［喪屍/人性/有甜］- 屍•家•馬鞍山 8（不定時更新）
上一頁
第 13 頁
下一頁
逃•人
2018-11-28 08:42:59
Chapter 504 - 漆黑中航行
「其實唔止一個囉！」我立刻宣示主權，「不過你問嚟做乜？」
他沒有回應。
「我應承保護佢哋幾個，所以你唔好打佢哋主意...」我作出嚴厲的警告。
「你唔好起曬弶先！」良哥不慌不忙地答道，「啲女係食唔曬嘅，更何況我又唔係要夾硬嚟，只係問清楚邊個係你條女，我先出手啫！」
他還真的老實不客氣。
不過，亦總比那些偷偷摸摸的人來得好。
「咁不如你又話我知，你睇中咗邊個吖？」我想謀定而後動。
「吖... 我鐘意年紀大少少，身材好啲嗰個...」他直接了當的回答，「其他都好似妹妹仔咁，我估佢哋啱你多啲...」
「哈哈！我有冇估錯？」良哥自信地問道。
難道，我真的如此容易的被看透了嗎？
「咁你自己執生啦，阿 Moon 佢都唔係乜嘢小鳥依人嚟...」反正她不是我的對象，所以不妨給他小小的意見。
與良哥混熟，說不定以後會有一點益處。
「放心... 我有經驗...」我真的被良哥的自信，壓得快要透不過氣來。
「喂阿 Roy 你睇下...」良哥突然收起笑臉，認真的指著雷達上的小點說道，「前面個海面有好多嘢...」
我再次把專注力放在雷達和海面上。
不過，從良哥臉上那一副從容不迫的面容，我知道這並沒有什麼大不了。
「放心，呢啲只不過係浮吓海上面嘅雜物啫！」良哥補充道。
我隨即看到他把船速減慢，然後把船上的射燈開到最亮。
遊艇在充滿著雜物的海面上，慢慢地穿插而過，並不斷的與船身碰撞，作出「咚... 咚...」的輕微撞擊聲。
而在這些雜物堆中，也不難看到一些穿著救生衣，在海面上載浮載沉的死體。
「真係慘... 諗住喺水路走，點知就比其他人殺死...」良哥感觸地說道。
「良哥，你又知道佢哋比人殺？」我質疑道，「可能佢哋喺海上面遇倒怪物呢？」
「嘿嘿！你細心留意吓！」良哥再解釋道，「佢哋好多人件救生衣上面都有彈窿，明顯件比人打沉咗隻船，再跳海逃生嗰陣先比人殺嘅...」
究竟，是誰這樣殘忍，需要趕盡殺絕？
「良哥，你覺得係咩人做？」我想聽聽他的意見。
「吓！個答案都呼之欲出啦！」良哥好像已經知道答案，「好明顯係政府嘅人啦！」
其實我之前都有聽說過，只是我想看看他們的想法是否也一樣。
「哦？可以見得？」我追問。
「一來，佢哋要有保夠嘅火力，先可以打到啲船爛成咁...」良哥答道，「二來，佢哋要動用咁多人力物力，務求出得嚟嘅船都一隻不留，一定係有一個好重要嘅目的...」
「哦？」我洗耳恭聽。
「好明顯，佢哋要阻止任何有機會擴散病毒嘅機會。」他再回應道，「所以佢哋先要趕盡殺絕...」
他說得十分有道理。
只是，真相太過殘忍，令人無法接受。
「咇、咇...」想不到在雜物堆中，突然傳來了哨子聲。
「良哥，你聽唔聽倒？」我見良哥好像沒有反應，於是我向他提醒道。
「嗯...」他只是回應了我一句，便開始四處張望。
「咇、咇...」哨子聲越來越近，看來那人就在我們附近。
「阿良，喺邊度？」看來 Clara 亦聞聲而來，帶領著兩個手下，走到了船頭附近準備。
「應該就喺我哋嘅十二點方向！」良哥準確地回應道。
只見 Clara 擺出了一個 “Okay” 的手勢，便再次專注在海平面上。
「喺嗰邊！」良哥以射燈照耀著面前的海面，然後把引擎慢慢關上。
