發條橘子 2018-12-16 14:12:03 話音未落，七色極光便與Peter迎頭碰上。



「你咁生面口嘅，新嚟架？」其中一名男生搶先開口。



「我.....」Peter吐不出半隻字。



那七人走路每步都趾高氣揚，這區域就像是他們管轄範圍，每個人都對Peter來勢兇兇，Peter未知對方底蘊，只見他們有七人，不敢輕舉妄動。



「你地...都係玩緊呢個遊戲？」Peter試著融入他們的說話方式。

發條橘子 2018-12-16 14:13:25 「好話喇，我地都算係第一批發現呢個地方嘅人。」他們覺得Peter對此世界一無所知，便放下戒心：「你應該第一次入嚟啦，等我地講你知規矩！」



「吓，呢度都有規矩架咩。」Peter回話。



「點會冇！呢度係弱肉強食嘅世界！打到人地死就係贏家！」



「打到人死....呢啲算係咩規矩。」Peter接著說：「咁你地發現呢度已經有幾耐？」



「已經有成１個月咁耐！」七人都帶著自負的神情。

發條橘子 2018-12-16 14:14:42 「嘩....成１個月咁耐呀......」Peter心想，他已經被哥哥在這裡追殺了足足五年，七人卻為到來一個來月而沾沾自喜，實在令自己哭笑不得，再想，距離崔翼望事件也是一個來月，兩者會否有關連？



「喂！你咁嘅語氣似係串緊我地喎！」其中一人勃然大怒。



「我地喺呢度算係話哂事，夠膽串我地？」另一人再補上句子。



七人一擁而上，手中各持武器，款式各有不同，有太刀、流星錘、長劍長矛等等，Peter見狀心知不妙，馬上拔腿就跑，向其他地方逃去。

發條橘子 2018-12-16 14:38:04 「咪走呀！」七人異口同聲。



Peter聽見心想，那有人在逃跑時能叫得停，這句廢話到底是受誰影響？



跑得氣喘呼呼，就覺得場面似曾相識，倒是疑惑自己怎麼總是被人追殺，一個追殺了我五年，一個禁錮起我玩困獸鬥，是有多坎坷，不過比起在應付崔翼望那難纏的能力時，現在更來得輕鬆。



