【食人魔法師】《小松奇妙物語!》(2)
上一頁
第 26 頁
下一頁
段蟹
2018-11-4 01:28:56
推
Ads
文科仔2.934
2018-11-4 01:46:11
:^(
我要做個好人
2018-11-4 02:44:38
推
:^(
張靈風
2018-11-4 03:51:11
推
墨說
2018-11-4 05:44:29
「呵欠~」微風快意令我們睡意加劇,一起打呵欠。
除了路過的行人,整個小巴站幾乎沒有生息,燈滅車停。
「最後一班車miss咗啦‧‧‧‧‧‧」小松抬頭,望那掛得高高的車牌。
「咁唯有流浪街頭一晚,早抖~」說畢,我就沉倦地睡在書包裡。
「喂‧‧‧喂!小葵,你唔可以咁嫁,拋低我一個,自己舒舒服服喺入面訓覺。」小松試圖將我叫醒。
「‧‧‧‧‧‧」我眼皮合成一線,迷濛地盯她漂亮的下鄂。
「點算好呢、點算好呢。」小松邊走邊望。
墨說
2018-11-4 05:57:48
轉眼間,小松已在附近繞繞徊徊好幾個圈。
「點解連的士都冇咁悲劇‧‧‧‧‧‧」小松灰心地哀哭幾聲,又重拾正常:「算,我唔信喺小巴站等,會成晚一嫁的士都冇。」
一會兒後。
「你就好啦小葵,訓得咁冧‧‧‧‧‧‧真係有小松的貓兒像個寶啊。」小松低頭,凝望書包熟睡的我。
小松拿起手機,望著上面的黑屏:「手機又冇電,周圍啲鋪頭又收得七七八八,又有啲凍,今日真係搵自己笨啊。」
在無止盡的等待,小松不斷自我抱怨,越說越覺她可憐。
突然,一輛小巴的引擎聲駛至‧‧‧‧‧‧
如同專為小松出現,停在她面前。
墨說
2018-11-4 06:02:40
「嘟噠」車門打開。
「咦‧‧‧?」小松呆住。
「上車‧‧‧‧‧‧」司機說。
「乜‧‧‧乜一點三十三分,仲有小巴咩?」小松瞧瞧手錶,問。
「凌晨專線‧‧‧‧‧‧」司機答。
「原來有架?咁貼心嘅。」小松掏出銀包袋、上車。
上車瞬間,車門立即關上。
「幾錢啊司機?經唔經石澳?」小松續問。
「坐低‧‧‧‧‧‧」
「哦‧‧‧‧‧‧」小松怔住,坐到右排單人座。
墨說
2018-11-4 06:11:25
一坐下,小巴就馬上開動。
「‧‧‧‧‧‧唔洗錢?」小松再問司機。
可惜司機,不知作聾還是故意,沒有回答到她的問題。
「咁奇怪嘅。」小松把銀包袋收起。
小巴駛過幾個街口,轉過幾個小彎,就進入接近野外的林路。突然,小巴的收音機播起,一些吵雜的訊號。
「唔係咁邪啊‧‧‧‧‧‧」小松有些少畏怯,表現到面上。
「唔~?」我也被吵雜聲吵醒。
「司機叔叔,你揸緊去石澳架可‧‧‧‧‧‧?」小松越問越細聲。
墨說
2018-11-4 06:18:49
司機依然不作回答。
奇怪的他,加上窗外幢幢樹影,使得車上出現莫名其妙的不安。
「我等著你回來‧‧‧‧‧‧」
忽然,收音機的吵鬧聲停止,播出了一首旋律詭異的歌曲。
「吓啊!」小松咬住手,吃了很大的驚。
「做咩啊你?一見到我訓醒,就咁大反應。」我張開明亮的貓眼,說。
「呢首歌,係小巴禁忌嚟嫁!」
「小巴禁忌?」歌曲依然在播。
唱歌的女人,聲音彷彿帶著某種哀怨。
「媽咪講過呢‧‧‧‧‧‧」小松盯著司機的背:「夜晚坐小巴,播呢首歌都唔會有好事發生‧‧‧‧‧‧」
「‧‧‧‧‧‧唔好嚇自己。」我的答覆。
墨說
2018-11-4 06:27:13
「真架!我日日聽怪談,點會唔知!」小松說。
「聽怪談?原來你係每晚怪談都會笑嘅人。」我印象中,小松一到晚上就會上盤腳而坐,躲在被子看些笑聲不斷的節目。
「呃,我係指初中日日都聽怪談。」小松糾正。
「所以,你唔可以換個角度,好好欣賞呢首歌,直到返到去屋企?」我教曉她,做人的道理。
「問題係,怪談講過‧‧‧‧‧‧」小松刻意說得陰森細氣:「歌一完,你就會去到陰間。」
「陰間???」
「呃‧‧‧!!」小松試著解釋給我知:「你當係一種,人死咗先會去嘅地方。」
墨說
2018-11-4 06:34:05
「簡單嚟講,落唔到車就死。」我望住小松:「Right?」
「Yes ar!」小松心急如焚地捉住書包。
「首歌仲有幾耐。」
「我諗‧‧‧‧‧‧仲有一分鐘啦‧‧‧‧‧‧」小松答。
「宜家開始,聽好我指揮。」我說。
「小葵指揮官‧‧‧‧‧‧唔係玩嘅時候啊‧‧‧‧‧‧」小松捉緊前面的座椅。