「我落去幫手...」雖然與對方素未謀面，但能夠在海中遇上生還者，也令我感到有點鼓舞。
「阿 Roy！唔洗嗱！Clara 會處理...」豈料良哥竟然出聲制止。
我想想也是，他們一共有三個人，應該有足夠力量去拯救海上的人。
我只好遙距觀看，只見 Clara 跟海上的人正在交談中。
可是，各人卻好像沒有作出救人的準備。
我心感不妙，正打算前往船頭打探清楚，卻見 Clara 突然拔出手槍，指向海上的生還者。
「砰、砰！」隨著兩下響遍天際的槍聲，那人便消失在怒海之中。
Ads
日日上高登
2018-11-28 09:06:04
:^(
初級會員
2018-11-28 09:14:13
:^(
傻豬黎既
2018-11-28 09:32:22
咁就死左,一定係男人黎
:^(
知唔知咩係神呀
2018-11-28 10:59:08
CLS
:^(
:^(
:^(
簫簫浪子
2018-11-29 18:29:49
人性呢
逃•人
2018-11-30 08:44:08
Chapter 505 - 埋沒了的人性
我被這一幕嚇得無言以對，Clara 亦在查看海面後，示意良哥再次起航。
「喂！良哥，唔係就咁算喇嘛？」我向良哥質問道。
「唉... 兄弟，其實你諗深一層，佢咁做都係為我哋好...」看得出良哥亦有點無奈。
雖然我都可以理解 Clara 這樣做的原因，但若然求存便是要搶奪別人的生存權利，那我們跟那濫殺無辜的異生教，又有可分別？
「睇頭先個人個樣，都應該喺海上面捱咗一段時間...」良哥看我沒有哼聲，便繼續解釋道，「喺水裡面浸咗咁耐，佢嘅身體機能都一定好差，只係勉強用意志力撐住...」
「若然救佢上嚟，先唔好講可以生存落去嘅機會好微，就算 Clara 姐肯救，我哋都要動用好多物資...」
「對一個三唔識七，生存機會又微嘅人嚟講，咁做確實唔太值得。」
「唉... 就算之前有手足受傷，當 Clara 姐見倒佢傷勢好重嗰陣，佢都係頭也不回咁決定放棄。」
「Clara 姐，絕對唔係一個憐憫弱者嘅人...」良哥無奈地總結道。
我沒有再多說一句，因為我知道，大家都身不由己。
本來，生存就是要這樣。
只是，那該死的良心，不知道從何時又再走了出來。
「算啦！見得多就慣㗎喇！」良哥竟也向我安慰道。
也許他並不知道，我一早已經對這些事情習以為常。
「係呢？大概幾耐先到？」我不想一直圍繞在，一個沒有意義的話題上。
「以而家嘅速度，大概兩個鐘鬆啲就到馬鞍山...」良哥以專業的口吻回應道，「我哋油唔算好多，所以唔可以用最高速度去行，慳得幾多得幾多啦...」
「估唔到下面個二世祖咁有米，呢隻遊艇又大又先進，唔係一般有錢人買得起...」良哥輕按著儀表板，看來十分享受駕馭著這艘豪華遊艇的樂趣。
「呢啲咁靚嘅首抽，我哋分分鐘擦幾千幾萬次給未必有啦！」我感嘆道。
「首抽？咩首抽呀？」良哥好像聽不明白。
也難怪，眼中只有任務和行動的人，又怎會留意到這些詞語？
「哦，潮語嚟，即係含住金鎖匙出世咁解...」我只好簡單解釋。
「哦...」他雖然看似了解，但我也不知道他是否真正明白。
「話時話，聽你啲廣東話咁純正，莫非你係香港人？」我有點好奇。
「係... 我喺香港出世，之後全家移民美國。不過老豆老母喺我讀 high school 嗰陣，意外過咗身...」良哥停頓了一會，「之後誤打誤撞，得朋友介紹下加入咗一個地下僱兵組織...」
