[新手/穿越]執房嗰時搵返部Sony Ericsson推蓋手機
上一頁
第 5 頁
下一頁
人生的旋轉木馬
2018-10-20 00:28:20
19.
遊戲已經持續了一小時——我們知道了琪姐喜歡隔壁班的男同學,Jessie的男朋友是中三學長,看起來有點毒的阿俊有一個青梅竹馬,算是認定了對方,而Zoe竟然喜歡大我們二十年的班主任何sir。
因為年輕,總愛分享着少男少女的戀愛秘密。
「時間都差唔多,我地依家轉最後一個!」
瓶子逆時針快速轉動,噗通噗通——
「肥仔!」
「我揀True。」
「搞錯啊!你地都無人揀dare嘅!」
謙少得知Jessie有男朋友後,怒羞成怒。
「咪嘈啦你!拿,呢個圈入面嘅女仔,你會想邊個做你女朋友?」
「芯言。」
「WUUUUUUUUUUU——」
我還沒反應過來。
「肥仔係咪鍾意芯言!」
「間接表白?兄弟好波!」
「唔聲唔聲,語出驚人喎肥仔!」
「一齊一齊一齊!」
「我只係喺唔合理嘅選項之中揀個無咁唔合理嘅答案,大驚小怪。」
肥仔冷靜應對,好像這條問題一點都不尷尬,對於眾人的反應他一點都不害羞,如果我沒看到他泛紅的雙耳,我真的以為是這樣。
「芯言你點睇肥仔先?」
「近水樓台喎,trytry啦!」
「咪咁痴線啦你地,完!」
我翻白眼,企圖掩飾我的心虛,起伏不定的內心。
噗通噗通——
我跟肥仔的相遇,不應該是現在。
Ads
人生的旋轉木馬
2018-10-20 01:24:19
20.
下午二時半,天晴,微風輕吹,落葉數片,秋意盎然。
集體遊戲時間,肥仔的籃球終於大派用場。
「數字球,大家識玩㗎啦,圍圈,報數!」
「我先!1!」
「2!」
「3!」
⋯
我們組了大概二十多人,開始了瘋狂的遊戲,尖叫聲和笑聲,此起彼落。
「15號!」
男班長大叫,應聲拋起籃球,人群四散。
對,根本沒有人在意出面的人叫多少號,走為上着,是玩數字球的生存之道。籃球孤單地在草地上翻滾,直到15號同學忽然想起自己是15號,拾起它——
「停!唔準郁啊!停啊!」
總有幾個活在自己世界的人,一直跑一直跑,跑到九丈遠。
「1~2~3~」
15號跳了三大步,還是用跳遠的方式來跳,離他最近的清清大叫犯規,其餘的人一副幸災樂禍的樣子,還有人躲到樹後觀望。
甚麼規矩,從未存在過。
「Yeah!中左!」
可憐的清清,拿着籃球,思考着——
「6號!」
允健一個箭步,衝向籃球的方向,彷彿能預知清清會叫他一樣,完美接下籃球,跑開的人見狀,又心急地跑回來。
「11號!」
11號,好像是我!籃球在我不遠處,我立刻跑去企圖接住,卻在籃球掉下來之際下意識把它推開了。
「接住個波啊唔係打開啊!蠢!」
肥仔剛好接住籃球,然後拋給我,我立刻大叫:停!
「拿,我比個波你,你唔係諗住掟我啊嘛?」
「睇在你傳波比我份上,嗰三步我豪比你!咁叻避開我個波囉!」
我二話不說,瞄準和我只有五步之遙的肥仔,完美的拋物線,擦過他的手臂。
「面積太大喇你,叫左你減肥㗎啦,蠢!」
我一臉得意地看着他,他竟沉默不語,輕笑兩聲,便叫大家圍過來。
「20號!」
籃球被拋高,有一瞬間遮蓋了刺眼的陽光,我立刻回過神來,不顧一切的轉身向後跑。
啪!
「啊——」
只有平井桃的男人
2018-10-20 01:33:02
我要文啊
:^(
:^(
人生的旋轉木馬
2018-10-20 02:02:16
聽日可以up多幾篇
:^(
等我
:^(
你叫我啊?
2018-10-20 03:01:07
啊!
冇文啊
:^(
只有平井桃的男人
2018-10-20 03:21:05
等你啊 加油
:^(
:^(
人生的旋轉木馬
2018-10-20 04:30:47
啊 多謝你咁鍾意睇我個故啊
:^(
加速寫文中
:^(
人生的旋轉木馬
2018-10-20 04:32:42
:^(
:^(
芒果糯米雞
2018-10-20 20:04:16
LM 幾好睇
:^(
BBG
2018-10-20 21:25:13
人仔台
:^(
細個可以唔睇電話打哂成句野出黎
:^(
人生的旋轉木馬
2018-10-20 21:45:02
多謝支持
:^(
Ads
人生的旋轉木馬
2018-10-20 21:48:07
+1
:^(
依家touch mon已經做唔到
:^(
人生的旋轉木馬
2018-10-20 23:39:45
21.
