢雙腿搭係一齊,緊身裙與雙腿之間露出少許空隙,隱約見到佢既底褲。
佢咁樣坐係我對面,真係想誘惑死我。
佢雙腿既線條接近完美,再以佢175既身高,依條腿真係無得頂!無得輸!
「呵!呵!」
肥佬陳悠哉悠哉咁行出嚟,然後坐係中間既梳化上,佢嘴上叼著一枝雪茄,然後好似一開始見佢咁,用個鼻哥窿望住我。
待續
內傷小王子
2018-11-26 02:15:31
此回覆已被刪除
我愛叉燒包
2018-11-26 02:26:38
劇情鋪排嘛 好快有甜
Ads
高家朗
2018-11-26 07:58:46
食lily ok?
失敗的面
2018-11-26 13:33:59
少左啲喎
:^(
加油
:^(
:^(
追到依家
甜唔甜已經唔係重點
:^(
傻豬黎既
2018-11-26 13:42:58
想結盟定要脅豬角
:^(
m.pho
2018-11-27 00:16:08
文啊
:^(
上一頁
第 13 頁
下一頁
四眼妹係營地住得好好地地,做咩咁突然搬過嚟。
「搬屋?做乜無啦啦搬屋啊?」
「我見你禁止入營地啊嘛,以後同你做生意都難,所以索性搬過嚟你地依邊,點啊?係唔係唔歡迎先?」
四眼妹挨近過嚟望住我。
「唔係⋯」
你挨咁近搞到我面都紅曬。
「唔係就得啦,姐妹們!快手啲啊,仲有好多嘢未攞㗎。」
四眼妹邊講邊拍手鼓勵士氣。
其中一個四眼妹山洞既女走過嚟,然後好細聲咁講。
「其實得你一個先會幫襯佢,其他人都買唔起佢啲嘢。」
四眼妹對住走過嚟個女仔講。
「喂!你同大陸仔講咁啲咩?」
「無嘢啊!彤姐!」
個女仔做左個鬼臉後即刻跑去四眼妹身邊。
就係咁,我望住四眼妹佢地不斷咁搬嘢過嚟,由於我依家唔可以入營地,所以無辦法幫佢地手搬嘢。
我轉頭一望,雪兒好無奈咁樣望我同四眼妹幾眼,然後就慢慢行返入山洞裡面。
雪兒做乜咁既樣?
「咦!粗重功夫等我嚟!」
達叔路過見到四眼妹佢地,即刻好熱情咁走去幫佢地,凡係重嘢都搶曬嚟搬,佢仲同四眼妹有傾有笑。
達叔突然走過嚟同我講。
「東哥東哥,你真係要幫下佢地啊。」
「乜嘢幫佢地?」
「四眼妹佢地啊,其實佢地狩獵麻麻,收穫一向都少,再加埋肥佬陳攞佢地既糧,所以一直都係食唔飽,一直都打算咁離開營地,直到你出現,佢地先決定搬離營地,東哥,我地兩個以後好好保護依邊啲人啦。」
達叔講完個樣愁眉苦臉咁。
喂⋯達叔⋯係你答應保護佢地,我無答應過wor⋯做咩拉埋我落水⋯
「達叔,我無應承過保護佢地。」
達叔估唔到我會咁講。
「東哥⋯點可以咁㗎⋯」
「咪住先!達叔⋯你唔會係對四眼妹有意思啊嘛⋯」
「吓⋯邊有呢邊有呢⋯」
達叔傻笑咁搖手。
明眼人都睇得出你對佢有意思啦⋯
但係我記得⋯住四眼妹既女仔⋯好似都係同性戀嚟⋯
「東哥,總之我地兩個以後要好好保護依邊既人!唔講住啦,我繼續幫佢地搬嘢。」
達叔講完,便跟住四眼妹走去營地個方向。
最後四眼妹搬到黃昏,先將佢山洞既嘢搬曬過嚟依邊,而佢住既山洞,就選擇左係達叔隔離,聽講話想係想做埋達叔既生意,佢仲講左句:「女人錢最好搵!」
達叔兩個女伴如果知道達叔對你有意思,仲點會幫襯你啊。