「嘿嘿！話就話係僱兵，其實咪係做埋啲唔見得光嘅嘢...」
「不過，係一次任務裡面，我哋成隊比人埋伏，全部人就死剩我一個。」
「之後先發現，係我哋原本嘅接頭人，為咗交人而出賣我哋。而我都算好好彩，比 CIA 啲人睇中，覺得我可以幫倒手...」
「於是佢哋就話比我將功贖罪，加入佢哋嘅保安隊，十年後就同我洗底，比個新身分我...」
「所以我而家係冇身分嘅，隊友都只係會叫我阿良或者良哥...」他說得有點無奈，「不過唔好話十年... 淨係呢一舖都唔知捱唔捱倒...」
我只有輕輕地，拍了一下他的肩膀以示鼓勵。
正想要出言安慰，卻見良哥突然神色凝重的看著雷達上顯示的幾個小點。
「會唔會又係啲雜物？」我見他沈默不語，只好主動問道。
「唔會... 睇佢哋郁得咁快，肯定唔會係飄浮物。」良哥認真地答道。
我看著那雷達螢幕，確實跟剛才所見有所不同。
「佢哋過緊嚟呢邊？」我問。
「係... 睇個款，佢哋應該一早發現咗我哋，而家搵船嚟截我哋。」良哥回應道。
「咁仲唔掉頭走？而家走仲趕得切...」雖然我覺得他斷不會沒有想過逃走，但以防萬一，我還是先提出自己的意見。
「冇用... 我哋船速唔會夠佢哋快...」良哥竟也不慌不忙地答道，「如果我哋掉頭走，佢哋好快就會追倒我哋...」
「反而，我有另一個諗法，睇吓可唔可以同佢哋搏一舖...」良哥一邊說著，一邊調較著雷達去觀察四周的環境。
「得...」良哥好像找到了方法，「你幫我叫 Clara 姐上嚟，我有計！」他充滿自信地說道...
傻豬黎既
2018-11-30 10:14:27
係政府既人?定異生教?.
日日上高登
2018-11-30 18:04:22
又有新進展
:^(
Ox-Chamberlain
2018-11-30 21:46:19
洗首抽
:^(
滑撚蝦仁飯
2018-12-1 15:27:40
去番主線，好緊張
:^(
Ads
逃•人
2018-12-3 08:40:43
Chapter 506 - 黑暗中的敵人
「隆隆...」我還來不及回應，良哥已經加大馬力往一旁急速拐去。
船上各人無不被這突如其來的動作弄至東歪西倒，我亦好不容易才找到重心，繼續去找尋 Clara。
「Clara 頭先...」我簡單的把剛才情形描述一次，Clara 亦好像已經掌握了情況。
Clara 聽後便立刻召集各人，往良哥所在的駕駛室走去。
「阿良，情況點？」Clara 雖然應該比良哥年輕，但她的舉手投足，都散發著大家姐的氣息。
從她的手下口中得知，Clara 確實有不凡的領導才能，所以各人都十分樂意聽命於她。
「大家清楚未？」她妥善分配好工作之後，各人便散開各就各位。
「你同我都唔會咁易死，所以走喺最前做箭靶啦！」她將一把衝鋒槍拋了給我之餘，順道向我發出命令。
她的威勢，使我不得不聽命於她。
遊艇在狹窄的水道中穿插，若不是良哥的技術精湛，我們很可能已經跟兩旁的海岸擦上。
但那些來犯者也非泛泛之輩，在緊迫的追逐戰中，亦能漸漸地把雙方的距離拉近。
「噠噠噠噠...」他們不單止亦步亦趨，還把握時機向我們開槍掃射。
幸好，我們好像還沒有進入他們的射程範圍。
還是，這只是對我們的警告？
但我們亦不敢怠慢，在 Clara 的一聲令下，大家便開始反擊。
一名手下拿起那早已預備好的油罐，開始把燃料倒進水中。
我大概想像得到，他們想要怎樣。可是在波濤洶湧的海水上，真的可以達到預期的效果嗎？