「個死仔，又會咁跑得....」七人都已經開始疲乏，有氣沒力地跟上Peter。



眼前就是一座巨型的深灰色城堡，Peter只想跑進去也許能借助地形優勢解決他們，便馬上穿入城堡，跑上樓梯，怎料這一跑卻是不得了，發現城堡中的一間武器庫。



「都係用翻啲自己擅長嘅嘢啦。」說罷，Peter便拿起一把弓箭，再背上箭桶。



眼見七人就在樓梯之下，Peter就繼續奔往更高處，拉起弓對準他們，但在此刻驟然憶起答應了Marla不能在夢中殺人的約定。



「算啦，咁我就試下一樣想試好耐嘅嘢啦。」Peter一反手，換在背後拉弓，這是Peter在復仇者聯盟中看到鷹眼的花式射箭姿勢。

發條橘子 2018-12-16 14:38:25 咻—！



「哎呀呀呀呀！！！」結果依然有人中箭，一名男性的膝蓋中了一箭。



「唔撚係呀，咁都射得中.....」Peter也對自己射擊技術佩服萬分。



「你地好似玩得好開心喎。」一隻手拍了拍Peter的肩膀。



Peter受到驚嚇，點頭一看：「你咪係之前同崔翼望一齊捉我嗰班人？！」



「你咪係之前崔翼望想捉嘅細路！？」阿淵同樣驚訝。

薯仔妹 2018-12-16 15:31:02 樓主勤啲出文

:^(

一日得一兩篇唔夠睇

發條橘子 2018-12-16 22:56:24 無問題

:^(

白色機械人 2018-12-17 00:16:22

:^(

:^(

:^(

莫山山 2018-12-17 12:36:27 加速

:^(

:^(

:^(

:^(

之前咁耐冇出，仲唔加速

:^(

發條橘子 2018-12-17 14:16:00 「點解你又會喺呢度？」Peter疑惑。



「呢度係我整出嚟，點解我唔可以喺度？」阿淵回話。



「呢度係你整出嚟？！」



「係呀，之前完成咗極樂，無聊就整多個RPG世界出嚟，我仲整埋啲武器喺度，力盡完善，見你地玩得咁開心，我都老懷安慰。」



「咁即係呢啲人都係你放入嚟？」



「吓，佢地唔係你朋友咩？」



「緊係唔係啦，佢地追殺緊我喎。」



「竟然係咁？！好啦，你放心交畀我。」說罷，阿淵便從口袋拿出了一條短柄。

發條橘子 2018-12-17 14:17:03 「呢舊嘢....有咩用....」Peter不明其用。



「睇我表演啦。」阿淵按了短柄上的按鈕，柄口就伸出一道激光，猶如星球大戰的現實版。



七人看見阿淵的激光劍，都甚是詫異，更多的是驚恐，何等人物方能使用這種寶物，對阿淵不敢小覷。



一劍揮去，把七人手上的長柄武器都砍去一半，他們立即嚇得屁滾尿流，逃之夭夭。



「唔該哂你....」Peter向阿淵道謝。



「嗰班人係咩事，無啦啦會走嚟呢度。」阿淵看著逃跑中的七人。



「我都唔知，聽啲同學講佢地好似叫「七色極光」。」



「「七色極光」？！個名又幾有型喎。」阿淵接著說：「咪住先，你啲同學？咁多人都開始連夢咩？」



「我都好驚訝，如果唔係誤打誤撞入咗嚟，我諗有排都唔知呢件事。」Peter回話。



「如果越嚟越多人連夢，件事唔知會發展成點，有少少擔心......」



「要唔要叫埋其他人一齊商量下？」



「都好，人多好辦事，搞清楚咩事先再決定點做。」



然後，他們便相約大家在Peter學校附近的那間炸雞店見面。

發條橘子 2018-12-17 14:51:14 「人齊未？」阿淵問。



總共四人，坐在以往熟悉的卡位。



「um…..應該就齊啦。」Peter回答：「阿蓮要翻工嚟唔到，Hugo因為就快考試所以想專心溫書唔過嚟。」



「所以呢度就有我、Marla、Peter同埋呢位仁兄係？」Gary說。



「我叫史蒂夫‧淵，叫我阿淵就得。」阿淵穿起一身潮牌，上身以Supreme為主，下身就是一條EVISU牛仔褲。



「第一次喺現實見到你，感覺好微妙....」Peter說。



「啊！我記得你好似喺崔翼望嗰班人其中一個！」Marla驚訝的說。



「係呀....不過我已經冇幫佢做嘢，而家喺新極樂幫手。」阿淵看了看其他人，然後問：「唔見上次嗰個蛋撻頭嘅？」



「喔，佢就係Hugo，佢要專心溫書，所以唔會參加今次討論。」Peter回話。



「咁可惜，佢咁聰明應該幫到我地唔少.... 」阿淵明顯有些失落。

發條橘子 2018-12-17 15:21:52 「唔緊要啦，我例哂啲問題出嚟先，真係解答唔到嗰啲先再搵佢幫手。」說罷，Peter便拿出他那本陳舊的筆記本：「首先，點解最近會有咁多陌生人連到入夢？」



「係呀，呢個我都想問，之前Hugo唔係講過要諗埋Peter先可以成功連夢架咩？」Gary問：「佢地話Peter係構成呢個夢嘅伺服器，咁Peter有冇察覺到啲咩？」



「我其實冇咩特別感覺，如果要講感覺最強嘅話，應該喺我入夢殺牙俊嗰次，嗰時真係好似要乜有乜，隨心所欲，夢世界根本就喺為自己而設嘅感覺。」Peter接著說：「但自從畀崔翼望捉完之後，嗰種感覺已經接近消失。」



「講起呢件事，究竟幫我地捉住崔翼望嘅人喺邊個？Peter你上次好似講過喺你嘅.....哥哥？」Marla小心地在Peter面前提起哥哥二字。



「嗯...我醒翻之後第一眼見到嘅人就喺哥哥，佢話佢送我嚟醫院，不過我唔知係咪瞓得太耐所以有幻覺....」Peter一想起哥哥眉頭便緊皺：「冇理由嗰個已經死咗嘅哥哥....」



「其實你係咪確定佢死咗架？」Gary繼續問：「之前嘅黑衣人，同埋喺夢入面追殺你五年，點諗都有可疑，個夢如果係死人又點會連到入去？」

薯仔妹 2018-12-17 15:48:09 push

發條橘子 2018-12-17 16:05:48 「其實你係咪確定佢死咗架？」Gary繼續問：「之前嘅黑衣人，同埋喺夢入面追殺你五年，點諗都有可疑，個夢如果係死人又點會連到入去？」



「咁假設佢冇死嘅話，點解佢要追殺我？以我識嘅哥哥，唔會喺一個壞人，佢冇理由唔搵翻屋企人，仲要不斷殺我奪取我嘅嘢。」Peter說。



「佢想奪取嘅，會唔會係某一樣對你唔好嘅嘢？如果佢唔係壞人，不斷殺你一定有佢嘅原因。」Marla說。



「某一樣對我唔好嘅嘢....？」Peter苦苦思索，想到了一個解釋：「佢可能想幫我攞走血友病！呢個病由細纏到我大。」



「咁所以佢追殺你就想攞走你血友病，但可能因為某啲未知原因而要暫時假死？」Gary說。



「唯有係咁解讀.....」Peter回話。



「關於呢件事...崔翼望都係畀過Peter嘅相我地睇，我地先可以成功入夢，雖然唔知佢點知，但可以推斷新一批入夢嘅人係睇過Peter嘅相，或者透過某種媒介連入夢。」阿淵推論。



