所謂sabotage，就係令到敵方行動率下降，傳統上最出名嘅就係炸鐵路。喺現代，sabotage已經進化咗，喺香港嘅公司環境都用得着。各國技巧基本一樣，所以以下引用美國曾經declassify嘅 “Simple Sabotage Field Manual” 《簡易破壞行動實地手冊》。手冊當中有提及多項破壞技巧，包括cut水，cut電，cut鐵路，cut電話等等，但係最易上手，亦唧係最容易發生嘅，莫過於最後第十一章 “General Interference with Organizations and Production” 《破壞一般機構及生產概略》 及第十二章 General Devices for Lowering Morale and Creating Confusion” 《降低士氣及製造混亂概略》。
內裏有舊post嘅Google Doc（共產顛覆手法，老鼠天堂，終止思想嘅諺語，等等），RedDragon1會員嘅詳盡Yuri Bechmenov「顛覆過程」新翻譯，仲有卷殘會員嘅Edward Griffin與Yuri Bezmenov interview嘅翻譯
================================
美帝都出咗聲，你唔係到依家都唔信中共會派人搞亂檔呀話？偷技術唔使講，但係情報部門會做嘅，其實仲有一系列擾敵措施。破壞行動Sabotage就係其中一樣，尤其對香港呢啲商業城市有效。
所謂sabotage，就係令到敵方行動率下降，傳統上最出名嘅就係炸鐵路。喺現代，sabotage已經進化咗，喺香港嘅公司環境都用得着。各國技巧基本一樣，所以以下引用美國曾經declassify嘅 “Simple Sabotage Field Manual” 《簡易破壞行動實地手冊》。手冊當中有提及多項破壞技巧，包括cut水，cut電，cut鐵路，cut電話等等，但係最易上手，亦唧係最容易發生嘅，莫過於最後第十一章 “General Interference with Organizations and Production” 《破壞一般機構及生產概略》 及第十二章 General Devices for Lowering Morale and Creating Confusion” 《降低士氣及製造混亂概略》。
（Simple Sabotage Field Manual 全文PDF： http://svn.cacert.org/CAcert/CAcert_Inc/Board/oss/OSS_Simple_Sabotage_Manual.pdf ）
(11) 破壞一般機構及生產概略
(a) 機構 及 會議
(1) 堅持做嘢要跟足「程序」，永遠唔好容許令到決定快啲達到嘅捷徑。
(2) 經常「演講」，係咁講嘢，越長氣越好。每個point都要有附加水蛇春咁長嘅軼事
，最好無端白事唔理relevant都加插「愛國」言論。
(3) 儘量將事件交畀專責小組處理，以「加深對問題嘅理解」。小組要儘量大，最少五人。
(4) 儘量帶起唔關事嘅問題。
(5) 對通訊，會議記錄，以及會議決定捉字蝨。
(6) 重提上一次會議嘅決定，嘗試質詢決定嘅可行性。
(7) 提倡「審慎」，把持「理性」嘅姿態，要求同事都要「理性」「睇定啲先」，唔好落決定住，以免事後抄車。
(8) 對每一個決定都懷疑：質詢究竟決定咗嘅行動係咪謊言或者會唔會同公司上級嘅政策有衝突。
(b) 經理 及 監工
(1) 要求命令要書面落。
(2) 「誤會」命令，不斷問有關命令嘅問題，儘量狡辯。
(3) 儘量令到命令遲完成。就算個order已經部分完成，都要等到成件事搞掂先交貨。
(4) 直至現時資源都未用完一刻都唔好落單買新資源，務求令到任何買新資源嘅delay都會令到營運受阻。
(5) 落訂高級而且難得到嘅資源。如果買唔到，拗到買到爲止。聲稱低一級嘅資源會導致成品第一級。
(6) 分配工作嘅事後，務必分配唔重要嘅先。重要嘅case要畀冇效率嘅員工用廢機做。
(7) 堅持唔重要嘅成品要品質完美，唔完美嘅要重做。其它有問題嘅只要肉眼睇唔到就approve。
(8) 故意運輸出錯，令到資源send錯部門。
(9) 培訓新員工嘅時候，要畀唔完整或誤導嘅指引。
(10) 爲咗拉低士氣及生產率，對低效率嘅員工要友善，儘量升佢哋職。對高效率嘅員工要歧視，經常對佢哋嘅工作照肺。
(11) 當有緊急嘢要做嘅事後call會議。
(12) 儘量增加文書工作。開duplicate嘅file。
(13) 儘量增加落order，出pay check等等有關嘅程序及手續。一個人可以approve嘅嘢變做三個人先可以approve。
(14) 跟足所有監管條例，實施到最後一隻字。
(c) 辦公室職員
(1) 用錯分量，搞錯人名，寫錯地址。
(2) 拉長同政府部門有關嘅聯絡。
(3) 將重要文件file錯。
(4) 影印文件嘅時候，copy少一份，令到要再copy多一次。
(5) 如果重要人物來電，同佢講老細唔得閒，或者傾緊電話。
(6) 等郵差過更後，遲send信件。
(7) 散播一啲令人恐慌，聽落好似內部消息嘅謠言。
(d) 僱員
(1) 慢慢工作，儘量增加完成一樣嘢所需嘅步驟：需要大鎚仔時用一個細鎚仔。
(2) 儘量發掘對工作嘅騷擾：度嘢度兩次，去廁所去耐啲，唔記得工具係邊要搵。
(3) 就算你識外語，都要扮聽/睇唔明。
(4) 就算指令清晰，都要扮唔明order，並要求重複講解。或：扮到好緊張，係咁問上司一啲唔重要嘅問題。
(5) 啲嘢做到一pat屎咁，跟住話係啲工具，電腦，軟件硬件問題。投訴呢啲嘢搞到你做唔到你要做嘅工作。
(6) 永遠唔好將你嘅經驗同埋技能傳畀新員工或冇咁叻嘅員工。
(7) 儘量令到admin煩亂：填form要潦草，或填錯，或漏空一格。
(8) 參加或幫手成立一個「爲員工出聲」嘅組織或渠道。儘量令到當中程序會畀經理級最大嘅麻煩，每次present都要好多員工出席，每一個投訴都要開幾次會，提及一啲老作嘅問題，等等。
(9) Send錯部門。
(10) 將一啲壞嘅資源撈落一啲未壞嘅資源。
(12) 降低士氣及製造混亂概略
(a) 每當問及任何問題，務必以凌亂而且長嘅方式解答。
(b) 向警察舉報幻想出嚟嘅間諜。
(e) 扮弱智。
(d) 係唔會令到你遇到問題嘅情況下，儘量易怒。
(e) 對分配資源及運輸嘅守則，儘量誤會。
(f) 不斷對冒牌物質投訴。
(g) 喺公衆，對軸心國國民及賣國賊冷漠處理。
(h) 每當軸心國國民及賣國賊進入一間cafe，停止所有對話。
(i) 儘量發癲咁喊，尤其係面對政府官員嘅時候。
(j) 罷買一切軸心國政府有連繫嘅電影，娛樂，演出，報紙。
(k) 唔好參加任何回收計劃。