「噠噠噠噠...」對方亦看穿了我們的計謀，立刻加緊向我們射擊。
「阿 Roy 快啲開槍掩護佢哋，比人打中個油罐就一鑊熟㗎喇！」Clara 說著，已經猛烈地開火還擊。
我亦不甘示弱，瞄準目標便立刻開火。
海面上頓時子彈橫飛，但由於受到海浪的影響，使雙方都無法命中。
「Clara 姐，我呢邊 okay！」負責傾倒燃油的手下，看來已經完成任務。
「阿光，your turn！」Clara 向上層的手下叫道。
我抬頭往上望，只見他拿著一個類似裝有彈射器的魚叉，叉頭正綁著一束點燃著的布匹。
「嗖～」我還未及看清，那小火球已經快速地在我的頭頂掠過，往我們身後的海面上飛去。
「熊～～～」就在小火球墮進海中之際，海面上的燃油亦瞬間被點燃。
我以為走在前頭的敵船並沒有被波及到，但細看之下，卻發現船的後方正冒出熊熊火光與濃煙。
「轟隆！」火勢迅速蔓延，令它瞬間陷入火海並發生猛烈爆炸。
遊艇繼續往前走，我們回頭查看，確認沒有追兵後便解除戒備。
「咁而家我哋可以點走？水路去馬鞍山好似唔 work...」我問道。
「良哥，有冇好提議？」Clara 轉向良哥問道。
「嗯... 呢度直行可以去倒大網仔，我哋可以喺嗰度登陸...」良哥回應道，「不過就要經陸路入馬鞍山，會相對走水路危險...」
「水路已經行唔通！」Clara 斬釘截鐵地答道，「就直去大網仔啦！」
「收到 Clara 姐！」良哥聽到後便繼續前進。
「阿光，幫我叫所有人集合...」Clara 想了一下後便命令道，「阿 Roy，你啲女就交比你...」
「Okay...」我和阿光聽令後，便分別去呼喚各人。
我走到 Suki 的房間，發現 Vicky 亦已經蘇醒。
「Vicky 妳冇事嗱？」我向她問道。
「嗯... 老豆... 佢點？」Vicky 只顧追問華叔的情況。
我只好把情況如實相告，並安慰她這已是最好的安排。
當然，我還要求她將我們在山洞中遇到的一切，守口如瓶。
集合眾人之後，Clara 便準備向各人敍述情況。當中，竟然還有被我打斷了雙手的 Dickson。
「Okay，登陸之後嘅情況唔係咁清楚，所以安全起見，我哋就分三組行動...」Clara 開始向大家說道。
傻豬黎既
2018-12-3 14:12:40
:^(
知唔知咩係神呀
2018-12-3 14:20:12
:^(
:^(
:^(
:^(
野比大熊貓
2018-12-4 01:16:06
:^(
又有女同我表白
2018-12-4 02:56:51
:^(
太多
2018-12-4 07:17:15
:^(
后蟻射日
2018-12-4 08:58:20
主線 推下先
:^(
知唔知咩係神呀
2018-12-5 01:31:09
:^(
:^(
:^(
逃•人
2018-12-5 09:58:35
Chapter 507 - 重返西貢
「我同一共七男八女，咁阿 Roy 同我各帶一組，Dickson 原本帶一組，不過佢仲養緊傷，佢嗰組就由良哥帶住先...」Clara 開始分配道。
「每組五個人，如果唔小心走失咗，我哋就以馬鞍山公園做目的地。但係，一旦情況真係唔許可嘅話，呢隻遊艇就係我哋最後嘅據點。」
「阿 Roy，你帶嚟嘅人有六個咁多，所以你最多只可以比四個人跟你，有兩個要跟我...」Clara 總結道。
我真的很佩服 Clara 有此安排，她這樣做，一來真的可以分散風險，二來則可以箝制剛剛才加入的我，會因同伴跟她一起而投鼠忌器，不敢輕舉妄動。