我的確聽到「啪」的一聲,撕裂般的疼痛感從腳踝傳來,我跪坐在地上,試圖把腳伸直,卻痛得無法動彈。
肥仔和允健他們立刻跑過來,有些人卻還未知道發生什麼事,一直跑到遠處,還跑出草地範圍,我不禁失笑。
「扭親姐應該,痛到傻左啊?又喊又笑。」
肥仔口裡嘲笑我,卻皺着眉看着我的腳。
「我唔係想喊啊!太痛咋!」
我抹走眼角的淚水,這樣痛得忍不住哭倒是廿二年來第一次,真是多災多難。
「有冇人叫老師過黎啊?」
還是允健冷靜,梁sir來到後,檢查了我的傷勢,慢慢把我扶到一旁的石櫈坐着。
「有冇同學可以幫我去小食部嗰到買啲冰返黎啊?」
「我去!」
肥仔快速跑到小食部,過了一會又跑回來,用毛巾把冰包好輕輕放在我的腳踝上。冰涼感立刻舒緩了我的痛楚,肥仔一下一下的輕按患處,難得地溫柔。
「卓行你地幾個睇住芯言,我依家聯絡佢家長,同埋叫陳sir車佢返學校先。」
「芯言你點啊?嚇死我地喇,仲好痛啊?」
清清一臉擔心,琪姐他們圍着我,不知所措的模樣。
「無事喇,頭先太突然反應唔切姐,返去睇跌打好快好㗎喇!」
我安慰着他們,好好的秋季大旅行,好像被我破壞了氣氛,我也怪不好意思的。
「你返到去send個message比我啦,等大家唔洗擔心你。」
允健摸着我的頭說道,我知道他在安慰我。
秋季大旅行,提早結束。
人生的旋轉木馬
2018-10-21 00:03:36
22.
「阿媽接走左我喇,依家去睇跌打,唔洗擔心
:^(
幫我同埋佢地講聲啦^^」
發送。
在的士裡,我倚在母親的肩上,腳踝的疼痛感已經減退不少,她知道我玩數字球扭傷後,哭笑不得。
「你由細到大都咁貪玩㗎,撞黎撞去,個膝頭哥成日都損晒,依家又扭親,睇你仲敢唔敢咁貪玩!」
「知喇,今次唔小心姐,依家已經好好多其實。」
我握着母親的手,偷看她的側臉,魚尾紋還未偷偷跑出來,那樣年輕的她。
父母不是慢慢變老的,而是有一天你看着他們,突然覺得他們老了很多。
即使他們仍然不厭其煩的對你說教,中氣十足的責罵你東西沒放好,臉上歲月的痕跡卻清晰可見,騙不了人。這個比我高出半個頭的母親,我幾乎忘記了。
「阿媽,你估我會唔會高唔過你?」
後來,我比母親高出大半個頭,但我還是想問。
「你做多啲運動,唔好咁揀飲擇食,咪會高過我囉!你老豆今日放早,我煮餐好嘅,你食多啲野啦!佢見到你咁又會擔心死喇!」
「得喇得喇,我實會快高長大。」
我輕輕擦掉眼角的淚水。
震動。
「好彩聽日教師發展日唔洗返,你好好抖下咪亂郁喇:(」
「知喇
:^(
你地走未啊@@」
「執緊野準備走喇...」
「好啦,唔阻你喇xd」
「話說呢...其實我有啲野想問下你@@」
「咩事咁神秘xd」
5分鐘過去,沒回覆。我收起電話,母親扶着我下車,一直到我看完跌打回家,才看到允健的訊息。
「今晚再搵你@@」
人生的旋轉木馬
2018-10-21 00:19:32
23.
「你覺得清清點睇我呢@@」
晚上十一時半,允健終於找我。我早就知道他與清清的發展會是如何,可還是比我想像中來得快,看來今天的互動使他們感情升溫不少。
「你應該feel到㗎,盲嘅都睇得出喎-v-」
「其實我想黎緊聖誕節同佢表白@@但又唔知會唔會好快...」
「要相信自己啊^^我諗清清一定好開心」
「你...會唔會介意@@」
這條問題,我有些始料不及。
他認為我會介意甚麼呢?因為我們三個都是好朋友,他怕他們在一起以後會忽略我?怕我會在他們中間當電燈膽?還是,他認為我曾經跟他有過甚麼,而他最後選擇了我的好朋友所以我會介意?難道我說介意,他就會按兵不動?