「行到司機面前,叫停佢。」我下令。
「司機叔叔!!停車吖唔該!」小松離開座位,走到前頭。
司機不但沒有理會小松,油門速度更越來越快。
Ads
二寶糖
2018-11-4 06:36:40
個衰妹又會咁大膽
:^(
墨說
2018-11-4 06:48:21
那司機不止是聾,穿著和帽子更是一身藍,臉色則憔悴、眼窩極深,就像個十日沒睡的人。
「我等著你回來‧‧‧‧‧‧」
我也感覺到,歌曲快要去到尾聲。
正當小松處於憂懼之際,一把幽幽的聲音從後方傳來。
「車開咗,都幾難停。」
我們立即望望倒後鏡,發現不知何時,小巴尾列坐了個男人。
說話的男人,髮型有些厚重、微微的捲、瀏海幾乎蓋住眼睛,卻為他帶來不知名的神秘感。他那瘦高長挑的骨感,讓我記起他是誰。
是我之前在公園,自稱為「假道學仙人」的人。
墨說
2018-11-4 06:57:08
「哇!!你係邊個、幾時上車嫁‧‧‧‧‧‧」小松又嚇了跳。
「想落車?仲有二十秒。」他一副不在乎的樣子。
「要啊要啊!」
他把頭托高了一點,眼光跟我們觸及了一秒。
忽地,正在直駛的小巴,彷似失去動力般停駛下來。
不‧‧‧
不是停駛,而是停頓‧‧‧‧‧‧
車速顯示器,將數字維持在雙位數,所以停的不是車子,是時間。
他將目光移到別處:「唔好再上錯車。」
墨說
2018-11-4 07:06:21
「咩情況‧‧‧‧‧‧」小松望望周圍,最後定格在那男人身上:「我想問你係‧‧‧‧‧‧?」
「嘟噠」小巴的門,自動打開。
彷彿,是對方的回覆。
小松見他沒應,便小步小步地走落小巴,下車後不忘回望那傢伙數眼。
繼而,時間就回復正常,小巴亦以那速度繼續前進,在一個轉彎位消失在我們面前。
「我見過佢。」我說。
「頭先‧‧‧‧‧‧」小松問:「嗰個男人?」
「喺你學校附近,佢好似叫自己做「假道學仙人」?上次見佢明明都冇咁冷酷。」
「唔知點解‧‧‧‧‧‧」小松側側頭,思索:「有種,好奇怪嘅感覺。」
「你呢星期,已經遇到唔少怪人怪事。」我說。
「係啊,好似接住而嚟咁!」小松十分難受:「明明之前我都仲係個快樂健康好女孩嚟‧‧‧‧‧‧」
墨說
2018-11-4 07:13:10
小松又望住我,問:「點解呢?」
「我都唔知。」
「唉~」小松垂頭喪氣,步行回家:「要行返屋企喇‧‧‧‧‧‧」
「呢到邊到嚟?」
「樹林區域囉,跟住馬路就點都行到返去石澳。」小松說。
走了不知多久,終於走到可見建築物的地方──石澳村。
疲勞的小松一回家,開門見到的不是金毛,而是杞仁。
「老豆‧‧‧?」小松脫下鞋子。
墨說
2018-11-4 07:28:17
「點解你咁夜返屋企?咁樣有啲過份。」杞仁問。
「你等緊我啊‧‧‧?我都唔想,咁係冇車。」小松把書包裡的我抱出,放到地上。
「手機?打咗俾你幾次。」
「冇電。」小松預知他會這樣問。
「杞小松,一個女仔咁夜喺出面,係可以好危險。」可看出杞仁有些生氣,但都盡量抑壓住。
「我知~」踏上樓梯不到數步的小松,停下嘆氣。
「今日開始,你要禁夜。」杞仁說。
「唉,你鐘意。」小松不管那麼多,返回房間去。
一入房,她就躺在床上伸展筋骨。
「你對你父親語氣,比我仲差。」我說。
「我返到嚟又攰,又唔想同佢解釋咁多,我啱啱發生咩事,因為佢點講都唔會信~」小松郁動四肢,感受床單綿綿質感:「如果係媽咪呢,就一定信嘅。」
「你對父親嘅怨氣,已經唔係第一日。」我估算。
「小葵咁都睇得出,叻叻。」小松再也不動,看著天花板:「因為,佢唔係一個,稱職嘅老豆。」
情色漫畫老師
2018-11-4 07:28:23
痴線墨巴唔洗訓㗎
感性老母(有鳩)
2018-11-4 07:30:45
墨b早晨
:^(
游潛龜仔
2018-11-4 07:32:40
早晨墨b
瘋乳悲b
2018-11-4 07:36:12
早晨墨b
Ads
村民(魔王(村民))
2018-11-4 09:02:05
求下你訓覺啦墨b
:^(
我係黎睇故
2018-11-4 09:55:14
:^(
:^(
:^(
朱千雪雪雪
2018-11-4 10:47:51
:^(
:^(
:^(
辛苦了
巴打你真好笑
2018-11-4 11:35:06
出文機器
:^(
:^(
:^(
上一頁
第 26 頁
下一頁