除非我現在就打算發難，否則我也只能跟著照做。
「Clara，我想入妳嗰隊！」正想要選出心目中的兩個人選，卻見 Carey 突然自告奮勇，要求加入 Clara 的隊伍。
Clara 看來也有點驚訝，但很快便收起表情，點頭示意答允。
我想 Carey 既沒有選擇留在我的隊伍，同時亦沒有加入 Dickson 所在的團隊，大概是要給予自己充分的時間考慮，同時亦可以令雙方都感到安心吧！
雖然無奈，但我也沒有辦法。
「Vicky、Suki... 妳哋同我一齊行好冇？」我有點不確定 Vicky 的意願，所以只好戰戰兢兢地問道。
幸好，她們都點頭答應。
「嗱我唔理，你唔可以揼低我㗎！」Aki 沒有等我示意，已經走了過來繞著我的手臂。
那即是代表，名額只剩一個。
「阿 Yu 妳跟阿 Roy 啦，我跟 Clara...」為了保護阿 Yu，Moon 已經快一步表態。
我的團隊就此形成。
「Okay... 不過要我一個人去保護三個手無縛雞之力嘅女人，盞全軍覆沒嘅啫...」Clara 看似有點意見，「不如咁啦，Venus 同 Moon 就跟 Dickson 阿良同阿光，我就負責睇住 Carey，剩低嘅人就跟我。」
這時我才有機會看一看這個阿光，他有著跟良哥完全不一樣的筋肉形身材。而若以年紀來看，我應該叫他光哥吧！
Clara 亦把船上所有僅餘的武器都分配好，然後向女隊友們逐一解釋用法後，便準備登岸。
「距離上岸仲有五分鐘...」良哥提示著我們準備。
為免引起岸上的怪物們注意，良哥便把遊艇的速度降至最低，使船得以靜靜的靠近岸邊。
首先出發的是 Clara 一行，她向我們打了個 “okay” 手勢後，便沿著斜坡向上走去。
我們是第二隊出發的隊伍，在 Clara 一行人登陸後，我們便緊隨其後往上爬。
登陸地非常陡峭，我在成功攀到陸上之前，還先要把隊友們一個又一個的帶到安全地方。
總算花盡了九牛二虎之力，我們隊中的所有人，終於都成功踏上了陸地。
我們隨即找尋掩護物躲藏，以等待良哥的隊伍會合。
我亦放眼向四周打量，雖然這裡已經沒有街燈照射，但在月色的映照下，我依稀見到無數的黑影，正潛伏在四周虎視眈眈。
我再集中精神感受，卻赫然發現，怪物們正不斷往我們身處的燒烤區聚集。
而 Clara 就在我們面前的不遠處，不知道跟我有著差不多能力的她，是否也有相同的感應？
不過，就算她真的知道，也應該會讓行動繼續。
因為，我們可說是已經沒有退路。
「吼～～～」而那邊廂的怪物們，亦已經按捺不住，向我們衝過來。
「大家即刻分組防衛，保持隊形邊戰邊退！」Clara 立刻向我們命令道，「敵人嘅數量太多，唔好戀戰，一有機會就分組突圍，記住我哋嘅目的地！」
「噠噠噠噠～」四周的槍聲立刻響起，在火先的映照下，我們更能看清四周那密麻麻的身影。
「嗚嗚...」槍聲與怪物的慘叫聲此起彼落，為了生存，我們必須在彈盡糧絕之前突圍。
「呀～ 救命呀～」Aki 和阿 Yu 都被嚇得大叫。
反觀已經身經百戰的 Vicky 和 Suki，卻相對鎮定得多。
我開始考慮，是否應該先返回遊艇暫避。
眼前 Clara 的團隊仍在奮戰，但當我回看那通往遊艇的路時，赫然發現那兒亦已經被大量喪屍所包圍。
眼下只見良哥、光哥和 Venus 三人努力地防守著陣地，但卻不見 Dickson 和阿 Moon 的影蹤...
