Ads
係西環 11:45pm
行行下街見到ar婆推緊自己輪椅。
唔知點解我同佢推望左眼,佢叫我後生仔,幫我推番屋企得唔得。
由電車路推呀婆輪椅推到佢屋企門口推到第三街。 :^(
係外國 滑雪
個friend 帶咗我去一條比較斜嘅雪道
點知我落到一半就失控
成個人飛起再噠落地 連兩塊板都甩埋
我對鞋啪唔返入對板 滑唔到落山
等極都等唔到工作人員
朋友都幫唔掂 結果佢就行先 話落山等我
於是我就一條友 攬住啲gear
慢慢係路邊跣落去
雪山又凍 個身又濕 跣跣下就忍唔住喊 :^(
之後有個鬼仔見到 想黎幫我
嗰下真係好感動 真係好感激佢 :^(
點知搞極對鞋都係啪唔實
鬼仔都係無辦法 講左句sorry 就走咗
我唯有繼續慢慢跣落去
加加埋埋起碼跣左15分鐘
最後我都係頂唔順 停低咗開始狂喊
喊喊下有對情侶停低咗 問我有無事
三個人夾手夾腳 幾經辛苦終於整得返對鞋
聽到隻鞋啪到落塊板度 嗰下我真係喊到七彩 :^(
當其時我又凍 又激動 喊到個人震哂
個男人係前面帶路 女人就係隔離陪住我
叫我唔洗驚 好快就落到山
結果隔左半個鐘之後 我終於係地面見得返個friend
真係好多謝幫過我嘅哥哥姐姐們
救番我一命 令我唔洗自己碌落山 :^(
有一次搭扶手電梯,上緊果時阿伯卡住左對鞋仆返向後,前面個瘦底靚仔想扶住,但瘦削無力連阿叔一齊仆落黎,我心知不秒,如果佢兩個再仆落黎俾D梯邊鏟中夾中就大獲,如果碌唔停就更傷。呢個時候用我識既小小武術,企好個馬,兩掌一推就頂實老人家同瘦底靚仔。如果我無學過武,果次我都傷埋。ps連登仔成日話廢果種武術
另一次係街,老遠見到個小妹妹,佢條裙卡住佢自己背囊,露左底...本來妹妹仔已經行左好遠,但眼見好多咸濕伯父後面跟住佢,就沖去追上去叫住佢。因為再行上一個街口就大街大巷,咁叫住佢唔好陏立即整好條裙。然後就趕返公司,一黎情況又有D懢介,二黎又趕時間
:^(
雨革嗰時 催涙彈第二朝
去藥房買裝備唔肯我哋錢 仲提醒我哋爭咩爭咩
撘的士又係唔肯收我哋錢 仲話香港靠你哋啲後生啦!加油!
之後聽返好多人講都遇過依啲事
真心好撚warm :^(
嗰時真心覺得香港人外冷內熱好撚正 :^(
其實真係好Warm,可惜現在只會比人話係左膠 :^(
Ads
[quote][i]俾幫人[i]
1. 中學返學突然間落雨,我冇帶遮,喺商場門口呆等,突然有個女仔問要唔要遮埋我,原來係傳說中嘅校花師姐,我怕怕醜醜咁講「好呀,唔該你」,返到學校膽粗粗咁問佢攞電話號碼,佢話「如果我下次見到幫其他唔識嘅人先啦!」
2. 返工跟個project,都大大地,臨on show嗰個禮拜屋企有事加上氣管炎,成個人可以話癱瘓咗,幾個同事極好咁幫我將之前所有準備砌好佢,仲幫我modify埋,最後份project靚靚仔仔咁完成,佢地直到老細嘉許我嗰陣都冇衝出黎邀功,當然我事後有同老細講返多得佢地幫手先搞得掂,最後做咗好兄弟,依家事無大小都拍住上。
[i]幫人[i]
1. 上回講到嘗試問校花攞電話,但係校花話要俾佢見到我幫陌生人先考慮,就喺同一個禮拜,當我喺學校排球場練波嘅時候,有個師妹放學行過,隊友殺波嗰陣誤中呢位師妹,都食得幾應,小師妹當堂爆鼻血,身為紅十字會會員嘅我即刻幫佢止鼻血,仲帶咗佢去校務處搵人幫手,好彩最後冇事。當日練完波之後咁啱撞到校花,佢塞咗張紙俾我,上面寫住8個數字……
2. 話說細個住公屋,隔黎左右都好多老人家,佢地由細睇到我大,當我孫一樣咁錫我,尤其是鄭伯伯同佢老婆,可能係因為佢地冇仔女啦。直到我中四,鄭伯伯過咗身,佢老婆想幫佢搞場好好睇睇嘅喪事,好彩我地有親戚做殯儀業,所以最後以最抵嘅價錢幫鄭伯伯搞咗身後事,我屋企亦都有出咗部分錢(婆婆唔知),而我喺上房當晚就幫伯伯做擔幡買水嘅角色(當係契仔),好等婆婆安心,之後我地屋企同其他街坊都有照顧婆婆。但係幾年之後,婆婆喺夜晚訓訓下覺走咗,身後事都係我地幫婆婆搞,我當時係喊到仆街。[/quote]
無兒無女既老人家有你地陪佢走最後一程 :^( :^(
校花點 :^(
之後我成為咗全校男仔嘅公敵 :^(
有一次撘地鐵,車箱入面好多人勁逼,
我挨住玻璃企,臨關門既時候,
有個大陸男人衝左入黎,
佢一路講電話,又抬頭又咬腰想睇上面個路線圖,跟住個頭差d就挨落我個胸度 :^(
我諗佢都唔係特登既,但明明佢擰轉面就望到對面個路線圖 :^(
我原本想叫佢,但車箱咁多人,我又唔想咁大聲俾人知道,
呢個時候,有個男仔用隻手攝落黎捉住我隔離個扶手擋住左個男人個頭,同個男人講,你掂到人喇!
