春泥 2018-10-6 12:05:41 辛苦佢
要撳咁多下

:^(

春泥 2018-10-6 12:06:20 誰說一定坐正

繼續留意

春泥 2018-10-6 12:07:23 無錯

:^(

春泥 2018-10-6 12:08:24 都可以咁講

春泥 2018-10-6 12:09:37 第一部？

第一部結局係啟後作用大啲

會決定成皇志之後嘅路向

春泥 2018-10-6 12:09:53 Thank

春泥 2018-10-6 12:10:07 多謝關心

發夢王李大有 2018-10-6 13:15:29 好想睇 沙士年代嘅劇情

游大輝 2018-10-6 13:29:14 我都係，沙士果期應該係主權移交後最死氣沉沉嘅時間

韋柏林 2018-10-6 18:38:58 留名房睇房侍農食madam

:^(

房侍農 2018-10-6 21:43:19 志志應該響大學宿舍同布甸瘋狂做愛

森林大火鳥 2018-10-6 23:18:50 第三部會唔會就係2008年香港人對中國人身分認同最高點開始滑落既事

:^(

春巴慢慢寫，最緊要keep住質素
富奸都係慢先磨到hxh咁好

:^(

春泥 2018-10-7 00:10:34 這次我沒有拒絕房侍農的邀請，一同到了旺角的加洲紅。

在加洲紅離開時，已經是凌晨兩點。

我與布正麗一同前往先達，打算乘搭紅ＶＡＮ回石梨。

布正麗笑道：「房侍農仲話自己唱功拍得住鶴佑，點知唱到走晒音，真係笑鬼死。」

我心不在焉應道：「係囉！笑死人喇！」

布正麗瞧向我，道：「成皇志，你係咪著意madam water頭先嘅說話？」

我苦笑地點了點頭。

剛才由三聖村搭的士到旺角途中，水桂麗提及那宗殺警三屍案：由於羅家環、鍾仔涉嫌與數字幫背後有利益勾當，警方初時懷疑數字幫賣兇殺人，找了湯仲謀協助調查。湯仲謀死口不認與此案有關，還找來了時間證人，證明當晚在卡啦ＯＫ消遣，可是買兇殺人，就算有不在場證據，也不能證明他與這案沒有關係。

警方繼續從多方面作出調查，在調查羅家環經常前往耍樂的熊貓酒店，其中一名妓女聲稱是疑兇凌霸的女友，她透露曾向疑兇凌霸透露曾經遭受羅家環與鍾仔的性虐待，凌霸聞言大怒，揚言要對付兩人。

這宗案件由黑幫仇殺突然變成情殺案，可是由於羅家環、鍾仔、凌霸三人經已斃命，警方的調查沒有進一步突破的情況下，只能就此作結。

春泥 2018-10-7 00:10:46 布正麗道：「你覺得依件事關湯仲謀事？」

我點了點頭，道：「我覺得佢指示個殺手，殺死嗰兩個警察，不過我無證據。」

布正麗道：「湯仲謀就算走甩依單案，佢之後都有排煩，因為包海瑞遇襲，警方嚟緊會繼續整頓區內嘅治安，佢地數字幫會係首當其衝。」

「無錯。」

布正麗續道：「不過你都係小心啲好，佢份人好小器，未必就咁放過你。」

我點頭道：「妳都係，上次佢夠膽大街大巷捉妳，我拍佢會嚟多次。」

布正麗道：「上次因為羅家環喺到，幫佢頂住，依家羅家環都死咗，佢邊會仲咁大膽喔？」

我道：「都係小心啲好。」

這次殺警案讓我響起了很大的警號，湯仲謀居然能夠動用殺手去刺殺警察，事後還能夠想出置身事外的辦法。我只是一個無錢無權的普通中學生，就算有自強會和房侍農，亦難以與他對抗，難保有一天，他會按捺不住像對付兩個警察那樣去對付我或者我身邊的人。

以湯仲謀的性格，他不會就此罷休的，加上我一而再，再而三與他作對，我已經成了他的眼中釘，我和他只有一方倒下，才可以干休。

顧琛琛被他害死、他讓房侍農成為非禮案的嫌疑犯、楊鳳瑤差點被人強暴、阿興與自強會的夥伴遇襲、布甸幾乎被他的手下輪姦、我亦因為他進了醫院。

種種的新仇舊怨浮上心頭，如果他不死，他一定會繼續想方設法去謀害我或者我身邊的人，只有他死了，我才可以得到保障。

當我生出要殺死湯仲謀的念頭，我亦對自己有此想法感到震驚。從前我不是沒有恨不得某人快點死去的念頭，可是那都只是一時義憤；然而這次我是很冷靜去分析湯仲謀是有死的必要，如果他不死，我會很麻煩。

回到１９９８，經歷了這麼多，我已經不再是以前的那個我，為了自身的現實需要，那些道德與法規對我的束縛越來越低，只要能夠避免承擔法律的責任，就算是殺人，我也不會覺得是一件什麼大事。

現在的問題變成了如何合法殺死湯仲謀？

此時，我腦海浮現出房侍農一鎗擊斃凌霸的畫面。

沒錯，在香港只有警察才有合法殺人的權利，如果湯仲謀襲擊我，房侍農是有權力合法把他擊斃的。

自斷雙腳 2018-10-7 00:17:08 有文

:^(

房侍農 2018-10-7 00:33:45 我都話我負碌打中囉
你仲想叫我再開多次槍？

派膠後防 2018-10-7 00:34:47 叫布甸引佢去台灣，夾手夾腳殺咗佢跟住即刻返香港

:^(

慳返房幫辦粒子彈

張敬軒(靚仔) 2018-10-7 01:23:13 佢老豆都好似有D權，要殺就殺晒佢全家啦

:^(

游大輝 2018-10-7 02:13:02 隊冧佢然後出公海扔佢條屍去餵魚啦

:^(

成皇志 2018-10-7 02:37:19 我開始黑化

:^(

呂布伊巴謙莫域 2018-10-7 06:07:15 早幾日開始睇 終於live左
知道春巴一定想屌我點解咁遲先睇
但睇在我今日就立即買翻本書份上
一定會原諒我既

春巴真係唔洗急寫作 最緊要係水準
如果作者文章無水準 出得快又點
咪又係垃圾
所以春巴唔好理人講咩
繼續你既步伐去寫
呢一個故真係佳作黎
唔好因爲一d人既意見而降低自己水準

加油春巴

:^(

ckkpar 2018-10-7 07:29:21 有文，推
人愈大，的確愈容易黑化

單吊西3喇 2018-10-7 08:41:12 布甸以身相許未

韋柏林 2018-10-7 09:26:00 幾時食布甸？

:^(

陳依官 2018-10-7 13:02:34 唔通真係黑化？

:^(