1912年7月中,西藏由達賴十四世領導下,打算脫離中華民國控制,袁世凱下令組成西征軍入西藏平亂,8月底,大軍到達西藏邊緣,隨時預備入藏,但呢個時候,大英帝國北京駐華公使朱邇典(Sir John Newell Jordan,1852-1925),向北京政府提出嚴正抗議,聲稱中華民國不得干涉「西藏內政」,否則大英帝國將不承認中華民國政治身份,袁世凱迫於英國壓力,9月下令入藏軍隊停止前進,川滇軍人入藏平叛功虧一簣..........
♉溫故知新,尋晚響Netflix重溫計2013年烏克蘭民主運動嘅紀錄片《Winter on fire》,如果大家未睇過就一定要睇下,記得兩三年前,第一次睇,睇見烏克蘭防暴警察毆打示威者打到頭破血流,自己心裏覺得呢啲事唔會喺香港出現,但轉眼間,一切如畫面重播響香港發生。最後烏克蘭人民能夠選擇自己行嘅路,香港人可唔可以做到?到這一刻我並唔知道,亦冇辦法預視。
1912年8月,有幾件重要嘅事發生,第一,袁世凱聘用咗英國人莫理循(George Ernest Morrison,1862-1920)為政治顧問,莫理循係一個傳奇人物,佢係一位醫生,亦都係一位記者。有興趣嘅朋友可以搵吓佢嘅資料讀讀,之後袁世凱洪憲稱帝,亦將「王府井大街」改名為「莫理循大街」,你就知道呢個洋人對袁世凱有幾咁重要。