Ads
用咗大半日終於追哂post 巴打好有心 :^( :^(
睇完好似對陶淵明同佢啲作品有新嘅認識
特別係篇歸去來兮,當年中學讀就算睇咗語譯都唔明點解篇嘢咁重要,重要死背,對佢完全冇好感。
今日睇完先明白原來當年睇少咗佢 :^(
拎佢去練下字先 :^(
巴打遲下會唔會講下詩經覺得詩經用字同詞都好靚,但就唔係好明 :^( :^(
期待巴打新post :^(
:^( :^( :^(
多謝絲打特登抽左咁時間睇文
同埋你嘅支持
其實中學課程好多嘢都係為左考試
搞到本身應該傳遞嘅知識支離破碎左
好多嘢我地都唔會明點解會出現點樣變化出黎 :^(
我諗,有時專精一兩位文學家,反而可以慢慢累積基礎
令以後見到古詩古文都有個底,易讀好多 :^(
呢個亦都係我講落去嘅方向
絲打寫完字不妨放上黎分享 :^(
詩經其實都幾好,會列入之後嘅清單
古詩之源,係值得講嘅 :^(
我都覺中學課程讀古文每個作者講少少好支離破碎,猶如走馬看花既旅行,完全唔能夠給予學生任何興趣,甚至帶點厭惡性 :^( :^(
不過礙於公開試既短期需要,比學生了解深博既古典中國文學既一麟半爪,雖然有點片面、聊備一格,不過總好過零了解、零傳承,不致於完全湮沒 :^(
又要操卷又要計分又有標準答案
我以前係好唔鍾意呢種嘢
個感覺同緣袖子好似 :^(
真正嘅學習好多時都要跳返出黎
有時課程唔好但老師好
都好足夠
可惜香港有心嘅老師都唔算多 :^(
中學課程好多都係半桶水教學,機械式講課,搞到好多學生都提唔起興趣 :^(
我都係自己去睇書研究古典文學(因為我只係修現代當代文學),不過好多都係唔明 :^( :^(
所以好感謝樓主
:^(
問征夫以前路,恨晨光之熹微
陶淵明講後記
唔經唔覺,已經到左第一講完結嘅時候啦 :^(
用陶淵明做主題,十五篇文
其實講到一半,我已經覺得用陶淵明係好好嘅入門
至少我地都叫聽過佢個名啦,叫熟熟地 :^(
佢又對後世影響好大,樹立左好多文學傳統
以前我成日問:佢算唔算偉大嘅文學家 :^(
係我講桃花源記果陣,就搵到答案,佢係當之無愧嘅 :^(
老實講,係之前我唔算好鍾意陶淵明 :^(
有老師同過我講,當你到左中年,就會睇到好感動架啦! :^(
文學嘅閱讀,離唔開我地嘅人生經驗
因為我地係以成世嘅經歷去感受文學
但係除左呢種本身個底夠勁嘅閱讀,係咪可以有另一種方法呢 :^(
如果佢地係咁嘅:
豐厚之人生經驗>閱讀文本>生出許多感慨、思考>化之為文
我地呢種普通人係咪可以咁:
人生經驗不足>參考旁人的看法>閱讀文本>搵到屬於自己的感受 :^(
陶淵明係一個好豐富多面向嘅文學家
正如好多巴絲打提出會唔會講埋邊首邊首作品果陣
就係證明左陶淵明仲有好多作品值得睇 :^(
但文學係談不盡,我相信跟住談過嘅作品
大家已經對陶有一個基本理解,可以用呢條鎖匙入門 :^(
:^(
《論語》:「夫子之牆數仞,不得其門而入」。
人生最徬徨無助嘅時候,通常係知道自己想要咩嘢,但又搵唔到門口行入去
教科書支離破碎嘅知識,成日比到我地睇咩係文學之醜
而唔係比我地見到咩係文學之美 :^(
文學離唔開人,一個又一個驚世嘅文學家,先係核心 :^(
透過認識佢地,一篇又一篇嘅作品,先可以深入文學 :^(
呢一道門,或者唔係最好嘅
但我保證,呢一道門,永遠為有心人而開 :^(
《歸去來辭並序》:「問征夫以前路,恨晨光之熹微」。
我直接開左個Blog黎放文,方便自己又方便人地:
http://deliver90.blogspot.tw/
之後嘅前路係:
1.每逢星期日係呢邊更新古典文學入門post :^(
2.再開一post,暫時未定主題 :^(
3.唔定期嘅文藝短評 :^(
晨光雖然好微弱,卻能照亮斗室,假如你願意擘大隻眼嘅話
總之,廢話唔再講啦
希望各位巴絲打繼續支持啦!