南風喃
2018-12-5 11:20:19
感覺venus要俾人屌了
Ads
又有女同我表白
2018-12-5 15:14:57
邊個先
蝶古巴特
2018-12-5 16:21:39
可能Moon比dickson
:^(
緊 比Carey撞正 重返豬角懷抱
:^(
:^(
:^(
如膠切柒
2018-12-6 11:22:37
良哥講左要屌呀MOON
知唔知咩係神呀
2018-12-6 12:30:16
3P
:^(
:^(
:^(
上一頁
第 13 頁
下一頁
「其實唔止一個囉！」我立刻宣示主權，「不過你問嚟做乜？」
他沒有回應。
「我應承保護佢哋幾個，所以你唔好打佢哋主意...」我作出嚴厲的警告。
「你唔好起曬弶先！」良哥不慌不忙地答道，「啲女係食唔曬嘅，更何況我又唔係要夾硬嚟，只係問清楚邊個係你條女，我先出手啫！」
他還真的老實不客氣。
不過，亦總比那些偷偷摸摸的人來得好。
「咁不如你又話我知，你睇中咗邊個吖？」我想謀定而後動。
「吖... 我鐘意年紀大少少，身材好啲嗰個...」他直接了當的回答，「其他都好似妹妹仔咁，我估佢哋啱你多啲...」
「哈哈！我有冇估錯？」良哥自信地問道。
難道，我真的如此容易的被看透了嗎？
「咁你自己執生啦，阿 Moon 佢都唔係乜嘢小鳥依人嚟...」反正她不是我的對象，所以不妨給他小小的意見。
與良哥混熟，說不定以後會有一點益處。
「放心... 我有經驗...」我真的被良哥的自信，壓得快要透不過氣來。
「喂阿 Roy 你睇下...」良哥突然收起笑臉，認真的指著雷達上的小點說道，「前面個海面有好多嘢...」
我再次把專注力放在雷達和海面上。
不過，從良哥臉上那一副從容不迫的面容，我知道這並沒有什麼大不了。
「放心，呢啲只不過係浮吓海上面嘅雜物啫！」良哥補充道。
我隨即看到他把船速減慢，然後把船上的射燈開到最亮。
遊艇在充滿著雜物的海面上，慢慢地穿插而過，並不斷的與船身碰撞，作出「咚... 咚...」的輕微撞擊聲。
而在這些雜物堆中，也不難看到一些穿著救生衣，在海面上載浮載沉的死體。
「真係慘... 諗住喺水路走，點知就比其他人殺死...」良哥感觸地說道。
「良哥，你又知道佢哋比人殺？」我質疑道，「可能佢哋喺海上面遇倒怪物呢？」
「嘿嘿！你細心留意吓！」良哥再解釋道，「佢哋好多人件救生衣上面都有彈窿，明顯件比人打沉咗隻船，再跳海逃生嗰陣先比人殺嘅...」
究竟，是誰這樣殘忍，需要趕盡殺絕？
「良哥，你覺得係咩人做？」我想聽聽他的意見。
「吓！個答案都呼之欲出啦！」良哥好像已經知道答案，「好明顯係政府嘅人啦！」
其實我之前都有聽說過，只是我想看看他們的想法是否也一樣。
「哦？可以見得？」我追問。
「一來，佢哋要有保夠嘅火力，先可以打到啲船爛成咁...」良哥答道，「二來，佢哋要動用咁多人力物力，務求出得嚟嘅船都一隻不留，一定係有一個好重要嘅目的...」
「哦？」我洗耳恭聽。
「好明顯，佢哋要阻止任何有機會擴散病毒嘅機會。」他再回應道，「所以佢哋先要趕盡殺絕...」
他說得十分有道理。
只是，真相太過殘忍，令人無法接受。
「咇、咇...」想不到在雜物堆中，突然傳來了哨子聲。
「良哥，你聽唔聽倒？」我見良哥好像沒有反應，於是我向他提醒道。
「嗯...」他只是回應了我一句，便開始四處張望。
「咇、咇...」哨子聲越來越近，看來那人就在我們附近。
「阿良，喺邊度？」看來 Clara 亦聞聲而來，帶領著兩個手下，走到了船頭附近準備。
「應該就喺我哋嘅十二點方向！」良哥準確地回應道。
只見 Clara 擺出了一個 “Okay” 的手勢，便再次專注在海平面上。
「喺嗰邊！」良哥以射燈照耀著面前的海面，然後把引擎慢慢關上。
「我落去幫手...」雖然與對方素未謀面，但能夠在海中遇上生還者，也令我感到有點鼓舞。
「阿 Roy！唔洗嗱！Clara 會處理...」豈料良哥竟然出聲制止。
我想想也是，他們一共有三個人，應該有足夠力量去拯救海上的人。
我只好遙距觀看，只見 Clara 跟海上的人正在交談中。
可是，各人卻好像沒有作出救人的準備。
我心感不妙，正打算前往船頭打探清楚，卻見 Clara 突然拔出手槍，指向海上的生還者。
「砰、砰！」隨著兩下響遍天際的槍聲，那人便消失在怒海之中。