Ads
「難聽啲講句,楓就好似嗰隻狗咁,畀人放棄,但就有啲扮哂好心嘅人去幫佢,其實都只係拎道德光環戴喺自己身上。」阿輝指著小秋:「你夠膽講你唔係驚你地打唔贏楓先過嚟叫佢翻去?」
「....!」楓彎起八字眉看著小秋。
「唔係呀!我唔係呀!」小秋急忙否認。
「作賊心虛,你現哂形啦!」阿輝死咬小秋不放。
「哥,你要信我,我嚟搵你,係因為你...」
「唔好再講。」楓摀住小秋嘴巴,令她無法再說話。
楓身邊出現一縷縷紫色的煙霧,小秋被這煙霧籠罩,除了楓自己,其他人在紫煙範圍中是無法呼吸。
「嗚....」小秋雙眼紅筋暴現,痛苦的淚水有如泉湧,口唇臉部開始青紫。
「我唔知...我已經唔識分....」楓也痛苦地看著瀕死的小秋。
此時,嗜血獸方向傳來爆炸聲。
阿輝看著那邊,心想終於解決那煩人的基地,再看看身旁的楓正在殘殺自己的妹妹。
嘴角不禁上揚,一切已經勝算在握。
Ads
Ads
楓聽到後極度震驚,紫煙馬上解除,抱著奄奄一息的小秋。
楓因自己的愚笨再次遭到叛背,更中計傷害了至親,即使在夢,他也無法原諒自己。
「係因....因為....你係我....哥哥....」小秋含糊不清地吐出一句說話。
這次,楓沒有誇張的情緒化。
他只是,靜靜地看著小秋。
靜靜地,
在內心痛苦著。