:^( :^( :^(
拉登目前最高質一post :^(
Ads
想問問月影巴
你篇文太長
不如我直接開一篇放係blog到
你寫得咁好應該留返低比人睇睇
唔知你介唔介意 :^(
可以呀! :^(
咁我改少少野先 :^(
多謝巴打
最好諗埋個標題 :^(
想問問月影巴
你篇文太長
不如我直接開一篇放係blog到
你寫得咁好應該留返低比人睇睇
唔知你介唔介意 :^(
可以呀! :^(
咁我改少少野先 :^(
多謝巴打
最好諗埋個標題 :^(
領遊桃花源
首先標題桃花源,當中的源有起源、事物的根源之意,可理解為文章主要講述桃花源這種境界的起源由來。
整首精煉簡潔易明,表達出陶淵明對生命真理的感悟,再道出人從俗世進入理想嘅過程和必需嘅條件。係一步步前進;係一種個人內在嘅境界。而結構起又成為桃花源,也就是陶淵明所描寫嘅桃花之處。文章前部分係一個生命過程,中間係一種理想狀態嘅和生活方式,後兩句以例子引證開首提到的說法,有首尾呼應之意。
一開始,「緣溪行」當中緣字,有沿著順住之意,推而解為不能強求。加上前文後理,有順著生活而行,而且有必然發生的感覺,是每個人都會經歷到,是一種命運。每人都必然在人生中有機會遇到桃花源,但遇到又是否能進入呢?
「忽逢桃花源」,忽有忽然突然之意,是不可預料的,是突如其來。逢解相遇已帶正面感情,古有酒逢知已、落花時節又逢君;今有人逢喜事精神爽、適逢佳節等,引申出有樂於迎接之意。所以你是樂於遇見且歡迎這種真實進入生命裏,但你並不能刻意和主動去接觸。這就像問人生意義、真理一樣,每人答案都不同,也沒有正式客觀的答案,像陶淵明就是認為要捨棄世俗思想煩苦,脫離掌權者社會才怡然自樂(這也是他開始田園生活原因之一)。所以答案是順着命運而來,突然遇上,需要自行體會,而當認知到答案後就要理解到如何實行和融合到生命中,也說明了下一個重點捨棄,
「便舍船」是捨棄。是捨棄一個以捕魚為業的生財工具,也代表捨棄職業、社會價值和地位;世俗所賦予的精神和價值觀。這裏說明了要進入「真」是要脫離世俗一切煩苦,也表明文中末段最後二人為何找不到桃花所在之處。 這裏說的捨棄並不是一切,而是非生存必須、會受時間影響價值的事和物,金錢地位是非對錯等。這當然對人身心有極大影響,特別備受時間考驗。
「初極狹」,狹是環境所形成的壓迫,有不舒展受壓迫之感,推解為環境極困身、難受。「 纔通人」,纔解僅僅,僅僅通過一個人,因此無人能與你共行、理解你,隨之產生巨大的孤獨感。而你只能去觀察超然的前人和俗世的後人,並成為兩者之一。整句推解出捨棄一切後會因環境改變而極為痛苦,你會成為孤獨一人,因為你已非俗世。然而忍受這黑暗洞穴,學習並實質應用過後,就會豁然開朗。
這裏的豁然開朗是一種境界,是融會貫通才得到的一種心境。注意的是陶淵明描寫之後所得的理想地並非酒池肉林、絕色美女,而是相對平實的良田、美池,景觀也只是桑、竹之屬。這種平實安穩就是陶淵明的理想地,也是他的選擇。整段都是他心目中理想生活的投影。
之後主要表達陶淵明理想世界的表現,不存在並且不需要權力和執政者,人與人之間是充滿互信和無私分享的心。桃花源不知朝代交替之事更表現出陶淵明懷疑政府存在於社會的價值和定位。而村人對朝代交替皆嘆惋是寄託著陶淵明對戰爭的感情。而在村裏的各位一而再邀請漁夫回家款待,顯示出無私的心。而且面對這突如其來的外人不但讓漁夫逗留,在離去時也只交付數句説話,並沒有其他動作,是充分的信任。這一切都是陶淵明的桃花源。
最後就是漁夫回去路上時處處做標記,但當太守派人再去時已經找尋不到桃花源處。這說明不能依照別人的方式去尋找桃花源,就算指導也得不出答案。而且不能指派他人,因為是要依靠自身去相遇再理解,期次是太守身負權力,有違桃花源存在的根本。而南陽劉子驥,是一位品德高尚之士,但也找不到。主要在於心態上,他太刻意去尋找,有違桃花源的緣和忽逢。
整篇文章道出陶淵明的人生哲理,但非教化之意,純粹寫下生命真理之義。利害在於他只是在舒發個人的生命感悟,隨興寫下,哪有想到成了千年過後的名作,更成了香港中學生必讀之作。
Ads
少無適俗韻 性本愛丘山 誤落塵網中 一去三十年
初中個陣讀到歸園田居 頭呢幾句已經感覺到佢幾咁豁達 :^(
呢篇係典範之作
太出名無講到
大家得閒可以自己睇睇
應該唔難明 :^(
巴打識嘢
巴打提到陶生部分作部存在多向詮釋既成分
有D野我諗唔通
多向詮釋其實係點發展出黎??係唔係源自作者寫作動機?
I.e., 係作者有意留下伏筆,提供多元既想像空間?定其實係無心插柳,後人ff所產生?
而作品中出現多向詮釋既可能,如果作者處理不當,就容易令人感到作者唔夠嚴謹、疏忽
而文學既多向詮釋係現代文學似乎唔流行?因為作者多數鍾意將主題定型,就好似只有一套model answer 一樣,通常只有一種(主要)解讀
中學課程好多都係半桶水教學,機械式講課,搞到好多學生都提唔起興趣
我都係自己去睇書研究古典文學(因為我只係修現代當代文學),不過好多都係唔明
所以好感謝樓主