食飯個陣,紫霜可能同我地熟左,開始會主動咁講嘢,會講下自己既睇法,同埋就係,佢開始會笑,我有幾次見佢笑左一下,雖然好輕微好短暫,但對比啱開始識佢個陣沈默寡言,依家已經好好多。
佢笑起嚟個樣都幾靚。
辣椒妹、秋儀、紫霜,三個係一邊有傾有笑,有幾次辣椒妹開心到拍曬手掌,果然係大笑姑婆。
反而雪兒黑曬口面,悶悶不樂咁自己坐係一邊,全程無出過一聲,辣椒妹同佢講幾句,佢都好冷淡咁回應佢,所有笑點都引唔到佢笑。
雪兒唔會係因為四眼妹同我啱先咁親暱,所以就嬲到唔出聲啊嘛⋯⋯
我望向雪兒個陣,雪兒即刻避開我既目光,愁眉苦臉咁食海鷗肉。
大佬啊⋯我唔係又做錯左啲咩啊嘛⋯
到左夜晚,我地四個返山洞裡面訓教,秋儀繼續攬住我手臂訓教,而雪兒就背對住我訓,但佢不時向後望一望我,望到佢既目光,佢就好似有嘢好想同我講。
見到雪兒依家奇奇怪怪咁,搞到自己都訓唔著,大概過左十幾分鐘,雪兒終於轉身對住我,佢見到我仲未訓,就挨過嚟同我講。
「大陸仔⋯我地出外面啊⋯」
我跟住雪兒走出山洞外面,佢抬頭望向月亮,月光照耀係佢身上,令雪兒變得更加靚,雪兒就好似嚟自月亮既仙女。
今晚個月亮特別圓,今晚係農曆十五?雪兒叫我出嚟係為左欣賞月色?
雪兒開口。
「大陸仔⋯」
「嗯?」
「你⋯你依排要小心啲啊⋯」
雪兒用好可憐既眼神望住我。
「點解突然咁講⋯」
「因為⋯因為⋯」
雪兒突然攬住我,身體不斷咁顫抖,我感覺到膊頭有少少濕濕地。
我撫摸雪兒既秀髮。
「傻豬,做乜係到喊啊⋯」
「我感覺到你依排會有危險⋯」
「唔洗擔心,感覺嚟姐。」
雪兒好用力咁攬實我,同我講。
「唔係㗎⋯你依家係到做既所有嘢⋯都會吸引到營地既人矚目⋯而且你將達叔同四眼妹拉左過嚟依邊⋯陳總既收入自然會少⋯我覺得佢實會搵你麻煩⋯」
「應該唔會既⋯」
其實聽完雪兒咁講,我都覺得我依家係營地既所有嘢,完全係挑戰咁肥佬陳係營地既地位,以肥佬陳係社會打滾咁多年,佢一定會搵我算帳。
「大陸仔⋯我既感覺一向都準㗎⋯⋯不如我地離開依到啊⋯我地去其他地方重新嚟過⋯我唔想你有事⋯⋯」
雪兒講完便開始哭泣起嚟。
我地好難得先搵到咁好既地方安置,而且又搵到我既朋友,搵到一大班人一齊生活,俾我感覺返好似好返現實社會生活,點可以話走就走⋯⋯
不過雪兒既第六感不嬲都準⋯都唔難怪佢依家會咁擔心我⋯
我緊緊攬實雪兒。
「雪兒,放心啦,我唔會俾自己有事。」
「但係⋯」
雪兒抬頭望我,淚珠不斷係佢面上滑過,形成兩條淚痕,代表著佢既擔憂。
我笑住咁講。
「我邊到捨得離開你地,我仲要保護你地,你見我咁多次無事,就知我幾大命啦。」
「大陸仔⋯」
雪兒個樣仲係好擔憂。
「信我啦,雪兒。」
我誠懇咁望住雪兒。
雪兒思考左一陣。
「嗯⋯我信你」
雪兒講完便吻上嚟,唔知點解,我覺得依一吻有少少既苦澀味⋯接吻理所當然應該係甜蜜啲,但依一吻,卻係甜蜜的嚟有些苦澀,會唔會係因為雪兒擔憂先會咁?
返入去山洞,雪兒攬住我訓,佢好快就咁訓著,而我聽完雪兒既憂慮後,開始不停咁思考。
如果肥佬陳攞槍對住我⋯我可以點⋯
其實佢枝槍係邊?
不如⋯
不如我去偷走佢枝槍?
待續