「我可以肯定佢地冇見過我，如果唔係琴晚嗰七個人都唔會唔識我，所以後者說法會更合理。」Peter說。



「其實我聽過班上同學講，佢地曾經喺街見到一個奇怪標誌，嗰晚就發咗個怪夢。」Marla再說：「而家我嗰班都流傳緊，話要唔知經過咩特別儀式先會發到怪夢，但最後都要見翻個標誌先得。」



「吓！連你地學校都開始有人入到夢？到底有幾多人知道呢件事....」Peter感到詫異：「咁佢地有冇講過個標誌係點？」



「佢地好似講過」Marla回答。



「咁奇怪？我地可能要去搵下個標誌，我始終覺得咁多人知，大家係夢入面互相廝殺搶奪都唔係好事，盡量都要移除。」Peter再提意：「我地都要搵出邊個整呢啲標誌出嚟。」



「好，咁呢件事就有待調查。」阿淵說。



Peter把這次會議的重點記錄在筆記本上，看著這本筆記，也想起Hugo曾說過黑衣人也是用同一款，在商討過後，發現哥哥仍生存的機會很大，心裡便更渴望調查一切，得到真相。

發條橘子 2018-12-17 16:29:04

「吓！連你地學校都開始有人入到夢？到底有幾多人知道呢件事....」Peter感到詫異：「咁佢地有冇講過個標誌係點？」



「佢地好似講過喺係逃生牌上面。」Marla回答。



「咁奇怪？我地可能要去搵下個標誌，我始終覺得咁多人知，大家係夢入面互相廝殺搶奪都唔係好事，盡量都要移除。」Peter再提意：「我地都要搵出邊個整呢啲標誌出嚟。」

發條橘子 2018-12-18 15:57:48 四人會議解散後，阿淵和Gary都另走別路，剩下Peter和Marla一同回家。



「估唔到哥哥佢有機會仲生存緊....」在路上，Peter和Marla開始聊天。



「係囉！我諗佢唔露面嘅原因都有可能係為你好。」Marla說。



「.......希望佢真係平安啦。」Peter看一看哥哥當年送給他的手錶，倏然想起：「啊，係喎。」



「咩事？」Marla側頭疑問。



「呢個，我送畀你啦，多謝你上次救我，呢件嘢整得太多時間，所以而家先畀你，希望你鍾意啦。」Peter從書包拿出一件木雕公仔。



那木雕是一個小吊飾，形象是怪獸公司中的毛毛。

發條橘子 2018-12-18 15:58:53 「嘩，你自己整架？」Marla對這件木雕甚是詫異：「好靚呀，唔講仲以為出面買。」



「你好誇張呀！我覺得整得唔係咁好架咋....」



「即係你覺得唔好都照送畀我嘅～」



「咁....咁又唔係....諗住擺咗咁多心機....你又鍾意呢個角色....」



「係喎，你又知我鍾意毛毛？」



「um…..之前見到你whatsapp張icon係抱住毛毛公仔，咁咪估你鍾意，啱唔啱先？」



「都算你估得啱啦～嘻。」Marla對著這木雕報以一個甜美笑容。

發條橘子 2018-12-18 15:59:52 Peter看見Marla喜歡自己送的手工，心裡非常滿足，經歷過不可勝數的冒險和相處時間，他對Marla早已牽上了萬縷愛意，只可惜仍是覺得自己襯不起這種優異女生，那一絲絲的自卑感湧上心頭，把原本高興的情緒沖淡。



「其實你知唔知我第一次係夢見到你嗰陣，係覺得你好似毛毛架？」Marla停下來對著Peter說。



「吓....唔知呀.....點解會似？」



「因為你都好似毛毛喺怪獸公司套電影咁，由道門出嚟，而且仲搏哂命咁保護我...」



「我記得，畀道友明追殺嗰次....」



「所以.....你知我鍾意毛毛架係咪？」Marla雙眼柔情似水，臉頰微紅的看著Peter。

發條橘子 2018-12-18 16:15:38 「我知呀！件木雕我用咗好多心機整架！」Peter接著說：「仲有Hugo同Gary份禮物都未諗好，不如你幫手一齊諗？」



