Pulsed_Malone 2018-10-12 23:40:50 今晚有冇文？

春泥 2018-10-12 23:47:17 打緊

6kaku9 2018-10-13 00:11:17

:^(

Maelstrom 2018-10-13 00:18:44

:^(

馬騮王孫悟空 2018-10-13 00:22:56 推了一下

林允兒老公 2018-10-13 00:55:57 推

:^(

春泥 2018-10-13 01:02:25 Chapter　１２１　Graduation Dinner

這天，我與自強會的多名幹事一同到了石蔭的寶石冰室吃飯慶祝，慶祝的原因是自強會將要復會了。

早陣子，陳依官與朱思遠向區議員包海瑞救助，原原本本把自強會遭學校滅黨一事告知包海瑞。

包海瑞聞言覺得校方的處理手法非常不妥，於是翌日單人匹馬殺上吳林紫娣找校長。包海瑞質詢校方的處理手法很有問題，希望校方檢討一下之前的做法，校長與老馮知道包海瑞難纏，害怕他聯絡傳媒把事情鬧大，經多個小時的協商，校方同意只要不用自強會的名字，可以讓自強會復會，而且自強會之前享有的福利照舊不變。

飲杯！

我們以凍檸茶代酒，碰杯！

陳依官道：「只係將自強會改做中國詩詞欣賞學會，自強會就可以借屍還魂，唔係，應該叫做涅槃重生先啱。」

尚興國道：「嚟緊你地就會考，應該都唔得閒理自強會啲野住啦？」

陳依官道：「依方面啲野會交畀曾倩儀同你地依啲第二梯隊負責。」

管佳莉道：「太好喇！依家終於雨過天晴，一天都光晒喇！」

楊鳳瑤覺悟，離開了湯仲謀；我們從湯仲謀手上救回布正麗；房侍農洗脫嫌疑，還升職加薪；現在連自強會亦得以復辦，所有事情都已經回復舊觀，一副欣欣向榮的樣子。

此時，我瞥見冰室門外有人晃過，在那一閃即逝的瞬間，那人的面容好像是湯仲謀。

這幾天，我察覺到校內有人跟蹤我，於是我便叫萬季常與朱思遠去探聽一下，他們告知我對方是８座數字幫的門生。

這個信息告訴我二件事：第一，湯仲謀的勢力真的大不如前，所以要讓那些不入流的手下來監視我；第二，看來湯仲謀亦快要出手了，而且很大機會是他親自出手。

「喂！成皇志，成皇志。」

這時，我才發現所有自強會成員的目光都集中到我身上。

我道：「咩事啊？」

楊鳳瑤反問道：「咩事？我地問你咩事先真啊！叫極你都無反應，以為你發生咩事添啊？」

布正麗亦道：「你依排神不守舍咁，搞咩啊？」

「可能…最近成日溫書，溫到個人呆下呆下咁。」

楊鳳瑤道：「三月頭就考模擬試，依排我晚晚都溫到一兩點啊！」

管佳莉亦擔憂道：「我都係啊！睇緊陳依官補習社啲NOTES，先發現原來仲有好多野未溫啊！」

楊鳳瑤等人在擔憂考試的事情，我的擔憂卻是另一回事。

睇書啦喂 2018-10-13 02:24:38

:^(

天才櫻木 2018-10-13 02:46:47 有文好嘢

:^(

房侍農 2018-10-13 02:55:46 要搞到親自出場去冰室監視，孫權應該接近無曬勢力

即是話落手都應該要親自落手，到時我可能幫到手

羽琴 2018-10-13 04:20:27 世事已被看透

ANGEL方家 2018-10-13 06:51:04 你地兩個不如去結婚喇

ckkpar 2018-10-13 08:33:33 正，有文

:^(

房侍農 2018-10-13 09:24:23 佢仲坐緊，結唔到，唯有等

Value_hunter 2018-10-13 09:26:08 仲有咩穿越故好睇

:^(

森林大火鳥 2018-10-13 10:51:23 琴晚有文

:^(

羽琴 2018-10-13 13:38:57 你等我

房侍農 2018-10-13 13:40:40 記得做好菊花護理
無ky 就用牙膏

羽琴 2018-10-13 16:39:29 洗唔洗搽cream？

房侍農 2018-10-13 19:37:25 出到黎我幫你搽ice cream

春泥 2018-10-13 21:54:44 你地真係好感情

:^(

游大輝 2018-10-13 22:07:06 Hehe

:^(

房侍農 2018-10-13 22:52:18 未溝到madam, hehe 住先，之後溝到就轉返入直路

羽琴 2018-10-14 00:05:28 拿 只準你用口呀

春泥 2018-10-14 00:41:46 自從那天在餐廳門外瞥見疑似湯仲謀後，湯仲謀的門生沒有再跟蹤我，可是不安的感覺越來越強烈，直覺告訴我，他快將出手。

我再和房侍農談了一次，房侍農說湯仲謀沒有對我做出什麼不妥的行為，現時他亦拿對方沒輒。

我把從游大輝那裡拿來的追蹤器交給房侍農，道：「游大輝個堂哥幫我改裝咗個手提電話，當我有危險嗰陣，我撳個掣，就會即時向你作出示警，你記住留意，小弟條命仔就交係你手上喇！」

房侍農打量了我一眼道：「阿志，其實你會唔會太過緊張呢？其實件事未必你想像咁嚴重，過咗咁多日，湯仲謀仲唔出手，佢應該放棄咗報仇啦！」

我搖了搖頭，苦笑道：「當日你只係玩過佢一次，佢已經整到你差啲警察都無得做啦！我同佢咁深牙齒印，佢唔搞我，佢就唔係湯仲謀啦！」

房侍農拍了拍我的肩膀，道：「阿志，你放心啦！我唔會畀你有事架！如果佢真係搞你，我實會出手保護你架！」

我頜首道：「咁拜託你啦！」

我寧可湯仲謀馬上出手，總勝過現在時時刻刻去提防他，那種不知他何時出手的心理煎熬，真的讓我很困擾，我希望早日結束我倆間的恩怨，讓我可以專注去應付會考。