毛豆腐
2017-1-15 23:00:22
敗走既奧軍第一軍團向南撤退,嘗試同其餘奧軍會合,面對普軍既步步進逼,軍團元帥甚至上報皇帝法蘭西斯.早洩夫一世(Franz Joseph I),表示完啦好嗎,但係皇帝嚴令繼續戰鬥。與此同時毛奇成功預測奧軍會撤退到易北河,喺易北河附近嘅康尼格雷茲追蹤到敵軍,於是命令所有軍團全體進攻,著名既康尼格雷茲戰役(Battle of Königgrätz)正式開始。
好彩普魯士入面仲有個人,由始至終都反對戰爭,諷刺既係,嗰個就係第二軍團司令王太子,俾斯麥於是借王太子把口,成功勸掂威廉一世議和。於是喺開戰後僅七星期,普奧兩國簽訂布拉格和約(Peace of Prague)。奧地利宣佈解散日耳曼邦聯,並放棄成立或加入未來可能出現嘅統一德國。普魯士作為大贏家,得以完全吞併漢諾威、石勒蘇益格-荷爾斯泰因,以及法蘭克福同埋萊茵蘭諸小國,其後普魯士將北德剩餘既邦國,組隊建立北日耳曼邦聯(Norddeutscher Bund),而巴伐利亞、符騰堡及巴登等南德諸國,就被排除在外。由於薩克森冚家齊來幫奧皇,所以奧地利強調普魯士必須保證佢既獨立,但係之後薩克森為咗外交利益,都係加入北日耳曼邦聯。與此同時,一個到今日仍然存在既國家得以獨立,小弟講都費時講啦。