「哼。」Marla對於Peter的遲鈍，感到有點生氣的快步往前走。



「做咩呀？你唔想幫手諗都可以架。」Peter伸出手拉住了Marla。



Marla注意到Peter的雙手貼滿了膠布，應該是為了自己的禮物而破損，瞬間就氣意全消。



「好啦好啦，咁你有冇咩想送畀佢地？」Marla問。



「我諗住都係送手工嘢畀佢地...但男仔可能唔鍾意呢啲...」



「點會呀，你整得咁靚，收到實會好開心。」



「真係？不過我都仲未諗到整咩好。」



「我幫你手一齊諗啦～趁得閒而去買埋料～」



於是，他們二人便前往美術用品舖購買材料。

發條橘子 2018-12-18 16:17:14 「終於都買好哂～」Marla說。



「係囉，估唔到咁快就搞掂。」Peter回話。



「時間仲早，不如搭多幾個站去海旁行下先？」Marla提議。



「又好啫，我都好耐冇行過海旁。」



地點轉移到了一條長長的海旁，時間正值黃昏，金澄澄的光輝映照在走過的每個人身上。



「呢度真係好靚。」Peter看著夕陽說。



「我都覺。」Marla想起一個疑問：「話時話，點解你會鍾意做手工嘢嘅？」



「um…..」Peter又看一看手腕上的手錶：「我諗都係關哥哥送畀我嘅呢隻錶事。」



「呢隻錶？」



「每次見到佢，我都覺得一件咁細嘅嘢都可以蘊藏住無數咁多心思，而且佢地仲可以由人手親自做出嚟，明明有啲零件直頭同人嘅手大細相差幾十倍。」Peter繼續解釋：「每次一諗到呢點就覺得好神奇，所以好想試下做出嚟係咩感覺，呢件都係我一直想做嘅事。」

發條橘子 2018-12-18 16:19:03 「喔.....原來係咁....」Marla看著Peter認真解釋的樣子，心中不禁泛起一點點漣漪：「之前見你投擲咁叻，仲以為你係打開籃球。」



「嗰個原因其實都幾搞笑，係因為我平時上中文堂太無聊，玩射垃圾桶而練成。」



說到為甚麼不選擇自己擅長的東西去發展，Peter自己也不太清楚，也許投擲這玩意到底只是因無聊而練成的技能，做手工才是自己真正想做的事，堅持自己的想法就是Peter嘗試的原因。



「哈哈，咁你上堂都真係幾無聊喎！」Marla笑得開懷。



「喂！喂！喂！喂！喂！咁多位觀眾埋嚟睇下！」一位披頭散髮，皮膚蒼白，眼上掛著憂鬱八字眉的男子正在海旁表演魔術，人群也漸漸開始聚集。



「咦，好似有表演睇啵。」Marla拉著Peter走過去八掛。

發條橘子 2018-12-18 16:20:58 「睇住唔好眨眼啦！」那男子右手上拿著一個鐵籠，鐵籠中放著白鴿，以白布蓋著，用來遮住那隻鳥。



啪—！



他左手大力一拍，鐵籠被他壓扁了，一滴滴鮮血從白布上流下來，圍觀的群眾都嘩然起哄，指責他借魔術名義公然殺害動物，有與家長同行的小孩更被嚇哭。



「啊啊啊，又失敗咗，連魔術都衰埋添。」咻的一聲，他用左手把白布扯開。



看見鐵籠中的真相後，群眾起哄聲變得更誇張，因為原來被壓破的不是白鴿，而是那男子的手掌，他把自己的右手手掌放進了籠中，場面瞬間變得血肉模糊，純白的布被他的血染得鮮紅。



「喔，原來隻雀係到。」男子在衣服中拔出一隻白鴿，他喜悅並望看人群時，卻發現他們早已因為被這個看似病態的人嚇怕而散去：「唉，最後都係大失敗。」



「呢個人好奇怪....」Marla在Peter耳邊悄悄說話：「我地都係快啲走啦。」



「你地鍾意海旁陣海水味，定係落雨之前嗰陣雨水味？」那男子突然向二人搭話。



「.......海水味？」Peter回了他的話。



「我問過好多人，好多人都答我落雨之嗰陣雨水味。」男子坐在地上，右手依然夾在籠中，鮮血如泉湧：「你係第一個答我海水味。」



「.........」Peter心想，現正在海旁，剛好嗅著便不自覺回答了海水味，被他用一種不懷好意的眼神打量全身，雞皮疙瘩都起來。



「我叫楓。」男子問Peter：「你叫咩名？」



「呃.....」Peter越想Peter不對勁，沒有回答便拉著Marla急步離開。



楓見狀便舉起右手，滿臉笑容的揮著：「拜拜，我地下次再見啦！」鮮血被他甩至四周。

大俠唔可以地中海 2018-12-18 16:33:05

:^(

快啲食Marla啦蠢仔

發條橘子 2018-12-18 16:56:55 抵屌！

:^(