我知道,得到我的支持後,他才能心安理得。也許這才是最難受的事,在曖昧遊戲裡受了傷,還得替對方編藉口,倒過來安慰對方。
但我不怪他,因為沒有人想當白臉。
「有咩好介意xd定你驚我做電燈膽咋:@」
「緊係唔會!多謝你
:^(
」
「我要抖喇,你慢慢諗下表白大計啦^^」
「好!goodnight
:^(
」
我放下電話,嘗試入睡,可是房間瀰漫着跌打酒味,腳踝被膏藥包住也不太舒服,還有一點痕癢,實在難以入睡。我輾轉反側,再一次拿起手機。
「訓左未?」
肥仔居然主動找我。
我想起了今天玩true or dare的時候,然後他自告奮勇跑去小食部替我買冰,還有溫柔地替我冰敷的畫面...
心跳聲充滿房間,無限放大——
「未haha」
人生的旋轉木馬
2018-10-21 00:54:33
24.
「隻腳點啊
:^(
」
「痛就唔係好痛haha 但敷住藥好唔舒服囉,仲好痕T_T」
「Sorry啊...今日係咪我搞到你失神
:^(
」
我不太記得扭傷前發生甚麼事,腦海中只有肥仔的笑臉,看似嘲笑卻帶點寵溺的眼神。
他一直都是這樣,毒舌背後藏着關心,一臉滿不在乎卻總是默默在幫忙,他不需要你回應他的好,現在是這樣,三年後也是這樣。
我不曾懷疑,那或許是比友情更多的情感,因為他不想讓你有這種錯覺,所以他對每個都好。
可能你會問:那也不代表他不是對你特別好啊?
特別,如何衡量特別?就是有太多太多的自以為特別,才讓人受傷。我憑甚麼會是特別的一個呢?
在未說破之前,從來不要認為自己特別。
「關你咩事喎
:^(
我自己唔小心姐haha 仲有今日唔該你啊^^」
「傻啦,唔通見死不救咩」
「點都好啦,多謝你
:^(
」
「咁客氣,唔似你喎」
「呢啲叫禮貌啊^_^」
「下話- -」
「下啊= =」
「無聊- -快啲休息啦你,攤下攤下就會訓到」
「知喇,你都係,早抖
:^(
」
「早抖
:^(
」
心跳回復正常,腦袋卻無法停止思考。
人生的旋轉木馬
2018-10-21 01:02:24
有冇人有睇緊啊
:^(
說好的冬天?
2018-10-21 01:28:37
睇緊呀
:^(
只有平井桃的男人
2018-10-21 01:51:50
有啊 仲有嗎??
:^(
:^(
你叫我啊?
2018-10-21 02:41:03
睇緊
:^(
我是小妹
2018-10-21 03:09:48
G持!
Ads
人生的旋轉木馬
2018-10-21 03:10:41
太好喇仲有人睇
:^(
聽晚繼續更新
:^(
人生的旋轉木馬
2018-10-21 03:12:26
多謝支持
:^(
BBG
2018-10-21 04:02:21
:^(
咸的調味粉
2018-10-21 15:27:38
Lm 追緊
上一頁
第 5 頁
下一頁
遊戲已經持續了一小時——我們知道了琪姐喜歡隔壁班的男同學,Jessie的男朋友是中三學長,看起來有點毒的阿俊有一個青梅竹馬,算是認定了對方,而Zoe竟然喜歡大我們二十年的班主任何sir。
因為年輕,總愛分享着少男少女的戀愛秘密。
「時間都差唔多,我地依家轉最後一個!」
瓶子逆時針快速轉動,噗通噗通——
「肥仔!」
「我揀True。」
「搞錯啊!你地都無人揀dare嘅!」
謙少得知Jessie有男朋友後,怒羞成怒。
「咪嘈啦你!拿,呢個圈入面嘅女仔,你會想邊個做你女朋友?」
「芯言。」
「WUUUUUUUUUUU——」
我還沒反應過來。
「肥仔係咪鍾意芯言!」
「間接表白?兄弟好波!」
「唔聲唔聲,語出驚人喎肥仔!」
「一齊一齊一齊!」
「我只係喺唔合理嘅選項之中揀個無咁唔合理嘅答案,大驚小怪。」
肥仔冷靜應對,好像這條問題一點都不尷尬,對於眾人的反應他一點都不害羞,如果我沒看到他泛紅的雙耳,我真的以為是這樣。
「芯言你點睇肥仔先?」
「近水樓台喎,trytry啦!」
「咪咁痴線啦你地,完!」
我翻白眼,企圖掩飾我的心虛,起伏不定的內心。
噗通噗通——
我跟肥仔的相遇,不應該是現在。