果下突然好感動 :^(
唔知有冇打到1999 :^(
Ads
試過返工等小巴個陣等等下開始落雨, 但個架小巴要起碼要等半個鐘, 排我後面個女仔無帶遮, 我無出聲咁遮埋佢
女廁試過幾次見到小朋友洗手唔夠高, 洗手個sensor感應唔到佢, 我伸隻手過去幫佢直到佢洗完為止。又見過佢地唔夠高拎紙巾, 幫佢地拎。試過有小朋友廁格無紙巾, 但阿媽係廁所門口等佢, 個小朋友好徬徨我俾左成包紙巾佢。d商場廁所設計可唔可以方便小朋友d雖然有啱小童高度o既洗手盤, 但d廁所放到鬼咁高, 玩野咩 :^( :^(
有次被人幫而家都仲好深刻, 話說當時晨咁早搭巴士去機場, 點知八達通無錢, 銀包得大紙, 諗住搵人唱散佢, 點知個師奶直接俾$4x我話唔洗唱, 我勁唔好意思堅持話要唱, 結果都失敗左, 我入完錢坐返埋位再多謝佢, 點知佢話唔洗多謝佢, 叫我同佢仔仔交換電話, 得閒同佢仔仔(坐佢隔離)出下街做下朋友, 搞到我勁尷尬 :^(
幫人
遮人,扶呀婆過馬路,幫人執野,開門,
易拉架跌左個個掂行掂過會幫手整番好,
比人問路幫佢搵地圖(係日本都比日本人問路,仲3次,我識日文都話幫,最慘係唔識) :^(
地鐵有人倒瀉野主動比紙巾,
見人喊比紙巾,
見人嘔幫掃背,
就連見人地影團體相都會主動問洗路洗幫。
好鍾意幫人,好開心 :^(
更加鍾意令身邊嘅人都去幫人
比人幫
比人遮,比人帶路,
唔識路搭過免費小巴巴士的士。
去旅行唔見鑽戒搵得番,
去機場嘅巴士成個袋漏低(早左個站落)
但係行唔到去機場另一邊,
打番去個巴士司機肯番黎拎個袋再車番我地去下站。
(但係佢其實已經有客離開機場)
去台灣旅行搵旅館帶我搵,無電梯幫手搬行李,
知我無買sim卡借左張比我用,
之後做左朋友。
去日本住hostel,架仔幫手趕走個煩膠法國仔,
仲請我食飯帶我去玩 :^(
香港無759卡,mann卡人地主動借
好多好多!可能太長,
希望可以人人都行多少少唔好咁多怨恨咁計較 :^(
去到錦上路同荃灣西中間 因為焗得滯暈左
斷左片幾秒 有人幫我撳左鐘話有人暈左
又有個姐姐踎低問我有冇事 仲係荃灣西陪左我一陣
佢話佢做護士既 話佢唔趕時間
我唔記得有冇多謝到你 好想係度多謝番你
另外一次被人幫係上年番工 冇帶遮
係長沙灣落車跑左幾個街口 成個人濕哂
有個女人係最後一個街口話遮埋我
幫人就有係中學個陣遮左兩個師妹番學校
同埋係長沙灣地鐵站幫左個搵唔到路
差啲上左地面既視障人士落番月台
但我唔記得左佢唔慣行得快 一手拉左佢行